|
|
|
 Re: عيب و الله عيب: شَكَل الناس الكبار و كمان � (Re: محمد عبد الله الحسين)
|
الغريبة إنه الناس في المنبر عندما يختلفوا و تصل لمرحلة الشكل و بدل واحد يبقى أحسن من التاني ...لا.
يستمر كل واحد في إيذا الآخر و التنكيل بيه و كأنه بينتصر لنفسه.
لكن في الحقيقة هو بيزيد غرقا في الوحل ..و ما تظهر منه إلا الصورة القبيحة و الكلام الأقبح
و بدلا من أن يكتفوا بأن ينتقلوا للخاص تظل المعركة في العلن.
لأ..و كمان يفتحوا بوستات جديدة..
لا..و كمان يدخل مناصرين من هنا و مشجعين من هناك بدل يدعوا الطرفين للتراجع يزيدوا النار حطب..
| |
 
|
|
|
|
|
|
|
|
Re: عيب و الله عيب: شَكَل الناس الكبار و كمان � (Re: محمد عبد الله الحسين)
|
.و الله ما أشاهده في منتديات السودانيين من معارك (بغير معترك) ما بشوفها حتى عند الناس النحن شايفين نفسنا أحسن منهم..
و الله دي مشكلة السودانيين ما بيفلحوا في شيء إلا الاختلافزز
يستحيل تلقى نفرين متفقين على طول أو بيختلفوا بأدب و احترام
لاحظوا في السياسة كم واحد إئتلف و كم واحد إختلف و في الفن و الشعراء
تاريخ طوييل من الشكل و النبذ و ساقط القول و كأنه ده بيرفع قدر الواحد فينا.
قال علي بن ابي طالب: المرؤ مخبوء تحت لسانه..أي الإنسان لا ىتعرفه حتى يتكلم.
| |
|
|
|
|
|
|
|
|
|
Re: عيب و الله عيب: شَكَل الناس الكبار و كمان � (Re: محمد عبد الله الحسين)
|
و اله نحن بتاعين كلام بس و نفخة كذابة و إدعاء كاذب..
و عدم احترام الآخر و محاولة اغتيال الشخصية و مرمطته و بشتنته دي أهم صفاتنا لما نزعل..
ما بنقدر نسيطر على نفسنا..
طيب يا خ عندكم الخاص اتنابذوا فيه لمن ربنا يغفر ليكم و استروا نفسكم و ارحمونا نحن..
و الله خسارة التعليم و المناصب و الألقاب..
ياخ نحن ناقصين؟
ذنب المنبر شنو ..في مجرد كلمة أو عبارة نطق بيها واحد ما عنده أسلوب يدفع تمنها الجميع..
عيب و الله عيب!
| |
|
|
|
|
|
|
|
|
|
Re: عيب و الله عيب: شَكَل الناس الكبار و كمان � (Re: محمد عبد الله الحسين)
|
والحال يا محمد عبدالله هنا أفضل بكثير من غيره, زمان كان في منتديات تنشأ مخصوص للنيل من شخص او جماعة وليس بها خطوط حمراء و الكلام كله في الاعراض و الذمم و السمعة
الحمدلله اغلبها اختفت عن الساحة ما كان يجري فيها ساقط بشكل لا يصدق, ما اثار حنقك هنا بالنسبة له قمة الأدب
ومن ناحية أخرى لو دخلت منتديات جنسيات أخرى خاصة الشوام و المصريين ستصدمك الالفاظ المستخدمة و سهولة جريانها على المفاتيح
مهما كان لا ندعي الكمال لكن مقارنة بغيرنا الحال افضل بكثير
| |
|
|
|
|
|
|
|
|
Re: عيب و الله عيب: شَكَل الناس الكبار و كمان � (Re: محمد عبد الله الحسين)
|
دائماً دي بتكون المحصلة لما الناس تخلط بين مناقشة الأفكار والشخوص!
أتخيل لي اي زول لو قعد مع روحه برواقة بعد ما ياخد إجازة من المنبر ويرجع
بعد فترة حيلقى نفسه بقى بارد ولما يراجع مداخلاته العنيفة غالباً حيشعر بأسف
وربما يعتذر عنها، او هكذا أظن!
