|
كتب الكاتب الفاتح جبرا المتوفرة بمعرض الدوحة
|
|
 Re: الكسكسة والكشكشة والعنعنة والطمطمة والتل (Re: حمد عبد الغفار عمر)
|
الأخ/ حمد عبد الغفار عمر
أولاً أضحك الله سنك
تالياً برضو بتشتري الفول من وين
وأخيراً غايتو قرررربت تبالغ زي ما قالت حاجه عيشه مع إنك أصلاً بالغت وفوق هذا وذاك جايب ليك كلمات أقرب ما تكون للغلوتية ، يا أخي لمن وصلت الكلمة التالته في العنوان بس نفسي قام مع إنها كانت قراءة صامته.
وفعلاً هي لهجة رندوك كما أشرت ، يا أخي قل لي بربك العرب ديل في داعي للولوة بتاعتهم دي ما كان معاهم عنترة وجرير وإمرؤ القيس ولبيد وجميعهم قالو أشعار قبل ألف وخمسمائة سنة ومازالت أشعارهم معروفة ومفهومة.
المهم قالو كمان في قلب اللام ميم في التعريف يعني بدل ال تبقي أم وفي الحتة دي لو عاوز أكتب الأم مدرسة أقول شنو يا أخي الناس ديل كان مقبول لو حشرونا في ذلك الخرم في حلمة أذن الصرصار أو دخلوا البعير في قد الإبرة لكين يقعدو يتلولو لينا كده بطيرو الشوتين العندنا دي.
شئ تاني يعني هسي أمدرمان دي كانت في المملكة الحميرية الدرمان ولا أم روابة كانت الروابة ولا أم مغد كانت المغد وأم كدادة كانت الكدادة يا أخي دا كلام بخليني محتاج لفصول محو أمية مع دروس خصوصية كمان.
شكراً على هذه السياحة الجميلة ، وعرفت برضو إنو كمان ما في حاجه إسمها لهجة سودانية أو مصرية أو خليجية أو يمنية بل يجب أن تنسب للمنطقة كأن نقول لهجة عدنية من عدن أو كردفانية من كردفان وهلم.
| |
  
|
|
|
|
|
|
|
|
Re: الكسكسة والكشكشة والعنعنة والطمطمة والتل (Re: حمد عبد الغفار عمر)
|
امملا عمر 
مرحبا
Quote: لمهم قالو كمان في قلب اللام ميم في التعريف يعني بدل ال تبقي أم وفي الحتة دي لو عاوز أكتب الأم مدرسة أقول شنو يا أخي الناس ديل كان مقبول لو حشرونا في ذلك الخرم في حلمة أذن الصرصار أو دخلوا البعير في قد الإبرة لكين يقعدو يتلولو لينا كده بطيرو الشوتين العندنا دي.
شئ تاني يعني هسي أمدرمان دي كانت في المملكة الحميرية الدرمان ولا أم روابة كانت الروابة ولا أم مغد كانت المغد وأم كدادة كانت الكدادة يا أخي دا كلام بخليني محتاج لفصول محو أمية مع دروس خصوصية كمان. |
هي عشان كدا وصلتنا واقعة وفترانة ونحن ما قصرنا لخيناها ليك لخة الجن
شوف جنس تاكي الباب وأرحكاكا وعندي جضمارة
وبعد داك قمنا عملنا ليهم راندوكنا زي عملات ، سدني مرمر والسهود نوار وبندي شرشور
شغل معلمين كبار
| |
|
|
|
|
|
|
|
|
|
Re: الكسكسة والكشكشة والعنعنة والطمطمة والتل (Re: حمد عبد الغفار عمر)
|
الأخ حمد عبدالغفار ، لك التحايا.. الموضوع شيق جدا و معاني جديدة عرفناها اليوم فلك الشكر..
غير أن تركيبة الكلمات المكونة من حرفين مكررين قادني إلى كثير من المعاني السودانية المحلية والعربية فتذكرت كل من
المعمعة، السكسكة، البطبطة ، الكبكبة، اللكلكة ، الورورة،
النحنحة، الطبطبة ، المطمطة و اللخلخة، واللحلحة برضو..
ثم الطشطشة ، والبلبلة، و الفلفلة، والململة ، والنقنقة ، و النسنسة
وأظن في أخريات كثر...
تحياتي
| |
|
|
|
|
|
|
|
|
 Re: الكسكسة والكشكشة والعنعنة والطمطمة والتل (Re: الأمين عبد الرحمن عيسى)
|
مرحب الأمين عبد الرحمن
Quote: المعمعة، السكسكة، البطبطة ، الكبكبة، اللكلكة ، الورورة،
النحنحة، الطبطبة ، المطمطة و اللخلخة، واللحلحة برضو..
ثم الطشطشة ، والبلبلة، و الفلفلة، والململة ، والنقنقة ، و النسنسة |
كتيرة والسودانيين مبدعين
والسنسنة برضو
مرة يمني قال لي اللغة العربية طلعت سليمة من جزيرة العرب في الشام اتحرفت وفي مصر اتبهدلت وفي السودان إندمرت
ونحن هنا اشتقيناها لوصف الحالة
| |
|
|
|
|
|
|
| |
حمد عبد الغفار عمر
معاوية المدير
almulaomar
محمد البشرى الخضر
الأمين عبد الرحمن عيسى
فيس بوك
تويتر
انستقرام
يوتيوب
بنتيريست