|
|
|
 Re: رابطة معجبي شيخ محمد مصطفي عبد القادر ... و� (Re: امير بوب)
|
بعيداً عن فكر الشيخ الظلامي و ما يحمله من افكار بالية 😂
لاكنه راجل لذيذ جداً ، سريع البديهة و خفيف الظل ... والله صحي!
غايتو لو كان واصل في قرايتو للدراما ، كان استفدنا منو و متعنا أكتر !
ورغم تركه لعالم الدراما و التمثيل ، يظل افضل استاند أب كوميديان موجود في الساحة !
له قدرة فائقة علي توصيل فكرته مهما كانت متهافتة وذلك من خلال اسلوبه السهل الممتنع
انت فاهم كلامي ؟
يجيد توظيف النكته في خطابه واستخدام لغة الجسد
و التلاعب بنبرات صوته بعفوية حسب المعني المراد توصيله
و له امكانيات خطابية جيدة يستخدمها لخدمة المنهج الخطآ !!
و فوق كل ذلك يعرف من أين تؤكل الكتف !!
| |
 
|
|
|
|
|
|
|
|
Re: رابطة معجبي شيخ محمد مصطفي عبد القادر ... و� (Re: امير بوب)
|
و فوق كل هذا و ذاك .. فهو راجل تفتيحة ..
شِفِت و مقرّم و لا يخلو من صعلكة 😂
...
في الفترة الاخيرة بقي يمثّل عقدة و محطة لايمكن تجاوزها عند معظم السلفيين !
و بقي كل سلفي حاير و لافي صينية
عايز يرّكب مكنة شيخ محمد مصطفي عبد القادر و يحاكيه في الاسلوب بإدعاء الشفتنة
و حتي إجترار الكلام و العبارات التي اصبحت محفوظة للجميع ...
...
البرنس ود عطبرة ، قوم علي حيلك قوم !
و ما اظنّك بقائم 😂
| |
|
|
|
|
|
|
|
|
|
Re: رابطة معجبي شيخ محمد مصطفي عبد القادر ... و� (Re: سيف النصر محي الدين)
|
دكتور سيف النصر كيفك
يا زول ها 😂 اجتماع شنو ؟
دي حركات بتاعت عطالة ساكت
زي ما انت قلت ، نحن ما دايرين من الناس حاجة ، لاعندنا عصيدة لا شاي بي لبن .. والله صحي😂
الرابطة و البوست مفتوحين ، كل زول يدخل علي مسئوليته ، يقرا و يكتب زي ما عاوز و يتخارج 😂
مافي لا تنظيم لا اجتماعات لا كِسرة !
ألما عاجبو الكلام دا يرفع إيدو !!
| |
|
|
|
|
|
|
|
|
|
Re: رابطة معجبي شيخ محمد مصطفي عبد القادر ... و� (Re: معاوية المدير)
|
هههههه
ود المدير حبابك الف
سمعنا تحت تحت قالوا انت المقرر العام بتاع الرابطة دي .. والله صحي 😂
بس الظاهر انت ما فاضي لأعمال الرابطة دي !
معديها حوامة و لافّي صينية مابين كندا و اريزونا 😂
لو عندك اعتراض علي الكلام دا ارفع إيدك ... تقدر ترفعا ؟ مااااا بتقدر 😂
علي كل حال ، اخونا سيف النصر يشوف الموضوع دا
انتو فاهمين كلامي؟
أي زول ما راكب عدلو ، يتركب بسطونة طوالي ... والله صحي 😂
| |
|
|
|
|
|
|
|
|
|
Re: رابطة معجبي شيخ محمد مصطفي عبد القادر ... و� (Re: امير بوب)
|
تحياتي صاحب المنشور،
الزول ده راجل رجالة جد،
والله صحي.
بختها على بلاطة وبرش ليك أي وهم
ويطقطق ليك أي زول زي السلام عليكم.
والله صحي.
وأي واحد عامل فيها حريف عادي ممكن يكتشف انو الدش ميت في يدو!
والله صحي.
... ..
الزول ده صعلكتو ذاتا بفهم، وده المزعل الصعاليك الوهم.
