|
|
|
 Re: رمضانيات (Re: حمد عبد الغفار عمر)
|
سيكون هذا البوست خيمة رمضانية تتقبل كل ما هو جميل ومفتوح لكافة المشاركات بمختلف مشاربها
دين -ثقافة- فن- أخبار عاجلة الخ
نسأل الله العفو عمن أخطأنا بحقهم ونسألهم العفو أيضا
| |
 
|
|
|
|
|
|
|
|
Re: رمضانيات (Re: حمد عبد الغفار عمر)
|
من الكلمات الرنانة
قارعة الطريق
وهي وسطه أو جانبه أو الموضع الذي يضربه المارون بأرجلهم
ولكن دوما يستدل بها على الأشياء المهملة الملقية في الطريق
| |
|
|
|
|
|
|
|
|
|
Re: رمضانيات (Re: حمد عبد الغفار عمر)
|
لووووول loool
حقتنا الفي المنبر دي
معناها الضحك بشكل غريب وبصوت عالي
Laughing Outlandishly Out Loud
أما لوووووووب دي دلع بنات ساي ل لووول
| |
|
|
|
|
|
|
|
|
|
Re: رمضانيات (Re: معاوية الزبير)
|
تمها كان راجل
بالله يا معاوية خليك قريب عشان نقدر نمشي رمضان دا بخير
ياهو هجمنا فجأة
بعدين البوست دا كان عندك نكتة ، قصة ، غنية ، مدحة أو مذكرات أو حاجة بستوعبها
ما مستعجلين وزي ما قلت ليك دي تسخينة ساي البداية يوم واحد رمضان أنا عندي رغبة قوية أبقى قاص أو شاعر في البوست دا
| |
|
|
|
|
|
|
|
|
|
Re: رمضانيات (Re: جلالدونا)
|
جلالدونا كيفك
ساكت دي كلمة ساي ما معروف ليها مصدر زيها وزي ساهي
خليني أتعمق شوية وبجيب ليك خبرها لو بالعربي أو الإنجليزي
| |
|
|
|
|
|
|
|
|
|
Re: رمضانيات (Re: حمد عبد الغفار عمر)
|
قلت لي يا حمد أي حاجة إن شاء الله نكتة قديمة!
قالوا الرباطابي الملاريا عاصراهو عصرة شديدة
راقد في السرير يكدكد من الحمى يعاين للتلفزيون، لقى دكتور بتكلم يقول: بالمناسبة البعوضة ما بتنقل الملاريا
الرباطابي قال ليهو: ومال بتنقل الدوري اللنقليزي
| |
|
|
|
|
|
|
|
|
|
Re: رمضانيات (Re: حمد عبد الغفار عمر)
|
حمد يا فنان
من الذكريات الرمضانية
أن صديقنا الحبيب المشترك ( كلمة السر ود كرى ) كانت له مشكلة مستعصية مع رمضان
كان لا يصومه
قال إنه لا يستطيع أن يصومه ليس إنكاراً دينياً لاسمح الله
بل عدم مقدرة أو فوبيا أنو ممكن يموت من الجوع أو العطش لو صام
وأضاف أنو عااااادي ممكن يمر عليهو يوم كااااامل ما يأكل أو يشرب من الصباح لحدي الليل وما يحصل حاجة لأنو عندو إحساس أنو ممكن يأكل أو يشرب لو عاوز ، أما إحساس أنو مامكن يأكل أو يشرب في نهار رمضان هو العامل ليهو المشكلة...
فاجأنا مرة بعد سرحة طوييييلة قائلاً
" إنتو عارفين ، أنا اليوم الوحيد الصمتو في حياتي ، قد أفطرت قبل الآذان بدقيقة أو دقيقتين ، أفطرت وناس أبوى وأعمامي وأخواني قاعدين في البروش ومنتظرين الآذان يأذن "
زهجت منه وعاجلته
" ياخ لو بس قمت من البرش ومشيت في الخلاء القدام بيتكم داك وما ترجع إلا لمن تسمع الآذان ، كانت عقدتك إتحلت "
رد على بقنبلة
" إنت ما بتفهم ؟؟ أنا لو كنت قادر أقوم من البرش كنت فطرت ؟؟ وتقول لى أمشى كمان ؟؟ "
| |
|
|
|
|
|
|
|
|
Re: رمضانيات (Re: عاطف عمر)
|
مرحب معاوية
عندنا قريبتنا عندها ولد عاجبا عجب شديد بقعد في باب الحوش بتجي كارو الحمار ماشة المسألة دي كانت عاجباه شديد خصوصا سواق الكارو
يوم أمو جوها زميلاتها وقاعدين وهي ملبسة الولد ومفتخرة بيهو شديد
واحدة من النسوان سألتو قال ليهو لما تكبر عايز تبقة شنو يا فالح
قال ليها سواق كارو
أمو قالت ليهو سجمي كان كدي أصلك ما تكبر خليك صغير كدا بس
| |
|
|
|
|
|
|
|
|
|
Re: رمضانيات (Re: حمد عبد الغفار عمر)
|
😆😆😆
حمد سلام وللمتداخلين كمان
ورمضان كريم
ﻳﻮﻣﻴﺎﺕ ﻣﻐﺘﺮﺏ
ﻛﻔﻴﻠﻲ ﺑﻴﺘﺼﻞ ﺑﻲ ﻃﻮﺍﻟﻰ ﻋﺸﺎﻥ ﻳﺠﻲ ﻳﺎﺧﺪ ﺣﻘﻮ ﺷﻬﺮﻯ ﻳﻘﻮﻝ ،،ﺍﺑﻮﺑﻜﺮ ﺍﻳﺶ ﻟﻮﻧﻚ ﻭﺍﺧﺒﺎﺭﻙ
ﺗﺮﺍﻧﻰ ﻓﻰ ﺍﻟﻄﺮﻳﻖ ﺟﺎﻳﻚ ﺑﻘﻮﻝ ﻟﻴﻬﻮ ...
