|
|
|
 Re: في زيارتي الأخيرة روعة وتفاهة في السودان (Re: MOHAMMED ELSHEIKH)
|
بالرقم من وجود بعض اشراقات لكن هذا الموقف ابكاني
في حلة كوكو مكتب الكهرباء وانا جالس مع مهندس التوصيل . جاء رجل سبعيني لشراء كهرباء ولابد من تسديد فاتورة المياه البالغة 120 جنيه(10$) بمتأخراتها والا فلن يستطع الشراء وهو لايستطيع
ويطلب التقسيط ويرفض ناس الكهرباء .
احد الحضور قام بدفع المبلغ فبكى الرجل كالطفل امام الجميع
هذا هو السودان الذي يفتخر حكامه بدفع 150 جنيه للفقراء فيه
| |
  
|
|
|
|
|
|
|
|
Re: في زيارتي الأخيرة روعة وتفاهة في السودان (Re: MOHAMMED ELSHEIKH)
|
Quote: من المنطق يا باشمهندس أن تتبع الكهرباء للصناعة وزارياً .
والمياه للزراعة وزارياً ، أم مصلحة المياه والكهرباء في هيئة مشتركة في السودان ؟
وما علاقة تزود المستهلك للكهرباء أن يجبر على تسديد فاتورة الماء ؟؟؟؟ !!!!! |
ولياب الف مرحب بيك ولعلك بخير
سياسة ليي الذراع
| |
|
|
|
|
|
|
|
|
|
Re: في زيارتي الأخيرة روعة وتفاهة في السودان (Re: MOHAMMED ELSHEIKH)
|
تلقيت مكالمة من احدهم الساعة التاسعة مساء وانا في الخرطوم شارع البلابل بان ابني عثمان قد سقط مغشيا عليه في محطة 13 الجريف وهو عايد من المذاكرة في احد المكتبات بالرياض حيث يؤدى امتحانات هذه الأيام ويجب الحضور سريعا لاخذه للمستشفى.
ذهبت مسرعا الى هناك ومكالمة اخرى ان اتوجه لمستشفى ... بالحاج يوسف.
وصلت هناك ووجدت ان عثمان قد سقط مجهدا في نص الشارع بعد نزوله من الحافلة
هرع اليه اربع شباب من قريب واخذوه للنجيلة القريبة ورشوه بالماء ثم اخذو رقم موبايلي واتصلو أ. لم ينتظروني بل بعربة امجاد للمستشفى في الحاج يوسف(نسيت اسمو)
عند وصولي وجدتهم عملوا كل شيء وان ابني افاق وانتظروا حتى اطمأنوا وحلفوا من اخذ مليم واحد مني!!!!!!!
لم يسكتوا على ذلك بل ظلوا متابعين حتى امس بالأتصال والرسائل
زي ديل نسوي ليهم شنو ؟؟
من ابناء الجريف شرق
| |
|
|
|
|
|
|
|
|
|
Re: في زيارتي الأخيرة روعة وتفاهة في السودان (Re: محمد الزبير محمود)
|
Quote: نخلي اولادنا يبقوا زيهم !!!
ونستمر في غرس وسقي هذه النبتة الصالحة والذي هو رمز السودانيين وشعارهم السامق !!!
بارك الله فيك وفيهم وفي ابنك .
تحياتي |
مرحبا ود الزبير
صدقت فيما قلت ولكن غرس مثل هذه النبتة يحتاج لتضافر جهود منها جهودالدولة التي لا اثر لها الا في التربية العكسية للنشء
لك جزيل شكري وامتناني
| |
|
|
|
|
|
|
|
|
|
Re: في زيارتي الأخيرة روعة وتفاهة في السودان (Re: ود الباوقة)
|
تشكر محمد
وهذا ما دأبت علي تكراره
اننا لا نزال بخير
شرح اننا
تعني الشعب السوداني الساي .. المامنضوي تحت الوية المؤتمر الوطني او التي يضمها المؤتمر تحت جناحية
الشعب لازالت جذوة الضكرنة والفنجرية فيه رغم القحط
بالنسبة للموية
ضم فاتورة الموية للكهربا غصب .. مثلا انا درجة ثالثة مويتي 27 ج ورسوم عداد 2.5 ج .. فشنو اول قروش تخش خزينة الكهربا منها 29.5 ج تمشي والباقي للكهربا يعني ماعندي طريقة اشتري كهربا الا ادفع اكتر من 29.5 ج
اها قومو قبل كم شهر دفعت القروش وكهربتي جات ناقصة . وانا غلباوي ضربت معاهم شمطة .. ليه .. قالوا لي عندك متأخرات جدولناها ليك 10 ج كل شهر .. مع اني ماعندي متأخرات لي اخر فاتورة موية سويت حسابي
اها احلها كيف
احسن اخليها مشربكة وادفع عشرة ج شهريا ولا ابطل اكل عيشي واساسق من مكتب لي مكتب .. وبعد مساسقتي ما بغلبو حيلة
| |
|
|
|
|
|
|
|
|
|
Re: في زيارتي الأخيرة روعة وتفاهة في السودان (Re: عبدالحفيظ ابوسن)
|
Quote: دي أخلاق المشروع الحضاري الكيزاني
الزرعوها فينا الكيزان ما يقلعها إلا الله
حمداً لله على سلامة ابنك
|
شكرا ياكيمو على مرورك وبارك الله فيك
بس كنت عايز اشوف رأيك فيما جرى للراجل السبعيني تكون اخلاق معارضة الكيبورد؟ ههههه
وصدقت في قولك انو الزرعوها فينا الكيزان مابتمرق
ةتحياتي التي تعرف
| |
|
|
|
|
|
|
|
|
|
Re: في زيارتي الأخيرة روعة وتفاهة في السودان (Re: MOHAMMED ELSHEIKH)
|
Quote: الاستاذ محمد الشيخ ..