والله صحي.
| |
|
|
|
|
|
|
|
|
Re: رابطة معجبي شيخ محمد مصطفي عبد القادر ... و� (Re: امير بوب)
|
ومن الذي ادخله في جماعة انصار السنة؟
ومن الذي يحدد انه لا ينتمي لانصار السنة؟
وهل لنصرة السنة نحن في حوجة للتسجيل والانضمام؟
وهل الذين يكرهون انصار السنة يرضوا بأن يوصفوا بأنهم لا يحبون السنة؟
وحتى الكوميديان عندما يضحك الناس بشئ ديني لابد وان يكون من اي باب غير الاستهزاء بالدين..
...
بعد الالفاظ العابرة المحشوة تلقائيا تكون اخطر من الجدار الخارجي للموضوع الاساسي ...
....
الراجل ده فعلا فكاهي في الاسلوب،لكنه لايمثل ولا يستهزأ بالدين....
....
حفظه الله اينما وقف ونطق، وتحرك وسكن.
والله صحي.
| |
|
|
|
|
|
|
|
|
|
Re: رابطة معجبي شيخ محمد مصطفي عبد القادر ... و� (Re: قصي محمد عبدالله)
|
جبتو لي روحكم الرش براكم
المحاضرة الجاية حتكون عن عواطلية النت وسودانيز اونلاين :) :)
واحد عاطل كبير في امريكا عامل ليهو موقع لامي العطالة وبتكلمو عن السلفية والله صحي
ياخ قومو شوفو ليكم شغلة اقضوها بلا نت بلا فارغة معاكم :)
الراجل كوميديان جدا" ويحب المناظرات والمغالطات جدا" زمان عندو سوزوكي لافي بيهو
من جامع لي جامع يغالط بس
| |
|
|
|
|
|
|
|
|
|
Re: رابطة معجبي شيخ محمد مصطفي عبد القادر ... و� (Re: امير بوب)
|
(-) الشيخ الفاضل والمناضل في السلف مربي الراشدين في مركز الرشاد حفظه الله وأطال الله بقاءه
(-) داحض المبتدعه وراجم المُخترعه وقائل الحق ولا غير الحق ليهدي به الي سُبل الرشاد شيخنا جليل وامام عالم
(-) صاحب البوست أظنه من أشد المُعجبين به وان غير هذا فاليقوم حيلوا وما اظنه سيقوم
| |
|
|
|
|
|
|
|
|
|
Re: رابطة معجبي شيخ محمد مصطفي عبد القادر ... و� (Re: امير بوب)
|
و تعرى لهاااااااااااا بحضرة أبيها ..
( أها في صعلقة اكتر من كدا؟ )
و قال لها هل يكفيكي هذا ؟
عشان نشوف طريقة لو طويل نقصرو
او لو قصير نشوف طريقة نطولو
______________
غايتو الجملة أعلاه .. مهما تقراها ممكن ما تضحك
إلا بصوت الشيخ الغالاط محمد المصطفى ..
تسجيل وتوقيع للإلتحاق بنادي المعجبين مع بعض التحفظات ..
تحياتي امير بوب ولضيوفك
| |
|
|
|
|
|
|
|
|
|
Re: رابطة معجبي شيخ محمد مصطفي عبد القادر ... و� (Re: سامر دوشه)
|
Quote:
(-) المُحيرني ابرويسا النصراني دا يتكلم في شيخ محمد المُصطفي وهو عاوز اول حاجة (طهارة) و(شهادة) عشان يتكلم عن امثال الشيخ الفاضل
(-) أتلم لماك قطر يجيب خبرك وخبر معلوماتك المُلفقة يا عاطل قوم وما اظنك ان تقوم |
البرنس ود عطبرة.
