|
دعواتكم لزميلنا المفكر د.الباقر العفيف بالشفاء العاجل
|
|
 Re: ده تنميط سخيف يا أبوبكر عباس. (Re: Deng)
|
Quote: الحقيقة يا أبا الريش أنا قرأت الجامعة في فترة الديمقراطية
أستطيع أن أقول 90 في المية من أولاد دارفور كيزان أو كيزان إلا ربع |
يا أبوبكر عباس، ما كتبته بقلمك هذا تنميط سخيف، ولا علاقة له بأي نوع من الحقيقة.
فأنا هنا أتسائل!
1- كم عدد أبناء دارفور الذين كانو في الجامعة؟
2- كم عدد أبناء دارفور الذين كانو معك في الكلية التي درست بها؟
3- كم عدد أبناء دارفور الذين عرفتهم أنت في الجامعة معرفة شخصية وعرفت أنتمائاتهم السياسية؟
4-في أخر أنتخابات ديمقراطية بأقليم دارفور كم كان عدد نواب الجبهة الأسلامية ؟
5-وكم كان عدد نواب حزب الامة من الذين كانوا يمثلون دارفور؟
| |
  
|
|
|
|
|
|
|
 Re: ده تنميط سخيف يا أبوبكر عباس. (Re: Deng)
|
حلوة تنميط دي
بعدين الانبثاق لزومو شنو
جيت اسلم بس ..!!!
نعم اغلب ابناء دارفور كيزان في بواكير الانقاذ ودي ما دايره غلاط
بل ممكن تقول الانقاذ قامت على اكتافهم ومجاهداتهم
| |
|
|
|
|
|
|
|
|
|
Re: ده تنميط سخيف يا أبوبكر عباس. (Re: ناصر حسين محمد)
|
Quote: نعم اغلب ابناء دارفور كيزان في بواكير الانقاذ ودي ما دايره غلاط
بل ممكن تقول الانقاذ قامت على اكتافهم ومجاهداتهم |
طيب هل أنت عندك أجوبة على أسئلتي الفوق دي، أو أدلة، ولا جيت بس ترمي كلام والسلام؟؟
| |
|
|
|
|
|
|
|
|
|
Re: ده تنميط سخيف يا أبوبكر عباس. (Re: Deng)
|
نعم،
الحكومة استقرت واستوت على ابناء دارفور،
هم الذين اخلصوا في الدفاع عنها في المدن وخارجه...
وليس سواهم أعنف في فض المظاهرات.....
وهذه ميزة ايجابية بالنسبة للحكومة،
خصلة ذميمة بالنسبة للمعارضة...
....
التحية لابناء دارفور حيثما كانوا، ونسأل الله
ان يعيد اليها الامن والامان ، والذي يعد من امن
وامان كل بقاع السودان والدول المحيطة بالاقليم.
| |
|
|
|
|
|
|
|
|
|
Re: ده تنميط سخيف يا أبوبكر عباس. (Re: قصي محمد عبدالله)
|
عدد مقاعد الجبهة من دارفور ليس له علاقة بمقولتي،
لأنني ببساطة اتحدث عن متعلمي دارفور في ذلك الزمان،
المتعلمين حتى ذلك التاريخ كانوا قليلين بالمقارنة بالعدد الكلي لسكان دارفور،
لكنهم كافين لتكوين كتائب كيزانية بجامعات الخرطوم وتشكيل كتائب أمنية لتأمين النظام.
المراجع:
لاحظ للمقال الأخير لمدير مركز الدراسات السودانية
البروفسور حيدر ابراهيم
| |
|
|
|
|
|
|
|
|
|
Re: ده تنميط سخيف يا أبوبكر عباس. (Re: أبوبكر عباس)
|
فكرة مداخلاتي بهناك:
الإنقاذ ليست جلابية
صحي محمد سليمان لم يشارك الإنقاذ كدباب بشهادة ابو الريش،
لكنني أشك شك شديد بأنه كان اسلاميا داعما للنظام معنويا،
وأن خلافة مع فكرة سيطرة الإسلاميين على الحكم ليست أصيلة،
محاولته الآن دمغنا بجريمة الإنقاذ ما ممكن نفوتها له لتحقيق مكاسب
| |
|
|
|
|
|
|
|
|
|
Re: ده تنميط سخيف يا أبوبكر عباس. (Re: Deng)
|
Quote: عدد مقاعد الجبهة من دارفور ليس له علاقة بمقولتي،
لأنني ببساطة اتحدث عن متعلمي دارفور في ذلك الزمان،
المتعلمين حتى ذلك التاريخ كانوا قليلين بالمقارنة بالعدد الكلي لسكان دارفور،
لكنهم كافين لتكوين كتائب كيزانية بجامعات الخرطوم وتشكيل كتائب أمنية لتأمين النظام.
المراجع:
لاحظ للمقال الأخير لمدير مركز الدراسات السودانية
البروفسور حيدر ابراهيم |
أبوبكر عباس.
بالله الكلام البتقال عند ستلت الشاي وتحت أعمدة النور وفي قعدات اللساتك في راس الشارع، ما تجي تكتبوا لنا هنا!
أنت أتيت بنسبة مئوية، وأنا عاوز أعرف من وين أنت جبت نسبة ال 90 في المية دي؟
أنا طرحت عليك أسئلة موضوعية، حاول أن تجاوب عليها بدل الكلام الفارغ البتكتب فيهو ده.