" ﺗﺠﻴﻴﻚ ﺍﻟﺠﺎﺕ ﻟﻰ ﻋﻤﺘﻰ ﻋﻠﻮﻳﻪ " ﻫﻬﻬﻬﻬ
ﻭﻃﻮﺍﻟﻰ ﻛﻞ ﻣﺎ ﻳﺘﺼﻞ ﻳﻘﻮﻝ ﻟﻰ ﺟﺎﻳﻴﻚ ﺃﻗﻮﻝ ﻟﻴﻬﻮ " ﺗﺠﻴﻚ ﺍﻟﺠﺎﺕ ﻟﻰ ﻋﻤﺘﻰ ﻋﻠﻮﻳﻪ "
ﻭﺍﻧﺎ ﻋﻤﺘﻰ ﺍﻟﻠﻪ ﻳﺮﺣﻤﻬﺎ ﺍﺗﻮﻓﺖ ﻭﺍﻧﺎ ﻗﺎﺻﺪ ﺍﻧﻮ ﻳﺠﻴﻬﻮ ﺍﻟﺠﺎﻫﺎ ﺍﻟﻤﻮﺕ ﻳﻌﻨﻰ
ﺍﻟﻤﻬﻢ ﻳﻮﻡ ﺳﺎﻟﻨﻰ ﻗﺎﻝ ﻟﻰ ﺍﻧﺖ ﺍﻧﺎ ﻛﻞ ﻣﺎﺍﻗﻮﻝ ﺟﺎﻳﻴﻚ ﺗﻘﻮﻝ ﻟﻰ " ﺗﺠﻴﻚ ﺍﻟﺠﺎﺕ
ﻟﻰ ﻋﻤﺘﻰ ﻋﻠﻮﻳﻪ " ﻭﻳﺶ ﺗﻘﺼﺪ،، ﺍﻳﺶ ﺍﻟﺠﺎﺀ ﻟﻰ ﻋﻤﺘﻚ ﻋﻠﻮﻳﻪ ؟؟
ﻗﻠﺖ ﻟﻴﻬﻮ ﺟﺎﺗﻫﺎ ﻟﻴﻠﺔ ﺍﻟﻘﺪﺭ ،،ﻗﺎﻝ ﻟﻰ ﻣﺎﺷﺎﺀ ﺍﻟﻠﻪ ﺍﻭﻋﺪﻧﺎ ﻳﺎﺭﺏ ﻗﻠﺖ ﻟﻴﻬﻮ ﺭﺑﻨﺎ
ﻳﻮﻋﺪﻙ ﺑﺎﻟﺠﺎﻫﺎ ﺍﻥ ﺷﺎﺀ ﺍﻟﻠﻪ
ﺍﻫﺎ ﻗﺎﻡ ﻣﺸﻰ ﺍﻟﻌﻤﺮﻩ ﺑﺘﺎﻋﺖ 27 ﺭﻣﻀﺎﻥ ﺍﺗﺼﻞ ﻋﻠﻲ ﻣﻦ ﺍﻟﻜﻌﺒﻪ ﻗﺎﻝ ﻟﻰ ﻭﺍﻟﻠﻪ
ﺍﻧﺎ ﺍﻟﺤﻴﻦ ﻓﻰ ﺍﻟﻜﻌﺒﻪ ﻳﺎﺍﺑﻮﺑﻜﺮ ﻭﺩﻋﻴﺖ ﻟﻴﻚ ﺍﻧﻮ " ﻳﺠﻴﻚ ﺍﻟﺠﺎﺀ ﻟﻰ ﻋﻤﺘﻚ ﻋﻠﻮﻳﻪ "
ﻗﻟﺖ ﻟﻳﻪ ﺷﻜﻴﺘﻚ ﻋﻠﻲ ﺍﻟﻠﻪ ﻳﺎ ﺍﻟﻨﻌﺠﻪ
😂😂😂😂😂😂
| |
|
|
|
|
|
|
|
|
|
Re: رمضانيات (Re: sadig mirghani)
|
رمضان كريم تصوموا وتفطروا على خير
كيفك يا عاطف
| Quote: " إنت ما بتفهم ؟؟ أنا لو كنت قادر أقوم من البرش كنت فطرت ؟؟ وتقول لى أمشى كمان ؟؟ " |
صدق إنو ما بقدر - ياخ دا قال لي أنا يوم أكمل عيشة في الأكل المرة والأولادها بصفقوا لي وصفافير أبونا كمل عيشة
يوم نسى ولدو في المدرسة جاء داخل البيت أمو قالت ليهو هي وينو أحمد قال ليها اللللللللله نسيتو والله بس أقول ليك حاجة أنا آخر طاقة عندي وصلت بيها البيت أمشي أركبي تاكسي وجيبي ولدك .
أصلهم كانوا أربعة وانت عارف ما بصوموا
| |
|
|
|
|
|
|
|
|
 Re: رمضانيات (Re: حمد عبد الغفار عمر)
|
حضر إعرابي مائدة أحد الخلفاء وكان بين أصنافها جديٌ مشوي، فأخذ الإعرابي يأكل منه بنهم
فقال له الخليفة: أراك تأكله بِحرَدٍ كأن أمه نطحتك
فرد الإعراب: أراك تشفق عليه كأن أمه أرضعتك
| |
|
|
|
|
|
|
|
|
|
Re: رمضانيات (Re: معاوية الزبير)
|
هلا صادق ميرغني
Quote: ﺍﻧﺎ ﺍﻟﺤﻴﻦ ﻓﻰ ﺍﻟﻜﻌﺒﻪ ﻳﺎﺍﺑﻮﺑﻜﺮ ﻭﺩﻋﻴﺖ ﻟﻴﻚ ﺍﻧﻮ " ﻳﺠﻴﻚ ﺍﻟﺠﺎﺀ ﻟﻰ ﻋﻤﺘﻚ ﻋﻠﻮﻳﻪ "
ﻗﻟﺖ ﻟﻳﻪ ﺷﻜﻴﺘﻚ ﻋﻠﻲ ﺍﻟﻠﻪ ﻳﺎ ﺍﻟﻨﻌﺠﻪ |
ورطة كبيرة
تعرف في سودانيين دعاين خلاص نوع البقول ليهو الله يكتلك كان كتلتني بالشغل
وتاني في واحدين يشتموا بكلماتنا البذيئة الما بعرفوها ديك أنا غايتو الحاجات دي بتضحكني شديد
| |
|
|
|
|
|
|
|
|
|
Re: رمضانيات (Re: حمد عبد الغفار عمر)
|
قال : يا شيخ كيف يرتكب الانسان المعاصي في رمضان والشياطين مقيدة
قال أرأيت مروحة السقف، إذا اطفأتها هل تتوقف
عن الدوران مباشرة
قال : كلا، بل تستمر في الدوران فترة ثم تتوقف
قال : فإن الشياطين تجتهد على الانسان إجتهاداشديداً قبل رمضان
حتى إذا دخل رمضان أكمل المعاصي لوحده،
قال مروحة تربيزة بس يا معاوية
| |
|
|
|
|
|
|
|
|
|
Re: رمضانيات (Re: حمد عبد الغفار عمر)
|
مازال طعم الحلوى في فمي
رجل كبير يرقد فى المستشفى لـهرم جسده يزوره شاب كل يوم ويجلس معه لأكثر من ساعة يساعده على أكل طعامه والاغتسال
ويأخذه في جولة بحديقة المستشفى ،
و يساعده على الاستلقاء ويذهب بعد أن يطمئن عليه .
دخلت عليه الممرضة في أحد الأيام
لتعطيه الدواء وتتفقد حاله وقالت له :
“ ما شاء الله هل هذا ابنك !؟
نظر إليها ولم ينطق وأغمض عينيه ،
وقال لنفسه “ ليته كان أحد أبنائي .. “
هذا اليتيم من الحي الذي كنا نسكن فيه
رأيته مرة يبكي عند باب المسجد بعدما توفي والده و هدأته .. واشتريت له الحلوى ،
ولم احتك به منذ ذلك الوقت .
