|
|
|
 Re: يا ربى بكرى ابوبكر وقف هنا ؟ (Re: أيمن نواى على)
|
تلات ارباع الشعب السودانى.....يحب النضمى......لكن ما بفكو الخط......ديل الرسالة تصل ليهم كيفن؟
هسى الواحد لو داير يورور بى صباعه او يحمر بى عيونو......او يدى واحد ام كف يفش غبيتو يعملا كيفن؟
محرومين لغةالعيون واليد القوية و البودى لانقويش.....مجهذين البدل والكرفتات لزوم الشو الارضه اكلتن.
غايتو الواحد مغبون ساكت.
| |
 
|
|
|
|
|
|
|
|
Re: يا ربى بكرى ابوبكر وقف هنا ؟ (Re: أيمن نواى على)
|
الاستيكه دى شغل الحناكيش......شغل حضارى يواكب التطور.....لكن انحنا الغبش ديل ماعندنا اعتبار عندكم.......الاستيكه ما بتقضى لينا الغرض.....الواحد ان ماشخط الارض بالعصايه تلات مرات......بعد داك البيتعدى الشخيط.....يتحمل غلطو.....بالطريقة دى المشاكل بتن حلا.
دايرين التلفذيون .....التلفذيون....تشوف عينك يا تاجر.....بالعدم الراديو.
كل شى صورة وصوت بالعدم بنقبل بالصوت.
| |
|
|
|
|
|
|
|
|
|
Re: يا ربى بكرى ابوبكر وقف هنا ؟ (Re: أيمن نواى على)
|
لسع ما فهمنا الفكرة يا ايمن..
يعني انت عاوز الباشمهندس يؤسس اذاعة وتلفزيون في امريكا
وتكون مشاهدة في السودان...ام هنا من داخل المنبر تكونةفي خاصية
للحديث مباشرة وتداول المناقشات مباشرة بدل الكتابة؟؟
وضح لينا شوية عشان اذا الفكرة ممكن تطبيقها وعاوزة راس مال..عندنا
الفكرة لحشد الموارد المالية..
والله يديك الصحة والعافية
| |
|
|
|
|
|
|
|
|
|
Re: يا ربى بكرى ابوبكر وقف هنا ؟ (Re: اميرة السيد)
|
الأستاذة أميرة
شكرا ليكى......انا اثنى على اقتراحك بتاع التلفزون والإذاعة. .....كان فى المنبر هنا او فى السودان......المهم بتحل لينا مشكله......هسى عشان ارد ليكى القط فى الحروف لقيط......ومرات ما اقدر ارد.....اخد لى تلات ساعات عشان اكتب لى سطرين......هسى نظارتى بقت قدر قعر الكبايه.......الشفع الصغار صفحة كاملة ينزلوها فى نص دقيقة. ....الشفع بقو يغلبونا فى المنبر......هسى شوفى انحنا بقينا فى جنس دا..... فى كلام التلفزيون والإذاعة بكرى دا عارف فيها الكتير.....لكن كلام القروش دا بكرى بيخاف منو......داير ليهو دفره امكن يشجع ويحل لينا المشكلة.
| |
|
|
|
|
|
|
|
|
|
Re: يا ربى بكرى ابوبكر وقف هنا ؟ (Re: أيمن نواى على)
|
الشدر الكبار فيهو الصمغ......علا الشباب نجيضين فى الكتلوجيا ......ما مدننا الفرقه......البلد كلها بقى مليان كلام الجهلا.......الحال بقى مايل.....بقينا ما بنعرف القلابا من العدلا.....البلد ممكونه.....والزومه مذنوقه......الواحد قاعد فى سقط لقط يطقطق فى الكى بورت على كيفو.
يا بكرى ابوبكر انحنا دايرين النضمى......خبرة ساكت الواحد اذا فتح خشمو بنعرفو كضاب ولا لا......الفراسه بتاعتنا ما ضيعوها لينا.......امكن نقدر نعدل ليكم حال البلد المايل.......او تاخدو مننا البركة ربنا يعدلها ليكم.
| |
|
|
|
|
|
|
|
|
|
Re: يا ربى بكرى ابوبكر وقف هنا ؟ (Re: أيمن نواى على)
|
بوست ملهم كردفان ......كشف الحال....... الصور كلها يا كافى البلاء......مافى زول سنونو مكسره......ولا واحد متكنو بالعكاز.....ولا واحد القومه غالباهو......واحدين من كترت تقيع الكى بورت شعر راسهم اتحتا......الحكمة تجى من وين.