بعدين شنو جايب حيدر ابراهيم وعاملوا مرجعية، هو ذاتوا فرقوا منك شنوا؟
الكلام الفارغ المتحامل الكتبوا عن أبناء الهامش لا يصدر إلا من انسان متحامل ويتنكر للحقائق.
| |
|
|
|
|
|
|
|
|
|
Re: ده تنميط سخيف يا أبوبكر عباس. (Re: Deng)
|
| Quote: بئس التدين الذي يدعيه أمثالك. |
[/rd]
لم أدعي شيئا....
المهم ألفاظك تحت المراقبة الدقيقة... وثوبك المزيف في الدفاع عن العنصرية غير ساتر لك...
فكن على قدر عمرك و هرمك الوهن ، وصلعتك ، وتناثر الشيب فيك.
-------------
وقع ليك؟
| |
|
|
|
|
|
|
|
|
|
Re: ده تنميط سخيف يا أبوبكر عباس. (Re: أبوبكر عباس)
|
تقصد يا دينق، إنّو نسبة ال٩٠٪ كبيرة؟
يا رجل، ال١٠٪ الباقية دي وحات الله، كرم مني ساكت
أنا بتكلم كشاهد عيان على فترة التمانينات
ديل كانوا مساجد الجامعة ما بفوتوها حتى في الاجازات
يا أخي، كلام بروفسور دا صحيح
مثقفي دارفور في التمانينات كيزان وهم كان لهم قدح معلى في تأمين الإنقاذ
أزيد ليك في التنميط:
تحديدا غالبية أولاد الزغاوة في الجامعات في الثمانينات كانوا كيزان
| |
|
|
|
|
|
|
|
|
|
Re: ده تنميط سخيف يا أبوبكر عباس. (Re: أبوبكر عباس)
|
Quote: تقصد يا دينق، إنّو نسبة ال٩٠٪ كبيرة؟
يا رجل، ال١٠٪ الباقية دي وحات الله، كرم مني ساكت
أنا بتكلم كشاهد عيان على فترة التمانينات
ديل كانوا مساجد الجامعة ما بفوتوها حتى في الاجازات
يا أخي، كلام بروفسور دا صحيح
مثقفي دارفور في التمانينات كيزان وهم كان لهم قدح معلى في تأمين الإنقاذ
أزيد ليك في التنميط:
تحديدا غالبية أولاد الزغاوة في الجامعات في الثمانينات كانوا كيزان |
حتي حركة خليل كلها كيزان والآن كمية من أبناء دارفور يعلمون ضباط في جهاز الأمن وكمية اخري كيزان شعبي
-----
يادينق المستنير ده حار عليك فتش ودالباوقة وين
دينق أختشي
| |
|
|
|
|
|
|
|
|
|
Re: ده تنميط سخيف يا أبوبكر عباس. (Re: أبوبكر عباس)
|
عليك الله يا بكور ، عمر نملة طلع اخوك !!!!!!
ياخ الواحد يادوب عرف ( البطن بطرانة) معناها شنو !!!
.
.
.
كنت داير اكتب الكلام في بوست ال_رابة الحلوين بس لقيت البوست مطبول ... فقلت اكتبو في سبيل دينق دا ...
| |
|
|
|
|
|
|
|
|
|
Re: ده تنميط سخيف يا أبوبكر عباس. (Re: أبوبكر عباس)
|
سلام
اتمني انو الشباب هنا ما جادي
بالجد المسالة ما جميلة بتاعت تهمة كوزنة طلاب دارفور وامنجيتهم والمعذباتية. اي تهمة من شخص ينتمي للاقليم بالتعميم دا لاي اقليم او مجموعة اجتماعية من اقاليم او مناطق اخري تقابل بحساسية عالية جدا
كلام استهلك كتير جدا
يا ريت تتم مناقشتها بشئ من المسؤلية ووضع اعتبار للحساسية فيه والتعميم الفي اكثر الاحيان مخل ويكون سبب لسؤ المفهومية
| |
|
|
|
|
|
|
|
|
|
Re: ده تنميط سخيف يا أبوبكر عباس. (Re: حامد عبدالله)
|
يا حامد، ما في أي حساسية ولا عنصرية
نتحدث عن توثيق لتاريخ عشناهو
ونحن نتحدث عن أولاد دارفور بالجامعات في التمانينات وبداية التسعينات،
الانقاذ ليست جلابية كما يدعي المتمردين عليها في الالفينات
لم نعمم علي كامل دارفور
اتحدث تحديدا عن طلاب دارفور بالجامعات في الثمانينات
| |
|
|
|
|
|
|
|
|
|
Re: ده تنميط سخيف يا أبوبكر عباس. (Re: أبوبكر عباس)
|
Quote: يا حامد، ما في أي حساسية ولا عنصرية
نتحدث عن توثيق لتاريخ عشناهو
ونحن نتحدث عن أولاد دارفور بالجامعات في التمانينات وبداية التسعينات،
الانقاذ ليست جلابية كما يدعي المتمردين عليها في الالفينات
لم نعمم علي كامل دارفور
اتحدث تحديدا عن طلاب دارفور بالجامعات في الثمانينات |
تشكرعلي الرد ابوبكر
ما قصدي اتجرجر او اغالط بس كلامك نحن نتحدث !
و طلاب دارفور بالجامعات !