تعرف مرات لما اكون فاضي يا محمد برجع اقرأ بوستاتي قبل عشرة سنين
في المكان دا عشان اشوف كنت بكتب شنوا؟؟ صحي معظمها كانت بتناقش
مواضيع وهموم جادة لكن بستغرب من سذاجة ردودي الغاضبة في كتير من
بوستاتي الاولى خاصة لما اي زول يتخاشن معاي او اظن بانه كلامه مستفز!
حقيقة شعرت بأسف شديد على الردود العنيفة الكتبتها وندمت عليها جداً، لأني
كنت قادر تماماً على عمل ردود أفضل منها بكتير تهتم بالموضوع وتتجاهل ما
كنت اظنه مستفزاً حينها!!
نفسنا الإنسانية دي تعقيداتها كتيرة خلاص! :)
| |
|
|
|
|
|
|
|
|
|
Re: عيب و الله عيب: شَكَل الناس الكبار و كمان � (Re: Ahmed Alim)
|
الأخ ود البشرى:
الأخ ود البشرى
كيفك يا صديق؟
مالك طولت الغيبة؟
اقتباس:
(..هنا أفضل بكثير من غيره, زمان كان في منتديات تنشأ مخصوص للنيل من شخص او جماعة وليس بها خطوط حمراء و الكلام كله في الاعراض و الذمم و السمعة
الحمدلله اغلبها اختفت عن الساحة ما كان يجري فيها ساقط بشكل لا يصدق, ما اثار حنقك هنا بالنسبة له قمة الأدب ..)
و الله يا خوي اكان كدي نحمد ربنا و نسكت ساااكت..
...و لسان حالنا يقول:للأمام سر
و تسلم يا صديق
| |
|
|
|
|
|
|
|
|
|
Re: عيب و الله عيب: شَكَل الناس الكبار و كمان � (Re: محمد عبد الله الحسين)
|
الأخ أحمد
تحية طيبة
اقتباس:(
دائماً دي بتكون المحصلة لما الناس تخلط بين مناقشة الأفكار والشخوص!
أتخيل لي اي زول لو قعد مع روحه برواقة بعد ما ياخد إجازة من المنبر ويرجع
بعد فترة حيلقى نفسه بقى بارد ولما يراجع مداخلاته العنيفة غالباً حيشعر بأسف
وربما يعتذر عنها، او هكذا أظن!
تعرف مرات لما اكون فاضي يا محمد برجع اقرأ بوستاتي قبل عشرة سنين
في المكان دا عشان اشوف كنت بكتب شنوا؟؟ صحي معظمها كانت بتناقش
مواضيع وهموم جادة لكن بستغرب من سذاجة ردودي الغاضبة في كتير من
بوستاتي الاولى خاصة لما اي زول يتخاشن معاي او اظن بانه كلامه مستفز!
حقيقة شعرت بأسف شديد على الردود العنيفة الكتبتها وندمت عليها جداً، لأني
كنت قادر تماماً على عمل ردود أفضل منها بكتير تهتم بالموضوع وتتجاهل ما
كنت اظنه مستفزاً حينها!! نفسنا الإنسانية دي تعقيداتها كتيرة خلاص)
و الله يا أخ أحمد اتفق معاك مية مية..أعتقد ده لأنه عندنا حساسية زيادة على اللزوم بالإضافة للتسرع و الحماقة الما في محلها و
و كمان يزيد الطين بلة إذا كانت الإساءة على الملأ.. و عندنا تسرع .و المشكلة إنه الموضوع ما بيكون يستاهل يأخذ الحيّز ده كله..
الم
| |
|
|
|
|
|
|
|
|
|
Re: عيب و الله عيب: شَكَل الناس الكبار و كمان � (Re: جمال ود القوز)
|
الأخ جمال
تحية طيبة
الموضوع مش إملاء
و لكن موضوع بتاع سوء تفاهم أو سوء فهم ..مش موضوع بتاع نقاش ممكن يتغالطو فيه....
و لكن موضوع بتاع انت كده و انت كده ..و يأخذ ثلاثة أو أربعة يوم....
......... و يشارك فيه عدد كبير من الأعضاء و تتوسع رقعة النقاش فيه و الخلاف.
و طبعا بعد ده كله ما بيتوصلوا لي حل و لا في واحد يتراجع أو يعتذر..أو يعفو
يعني زيها و زي أي شكلة أو نقاش بيكون في الخور و الا قدام الدكان..