الخلق دى كلها لابده وراء الكى بورت......الكلفه مرفوعة بين الكبير والصغير.......الواحد يتبارى مع واحد قدر ولدو وهو ماعارف.
لو العين تشوف العين .......ما كان حصل الهرجله فى المنبر.....ولا الواحد يحتاج يستخدم الاستيكه......كلام الكبير يصير
| |
|
|
|
|
|
|
|
|
|
Re: يا ربى بكرى ابوبكر وقف هنا ؟ (Re: أيمن نواى على)
|
البركة في سودانيذ اون لاين......جمعت اليسار واليمين.....والشرق والغرب.....والشمال والجنوب.....للتفاكر فى شان البلد.....لتوفير حياة كريمة للصغير والكبير........اعتقد دا هدف الجميع
دور الشباب هنا فى سودانيذ اون لاين يجب ان يكون على قدر المسؤولية. .......هذا هو المكان الذى يجمع اكبر قدر من الشباب السودان ......معظمهم لايوجد بينهم مصلحه خاصة او سابق معرفه او صله رحم من قبل........ما يجمع الناس عامه مصلحة البلد........يجب على الشباب التركيز على الوطن اولا واخيرا.
| |
|
|
|
|
|
|
|
|
|
Re: يا ربى بكرى ابوبكر وقف هنا ؟ (Re: أيمن نواى على)
|
الكتابة برها ما بتشبع الواحد......علا الحواس الخمسة دى بتكفى الواحد......ان كان حمره عين اونظرةحنان الناس راجينها......اوعفصه قروش ولامغصه.....اوضواقه اليد ولااسكريم....اوشمه ريحه ولاقدحه......عضة وليمه ولا عضة فى الراس ما فارقه.
مشاركة الحواس الخمسة مطلوبة. ......بتوصل الرسالة. ....التلفزيون بيقضى الغرض......هسى الحكومة دى متواصلة مع الناس بى شنو......ما ياهو التلفزيون الواحد دا.......والمعارضة كسيحه لى شنو؟ ماقادرة تعمل تلفزيون الواحد دا.......و الفئه الصامتة مافى زول بيسمعا لى شنو؟ لان ما عندها تلفزيون......اذا عملت لينا تلفزيون يا بكرى ابو بكر تكون ما قصرت معانا تب..... واللوم خاتيك.......تبدا ما تكمل دى واجعانا شديد بالحيل.
| |
|
|
|
|
|
|
|
|
|
Re: يا ربى بكرى ابوبكر وقف هنا ؟ (Re: أيمن نواى على)
|
اذا اتعمل تلفزيون سودانيذاونلاين دا.......بيكون بداية بناء وطن واحد.......لكن التعال نسالكم ......انحنا اذا ما قادرين نعمل تلفزيون نتواصل بيهو مع الناس.......انحنا كيف نقدر نبنى وطن؟.....او نتفاهم كيف مع بعض.......ولا الوطن دا فى ناس حا يبنو غيرنا؟
| |
|
|
|
|
|
|
|
|
|
Re: يا ربى بكرى ابوبكر وقف هنا ؟ (Re: أيمن نواى على)
|
الافندية عندهم كلام سمح......بيقولو عندنا ازمة وعى......الوعى دا الناس يشتروا من السوق......الما بيعرف يقرأ ويكتب يروح شمار فى مرقه......ان كان ياهو نضمى بالعربى المكسر دا .......اى زول بيفهو....لكن كلام المثقفاتيه السهل الممتنع والعكس المستوى......هم عاكسنها لى شنو؟ ما يخلوها دغرى......كلامهم دا زول يجيب خبروا مافى.....ولايقول ليهم انتو قاعدين تقولو فى شنو؟ هم فى حتا ونحنا فى حتا تانيه......عشان كدا لا بنفهمهم ولا هم بيفهمونا.......كل زول فى وادى.......والبلد واقعه فى الواطه......بالله الواحد يعوج خشمو ويعصر الكلام عصر ايه ايه.....متل الغناء. .......لكن مافاهمين منو شى.......واما اذا كتب يانا الما فهمنا حاجة. ........انزلو لى مستوانا فى اللغة رجا وليس امر.