يعني ما جامعة واحدة ولا طالب واحد وانتو اكتر من واحد دا ما لم يكون فيه احصاء وجمع بيانات بطريقة علمية يكون التعميم البنتكلم عنو
انا تابعت فقط هذا البوست قد تكونو لديكم دراسة او محاولة توثيقية فيها اتبعتو طرق التوثيق في بوست اخر لم نضطلع عليه وبهذا تستحقو الاعتزار
واذا لم يحصل يبقي محاولة التوثيق يشوبها الكثير من الخلل
| |
|
|
|
|
|
|
|
|
|
Re: ده تنميط سخيف يا أبوبكر عباس. (Re: حامد عبدالله)
|
يا حامد، ليس لدي دراسة بأرقام موثقة، هي محاولة لتقييم تلك الفترة معتمدا على الذاكرة،
زايد إنّو اعتبر نفسي زول عادل التقييم وليس عنصري
تعرف ان دراسة بالارقام شبه مستحيلة،
لا اعتقد ان زول بمستوى بروفسور حيدر ابراهيم يمكن أن يطلق الكلام على عواهنه
موضوع مشاركة اولاد دارفور في الانقاذ لا يحتاج لدراسات
ممكن زول يقول لي: ما كل الناس شاركت في الانقاذ؟!
تعرف مشكلتي مع الموضوع دا شنو؟
متعلمي دارفور كان ليهم دور كبير سالب في الفترة الأخيرة ومنعوا إمكانية اي تغيير
وذلك بتوريطنا في مسألة المحكمة الحنائية
كيزان اختلفوا مع بعض
وعايزين يحملونا وزر كوزنتهم القديمة
اعتذر لمتابعي البوست وعلى رأسهم الصديق دينق بالتوقف عن الكتابة بالمنبر،
زعلة جعلية من بكري ابوبكر
| |
|
|
|
|
|
|
|
|
|
Re: ده تنميط سخيف يا أبوبكر عباس. (Re: أبوبكر عباس)
|
"ديل كانوا مساجد الجامعة ما بفوتوها حتى في الاجازات"
طيب دى حاجة بطالة؟ ناس متدينين ما شاء الله وربنا يزيد هم تقوى وإيمان.
غايتو السوتو الانقاذ ومعارضيها فى الشعب السودانى وموروثاته الله اعلم يطلع
| |
|
|
|
|
|
|
|
|
|
Re: ده تنميط سخيف يا أبوبكر عباس. (Re: Abureesh)
|
يا ابو بكر غايتو بحسب تجربتنا في مصر اولاد دارفور الدارسين بالازهر و المقيمين في رواق دارفور
كان اغلبيتهم كيزان و لكنهم كانوا منظمين في تنظيم موازي للاتجاه الاسلامي بتاع بقية الطلاب. اذكر في
احدى الانتخابات شديدة الاستقطاب و التي شهدت توترا عاليا و عنف متبادل ناس الرواق ديل جابوهم الكيزان
لنصرتهم، الشاهد انهم كانوا بتحركوا كجسم قائم بذاته و كان واضح ان لهم قيادة مستقلة و كانوا بتحركوا كمجموعة
بشكل منفصل عن بقية الكيزان.
اما بقية ابناء دارفور فكانوا موزعين على بقية التنظيمات و الاغلبية كانوا في حزب الأمة. و كان في ناس في تنظيم
احمد ابراهيم دريج - ما متذكر اسم التنظيم -
| |
|
|
|
|
|
|
|
|
|
Re: ده تنميط سخيف يا أبوبكر عباس. (Re: سيف النصر محي الدين)
|
كجلابي أصيل لا أملك إلا أن أقول عليك شوف إستهبال الجلالة القروش الإتلغفت خلال سنين الإنقاذ كم نسبة اللغفي والنَّاس الإتكتلت وإتحرقت كم النسبة بين دار غرب ودار صباح وجاي المستنير يلصقها في ناس دارفور القال أول حاجة في خطة تطوير دارفور إنه يحرمهم من التعليم
| |
|
|
|
|
|
|
|
|
|
Re: ده تنميط سخيف يا أبوبكر عباس. (Re: muntasir)
|
ابوبكر عباس.
أنت أتيت بنسبة ال 90 في المية دي، وعليك أن تثبتها للناس أو أن تعتبر شخص تكتب في معلومات غير دقيقة.
حيدر إبراهيم في مقاله عن الهامش لا يختلف عنك كثيرا في طريقة التفكير المنحازة.
أسئلتي الفوق مازالت قائمة، ولو ما عندك لها أجوبة، أفضل لك أن تصمت.
| |
|
|
|
|
|
|
|
|
|
Re: ده تنميط سخيف يا أبوبكر عباس. (Re: أبوبكر عباس)
|
ابوبكر شكر مرة تانية لردك ونتاسف جدا لو كنا جزء سبب حردانك للكتابة في المنبر اتمني ان يكون في اطار الممازحة انت احد الكتاب النشطين في المنبر واكيد لك تاثيرك
عموما وجهة نظرنا في الموضوع كما تفضلت ان دراستو والاحصاء فيه شبه مستحيل لذك بنفتكر انو تناولو بالبساطة وحسن النية دائما ما يسبب سؤ المفهومية يعني بشكل اكتر وضوح بكون احد
اسباب عدم الاحساس او منعه من الانسان في دارفور (انتو الجبتو الكيزان وحميتو الانقاذ اكتو بنارها لوحدكم ما عندنا معاكم الشغلة) وفي الواقع درافور اقليم بعيد سكانو كتيرين
وفقير جدا ويعاني مشكلات كتيرة في الخدمات الاساسية نسبة المتعليمن فيه علي نسبة السكان اعتقد انها ضئيلة جدا ان تعاني الاغلبية لاعتقادات وافتراضات غير
متحقق منها لاقلية لا تمثلها باي شكل من الاشكال الاغلبية هذا ظلم
بروف حيدر ممكن جدا يقع في خطا التعميم ما لم يقف علي احصاء ومعلومات دقيقة عن الموضوع وبالتالي يكون وقع في دائرة المساهمة بشكل مباشر
في نشر الفكر الذي يؤذي الاخر سكان الاقليم الطلاب ومتلقي التعاليم العالي (بعض ابناء الاقليم بنسبة عالية )
مسالة Recutering لدي الاجهزة الامنية والقمعية اعتقد مسالة تحليها ليس بالتعقيد ولا تحتاج المناطقية في الاطار العام في اطارها الخاص الاجهزة القمعية في الغالب تحمي نفسها بذوي القربي ومن تثق فيهم
نكرر الاعتذار ولك الورد والود وكل ما هو جميل
| |
|
|
|
|
|
|
|
|
|
Re: ده تنميط سخيف يا أبوبكر عباس. (Re: أبوبكر عباس)
|
Quote:
يا أخوانا، زول اجيب ليهو مرجع كان قبل ايّام قريب من مرتبه اله في الديمقراطية،
يقول لي: خلينا من كلام ستات الشاي؟!