كما قال الشيخ محمد مصطفى عبد القادر:
تــــــــــــــــف عليك
| |
|
|
|
|
|
|
|
|
|
Re: رابطة معجبي شيخ محمد مصطفي عبد القادر ... و� (Re: امير بوب)
|
(-) ديك المُسلمية العاطل أبرويس قال الشاعر
(-) و إذا أتتك تفلت من ناقص......فهي الشهادة لي بأنـي كامل
(-) أنت لا تستحق (تفلي) فلعابي اسماء من ان يُِتفل به امثالك فعليك بمشروب البقر الطازج
(-) قوم لف يا عاطل ودا مصيبة النت تجمع الاقوام بالاقزام
| |
|
|
|
|
|
|
|
|
|
Re: رابطة معجبي شيخ محمد مصطفي عبد القادر ... و� (Re: البرنس ود عطبرة)
|
Quote:
جبتو لي روحكم الرش براكم
المحاضرة الجاية حتكون عن عواطلية النت وسودانيز اونلاين :) :)
واحد عاطل كبير في امريكا عامل ليهو موقع لامي العطالة وبتكلمو عن السلفية والله صحي
ياخ قومو شوفو ليكم شغلة اقضوها بلا نت بلا فارغة معاكم :)
|
هههههه
يا اخونا الامام
اهم حاجة عبارة ( أهو دا بوست فارغ جداً ، والله صحي! انا بنصح الناس ما تتداخل فيه كلو كلو ، و ﺍﺫﺍً كان لابد ، فممكن مداخلة كل أسبوعين
عشان سيدو يقفّل يمشي يبيع ليه بصل او أيّ حاجة !!)
...
ياخ دا راجل أنتيكة !
| |
|
|
|
|
|
|
|
|
|
Re: رابطة معجبي شيخ محمد مصطفي عبد القادر ... و� (Re: امير بوب)
|
سيناريو للشيخ محمد مصطفى
المشهد الأول : (المكان ساحة وسط سوق خضار):
(يعدل الشيخ المكرفون والحامل ، يلبس النظارة ، يعاين في ورقة يحملها في يده اليسرى،يرفع رأسه للحضور)، ثم يبدا في الحديث:
في واحد ماعارف اسمو أمير بوب ولا شنو كده ماعارف اليومين دي فاتح ليهو موضوع في النت في موقع ما عارف
اسمو سودانيين على الهواء ولا شنو كده ما عارف قال داير يعمل ليهو رابطة بأسمي!
(يقوم يطلع النظارة)أول شئ كدي تعال يا بوب انت وورينا منو الامّرك وعلى منو ؟!
و بعدين محمد مصطفى ماداير ليهو رابطة ، يربطوك من ....... ، والله صحي. وكان ماعارف كيف تعال
أوريك شغل الربّاطة الجد جد.(يقوم يلبس النظارة ، يعاين في الورقة، وتاني يطلعها، ويرفع رأسه للحضور): وكمان
قال معجبي !العجب التشوفو في نفسك يا سفيه يا بتاع الأسافير والكييوبوردات ولا شنو كده ماعاراف.
وتعالو شوفوه كمان قال داير يلم لي العطالة واللافين صينية؟! هو بالله عليك الله في عاطل أكثر منك يابتاع الطقطقة والكيبورت؟!
كدي بالله خلي مديرك ده يعمل لي حساب معاكم عشان أطقطقكم الإتنين في موضوع واحد، إنت فاهم كلامي ده؟! والله صحي.
---------
نواصل المشهد الثاني إن لزم الأمر.
| |
|
|
|
|
|
|
|
|
|
Re: رابطة معجبي شيخ محمد مصطفي عبد القادر ... و� (Re: قصي محمد عبدالله)
|
الأعزاء عمر بوب وعلي محمد الفكي.
مافي زمن ياخ، وقراء البورد ديل لازم نديهم المعلومة كاملة وعلى بلاطة، حتى لو كان لها مفعول الصدمة.
لكن كده بيني وبينك، شوفو خفافيش الظلام زي بتاع المنصب نفسه برنس من عطبرة ده والهابي الاخر قصي.
ديل جو مارقين من جحورهم بمفعول الصدمة. أراهنكم بأنهم لا علم لهم بأن شيخهم كان زعيم عصابة!
| |
|
|
|
|
|
|
|
|
|
Re: رابطة معجبي شيخ محمد مصطفي عبد القادر ... و� (Re: Deng)
|
"كان" دي ما عارفها،
بس الحمد لله إنو بقى، وهذا ما أعرفه أنه شيخ فاهم ، و خبير.
الله يغفر لنا وله، وينفعنا بعلمه.
https://www.0zz0.com
وبعدين كلنا في ضلال وظلام إلا أن يخرجنا الله إلى نور منه...