ومنذ علم بوحدتي أنا وزوجتي يزورنا كل يوم
لـ يتفقد أحوالنا حتى وهن جسدي
فأخذ زوجتي إلى منزله وجاء بي إلى المستشفى للعلاج .
وعندما كنت أسأله
” لماذا يا ولدي تتكبد هذا العناء معنا؟ “
يبتسم ويقول .. :
( ما زال طعم الحلوى في فمي يا عمي ) !
يقول الشاعر :
ازرع جميلا .. و لو في غير موضعه
فـلن يضيع جميلا .. أينما زرعا
إن الجميل .. و إن طال الزمان به
فليس يحصده .. إلا الذي زرع
| |
|
|
|
|
|
|
|
|
|
Re: رمضانيات (Re: حمد عبد الغفار عمر)
|
قيل: جاء رجل إلى سليمان بن داود عليهما السلام، فقال: يا نبي الله إن لي جيراناً يسرقون أوزّي
فنادى سليمان للصلاة وخطب في الناس ثم قال: .. وأحدكم يسرق أوزّ جاره ثم يدخل المسجد والريش على رأسه.
فمسحَ رجلٌ رأسَه بيدهِ
فقال سليمان: خذوه فهو صاحبكم.
| |
|
|
|
|
|
|
|
|
|
Re: رمضانيات (Re: حمد عبد الغفار عمر)
|
قيس ﻟﻤﺎ ﺷﺎﻑ ﻟﻮﻥ ﺍﺣﻤﺮ ﻓﻲ ﺍﻳﺪ ﻟﻴﻠﻲ ﺑﻌﺪ ﻣﺎﺳﺎﺑﻮ ﺑﻌﺾ
ﻗﺎﻝ ﻟﻴﻬﺎ
ﺧﻀﺒﺖ ﺍﻟﻜﻒ ﻋﻠﻲ ﻓﺮﺍﻗﻨﺎ ؟ ( ﻳﻌﻨﻲ ﺧﺘﻴﺘﻲ ﺣﻨﻪ ﻣﺒﺴﻮﻃﻪ
ﻭﻛﺪﺍ )
ﺭﺩﺕ ﻟﻴﻠﻲ ... ﻣﻌﺎﺫ ﺍﻟﻠﻪ ﺫﻟﻚ ﻣﺎﺟﺮﻱ ... ﻭﻟﻜﻨﻲ ﻟﻤﺎ ﻭﺟﺪﺗﻚ
ﺭﺍﺣﻼ .. ﺑﻜﻴﺖ ﺩﻣﺎ ... ﺣﺘﻲ ﺑﻠﻠﺖ ﺑﻪ ﺍﻟﺜﺮﻱ .... ﻣﺴﺤﺖ ﺑﺄﻃﺮﺍﻑ
ﺍﻟﺒﻨﺎﻥ ﻣﺪﺍﻣﻌﻲ ...ﻓﺼﺎﺭ ﺧﻀﺎﺑﺎ ﻓﻲ ﺍﻟﻴﺪﻳﻦ ﻛﻤﺎ ﺗﺮﻱ .
ﻭﺩﺍ ﻳﻌﺘﺒﺮ ﺍﻭﻝ ﺣﻨﻚ ﺑﻴﺶ ﺑﻴﻦ ﺍﺗﻨﻴﻦ ﺑﺤﺒﻮ ﺑﻌﺾ ﻑ ﺍﻟﺘﺎﺭﻳﺦ
ﻭﺍﺗﻄﻮﺭ ﻣﻊ ﺍﻟﺰﻣﻦ ﻭﺑﻘﺎ ﺍﻫﻠﻲ ﻏﺼﺒﻮﻧﻲ..
هههههههههه
| |
|
|
|
|
|
|
|
|
|
Re: رمضانيات (Re: حمد عبد الغفار عمر)
|
قالت امرأة للشيطان : أترى ذلك الرجل الذي يعمل خياطا ؟
أتستطيع ان توسوس له حتى يطلق زوجته ؟
قال الشيطان : نعم وهو امر بسيط !
... فذهب اليه الشيطان وأخذ يوسوس له من شتى الاتجاهات ولكن الخياط كان يحب زوجته كثيرا فلم يأبه ولم يفكر حتى بالامر ، فعاد الشيطان وقد اعترف بالهزيمة .
فقالت المرأة : راقب الان ما سيحدث !
ذهبت المرأة الى الخياط وقالت له اريد قطعة جميلة من القماش يريد ابني ان يهديها الى عشيقته ( المتزوجة ) فأعطاها الخياط القطعة
ثم ذهبت الى بيت الخياط ودقت الباب ففتحت زوجة الخياط فقالت لها المرأة اريد ان ادخل عندكي لاقوم بالصلاه فقالت لها زوجة الخياط تفضلي
وبعد ان صلت المرأة قامت بوضع قطعة القماش خلف الباب دون ان تلاحظها زوجة الخياط وخرجت !
وعندما عاد الخياط الى البيت شاهد قطعة القماش فتذكرها على الفور وتذكر قصة المرأة عن عشيقة ابنها (فقام بطلاق زوجته فورا )
فقال الشيطان: اعترف الان بكيد النساء !
فقالت المرأة : انتظر
ما بالك لو اعدتها الى ذمته فورا
قال الشيطان : كيف ؟!
عادت المرأة في اليوم التالي الى الخياط وقالت له انها تريد قطعة قماش شبيهة باللتي اخذتها بالامس لانها ذهبت للصلاة عند امرأه مسكينة وقد نسيتها عندها وخجلت من العودة اليها !
وعندها قام الخياط على الفور بارجاع زوجته .
فعلا ان كيدهن لعظيم
المهم الآن ابليس في مستشفى الامراض العقلية
قسم العناية المركزة الأنعاش ‹›
غرفة رقم1
والزياره ممنوعه عليه
هههههههههههههههههههه
| |
|
|
|
|
|
|
|
|
|
Re: رمضانيات (Re: حمد عبد الغفار عمر)
|
قال ليها: حبيبتي عايزك تقري طب....
عشان ما عايز اتعالج عند زول غيرك لماآ امرض
قاآلت ليو: اصلآا انا قدمته بيطره مخصوووص عشاآنك ي روحي
فسكت السكته الياها
| |
|
|
|
|
|
|
|
|
 Re: رمضانيات (Re: حمد عبد الغفار عمر)
|
| Quote: أنا عندي رغبة قوية أبقى قاص أو شاعر في البوست دا |
قوم لف ...
الله يسألك انا اقعد اتابعك في البوست دا عشان تملاني فقر ..