فرقك كدا من أمير بوب شنو؟
|
ههههههه
يا مستنير بطّل جقلبة و استهبال
امير بوب دا طقطقك في بوست كاونتربوينت !!
| |
|
|
|
|
|
|
|
|
|
Re: ده تنميط سخيف يا أبوبكر عباس. (Re: اسماعيل عبد الله محمد)
|
Quote:
يكفي الانقاذ أن منفذ انقلابها عمر البشير الجعلي.
ونائبه المرحوم الزبير الدنقلاوي.
الإنقاذ جلابية بيضا ومكوية.
|
انت لو بتعرف في الاجناس يا سمعة كان عرفت إنهم الاتنين بديرية ..
االغرب ده ما ملان بديرية لي أم عينو أها شن قولكـ ..
برضو الانقاذ جلابية ؟!! ...
وبرضو كمان قلتو البديرية فولاني ...
وكده بتكونوا مرقتو الانقاذ من الجلابية البيضا المكوية الحارقاكم دي ..
| |
|
|
|
|
|
|
|
|
 Re: ده تنميط سخيف يا أبوبكر عباس. (Re: اسماعيل عبد الله محمد)
|
Quote: شكرا يا دينق على كشف هذا السلوك العنصري للمتشبث في الاستنارة أبكر.
عدم إجابة أسئلة دينق التي طرحها في مستهل هذا البوست لهي دلالة قاطعة على ممارسة أبكرللولوة والدغمسة والجلبنة.. |
* إعتذر من صاحب البوست والمعلقين ... ولكن برأيي لا يصح إلا الصحيح ، ولأن الشئ بالشئ يذكر ، وصراحه لم أعتاد - هنا - الدخول في مثل ما أنا بصدده الآن ولكن !!!
المهم في الإقتباس أعلاه ورد إسم أبكر ، ظنآ منك يا اسماعيل إنك توجه إهانه أو إساءه لأبوبكر عباس ، وإستعمال " أبكر " في مواضع مثل هذه في السودان أيضآ تعتبر عنصريه وتنميط وتحقير وما يتصل ،،، ولا يختلف اثنان في هذا .
* واذا كنت تريد إدانة العنصريه بعنصريه مثلها لك هذا ، ولكن لزامآ عليك الإعتذار " للأبكرات "
مع كل الخير ،،، ووافر إحترامي للجميع .
| |
|
|
|
|
|
|
|
|
|
Re: ده تنميط سخيف يا أبوبكر عباس. (Re: اسماعيل عبد الله محمد)
|
الافتراض دا يا سمعة، غير ممكن
زمن الناس بتمشي الحج بالدواب،
مناطقنا كانت مسيطرة بشكل اثني،
والنَّاس كانت بتغامر تجي لحدي مناطقكم لسرقة العبيد،
اعتقد حملات الحج كانت بتحتاج تأمين من قبائل النيل.
اختلاط الجينات حديثا قد يكون حدث في كتلة المتمة، وكرد فعل بعد كرري
| |
|
|
|
|
|
|
|
|
|
Re: ده تنميط سخيف يا أبوبكر عباس. (Re: اسماعيل عبد الله محمد)
|
أصلا لم ادعي نقاء عرقي، ولا ارى في الآخرين دونية أتهرب منها.
موضوع الحامض النووي دا معقد شويّة في حالات تحديد الأصول،
نسبة لغياب المرجعيات الواضحة
في أمريكا يستعمل كأداة لإثبات النسب القريب
فرضيتك لو تعني بها استقرار هؤلاء الفلاتة وامتزاجهم؛ ما فيها مشكلة
الفهمتو أنك تقصد ان الحجاج وهم مارين بمناطقنا يكونو امتزجوا بحبوباتنا حمرة عين
| |
|
|
|
|
|
|
|
|
|
Re: ده تنميط سخيف يا أبوبكر عباس. (Re: أبوبكر عباس)
|
Quote:
الفهمتو أنك تقصد ان الحجاج وهم مارين بمناطقنا يكونو امتزجوا بحبوباتنا حمرة عين |
زول ماشي يزور بيت ألله أكيد حيكون زول ورع وتقي و الامتزاج حيكون زواج وليس إغتصاب..في كتاب اسمو (الفلاتة في السودان) حاول إطلع عليه حايريحك راحة تامة..
الفحص الجيني ليس القصد منه إثبات (نقاء عرقي) رغم تحفظي على هذا المصطلح الشائه...القصد من الفحص هو مواجهة الجلابة بحقيقة وجود دماء غرب افريقيا فيهم الحقيقة. التي يفرون منها فرار الصحيح من الاجرب..
| |
|
|
|
|
|
|
|
|
|
Re: ده تنميط سخيف يا أبوبكر عباس. (Re: أبوبكر عباس)
|
أبوبكر عباس.