لك التحية الطيبة
لا اقول لك .. حمد على السلامة و لكن ربنا يردك و يردنا الى السودان ..
هذا البلد .. الجميل اهله .. الطيبون .. الكريمون .. الشهمون ..!! |
الف مرحب بالأستاذ قريمان وربنا يجمعنا باذنه تعالى في وطن حر معافى ديقراطي خال من الأستعلاء العرقي والأيديولوجي
نعيش تحت سمائه كراما بررة دون تفرقة او احتكار لسلطة او مال.
تشكر حبيبنا على الشعور النبيل
| |
|
|
|
|
|
|
|
|
|
Re: في زيارتي الأخيرة روعة وتفاهة في السودان (Re: عبدالحفيظ ابوسن)
|
Quote: تشكر محمد
وهذا ما دأبت علي تكراره
اننا لا نزال بخير
شرح اننا
تعني الشعب السوداني الساي .. المامنضوي تحت الوية المؤتمر الوطني او التي يضمها المؤتمر تحت جناحية
الشعب لازالت جذوة الضكرنة والفنجرية فيه رغم القحط
بالنسبة للموية
ضم فاتورة الموية للكهربا غصب .. مثلا انا درجة ثالثة مويتي 27 ج ورسوم عداد 2.5 ج .. فشنو اول قروش تخش خزينة الكهربا منها 29.5 ج تمشي والباقي للكهربا يعني ماعندي طريقة اشتري كهربا الا ادفع اكتر من 29.5 ج
اها قومو قبل كم شهر دفعت القروش وكهربتي جات ناقصة . وانا غلباوي ضربت معاهم شمطة .. ليه .. قالوا لي عندك متأخرات جدولناها ليك 10 ج كل شهر .. مع اني ماعندي متأخرات لي اخر فاتورة موية سويت حسابي
اها احلها كيف
احسن اخليها مشربكة وادفع عشرة ج شهريا ولا ابطل اكل عيشي واساسق من مكتب لي مكتب .. وبعد مساسقتي ما بغلبو حيلة |
اهلا بود ابسن ابن كوستي البار
الضكرنة الفوق دا وحسب الأستاذين كيمو وباوقة وصلتنا في عهد الانقاذ جنبا الى جنب مع الهوت دوق واليرقر ولا مش كدى؟
الناس بتاعين الكهرباء ليه يدمجو فاتورة مع اخرى في مرفقين لاتوجد علاقة ادارية بينهما؟ وكيف تسمح قوانين المرفقين بهذا الهراء
المهم ليس لدينا الا ان نقول حسبنا الله ونعم الوكيل
ولك شكري وتقديري وتحياتي
| |
|
|
|
|
|
|
|
|
|
Re: في زيارتي الأخيرة روعة وتفاهة في السودان (Re: MOHAMMED ELSHEIKH)
|
اها يا جماعة الحرامية والنشل برضها من منتجات المشروخ الحقاري؟
طبعا ولا والف لا
كانت موجودة
بس المشروخ ساعد في تطويرها وتنميتها
اذا كان هناك نشال لكل 250 سوداني ,صار الأن نشال لكل 2500 اي تضاعف عشرة مرات.
نشلة طريفة حدثت لي وانا استغل " الشريحة" من بحرى للكدرو . الشريحة هي الحافلات الصغيرة مثل الهايس.
جلست في كنبة ثلاثية بين شخصين . المحفظة او الجزلان عن يساري والموبايل في يدي .
ومن شدة حرصى عندما اتتني مكالمة ضرورية وضعت الموبايل في اذني ويدي على الجزلان للاطمئنان اثناء المكالمة.
النشال ادخل صوابعه داخل الجزلان ونشل القريشات الفيهو وانا مركز مع ميكانيكي تركت معه عربيتي وخايفو ينشلني بهناك برضو.