قاص او شاعر ...؟؟؟
ليه انا عوير للدرجة دي عشان اقعد لغاية ما واحد زيك يتعلم فيني كتابة الشعر او القصة ...؟؟
كدي شوف ليك ناس فايقين او حتى البرالمة ...
بعدين وشك دا بي صراحة ما خايله فيهو الحاجتين ديل ...
ياخ انا الوجيه دا ما فكرت في حاجة زي دي ....
يا زول لو قبلت صراحتي دي بجيك تاني و لو ما قبلتها انت حر ...
و ما تنسى بالله قوم لف ...
| |
|
|
|
|
|
|
|
|
|
Re: رمضانيات (Re: ABUHUSSEIN)
|
ابو حسين وانت لافي سوقني معاك ألف
شكلو رمضان شات في العضم طوالي
ثم ثانيا
أنا عايز أبقى قاص وشاعر مخصوووص عشاآنك
هسة القصة بتاعة إبليس والمرة الفوق دي أكبر قاص بكتبها ؟
عالم وهم عايزين نثقفكم وانتو في الفيها
| |
|
|
|
|
|
|
|
|
|
Re: رمضانيات (Re: حمد عبد الغفار عمر)
|
Quote: هسة القصة بتاعة إبليس والمرة الفوق دي أكبر قاص بكتبها ؟
|
دي ما يقدر عليها الا اخبث قاص ... 😂😂😂😂
كدا واحد صفر لي ... 😂😂😂
لقيتك كيشة ...
| |
|
|
|
|
|
|
|
|
|
Re: رمضانيات (Re: ABUHUSSEIN)
|
سلام للجميع و كل سنة و انتو طيبين
***********
اها هاك دي :-
من طرائف قرّاء مصر أن شيخاً سأل طالبه: ما اسمك؟
فأراد الطالب أن يختبر شيخه، فقال: اسمي آخر (اسم) في سورة البروج...
فقال الشيخ: لوح!!
فقال الطالب: محفوظ يا شيخ..
فقال الشيخ: محفوظ صفة يا لوح..
| |
|
|
|
|
|
|
|
|
|
Re: رمضانيات (Re: ABUHUSSEIN)
|
قالو يا حمد :-
الراجل عمل شكلة مع الولية و قام طلقها
قامت إتكاملت أهلها ...
يومين تلاتة البيت بقى ما بتقعد
حس بالذنب و المصيبة اللي هو عملها
قام رفع سماعة التلفون و إتصل على الولية
الراجل : آلو
الولية: آلو
الراجل : السلام عليكم
الولية : و عليكم السلام
الراجل : و الله أنا آسف جدا أنا غلطان و خجلان من نفسي و الله من طلعتي من البيت و أنا في عذاب من غلطتي العملتها دي ....
................................................................................................
الراجل كب ليها نقة كتيييييييييييييييرة
و الولية بس بتسمع ...
قام ختم ليها الكلام بي : أسي عايز أجي آخدك خلاص ...
قالت ليهو : جنبك في كباية ...؟
قال ليها : الدخل الكباية شنو في الموضوع دا ..؟؟؟
قالت ليهو : جنبك في كباية ..؟؟؟
قال ليها : مافي كباية جنبي ..
قالت ليهو : أمشي المطبخ جيب كباية و تعال
الراجل مشى المطبخ جاب الكباية و جاء
قال ليها : أهودي الكباية جبتها
قالت ليهو : أرميها في الواطة ....
قال ليها : رميتا
قالت ليهو : أرفعها ..
قال ليها : أهي دي رفعتها
قالت ليهو : ما إتكسرت ...؟؟؟؟
قال ليها : ما إتكسرت دي كباية بلاستيك ...
قالت ليهو : ياخدك ربي .... تعال أخدني خلاص .....
| |
|
|
|
|
|
|
|
|
|
Re: رمضانيات (Re: ABUHUSSEIN)
|
هلا أبو حسين
عندنا واحد لما يوافق على شيء بقول طااااااااابت معاها كريجة سنون ولوية خشم
مرة شاكل مرتو بدون طلاق وزي صاحبك دا القصة سخنت معاه
مشى بفوق الحيطة وعارفها بتنوم وين
كورك ليها قال ليها فلانة قالت ليهو آي
قال ليها طااااااااااااابت
| |
|
|
|
|
|
|
|
|
|
Re: رمضانيات (Re: حمد عبد الغفار عمر)
|
ملاحظين يا جماعة نحن متزمتين جدا في حكاية أكل رمضان دي
واحد يقول ليك البيض ما بتأكل في رمضان
تاني يقول سلطة الخضروات (خيار بنجر جزر طماطم جرجير ) ما بتتأكل في رمضان
ثالث يقول الطبيخ ما بتأكل في رمضان
الحكاية شنو ؟
أنا بكرة حأتعشى بملاح باذنجان (براطيش) الواحد دا
ما يجي واحد يقول لي يع
| |
|
|
|
|
|
|
|
|
|
Re: رمضانيات (Re: حمد عبد الغفار عمر)
|
Quote: أنا بكرة حأتعشى بملاح باذنجان (براطيش) الواحد دا
ما يجي واحد يقول لي يع |
ما بقول يع لكن بقول ليك يخس ...
انت سميتو براطيش و ما عايز يقولو ليك ياااااااع ...
اجمل شي في عشاء رمضان الملاح الاخدر بالكسره ...
و الله تضربو تشوف نفسك احسن زول ...
تقول لي براطيش ..؟؟؟ قوم لف
| |
|
|
|
|
|
|
|
|
|
Re: رمضانيات (Re: ABUHUSSEIN)
|
يا كيشة
أنا اصلا عايز أدردق نوعك دا عشان يوصلني للكسرة بالملاح الأخدر
فقط عايز زول يقول أثني
هديك ليها يورقو فيها وبكرة جنس جلد
| |
|
|
|
|
|
|
|
|
|
Re: رمضانيات (Re: حمد عبد الغفار عمر)
|
يا كيشة انا في رمضان دا ما بلتزم بي اي قواعد
خطتي الخاين الله يخونو ..
الكسرة دي بفطر بيها براااااااها ..
و الملاح الأخدر دا معاه شطة بالليمون الخفيفة ديك
تلهط فيها لمن تحوص ...😂😂😂
| |
|
|
|
|
|
|
|
|
|
Re: رمضانيات (Re: ABUHUSSEIN)
|
فعلا يا أبو حسين اللغاويس ناس سجوك وكفتة الخ بتصدم طوالي
يمين يومين ثلاثة تقعد تمص فيها زي اللالوب
ياهو الداوديات ديل ناس بامية وسلج وملوخية
| |
|
|
|
|
|
|
|
|
|
Re: رمضانيات (Re: حمد عبد الغفار عمر)
|
كأس أمم أوربا فرصة ممتعة للمسلمين محبي كرة القدم فهو ترويح ممتع بعد التراويح
تلقى رأسك مقطوع ما عارف تمشي وين وأهو تتلهم التلفزيون آخر متعة وإثارة
| |
|
|
|
|
|
|
|
|
|
Re: رمضانيات (Re: حمد عبد الغفار عمر)
|
ديالكتيك عجيب من الفيسبوك
ﺍﻟﻔﺮﻕ ﺑﻴﻦ ﺍﻟﺰﻭﻝ ﺍﻟﺒﻨﺠﺢ ﻓﻲ ﺍﻟﺸﻬﺎﺩﺓ ﺍﻟﺴﻮﺩﺍﻧﻴﺔ ﻭ ﺍﻟﺒﺴﻘﻂ ﻓﻴﻬﺎ ..