بطل الهرجلة البتعمل فيها في البوست ده، وجاب على الاسئلة دي:
1- كم عدد أبناء دارفور الذين كانو في الجامعة؟
2- كم عدد أبناء دارفور الذين كانو معك في الكلية التي درست بها؟
3- كم عدد أبناء دارفور الذين عرفتهم أنت في الجامعة معرفة شخصية وعرفت أنتمائاتهم السياسية؟
4-في أخر أنتخابات ديمقراطية بأقليم دارفور كم كان عدد نواب الجبهة الأسلامية ؟
5-وكم كان عدد نواب حزب الامة من الذين كانوا يمثلون دارفور؟
| |
|
|
|
|
|
|
|
|
|
Re: ده تنميط سخيف يا أبوبكر عباس. (Re: Deng)
|
يا ابوبكر الناس ديل دايرين يخجلونا ساي من ثقافتنا تقول نحن قلنا لربنا ده جيبنا جعليين ولاجيبنا كواهله ولاشوايقه..القصة دي كان اصلا كده كان طلبنا يجيبنا دنماركيين عشان نتفكى من النضم الكتير ده . دي قصة وجود يعني ماعندنا فيها أختيار ..العنصرين هم بالمناسبة لانو القصة دي بتخلق تصور سهل لمعالجة الازمات عندهم حيث يبدو كل العالم عبارة عن حالة ثنائية بين الخير والشر ..من المهم جدا أنو مانجامل زول بانو نوطئ من قدر هويتنا وانتمائنا الثقافي عشان هو مايزعل وماينزعج زي مابعملوا بعض مدعي الأستنارة من اهل الهشاشة الفكرية والتسطيح البشوفو انو لابد انو تردم كل سياقاتك الثقافية والجغرافية حتي تنصب كمثقف متجاوز ومنحاز لقيم العدالة..أي عدالة هذي التى تريد أن تقتص منك حتى في الخيال والوهم لانك من الوسط والشمال ..هذا لايعني ابدا أن نتحرك للغد او في الراهن بمفردات علنية أورمزية تحمل قيم مرزولة ناس عب وفيهو عرق وخادم وغرابي حاقد وعربي مقطع وحلبي جيعان وعب اغلف الخ اخر القاموس القبيح..لكن كمان نحن مثقفين معنيين بتغير المستقبل وبناء فضاء انساني خالي من التشوهات ولسنا أخصائي علاج طبيعي نقوم بممارضة من لايريد أن يبني وعي نقدي علي اساس من القيم والمفاهيم الخيره والجسورة وهو لايريد أن يثق في حس التاريخ وحركة الوعي ..لكن قاعد يحرس فيما ينتجه الضحل من الخطاب السياسي اليومي ..فما تشتغل بالقصص دي كتير قلت اولاد دارفور ولا اولاد بحر ابيض حتى يتم تركيبها على نحو عنصري لكن هذا لايعني الركون لهذا التقييم لانو اولاد دارفور الدخلو الجبهة الاسلامية زيهم وزي غيرهم من باقي ولايات السودان وهذا الامر ينفع لجانب أحصائي وجوانب دراسات أجتماعية وسياسية لكنه لايصلح لان يستخدم كأدانة لأبناء دارفور.
| |
|
|
|
|
|
|
|
|
|
Re: ده تنميط سخيف يا أبوبكر عباس. (Re: محمد البشرى الخضر)
|
داير أقول حاجة يا دينق،
الكوزنة لأولاد دارفور بالجامعات في السبعينات والتمانينات كانت خيار تقدمي جدا لأحفاد الانصار،
لا يقل عن الخيار اليساري لأولاد عطبرة
حركة الأخوان حركة حداثية زيها وزي الحزب الشيوعي السوداني،
أنا لمان أقول إنّو اولاد دارفور كانوا في التمانينات كيزان، ما داير اعايرم بالموضوع دا، بقدر ما دايرم يقدموا مع الجلابة نقد ذاتي لفشل التجربة.
بدل يمسكوا لينا في حاجة ميتة، عنصرية الجلابة وصراع الهامش
| |
|
|
|
|
|
|
|
|
|
Re: ده تنميط سخيف يا أبوبكر عباس. (Re: أبوبكر عباس)
|
"الكوزنة لأولاد دارفور بالجامعات في السبعينات والتمانينات كانت خيار تقدمي جدا لأحفاد الانصار،
لا يقل عن الخيار اليساري لأولاد عطبرة
حركة الأخوان حركة حداثية زيها وزي الحزب الشيوعي السوداني،
أنا لمان أقول إنّو اولاد دارفور كانوا في التمانينات كيزان، ما داير اعايرم بالموضوع دا، بقدر ما دايرم يقدموا مع الجلابة نقد ذاتي لفشل التجربة."
بصراحة دي لعبة حريفة جدا ، من الليلة مفروض تاخد لقب المستنير ميسي .. بس برضو ما بحلك من التنميط ..
| |
|
|
|
|
|
|
|
|
|
Re: ده تنميط سخيف يا أبوبكر عباس. (Re: أبوبكر عباس)
|
بعد المصالحة في 76 بين الترابي و نميري
مقولة للشريف حسين الهندي ( كانت في شريط مسجل بصوته ) في لقاء له مع التربي في لندن عندما سألو لماذا صالحتم
رد عليه الترابي بأنهم حزب صغير و يريدون تنمية كوادرهم
تم إطلاق يدهم في العمل بعدها مع التضييق على القوى الأخرى و فعلاً تمددوا في قطاعات واسعة
الملاحظ إنهم زاحموا حزب الأمة في دوائره التقليدية في دارفور تحديداً و ده الأفرز ليهم قاعدة و قيادات في دارفور
| |
|
|
|
|
|
|
|
|
|
Re: ده تنميط سخيف يا أبوبكر عباس. (Re: أبوبكر عباس)
|
| Quote: يمسكوا لينا في حاجة ميتة، عنصرية الجلابة وصراع الهامش |
ده اس الصراع في السودان..
