حاجة امنة اتصبري عارف الوجع في الجوف كبير عارفك كمان ما بتقدري اتصبري اتصبري أنا أعتقد من وجهة نظري الخاصة لو في أغنية سودانية بمواصفات عالمية .. فهي هذه الأغنية الرائعة التي صاغها شعرا الرائع المبدع عبد الوهاب هلاوي ولحنها الفتى الموهوب شريف شرحبيل . وأدتها بكل ألق فرقة عقد الجلاد الغنائية . أولا بعد الثناء على الكلمات العميقة الموغلة في حال الفقراء في ربوع السودان ومكابدتهم العيش والتوغل باللفظ ودقة الوصف .. شريف شرحبيل حباها لحنا عالميا مقتبسا أسلوب الراب الغربي . والذي يشبه الالقاء الشعري مصاحبا بالايقاع .. وأعتقد انها تشبه الى حد بعيد الأغنية العالمية التي أداها مجموعة من الفنانيين العالمين ابان المجاعة التي ضربت القرن الأفريقي في منتصف الثمانينات . We are the world بمن فيهم مايكل جاكسون وآخرون جاهلك شكى وجاهلك بكى وفي بيتك المرق اتكى والشى البحير وما بحير ما بيه يا حاجة الزكاة... طلع الصباح لو ليك مراد ياحاجة ما تطلع شمس والليلة عندك زي امس لسة الرويدي مع الصباح من مدة ما جاب ليك خبر كان جوفو زي جوف العيال من مدة داير ليو حجر والله على الزمن الحجر والمابي بالصبر اتكرى هذه المسؤولية القاتلة أنظر كيف حللها هلاوي بأدق تفاصيلها وسرحتي في هموم العيال كيفن يعملو مع الدروس وسرحتي في حق الفطور باقي الامور البي قروش واحد زمن داير ردا واحد خلاص قلمو اتكسر زي التقول اكلو الصبر ي حاجة امنة اتصبري ومشيتي لي برج الحمام وبرجك صفيحتين ما بزيد ومشيتي لي برج الحمام كان تلقى ليك جوزا جديد يمكن بعد طلع الصباح يغشاكي زولا يشتري ثم البحث المضني عن مصدر دخل بعد اليأس عن مشاريعها البائسة : هبشتي جاي فتشتي جاي كان تلقي سكر بس محال باقي الرطيل الفي الكرت يا حاجة سفوهو العيال يا حليل زمان وسنين زمان وبعد اليأس من وجود مدخرات منسية بين طيات الملابس وتحت الأواني تسمع صوت حركة وطرقات على الباب .. ومن المشاهد المعهودة في هذه الحالة أن يكون الطارق يحمل بشرى أو انقاذا لهذا الظرف الطارئ فإذ به مزيدا من الأحباط بعد ان تعرف أنهم متحصلي جبايات يزيدون الطين بلة ياحاجة لو تتذكري ..يمة وسمعتي صوت جاك من بعيد وبعد قليل بابك ضرب شالك تعب ختاك تعب يا حاجة ناس الموية جوك اصلوالشهر روح جرى يا حاجة امنة اتصبري وبعد صراع وصراع طويل وبعد كل هذا الصراع وخيبات الأمل المتلاحقة بدأ البحث عن القليل ... قليل من أي شئ يمكن أن يطبخ ويسد رمق العيال . وحتى هذه بعد وصولها تحتاج لكماليات ومكملات حتى تصلح لطعام .. حبة عدس تحتاج لفحم وبصل وطماطم حتى تتحول لطعام يمكن أن يؤكل .: يا حاجة بينك والمحال وما لقيتي في داك النهار شيتا يجو وياكلوالعيال حبة عدس ما بسوي شي وينو البصل وينو اللحم حبة عجين ما بسوي شيي وينو الدقيق وينو الفحم من جاي لجاي هبشتي جاي فتشتي جاي كان تلقي شي لازمك كتيييير شان تقدري لازمك كتييير اتقدري يااا حاجة امنة اتصبري .. لازمك كتير شان تقدري بمعنى حتى درجة التحمل الدنيا تحتاج لقدرات ..الحد الأدنى من الفقر والجوع يحتاج لقدرات .. حاجة آمنة لم تكن من بدايات عقد الجلاد وكذلك لم تكن في ختامها .. لكنها نقطة تحول عجيبة .. نحن نعنتبر من الجيل الشاب الذي تزامن نضوجه مع انطلاق هذه الفرقة . فكانت تمثلنا بكل ما تحمل الكلمة من معنى . غير اسلوب الأداء الجديد على الساحة كانت قد تبنت . كانت مهرجاتنا ونحن في الروابط الطلابية تدشن بأشرطة عقد الجلاد . أسابعينا الثقافية .زوأنا اعتقد أن عقد الجلاد كانت تعتبر أمتداد لتجربة الراحل مصطفى سيد أحمد حتى أشتركوا معه في بعض الشعراء مثل القدال وحميد وهلاوي .. من الطرائف : أنا أفضل دائما أن اربط مواضيعي بموقف طريف كنوع من كسر الملل .. في بداية التسعينات أو أوسطها تحديدا ومع بداية أنطلاق أغنية حاجة آمنة . كنت مولعا بها أعيد تشغيلها في محل العمل بالمنطقة الصناعية كسلا أكثر من مرة كل ما خلصت أعدتها . وصادف في تلك الفترة وجود ركود عام .. كل المنطقة الصناعية تأثرت بما فيها نحن في المطبعة حتى كروت الأفراح توقفت كأن الناس عزفت عن الزواج . والعمال في كل المنطقة الصناعية يقضون معظم وقتهم حول ستات الشاي . وأنا لازلت أكرر شريط حاجة آمنة : وما لقيتي في داك النهار شيتا يجو وياكلوالعيال حبة عدس ما بسوي شي وينو البصل وينو اللحم حبة عجين ما بسوي شيي وينو الدقيق وينو الفحم من جاي لجاي هبشتي جاي فتشتي جاي كان تلقي شي لازمك كتيييير شان تقدري لازمك كتييير اتقدري يااا حاجة امنة اتصبري جاني في المكتب واحد من العمال كان يتميز بخفة الدم والطرافة وقال لي بكل صراحة ووضوح : يا عمنا الغنية دي عليك الله وقفها .. - قلت : ليه يا عبدو ؟؟؟؟؟ - جابت لينا الفقر ياخ 😂😂😂
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
فيس بوك
تويتر
انستقرام
يوتيوب
بنتيريست