| |
|
|
|
|
|
|
|
|
|
Re: يا ربى بكرى ابوبكر وقف هنا ؟ (Re: أيمن نواى على)
|
السلطة الرابعة الاعلام......تخاف منها الحيكومه......مكان اليد البتوجع الدكتاتورية كان معارضة ولا الحكومة. .....الاعلام الحر شمس الخلاص.......وحماية الديمقراطية ......وضوء الشمس البتش عين الضلام.
سرقة البلد بتم فى الضلام......علا ناس الانقاذ عينهم قوية وسنتهم ملوية. ......شغالين سرقه ليل ونهار.......لكن بيخافو من تش الكلام........صدرهم ضيق ونفسهم قليل....شويه عصره بتجيب خبرهم.......المنابر دى ساكت جايبه كثافتهم.
| |
|
|
|
|
|
|
|
|
|
Re: يا ربى بكرى ابوبكر وقف هنا ؟ (Re: أيمن نواى على)
|
البلد دى اذا ربنا اكرمها بالديمقراطية. ......والتلفذيون بتاع سودانيذ اون لاين شغال تش.......وكل شئ مشرور فى السهلا......المواطن بيختار السمح......البيودى البلد لى قدام.......لكن هسى ذى ود الباوقة فى زول بيختارو رئيس للبلد......بعد ان عرف البيهو والعلايهو.......يا جماعة التلفذيون.....القناة الفضائية مهمه......بترفع الوعى وبتساعد فى اختيار الزول المناسب للمرحلة دى.......والمرحلة الجايه .....والمرحلة البعدها.
| |
|
|
|
|
|
|
|
|
|
Re: يا ربى بكرى ابوبكر وقف هنا ؟ (Re: nour tawir)
|
الأستاذة نور
من ما شلتى النور معاكى .....الضلام عم البلد......الخفافيش الغريبة سكنت واتوهطتت واتحركرت.......بقت مرجع واستشاره للظلام والجهلا.....وطال الكان قصير......والعالى اتواطى.....الصولات حليلهم ملكتهم راحت.
| |
|
|
|
|
|
|
|
|
|
Re: يا ربى بكرى ابوبكر وقف هنا ؟ (Re: أيمن نواى على)
|
يا بكرى ابو بكر......تكلفة القناة الفضائية من نايل سات تقريبا تسعة الف دولار.......لو جمعنا مئة شخص......وكل واحد يدفع مائه دولار القناة الفضائية ممكن ترى النور.....وممكن شخص واحد يدفع المبلغ......لكن المشكلة فى الإدارة. ......والمواد الفنية. .....والكوادر المؤهلة. ......تحتاج الى عمل جماعى.......اهلنا بيقولو الكتره بتعز الجراد.......بورداب سودانيذ اون لاين فى كل بقاع الارض.....الحوار الخارجى مهم......كل القيادات السياسية فى الخارج.......دايرين نعرف برنامجهم......لو عملت لينا لقاء اسبوع كامل مع الصادق.....واسبوع كامل مع مالك عقار.....والميرغنى وعبدالواحد محمد نور.....وجبريل ومنى ومحمود حسنين.......الباقى تمو براكم.
| |
|
|
|
|
|
|
|
|
|
Re: يا ربى بكرى ابوبكر وقف هنا ؟ (Re: أيمن نواى على)
|
لو ما دايرين سياسة و وجع راس.....اعملوها اجتماعيات ساكت ......تغطيه لاحتفالات البورداب فى الخارج والداخل.....كل شهر فى دولة والحجز قبل شهر......والمراسلين من البورداب فى المنبر.......بعد التاهيل والتدريب........عمل تطوعى فى البدايه.......عمل يربط الناس مع بعض للتفاكر فى قضايا المهجر.......الله ينوبك ثواب.....ما تعمل نايم.......النوم بجيب اللوم....اعمل لينا القناة. ....بعد داك بنكسر ليك ثلج بالطريقة الصحيحة.