يعني هو أساسا ده الغرض من المنبر ؟
يعني وقت الناس ده كله يضيع في الفاضيس؟
حاجة بين نفرين بس تاخد كل الوقت ده ؟؟
وين :قل خيراً أو اصمت!
وين ادع إلأى سبيل ربك بالحكمة و الموعظة الحسنة..
وين الأمر بالمعروف و النهي عن المنكر؟
و الله بالجد حاجة ما بتعجب!
| |
|
|
|
|
|
|
|
|
|
Re: عيب و الله عيب: شَكَل الناس الكبار و كمان � (Re: محمد عبد الله الحسين)
|
أهلا بصديقنا محمد
الحجّاز ليهو عكّاز
ههههه
هسع لو جاك واحد وقال ليك:
منو القال ليك الموضوع دا موضوع شخصي ؟؟
دا موضوع مهم وأساسي لانو مرتبط بي كيت وكيت وكيت إلخ من الكيتات....
وإنت بدل ما تقول رأيك في الخلاف المهم والجوهري والأساس والرئيس،
عايز تصل لي نتيجة أنو دا "موضوع هايف"!!!!!
هايف انت،
قوم لِفْ
هههه ههههه
دا مجرد سيناريو .لي "لبطة " محتملة ..........
| |
|
|
|
|
|
|
|
|
|
Re: عيب و الله عيب: شَكَل الناس الكبار و كمان � (Re: osama elkhawad)
|
الأخ أسامة
تسلم أيها الهمام
فعلا الحجاز ليه عكاز
في عكاكيز كتييرة عارف إنها جاهزة ..بس لسه ما جاء الوقت للضرب..و في ناس كلامي ده ما بيعجبهم..لكنها الحقيقة..
يعني لما يكون الموضوع شتيمة و نبذ و شنو رأس لي رأس عشان كل واحد يثبت إنه هو الصاح و إنه عايز يدمّر التاني.. .و الموضوع مش في موضوع عام و مش كمان شتيمة عابرة و بس ..
...........بل موضوع يستمر أيام و يدخلوا فيه ناس يزيدوا الموضوع اشتعال..
أنا لست بأحسن و لا أفهم و لا أكبرمنهم ..و لكن ..تقول شنو
أنا حصل اتعرضت لشتيمة و نبذ شخصي ..لكن انسحبت مش جبن و لا ما عندي مفردات شتيمة ..
........لكن لأنها شيء غير موضوعي و عرفت إنه الطرف الآخر أخلاقه بتسمح ليه يستخدم كل الأسلحة و أنا أخلاقي ما بتسمح لي..فأنسحبت.
مرات كنت باخد على الناس الما بيكتبوا في المنبر و توقفوا من زمن و أصبحوا غائبين أو متفرجين أو بيدخلوا بس للتعليق أو التعزية أو التهانمي..
.......... لكن عرفت إنه بسب مثل هذه المهاترات توقفوا و ليهم ألف حق.
الله يجيب العواقب سليمة
شكرا يا الحبيب
| |
|
|
|
|
|
|
|
|
|
Re: عيب و الله عيب: شَكَل الناس الكبار و كمان � (Re: محمد عبد الله الحسين)
|
يا محمد يا "طوباوي" ههههه
المهم في القصة دي،
انو نشوفها بمنظار آخر:
إذا كان هذا هو مستوى الحوار بين المتعلمين، فما بالك بالأمييين!!
لذلك تسود عندنا الانقلابات العسكرية...
تعرف يا محمد، هدف أساسي فيها، انو تمنع الآخرين المختلفين عنك من التعبير ....
والأخطر من دا،
انو تمّ "ابتذال الحوارات"، والنقاشات،
في مواضيع جد معقدة مثل "الكاونتربوينت"،
وتحويلها إلى مباريات للمصارعة والملاكمة ومصارعة الثيران،
حيث يكثر الهتّيفة ،
وترتفع صيحات المشجّعين المتشنّجين:
اديّهو ، اردموا ، بسْتفوا ، كرّبوا
وأنهي كلامي بقول مأثور،
من عند العبد لله::
طوبى للطوباوييين في السماء،
و"طوبة" للطوباوييين في الأرض
ههههههههههه
| |
|
|
|
|
|
|
| |
محمد عبد الله الحسين
محمد البشرى الخضر
Ahmed Alim
جمال ود القوز
osama elkhawad
فيس بوك
تويتر
انستقرام
يوتيوب
بنتيريست