اذا كانت دي قناعة عندك يا أبكر معناها انت بعيد كل البعد عن استيعاب إحداثيات حقيقة المشكلة السودانية و معناها إنك زول سطحي جدا و احسن تندغم مع شلة البورداب الحكواتية.
| |
|
|
|
|
|
|
|
|
|
Re: ده تنميط سخيف يا أبوبكر عباس. (Re: اسماعيل عبد الله محمد)
|
أبوبكر عباس.
شايفك مصر أن تواصل في التهريج البتعمل فيهو ده. وما قادر ترد على أسئلتي.
البوست ده درس لك وللأخرين من الذين ينسجون أكاذيب وروايات من خيالهم.
أنت يا زول جبت نسبة مئوية وهي 90 في المية، وأنا كنت عاوز أعرف من أين أتيت بهذه النسبة، ولكنك فشلت في الاشارة الى مصدرك، وواضح جدا أن مصدرك هو خيالك المريض فقط ولا غير.
| |
|
|
|
|
|
|
|
|
|
Re: ده تنميط سخيف يا أبوبكر عباس. (Re: Deng)
|
تنميط شنو يا عبد الله ادريس؟!
ما ٩٠٪ ،
أولاد دارفور غير اولاد الأسر الكبيرة كلهم في التمانينات كانوا كيزان
الاتجاه الاسلامي كان يرعاهم رعاية شديدة
كانت فرصة كبيرة لهم للانعتاق من حزب الأمة والتقليدية والتقدم في حزب حداثي وفِي نفس الوقت الحفاظ على موروثهم الاسلامي الكبير
كان الاتجاه الاسلامي في الاجازات بكون فاتح ليهم الداخليات خمسة نجوم
شيء تحفيظ
شيء رحلات
اولاد دارفور في التمانينات هم تربية الاتجاه الاسلامي، كان أبوهم وأمهم،
الاتجاه الاسلامي كان حزب طلابي حداثي سمح لهم بالوصول لقمة هرمه، وكان واضح جدا إنّو الكفاءة هي الفيصل في الحزب
أخدو الدكتور علي الحاج مثال
-----
يا دينق، تقريبا دفعتي كانوا أربعة
كلهم كيزان
| |
|
|
|
|
|
|
|
|
|
Re: ده تنميط سخيف يا أبوبكر عباس. (Re: حاتم الياس)
|
أبوبكر عباس.
أنت عندك حلين فقط ولا غير!
الحل الأول هو أن تزكر لنا من أين أتيت أنت بنسبة ال 90 في المية هذا؟
الحل الثاني هو أن تعترف بأنك لا تملك رقم حقيقي لأتهاماتك الباطلة ولتعميمك التنميطي في حق أبناء دارفور.
تكرير قصصك وتجاربك الخاصة لا علاقة لها بنسبة ال 90 في المية التي زكرتها.
أنا ما عارف الصعب شنو في كلامي ده؟؟
| |
|
|
|
|
|
|
|
|
|
Re: ده تنميط سخيف يا أبوبكر عباس. (Re: Deng)
|
يا فضيل شن جاب نملة للمستنير،
نملة دا ليهو كم سنة بكتب هنا؟
وين معجبنو؟
وين شلتو؟
يا أخي، الناس البكرهوني هنا، بكرهوني باعجاب
علي سبيل المثال لا الحصر:
أخونا الجلابي دينق
| |
|
|
|
|
|
|
|
|
|
Re: ده تنميط سخيف يا أبوبكر عباس. (Re: أبوبكر عباس)
|
Quote: عليك الله، يا أمير،
شفتا طقطقة روبرت الأخيرة ليكم دي كيف؟! |
طقطقة شنو يا مستنير ياخ
الراجل قال ليكم فيها شمومة بس بتاعت كاونتربوينت
و هذه الشمومة لاتصلح كمثال للكاونتربوينت !!
...
عموماً عشان ما ننحرف ببوست دينق دا عن غرضو
و عشان انت ما تخرب الطهورة بالرفسي ، ح نخلِّي دينق يواصل في طقطقتو ليك هنا
فيا خينا أكرب جريدتك ساي و ما تشتت لينا الكورة !😂
....
انا ممكن افتح بوست مخصوص نشوف فيه كلام استرين دا !!
...