| |
|
|
|
|
|
|
|
|
|
Re: يا ربى بكرى ابوبكر وقف هنا ؟ (Re: أيمن نواى على)
|
يا بكرى ابو بكر......العالم من حولنا كل يوم متطور......انحنا اتفائلنا بيك خير.......كتر خيرك عملت لينا سودانيذ اون لاين ......وحاجات تانين......ما تقيف على كده......عشمنا فيك كبير......خليك على حسن ظننا بيك........الله لاجاب يوم شكرك.
| |
|
|
|
|
|
|
|
|
|
Re: يا ربى بكرى ابوبكر وقف هنا ؟ (Re: أيمن نواى على)
|
الفارغة بيمكنها الهواء. ......الفراغ الاعلامى فى السودان كبير.......اذا ما اتملى الفراغ بى وطنين مخلصين......حا يملوها اصحاب النفوس الضعيفة والدنيئة والاغراض المريضة. .......بعدين انحنا نقوم نجى نكتب فى سودانيذ.......حصل وحصل والبلد بقت كعبه والناس اخلاقه اتغيرت........الحكومة بتحارب الاعلام. ......وكاتمه النفس .......وتمارس تكميم الأفواه فى السودان......وبتحاول تلحق البعيد كان تهكير او ترسل الجداد.......وخصوصا ديك العده لتكسر كل جميل......السوال انحنا عملنا شنو عشان نحمى وحده البلد وتراثها وثقافتها واخلاقها......والله يا بكرى ان ما عملنا حاجة يا هو نحنا ماشين فى درب الجيل السابق ........القسم البلد وقاعد مبسوط......وقالو الحمدلله الذى اذهب عننا الاذى.........بعد الدولار طار السماء. .....وظهرت الكارثة بدا الندم.........انا براى السويتا فى نفسى.....لكن بعد ما فات الاوان......الليله جاى تعتذر وترجع ايامنا الزمان.........من وين نجيب ليك العزر.......والفاس وقع فى الراس........ما دايرين ندخل يدنا فى الجحر للمره التانيه.......اللدغه الاولى حاره شديد.
| |
|
|
|
|
|
|
|
|
|
Re: يا ربى بكرى ابوبكر وقف هنا ؟ (Re: أيمن نواى على)
|
الشعب السودانى......شعب كسول.....تهمه لا ننفيها......وشرف لاندعيه.......لو ما استعمرونا الانجليز والاتراك.......لى يوم الليله كان نكون قاعدين فى بيوت الجالوص والقش......وقصة الشعب السودانى الكسلان المتداولة فى الخليج.......مافى دخان من غير نار.........من شدة الحكومة كسلانه ماقادرة تدرب الجيش السودانى........تائجر ناس من بره يحمو ليها السلطة. ......ومن شدة المعارضة كسلانه لا دايره تدرب ولاتائجر ناس من بره.......دايره كل شئ جاهز تستلم السلطة. ......ونحنا قاعدين فالحين فى البكاء. .........لابد من تغير......والتغير ما حا يجئ الا بالوعى........والوعى ما بيجئ الا بالعلم.......والعلم لايفيد اذا لم يكن متداول بين الناس.........وسيلة التداول الاعلام المرئ والمسموع والمقرى.........نمشى ونجى ونرجع لى نفس النقطة. .....باقى لينا التلفذيون........اصلو العلي باقى من قبال تجينى.
| |
|
|
|
|
|
|
|
|
|
Re: يا ربى بكرى ابوبكر وقف هنا ؟ (Re: أيمن نواى على)
|
من تجارب الدول المشت لى قدام.....ناخد الصين كمثال.......الى الحرب العالمية التانيه.......الصين كانو بيضربو بيها المثل فى الوساخه والاميه.......طلبو من كل شخص متعلم......يعلم عشرة اشخاص القراءة والكتابة. .......وكل شخص يقتل عشرة ذبابات فى اليوم.........وناس الارياف يشتغلو فى الصناعات اليدوية. ...... هسى هم بيقولو......زمان كنا وين والليله وين.......على كل حال هم شغالين لينا فى البترول وتحت جزمتنا.
| |
|
|
|
|
|
|
| |
أيمن نواى على
nour tawir
فيس بوك
تويتر
انستقرام
يوتيوب
بنتيريست