عند نزولي وجدت المحفظة قااااعدة والقريشات مافي . فحمدت الله واثنيت عليه ان سلمت باقي الكروت الماليه الجزلان.
| |
|
|
|
|
|
|
|
|
|
Re: في زيارتي الأخيرة روعة وتفاهة في السودان (Re: Hani Arabi Mohamed)
|
Quote:
دي أخلاق المشروع الحضاري الكيزاني
الزرعوها فينا الكيزان ما يقلعها إلا الله |
كاااااااك
مازرعوا واكلوا مما حصدوا فقبلوا على الفي ايدنا عايزين يسرقوها
الكيزان بارعين في السرقة لكن مازي النشال داك احرف منو
ولدي تلتاشر سنة بنلعب حروف ومدن ومهن لامن جينا في حرف الكاف للمهن كتب كوز
امتهنوا كوزنتكم ونحن سنربي القييم القديمة
| |
|
|
|
|
|
|
|
|
|
Re: في زيارتي الأخيرة روعة وتفاهة في السودان (Re: MOHAMMED ELSHEIKH)
|
Quote: سبحان الله ... انا في كل البوست دا بس متحير من كلام فرانكلي وباوقة ... كيف يعني ؟ الأخلاق الكويسة جات سنة 1989 ووزعوها للشعب !!!
وجدودنا المن سنة دو ديل مشو وين ؟
اتمسحت كل صفاتهم الطيبة وبقت كان لم تكن !!!
|
مرحب بهاني والف حمد الله على السلامة
غايتو ناسي ديل لو ماجادين مصيبة اما لو كانوا جادين فالمصيبة بجلاجل واستبعد ذلك لاني عاجنهم وقاعد اخبز فيهم .
| |
|
|
|
|
|
|
|
|
|
Re: في زيارتي الأخيرة روعة وتفاهة في السودان (Re: MOHAMMED ELSHEIKH)
|
Quote: Quote:
دي أخلاق المشروع الحضاري الكيزاني
الزرعوها فينا الكيزان ما يقلعها إلا الله
كاااااااك
مازرعوا واكلوا مما حصدوا فقبلوا على الفي ايدنا عايزين يسرقوها
الكيزان بارعين في السرقة لكن مازي النشال داك احرف منو
ولدي تلتاشر سنة بنلعب حروف ومدن ومهن لامن جينا في حرف الكاف للمهن كتب كوز
امتهنوا كوزنتكم ونحن سنربي القييم القديمة
حامد بدري
لك التحية والتجلة
هو المشروخ الحقاري دا كان فيهو فايدة جماعتي ديل طاشين مالهم؟ واحد بالخليج واحد في اوروبا
تطور ايجابي بتاع 27 سنة كمايزعمون بخليهم على الاقل يشاركوا في هذا الزخم المزعوم
تشكر على مشاركتنا الهم
|
| |
|
|
|
|
|
|
|
|
|
Re: في زيارتي الأخيرة روعة وتفاهة في السودان (Re: ياسر منصور عثمان)
|
ياسر منتصور مرحبا بك
والله كل ماقلته صحيح هؤلاء الشباب هم املنا الوحيد
وانا احترم لبسهم
ورقصهم
واغنياتهم المفضلة
هؤلاء محتاجون اان نتفاهم معهم لا ان نستفزهم
ان نصادقهم لا ان نبتعد عنهم
وننتظر منهم الكثير بعد ذلك عوضا ان نتركهم فريسة للأدلجة البعيدة عن سودانيتنا وارثنا
لهم التحية
| |
|
|
|
|
|
|
|
|
|
Re: في زيارتي الأخيرة روعة وتفاهة في السودان (Re: طه كروم)
|
Quote: الحبيب المهندس محمد الشيخ
التحيات النواضــــــــــــــــــــــــر ورمضان مبارك
الف حمد على ســــــــــــــــــــــلامة العودة ونتمنى ان يكون جميع الاهل عافية
نلقاك بألف خير كان ربنا هــــــــــــــون بيننا أنس لم يكتمل يا رفقة الزمن الجميل |
أخي العزيز دكتور طه كريم
اسعد ايما سعادة بتواصلكم
واسأل العزيز ببركة هذا الشهر الفضيل ان يجمعنا لنكمل ما بدأناه
وليكن داخل الوطن العزيز
الحمد لله رحلة جميلة بجمال اهل السودان
وممتعة بحلاوة لقاء الأحبة
ولن ندع الإحباط يصيبنا
وان غدا لناظره قريب
تحياتي للاسرة الكريمة ولاهل المدينة وعلى راسهم الحبيب المصطفى
| |
|
|
|
|
|
|
| |
MOHAMMED ELSHEIKH
البشير دفع الله
ولياب
عزالدين عباس الفحل
نصر الدين عثمان
Frankly
محمد المسلمي
الطيب رحمه قريمان
عبدالحفيظ ابوسن
Hani Arabi Mohamed
حامد بدري
ياسر منصور عثمان
فيس بوك
تويتر
انستقرام
يوتيوب
بنتيريست