سلام
| |
|
|
|
|
|
|
|
|
|
Re: ده تنميط سخيف يا أبوبكر عباس. (Re: Deng)
|
صديق قال لي: قول لدينق أنا قلت كدا بصيغة المبالغة
قلت ليهو: لكنها ليست صيغة مبالغة
الناس ديل حسب مشاهدتي ليهم في التمانينات بجامعة الخرطوم كانوا كيزان، في خيالي كلهم كيزان
طيب لو قلت:
نسبة عالية جدا جدا جدا من أولاد دارفور كانوا بجامعة الخرطوم والإسلامية كيزان
ممكن ينط لي برضو أمير بوب زعلة من كلام روبرت ويقول لي:
دليلك شنو؟
عندك إحصاءات؟
نسبة التسعين لا أمتلك كشوفات عضوية الاتجاه الاسلامي ولا كشوفات الكليات،
لكنني أمتلك مشاهدة، ولا بد من تدوينها بوصف يعبر عنها وينقل الصورة لأجيال ما حضرت الوضع دا
يا سيف، مصر دي كان بقرأ فيها حناكيش المدن،
أولاد دارفور ما كان عندهم إمكانية الذهاب لمصر
الصورة التي أحاول نقلها كانت بالخرطوم والإسلامية
حيث مجانية السكن والاعاشة
| |
|
|
|
|
|
|
|
|
|
Re: ده تنميط سخيف يا أبوبكر عباس. (Re: Faisal Saad)
|
| Quote: 1- كم عدد أبناء دارفور الذين كانو في الجامعة؟2- كم عدد أبناء دارفور الذين كانو معك في الكلية التي درست بها؟3- كم عدد أبناء دارفور الذين عرفتهم أنت في الجامعة معرفة شخصية وعرفت أنتمائاتهم السياسية4-في أخر أنتخابات ديمقراطية بأقليم دارفور كم كان عدد نواب الجبهة الأسلامية ؟5-وكم كان عدد نواب حزب الامة من الذين كانوا يمثلون دارفو؟ |
| |
|
|
|
|
|
|
|
|
|
Re: ده تنميط سخيف يا أبوبكر عباس. (Re: Deng)
|
يا سيف، مصر دي كان بقرأ فيها حناكيش المدن،
أولاد دارفور ما كان عندهم إمكانية الذهاب لمصر الصورة التي أحاول نقلها كانت بالخرطوم والإسلامية حيث مجانية السكن والاعاشة
يابكور زمنا ولحدي بداية التسعينات كان الطلبة القادمين من درافور يشكلون نسبة كبيرة
القراية كانت مجانية برضو حتى السكن الجامعي كان متاح بس مافي طالب سوداني ارتضى السكن ده
بالعكس اولاد دارفور كان وضعهم المادي كويس جدا علما بأننا كنا نتلقى اعانة شهرية من الحكومة عن طريق السفارة وكانت كافية جدا لتغطية تكاليف السكن والاعاشة
رابطة طلاب دارفور بالمعاهد والجامعات المصرية كانت من اكبر الروابط
| |
|
|
|
|
|
|
|
|
|
Re: ده تنميط سخيف يا أبوبكر عباس. (Re: Deng)
|
إتّا يا دينق قريت جامعة الخرطوم معانا؟
ودوك الكمبوني، وامتحاناتم كانت ساهلة موية، لكن مستواك كان ضعيف
نموذج الامتحانات الكان بجيبوا لينا أم بدّة في النشاط
1/2X1/4= وبدوهم خيارات
الاسلامية باي ديفولت ما ممكن تكون دخلتها
ارفع النسبة ل ٩٩٪ من أولاد دارفور في التمانينات بالخرطوم والإسلامية كانوا كيزان
زول متعلم من دارفور
هل ممكن يبقى على حالو حزب أمة؟
وطبعا ما ممكن يكون شيوعي
أقرب تنظيم حداثي له هو الكيزان
جبت النسبة دي من مشاهدتي لتلك الفترة وهي ليست صيغة مبالغة
| |
|
|
|
|
|
|
|
|
|
Re: ده تنميط سخيف يا أبوبكر عباس. (Re: أبوبكر عباس)
|
| Quote: وطبعا ما ممكن يكون شيوعي |
5تصدق يا أبكر العجلاتي هنالك عدد كبير من دفعتي على مر المراحل في دارفور شيوعيين وبعثيين وحزب امة..هل تعلم حتى في جامعة امدرمان الإسلامية كان البعثيبن والشيوعيين من أبناء دارفور عدد لا يستهان به.انا ما عارف انت ليه مصر على المكابرة و تنميط طلاب دارفورأعمل مسح على مستوى عضوية المنبر هنا شوف النتيجة.
| |
|
|
|
|
|
|
|
|
|
Re: ده تنميط سخيف يا أبوبكر عباس. (Re: أبوبكر عباس)
|
| Quote: أبوبكر عباس. كده خلينا من بوستك المهبب، بتاع العطالة ده! |
يادينق انت بقيت تجليها واقف ياخ البوست داااك رش زي الرش بس الفهم قسم اامش اقرأ البوست داك مرة تانية عشان تفهم
-----
دينق أختشي
| |
|
|
|
|
|
|
|
|
|
Re: ده تنميط سخيف يا أبوبكر عباس. (Re: محمد المسلمي)
|
يا مسلمي، الصديق هباني دا داير ارشو رش خفيف
لأنو محتاج ليهو في استشارة أعمال بأمريكا غير شغل القزقزة دا
لكن لو الاستشارة طلعت تعبانة،
برجع أحل ليكم مشاكل السودان من التاكسي دا
وبفتح الباب بتاع العربية وباخد سيلفي اعملو صورة بروفايل
فشنو؟
ما تخرب لي تكتيكي
| |
|
|
|
|
|
|
|
|
|
Re: ده تنميط سخيف يا أبوبكر عباس. (Re: أبوبكر عباس)
|
| Quote: يا مسلمي، الصديق هباني دا داير ارشو رش خفيف لأنو محتاج ليهو في استشارة أعمال بأمريكا غير شغل القزقزة دا لكن لو الاستشارة طلعت تعبانة، برجع أحل ليكم مشاكل السودان من التاكسي دا وبفتح الباب بتاع العربية وباخد سيلفي اعملو صورة بروفايل فشنو؟ ما تخرب لي تكتيكي |
غايتوا يامستنير الزميل جورج بوك ده عكس الاستنارة وقاعد سليقة ساهي هنا مسك في وين دليلك . ياخ دليل اكثر من الزمالة وشوف العين منك . وتاني البوست بتاع الرش داك ..كمان شغال فيك مطاعنة ياخ نصيحة ليه والاخرين المستنير لو قال ليك سلام معناها عنده ليك شي تقوم تعمل حاجز
-------
ياخ صاحبي المشرف هناك معاه مالك
| |
|
|
|
|
|
|
|
|
|
Re: ده تنميط سخيف يا أبوبكر عباس. (Re: محمد المسلمي)
|
 زرزرة و قبقبة من أمها
يا دينق ياخي تدوين ابوبكر عباس لمشهداتو ممكن تعتبرو دراسة استكشافية و مصدر للأرقام التي اوردها.