ﺍﻟﺒﺴﻘﻂ ﺑﺸﺘﺮﻱ ﺭﻛﺸﺔ ﻭ ﺑﺸﺘﻐﻞ ﻓﻴﻬﺎ 5 سنه ويعمل ركشه تانيه
ﺍﻟﺒﻨﺠﺢ ﺑﻘﺮﺍ 5 ﺳﻨﻴﻦ وبعد يتخرج يشتغل في الركشه التانيه حقت الزول السقط
| |
|
|
|
|
|
|
|
|
|
Re: رمضانيات (Re: حمد عبد الغفار عمر)
|
غايتو كلهن حاصلات
بالذات بتاعت الفتوحات و الفتحات
الدنيا صيف و شغال سكيورتى فى حمّام سباحة بس النصيحة لى الله
رفضت رفضا باتا ان اعمل فى غرف المساج لانو بصراحة حرراااام عديل كده
وللا مو هيك
| |
|
|
|
|
|
|
|
|
|
Re: رمضانيات (Re: جلالدونا)
|
جلالدونا كيفك يا ملك
الفتحة الظاهرة تحته غايتو جنس فتوحات أ
نا طبعا لسه ما بقيت قاص لكن القصة بنزلها وبٌكرة العيد
هسه بنشتغل غرف ساي
من كان مولوداً في الفترة من عام
1955
الى عام
1979
ميلادي) أتمنى لكم حياة سعيدة ، وعمراً مديداً وأعواماً حافلة بـالإنجازات وتحقيق الأحلام والطموحات
————
أكبركم عمراً عمره الآن 60 عاماً
وأصغركم عمراً عمره 36 سنة
كنتم أكثر الأطفال تميزاً بطفولتكم الممتعة التي لم يحظ بها أطفال الأجيال السابقة والحالية ، بل ولا أعتقد القادمة!!!
لحقتم على جيلين الجيل القديم والحديث
ولادتكم كانت في ظروف معيشية رائعة ، يسمونها أيام الطفرة :-
الخروف بـ 50 جنية ، والفلوكسواجن قيمتها 8000 جنية، ولا توجد بيوت ايجار كل البيوت بيوتكم
عاصرتم الحروب مثل :-
حرب 67 وحرب 73 وحرب لبنان ، وسقوط شاه إيران ، وحرب العراق وإيران ، وغزو العراق للكويت والتي سميت حرب الخليج ، وأيام التهديد بالكيماوي ، وصواريخ سكود وباتريوت ، وأيام الجهاد في أفغانستان ، وأيام جهيمان وعبود والأزهري ونميري
، وحلاوة التويكس والفولية والداندرمة ، وقماش تتركس اللماع ، والشبشب الباتا كعب عالي للرجال والخنفس والشارلستون والخلال
وشفتوا فلم ستيف أوستن وحلقات الكرتون سندباد ، وإبراهيم الراشد يقدم المصارعة الحرة
ألعاب بعضكم :-
الكنكان ، والباصرة ، والكيرم ، ونط الحبل ، والحجلة والسكسك وغميضة لِبد والسلم والثعبان و الليدو ، والعربات المصنعة محلياً وكفراتها من السفنجات وعلب الصلصة
هواياتكم :-
الحوامة بالشوارع في الشموس ، وصيد العصافير بالنبلة وقطف الليمون والمانجو ( المنقه ) والنبق من بيوت الجيران ، والسباحة في الخور
وادركتم كبار السن من أهاليكم
والآن تعاصرون :-
الأنترنت - عالم أبل - البلاك بيري - الجلاكسي تاب - والايفون وأكس بوكس ، وتلفزيون ملون بتقنية HD
والشاشات المسطحة
عشتم جيلين مختلفين
تربيتم تربية الأجيال السابقة
وعشتم عيشة الأجيال التالية
وأظنكم/ تعلمتم الدين الصحيح
ستبقون دائما مميزين
تربيتم على عادات أصيلة ومفاهيم ذات مرجع ديني متسامح لم ولن يفهمها ويقدرها سواكم
أنتم جيل لا تخشون التقدم في السن
أنتم تعتبرون من أكثر الناس فهماً للحياة
أنتم مخضرمون ، بل أنتم رائعون ومحظوظون
لن يتكرر جيلكم
عشتم في بيوت الطين ، وسكنتم الفلل والقصور ، وركبتم في صندوق البرنسات ، وعلى عربات الحمير وسط البلد ، وها أنتم تسوقون أفخم العربات وتركبون الطيارات
لحقتم على تلفون أبومنفله ، والسنترال ، وتلفون أبو قرص ، وتلفون أبو أزرار ، وتلفون العربية ، والجوال
كنتم تلعبون في الشوارع الكورة ، وها أنتم تشاهدون أفخم ملاعب العالم
بحق تاريخكم جميل ماضياً وحاضرا!!!
تلذذتم بالقليل وعشتم في ترف الكثير
رجعتكم للماضي الجميل كذكری ومقارنة تستوجب الشكر لله والحمد له ادعو لي ولكم بصحه والعافيه وامواتنا وامواتكم بالرحمة والغفران.
هنيئا لكم وأمدكم الله بالصحة والعافية
حقاً زمن جميل
| |
|
|
|
|
|
|
|
|
|
Re: رمضانيات (Re: حمد عبد الغفار عمر)
|
Quote: من كان مولوداً في الفترة من عام
1955 الى عام 1979 ميلادي |
ما عصرت على ناس 79 ديل يا حمدنا؟ قال التلفون ابومنفلة
أنا غايتو حضرت البيجر (البليب) سنة 70 كانوا بستدعوا بيهو الطاقم الطبي للحالات المستعجلة في المستشفى
تاني ما لاقاني إلا في الخليج سنة 1990
| |
|
|
|
|
|
|
|
|
|
Re: رمضانيات (Re: جلالدونا)
|
معاوية كيفك
| Quote: ما عصرت على ناس 79 ديل يا حمدنا |
ناس 79 ديل بكونوا لحقوا كراويش زي ما نحن لحقنا كراويش من التلفونات دي
أنا ولادة الحبل ما حضرتها
جلالدونا بجيك بكرة لقصة فشلي كقاص دي
| |
|
|
|
|
|
|
|
|
|
Re: رمضانيات (Re: حمد عبد الغفار عمر)
|
اليوم استفتاء البريطانيين للبقاء في أو الإنفصال عن الإتحاد الأوربي
لحدي هنا الأمر عادي بس الما عادي في جو زي دا الناس شغاليين عادي وبدوام كامل وعليهم التصويت بعد نهاية ساعات دوامهم
دا لو عندنا عيييك
كان إجازة يومين ثلاثة وضبائح ومشاكل وعاك عيييك والشرطة حارسة المراكز وتزوير الأصوات وقالوا وقلنا
وكلمي بتول قوليها ما فيهو أييييييييي كولسترول
| |
|
|
|
|
|
|
|
|
|
Re: رمضانيات (Re: حمد عبد الغفار عمر)
|
منقول وبس ما عندي أي تعليق عشان تآمن يا أبوبكر عباس
مكانس تكنس السماء وتنظفها !!!!!!!!!!!!!!!!!!!!!!!!!!!!!!!!!