------
يافار والله الزول ده يلم فيك تعرف فعلا إن جقر عفن..
| |
|
|
|
|
|
|
|
|
|
Re: رابطة معجبي شيخ محمد مصطفي عبد القادر ... و� (Re: أبوبكر عباس)
|
نفترض ربنا استجاب لينا وادانا المصطفى عبد القادر
وجبناها اديناهو الحوار الأمريكي ورجع السودان
الحلقة في ميدان الأمم المتحدة عن أولياء الله:
بعد يشلت الجماعة كلهم يقبل على ناسو القدام:
بالله شوف شيوخ العطالة ديل، قالوا أبوبكر هو الولي الأوحد،
قالوا ليهو صاحبك قال طلع السما والتقى بالله
هي السما دي وين يا عطالة يا بلدا
ناس قاقرين وارمسترونج طلعوا هناك
قالوا لا شافوا سما لا سبعة طلاقا،
امشوا دجالين جهلة
سما في عينكم يا عطالة
وبعدين التقى الرسل وكل دقيقة يقولوا ليهو ارجع لربك ينقص ليك الصلاة
هو شنو يا عطالة؟
الله دا فاتح ليهو دكان؟!
نقص لي!!
امشوا شوفوا ليكم شغلة بلا دجل وشعوذة
ازرعوا بدل كل يوم تشحدونا في العيش وبعد دا
تسبونا وتقولوا لينا بنطهركم
في زول اشتكى ليكم من مكناتنا
ما لكم ومال طهورنا؟!
عاجبانا كدا
| |
|
|
|
|
|
|
|
|
|
Re: رابطة معجبي شيخ محمد مصطفي عبد القادر ... و� (Re: امير بوب)
|
Quote:
لكن الزول دا ممكن بسهولة يترك الاسلام
هو عندو مقدرة خارقة في تتبع معيار واحد
نقول:
اللهم أعز عدم الاسلام بأحد المصطفيين:
م المصطفى عبد القادر
أو
أ المصطفى دالي |
أهو زي دا واحد موهوم عامل فيها مستنير
انا ما عارفو دكتور في شنو ! قد يكون دكتور في حبال العناقريب او دكتور بتاع سواسيو 😂
ما فاهم أي حاجة و لافّي صينية ساي
ياخ دي عينة ربنا إبتلانا بيهم 😂
قوم علي حيلك بلا مستنير معاك ... و ما أظنّك تقوم !
| |
|
|
|
|
|
|
|
|
|
Re: رابطة معجبي شيخ محمد مصطفي عبد القادر ... و� (Re: امير بوب)
|
(-) بحمد الله تعالى وفضله أن جعل منهج السلف الصالح منهجا واضحا لا لبس فيه ولا يتأثر هذا المنهج بوجود شخص او مغادرته
(-) وهذا الفضل والتوفيق يأتي بتمسك كل القائمين عليه والمنتمين له لكتاب الله تعالى وسنة رسوله محمد صلى الله عليه وسلم والاثر الوارد من صحابته والتابعين وتابعيهم
(-) ليس للمنهج الشلفي اي قدسية افراد او جماعات بل كل المنتمين له على حد سواء يفصل بينهم الكتاب والسنة واجماع السلف الصالح والقياس
(-) لا يهم ان ذهب محمد المصطفى ام بقي فبحمد الله كل جماعة السلف خطيب بليغ يعرف مواضع الكلم الطيب والسيء
(-) وهؤلاء هم تلاميذ الشيخ محمد المصطفي على الاسواق وفي المساجد في الجامعات في الشوارع والحواري والازقة ينادون ويعظون الناس باتباع المنهج السلفي
(-) كابوبكر اداب ومزمل فقيري ومازن وشهاب وود البدوي وود النائر وووو الكثير منهم الآن داعيه الي توحيد الله عز وجل
(-) نسأل الله ان يوفقهم لسبيل الرشاد وان يمكنهم من أكمال برنامج سودان بلا شرك ولا معصية
| |
|
|
|
|
|
|
| |
سيف النصر محي الدين
معاوية المدير
عثمان حسن المتعارض
البرنس ود عطبرة
عبدالعظيم عثمان
علي دفع الله
علي محمد الفكي
Deng
سامر دوشه
محمد نور عودو
Nasser Amin
محمد حمزة الحسين
فيس بوك
تويتر
انستقرام
يوتيوب
بنتيريست