أكيد الدراسة قابلة للإنتقاد من حيث الصلاحية الداخلية و الخارجية (internal and external validity).
اولاً في مشكلة في ال construct validity لأنو الباحث ما ورانا المعايير الحدد بيها تصنيف المشاركين في الدراسة لكوز و غير كوز و بالتالي ممكن يكون في خطأ في التصنيف و دا مهدد كبير جداً لل internal validity
تاني شي ال sample العمل عليها الدراسة هي non-representative sample بسبب صغر حجم العينة و التحيز (bias).
الباحث إختار convenience sample و بالتالي هي عينة غير عشوائية و ممكن برضو تكون طريقة إختيار العينة تأثرت بتوقعات الباحث (experimenter expectancy).
لم يورد إحصائية تقدرية لععد طلاب دارفور في الجامعات و المعاهد العليا في التمانينات
الباحث ما ورانا هو عمل cross sectional study ام cohort study و لكن ممكن نتجاهل عامل إعادة بعض الطلاب لسنواتهم الدراسية و نعتبر الدراسة (cross sectional study) و هو أيضاً لم يورد إحصائية تقدرية لععد طلاب دارفور في الجامعات و المعاهد العليا في وقت الدراسة حتى نتمكن من حساب حجم العينة المناسبة للدراسة
مشكلات إختيار العينة دي خفضت الexternal validity و بالتالي تعميم نتائج الدراسة يصاحبه خطأ كبير.
دي إنتقاداتي للدراسة بتاعة أبوبكر عباس.
ممكن يا دينق تجيب دراسات أخرى مخالفة و ممكن تتهم الباحث بالتحيز لفرضية مسبقة للدراسة.
و لكن وصف النتائج الإتوصل ليها أبوبكر بالتنميط فيهو تعدي على حرية البحث العلمي و النشر.
التنميط ممكن يكون لو ابوبكر عباس اعتمد في إتهامه لمحمد سليمان بالكوزنة بإستخدام deductive logic منطلق من فرضية صحة نتائج دراسته.
| |
|
|
|
|
|
|
|
|
|
Re: ده تنميط سخيف يا أبوبكر عباس. (Re: Hafiz Bashir)
|
شوف هسع محمد سليمان دا أنا لا بعرفو ومعلوماتي عنو تلاقيط من البورد دا،
وجاء تم المعلومات دي ابو الريش،
أها موش هو مشى أمريكا وعاش في نيويورك،
برضو ما عندو طريقة غير يظل كوز لحدي التسعينات،
لمان الخبير اتهم محمد سليمان بانو دباب، انبرى ابو الريش لنفي الاتهام الباطل،
وقفنا مع ابو الريش لمنطق حجته
هسع أنا قريت محمد سليمان دا بمعطياتي واتهمته بالكوزنة وهو بأمريكا
لماذا لا ينبري ابو الريش؟
| |
|
|
|
|
|
|
|
|
|
Re: ده تنميط سخيف يا أبوبكر عباس. (Re: أبوبكر عباس)
|
يا حافظ بشير.
ياخ ابوبكر عباس بيكتب في المنبر بنفس الطريقة البتونس بيها مع أصدقائه عند ست الشاي. وحتى الأن هو ما قادر يفهم أن هذا المنبر يختلف عن تلك القعدات.
ويا ريت لو كان كتب، عدد كبير من أبناء دارفور، أو الذين التقيت بهم أثناء دراستي في الجامعة!
أنا كنت من المؤكد أتعاملت معه بحسن نية، ولكن الرجل جابها بي نسبتها المئوية وقال 90 في المئة من أبناء دارفور كيزان، وأنا هنا ما قادر أفهم، هل هو تعرف علىيهم جميعا، وعرف أنتمائهم ؟
فكيف تم ذلك؟
| |
|
|
|
|
|
|
|
|
|
Re: ده تنميط سخيف يا أبوبكر عباس. (Re: Deng)
|
أبوبكر عباس.
في خيار لك.
قبل فترة تم أتهامك في هذا المنبر بأنك كنت في الجامعة غواصة للكيزان.
فأنا من هنا أستفسر!!
هل حصلت على نسبة ال 90 في المئة هذا من الحزب الذي كنت تعمل له كغواصة في الجامعة؟؟
| |
|
|
|
|
|
|
|
|
|
Re: ده تنميط سخيف يا أبوبكر عباس. (Re: Deng)
|
يا دينق، إتّا جنيت؟!
كيف مك كبير من أحفاد العباس يكون غواصة؟!
نحن دائما نمثل القيادات
يعني أنا ممكن يكون سبب عدم انضمامي للكيزان هو إحساسي بالمنافسة المُحتملة مع ود عمي حسن الترابي
غواصة دي شغل الدهماء من الرعية
| |
|
|
|
|
|
|
| |
Deng
ناصر حسين محمد
أبوبكر عباس
محمد المسلمي
nazar hussien
قسم الفضيل مضوي محمد
حامد عبدالله
Abureesh
سيف النصر محي الدين
اسماعيل عبد الله محمد
جمال ود القوز
ايمن الصادق
محمد البشرى الخضر
Hassan Makkawi
حاتم الياس
Abdullah Idrees
kamal omer
ombadda
عبدالعظيم عثمان
Faisal Saad
حيدر حسن ميرغني
Hafiz Bashir
فيس بوك
تويتر
انستقرام
يوتيوب
بنتيريست