كما وردت.في القران الكريم
والله كلام اول مرة اسمعة سبحانك يالله !!!
اكتشفت وكالة الفضاء الامريكية ناسا شيئا عجيبا فى الفضاء.
فهناك من ينظف الكون من الغبار الكونى والدخان الناتج عن انفجارات النجوم.
نعم أنها بالظبط مكانس بما تعنيه الكلمة من معنى، فهى تشفط هذا الدخان والغبار الكونى تماما كالمكنسة.
أطلقت عليها ناسا " الثقوب السوداء "
"The Black Holes"
نظرا لانها لا ترى فهى تماما كثقب يشفط اى غبار او دخان فى الكون.
وفى الحقيقة هى نوع من أنواع النجوم وهى تجرى فى السماء
وتنظفها.
**************
ولكن هناك مفاجاة **
**************
فاجأت الجميع وهى:
ان ناسا لم تكتشف شيئا لانها فقط التقطت صورا لشىء تكلم عنه خالقه الواحد الاحد فى القران الكريم
**
فقد أتى ذكر هذه النجوم فى قوله تعالى:
{{{{{{{{{{{{{{{{فلا أقسم بالخنس * الجوار الكنس}}}}}}}}}}}}}}}}
أقسم الملك سبحانه، وله مايشاء ان يقسم به، ووصفها وصفا دقيقا فهى :
لاترى : فهى خنس
وتجرى : فهى جوار
وكالمكنسة : فهى كنس
الجوار الكنس أكبر بعشرين مرة من الشمس.
وهى كمكنسة كونية عملاقة تستطيع ان تبلع الارض بما فيها.
فهى لها جاذبية عظيمة تجذب اى شىء يمر امامها.
فصدق الحق "سنريهم آياتنا فى الآفاق وفى أنفسهم حتى يتبين لهم أنه الحق "
| |
|
|
|
|
|
|
|
|
|
Re: رمضانيات (Re: حمد عبد الغفار عمر)
|
برضو منقول
◄ دق الدلجة | محمد عبد الماجد | جابوا لينا (مطرة) مع الفطور
• من رأسي :
• لمن تشوف ليك زول في رمضان راكب ليه (عجلة) نص النهار ، طوالي بيتخيل ليك انو (العجلة) دي فاطرة!!.
• من كراسي :
• (ولا يحول بيننا وبين السعادة، إلا العفاريت الكامنة فى أعماقنا).
• نجيب محفوظ في (أولاد حارتنا)
• ناس (التوم ود فتر البحر) …فطورهم بي (مطرتو).
• بشوشين ..وطيبين شديد ..وما بتسمع منهم كلمة بتغلط عليك.
• قراصتهم بتنزل ليك في البطن زي (الرصيد).
• جنبلق تقع جوة.
• ما في حاجة بتوقفها.
• تتبلع ليك زي (اضغط نجمة وشيل اللغمة).
• بسيطين…وما عندهم مشكلة مع زول.
• وما شايلين ليهم هم في الدنيا دي.
• الناس في البلد دي كدا.
• بس ساكت مرات العيشة بتصعب عليهم ..وبغلبهم البسواهو.
• و
• (ونحن عايشين والحمدلله (النفس) بينزل ويطلع إلى الآن..ولا ينقصنا شيء سوى رؤياكم الغالية).
• ناس التوم ود فتر البحر (لقمتهم) في الشارع.
• وميوتهم تلاقيك ..من على بعد (4) اميال.
• ناس كريمين ..(صوانيهم) بتتخابط في الشارع متل (الواو الضكر)..
• الصينية لو قعدت فيها (7) شهور ما تقوم منها.
• جرادل الموية …تتحاوم بلا عدل.
• لو قعدت معاهم في (صينية) …الصحن لو ما بقى زي (مراية) اللوري الهينو ..ما بخلوك تقوم.
• الصابونة لو ما كملتها في ايدك من (الغسيل)..ما بفكو (الابريق).
• شفعهم اتعلموا الخاصة دي.
• سيدة بنت حمد ..زولة (طعّامة) شديد.
• ايدها طاعمة.
• سلطة الروب بتعملها ليك بـ (19) طعم.
• لمن اذان العشاء يأذن ما بتفهم حاجة.
• ولا بتعرف شيء.
• في حلتنا ..الناس كلهم كدا.
• عمر ود زحم الضل …عندو (عراقي) واحد – لكن الزول دا يلاقيك قدام بيتو تحلف تقول خزان الرصيرص مسجل بي اسمو.
• ما بفكك لو ما دخلت البيت اكلت ليك (لقمة).
• يا زول هي الدنيا فيها شنو؟.
• مالك جاري كدا؟.
• لاحق شنو؟.
• الدنيا طايرة.
• و
• (ونحن عايشين والحمدلله (النفس) بينزل ويطلع إلى الآن..ولا ينقصنا شيء سوى رؤياكم الغالية).
• امس صبت (مطرة) – قعدنا نفتش لينا في مناسبة.
• مناسبة عشان (المطرة) دي.
• نحن اصلا ما قاعدين نفوت (المطرة) ساكت.
• المطرة صبت ..قلنا يا ربي دي مطرة شنو؟.
• العشرة الاواخر.
• الخير بسع.
• والجو ذاتو اتصلح.
• نحمدك يا رب.
• لا عاوزين كهربتكم.
• لا عاوزين مويتكم.
• بنحلها من فوق.
• يا ما انت كريم يا رب.
• محليج ود الطيب ..فتح تلفونو ..لقى نزل ليه فيه رصيد بـ (100).
• محليج ود الطيب استغرب وما عرف الرصيد دا جاهو من وين؟.
• الجماعة ديل بقوا يفكوا (ارصدة) ساكت كدا.
• مالهم عاوزين يبقوا زي (مصعب عمر).
• رمضان كريم!!.
• في واحد مننا دائما مستعجل ..قال لي محليج ود الطيب ..(الرصيد) دا جابتو ليك المطرة دي.
• مطرة بي (رصيدها)…ما شاءالله وتبارك الله.
• شلنا لحفاتنا وطلعنا برة.
• قعدنا نستغرب برانا.
• استغربنا في الدنيا دي جنس استغراب.
• هي الدنيا دي فيها شنو غير (الاستغراب)؟.
• الاستغراب وسلطة الروب.
• الواحد فينا من يقوم الصباح – لمن تغيب بكون قاعد (مستغرب).
• لكن برضو ما قلت لينا (مناسبة) المطرة دي شنو؟.
• يكون هدف شيبولا الاول.
• احتمال.
• الزول دا جاب ليه (هدف)…جمال سالم المسكين عندو (تلاتة جنسيات)..قالوا ليك بعد الهدف دا (جنسية) واحدة ما لقاها.
• الرقم الوطني ذاتو طار عليه.
• و
• (ونحن عايشين والحمدلله (النفس) بينزل ويطلع إلى الآن..ولا ينقصنا شيء سوى رؤياكم الغالية).
• وكان لي مصعب عمر …والله ناس المريخ ديل ما خلوا لينا فيه شيء.
• الجماعة ديل ..فكوا (اسامة ونسى) وقبلوا على (مصعب عمر).
• قطعوا مصعب عمر قطيع.
• حقارات بس.
• دي ما عندي ليها اي تفسير تاني غير (حقارات).
• مرة حضرت لي (فيلم هندي).
• زمن الافلام الهندية البتكون ترجمتها ما واضحة.
• قعدت احضر في الفيلم الهندي.
• ما فهمت فيه اي حاجة.
• وما قادر اقول ما فهمت شيء.
• كتمت ليك الموضوع في قلبي.
• لمن الكهربة قطعت ..اتبسط ليك ..ولقيت لي مخرج…قلت الحمدلله جات منكم.
• قلت في نفسي والله فيلم زي دا خسارة الكهربة ما تقطع فيه.
• و
• (ونحن عايشين والحمدلله (النفس) بينزل ويطلع إلى الآن..ولا ينقصنا شيء سوى رؤياكم الغالية).
• والمطرة شغالة…
• ونحن طلعنا بي ملامحنا القديمة ديك.
• ناس (غبش) كدا.
• الشقاوة ظاهرة في عيونا.
• شايلين (سفنجاتنا) في ايدينا.
• وقمصانا (زرارة) واحدة ما فيها.
• لونها (رمادي) ما عشان طبعها كدا.
• ابدا ..لونها (رمادي) من الشمس.
• الشمس قلبت لونها.
• مع ذلك فرحانين بيها.
• بنمشي بيها الحفلة يوم الخميس …وما بنقبل فيها كلمة.
• اتقرحت.
• واتشرطت.
• وبرضو مبسوطين بيها.
• فيها (دفيق) بتاع (بلح).
• وحبر.
• وزيت اسود.
• مع ذلك وقت ننزل بيها في (الحفلة) ما بنسأل في اي (عريس).
• بنمشي البحر.
• مرات نمشي عشرة ..نرجع تسعة.
• عادي الكلام دا بيحصل.
• بيكون فينا واحد غرق.
• البحر كلو يوم بشيل مننا واحد.
• مع ذلك البحر (حياتنا) وما بنعيش بدونو.
• بنحبو.
• وبنكتب ليه في (الجوابات) الغرامية.
• بيكسر لينا اليوم.
• زمان ..يومنا في رمضان بنكملو في (البحر).
• لا كهربة.
• ولا مكيفات.
• ولا حتى (مراوح).
• بنمشي (البحر) – نقعد يومنا كلو.
• لمن تقرب تمغرب بنمشي البيت.
• بقولوا لينا يا اولاد كنتوا وين؟.
• بنقول ليهم كان عندنا مذاكرة في المدرسة.
• الحاج كان بقوم يعاين لينا ..بقول لينا مالها (المذاكرة) دي خلتكم (غبش) كدا؟.
• بنقول ليه يا حاج كنا بنذاكر في (حوض النيل).
• الحاج بفهم الموضوع.
• لكن بتعجبو (المخارجة).
• بقول لينا اعملوا حسابكم من (المذاكرة) دي – يوم داك (غرقوا) فيها (11) طالب.
• نحن نسكت.
• وما نعرف نمشي وين؟.
• و
• (ونحن عايشين والحمدلله (النفس) بينزل ويطلع إلى الآن..ولا ينقصنا شيء سوى رؤياكم الغالية).
• امس اتقاسمنا (المطرة).
• طلعنا بيها (الشارع).
• المطرة زي بتشبهك وقت تعملي خطين تحت الجواب.
• لمن تعملي فيها ما عارفة حاجة.
• عشان كدا ..قعدنا (نستغرب) ليكم.
• في واحد من اعمامكم الكبار ديك ..قال لينا يا جماعة ما تقعدوا تستغربوا لي هنا.
• قلنا ليه نحن لو ما استغربنا هنا ..بنستغرب وين يعني؟.
• الكهربة قاطعة.
• والموية (طين).
• ورشوشة (مطرة) ساكت …قفلت شوارع الخرطوم.
• غايتو السنة دي – الله يستر عليكم من (الخريف).
• والي الخرطوم مركز مع والي المريخ.
• الله يستر من (الخريف).
• استعدادات الولاية للخريف كلها عملوها في لجنة تسيير المريخ.
• جايبين ليكم (26) عضو ..عشان يفرتكم ليكم (سادومبا).
• والله سادومبا يوم المباراة لو لقى (المطرة) دي ..كان لغاية الآن يا ناس المريخ بتحسبوا في الاهداف الدخلت مرمى جمال الوالي.
• و
• (ونحن عايشين والحمدلله (النفس) بينزل ويطلع إلى الآن..ولا ينقصنا شيء سوى رؤياكم الغالية).
• ………….
• و
• علي جعفر (الاصابة) شافتو.
• علي وجفر ..مرقتو اصابتو.
• هسع الكلام البقولوه في مصعب عمر دا ..لو كان علي جعفر مشارك ..كلو كان قالوه فيه.
• في عالم محظوظة.
| |
|
|
|
|
|
|
|
|
|
Re: رمضانيات (Re: حمد عبد الغفار عمر)
|
قالوا واحد قال لي شيخ الزين امام جامع السنهوري
اللقيتها من القرٱن سيدنا جبريل 27 سنة طالع نازل ما لقاها
واحد
قال ناس الحكومة ديل جنهم جبايات لو لقوك بتصلي يقلعو منك ركعة
بوستك شوفتو الليلة بس
نحاول نضقل معاك للعيد
| |
|
|
|
|
|
|
|
|
|
Re: رمضانيات (Re: عبدالحفيظ ابوسن)
|
هلا ود أب سن
جومو كنياتا قال لما جونا القساوسة شايلين الإنجيل كنا ملاك الأرض
قالو لينا امسكوا الإنجيل دا وإنتو مغمضين فيهو النجاة
قال لما فتحنا لقينا نفسنا ماسكين الإنجيل والقساوسة ملاك الأرض
الظاهر جماعتك ديل نقلوها بضبانتها
| |
|
|
|
|
|
|
|
|
|
Re: رمضانيات (Re: حمد عبد الغفار عمر)
|
سلام حمد
ساكت دى
فى اللغة النوبية
هوسن تعنى ساكت
وتستخدم بمعنى استمرارية
يعنى هوسن بنجى
يتكلم ساكت
هوسن تيق
اقعد ساكت
قرات فى مكان ما عن استخدام ساكت فى لهجتنا السودانية منقول عن النوبية
| |
|
|
|
|
|
|
|
|
|
Re: رمضانيات (Re: حمد عبد الغفار عمر)
|
هوسن بتدى معانى مختلفة
مثلا
هوسن بنجى
يعنى بتكلم كلام ما جادى
هوسن تيق
يعنى اجلس بهدوء
هوسن قون
انظر دون تعليق او فعل
هوسن كوف
قفل خشمك واسكت
هوسن كب
استمر فى الاكل
| |
|
|
|
|
|
|
|
|
|
Re: رمضانيات (Re: حمد عبد الغفار عمر)
|
مراحل نجاح السودانية...
1/ طفلة مرتبة و شعرها ما منكوش ما بتبكي لما ترحيل الروضة يسوقها الصباح, ولازم تكون كيوت و عندها جضوم..
2/ تلميذة أساس مجتهدة و مهذبة ما بتعمل مشاكل, بتقش حوش المدرسة بضمير و بتشارك في فقرة الحكم في الإشراقة الصباحية! أهم ما يميز الشكل العام (ضنب الحصان)
3/ طالبة ثانوي ملتزمة لا تشارك في " حفلات الرقيص و جلسات الدلوكة في الفصل" تحترم معلماتها , تؤدي فروضها المدرسية و تساعد في غسيل الأواني الملطخة بالويكة بعد كل وجبة غداء ( دائماً ما تمتدح ب "حلاتها") أهم ما يميز الشكل العام ( الشلهتة و كيس القونقليز)..
4/طالبة جامعة ( مرحلة التحضير للعرس) عايشة قصة بكتبها الحولينها و الانتاج أخوانها و الإخراج أمها و خالاتها و كل من سبقها ( اللاعيبة الخبرة) .. أهم حاجة تعجب المجتمع و تنغمس في أفكاره الجاهلة الاولاد يقولوا عليها (أصلية) و البنات يقولوا راقية الفريندس في السوشيال ميديا يزيدو والفولورز في تويتر دليل على انفتاحها الموبايل ما بيفارق يدها أي هاشتاغ بيخص الجامعة أي بوست, ممنوع تمرق من البيت قبل التحقيق, اللمة مع صحباتها فرصة لتصوير جزمهم و يدينهم ,و كم تشيك إن على دبل تاغ للشلة الكريمة نظام إحنا بنتفسح و فري و كده , {الفالحات يحصلن على العريس قبل الشهادة.. توصيات سينمائية من المخرج و المنتج و كده}..
5/ الباحثات عن الحرية.. في مرحلة الجامعة ابتدت تحس بالدنيا حولها و انها مفروض تطور و تشتغل بس البيت من جهة و المجتمع من جهة تانية يمثلون( المعارضة) العرس مطلب لبدء حياة جديدة.!!
6/ ست بيت وناسة و شايفة بيتها ..( عندنا في كارت الدعوة بكتبوا " تأهيل كريمتنا.. الخ.. فعلاً هي اتأهلت للبطولة و لازم تأدي أداء مشرف تهتم بالبغل الاشتراها و تغسل و تكوي و تطبخ اما النجاح الحقيقي عدد الاطفال و ياحبذا أولاد.. كل طفل بطولة ..)
7/ أربعينية عاطلة تشاكل في الحبشية و أهم حاجة شمارها يكون صاح.. ( كونه شمارها يطلع غلط دي مصيبة كبيرة و فشل استخباراتي عظيم! ممكن تنطرد من اتحاد الحلة للشمارات)
8/خمسينية صاحبة رسالة عظيمة ألا و هي الاحتفال بالاجيال القادمة.... من صبحية ,لعرس , بتشوف انصاف مدني اكترمن اولادها.. لو ناجحة شدييييد تظهر في ليالي اسبارك سيتي في النيل الأزرق
9/ حبوبة "حضرانة" بتعرف تجضم و تحكي قصص مدرب مطبخ قدير.. كوماندو سفنجات قناص كوبايات من الدرجة الاولى تسمع كلامها و تنفذ اوامرها بالهداوة احسن..
10/ حبوبة "نعسانة" ما فاضية للفارغة همها تحضر عرس أحفادها و " تجرتقهم" و يلاااااا بقى ... الباقي على الله ..
| |
|
|
|
|
|
|
|
|
|
Re: رمضانيات (Re: حمد عبد الغفار عمر)
|
هاك دي حمدنا بي نارها من الواتساب
قالّيك دجاجة جات مارة جمب الدايات سمعت الكواريك و الـ الله لي الله لي سألت الحاصل شنو قالوا ليها ديل النسوان في الولادة
قالت: أجي يا أخواني, جبناهن بالطبق وما سوينا سواتكن دي :)
كل سنة وانت طيب
| |
|
|
|
|
|
|
|
|
|
Re: رمضانيات (Re: محمد البشرى الخضر)
|
كااااااااااااااااااااااااااااااااك يا ود البشرى يمين دي نكتة الموسم
مصنوعة بحرفية عالية جدا ياخ السودانيين ديل يمين بقوا معلمين كبار وخيال ألف
لكن بيني وبينك الجدادة ذاتها ما تخمنا هي ذاتها قاعدة تتجرس تدخل وتمرق وتحوم البيت كلو حتى ترميها
زمان يقولوا للواحد البدخل ويمرق كتير
بتدخل وتمرق مالك زي الجدادة الحارقاها البيضة
كل سنو وانت طيب وربنا يحقق أمانيك
| |
|
|
|
|
|
|
|
|
|
Re: رمضانيات (Re: حمد عبد الغفار عمر)
|
قال ليك جماعة قاعدين ياكلو معاهم ولد صغير
الولد شبع بسرعة وقام يغسل يدينو اكبر واحد في الجماعة مشى مسك ليهو الإبريق
الولد رفع عينو كدا للراجل وقال ليهو انت أبو منو وأسمك منو
| |
|
|
|
|
|
|
| |
حمد عبد الغفار عمر
معاوية الزبير
جلالدونا
عاطف عمر
ABUHUSSEIN
عبدالحفيظ ابوسن
mohmmed said ahmed
محمد البشرى الخضر
فيس بوك
تويتر
انستقرام
يوتيوب
بنتيريست