جهل المعارضات دوما يمنح الحكومات أعماراَ أطول معارضات تستعدى الناس وعلى جنائزهم تود أن تنال ما لم تستطع نيله بكل السبل، وما يدور الآن هو الديدن والدأب الذى ظل يتكرر كلما ضاقت بالمعارضات السبل نفس الملامح والشبح والزوغه ذاتا وجكتو ليس هنالك تغيير بلا إجماع وليس هنالك تغيير بلا وفاق وليس هنالك تغيير سيتحقق بالقوة مهما بلغت وإن التغيير لا يمكن له أن يكون إلا بالحوار.
منصور
04-29-2016, 09:38 AM
munswor almophtah munswor almophtah
تاريخ التسجيل: 12-02-2004
مجموع المشاركات: 19368
إن الزج بالطلاب القصر فى ملاحم عجزت عنها جيوش الخيبة والخسران لا تحقق حلماَ ولا تنتج تغيير فمن يحلم بذلك عليه أن يذهب بنفسه لا بزغب الحواصل من أبناء الغير لينتفض مدعياً الحزن والأسى!!
منصور
04-29-2016, 09:58 AM
munswor almophtah munswor almophtah
تاريخ التسجيل: 12-02-2004
مجموع المشاركات: 19368
دخل على سليمان بن عبد الملك يزيد بن أبي مسلم وزير الحجاج، فقال له سليمان: ويحك، وقد استقر الحجاج في قعر جهنم بَعْدُ أم لا؟ فقال: يا أمير المؤمنين، لا تقل ذلك في الحجاج، قال: ولم؟ قال: لأن الحجاج وطأ لكم المنابر، وذلَل لكم الجبابرة،
وإنه يأتي يوم القيامة عن يمين أبيك عبد الملك، ويسار أخيك الوليد، فحيث ما كانا كان.
04-29-2016, 12:54 PM
Deng Deng
تاريخ التسجيل: 11-28-2002
مجموع المشاركات: 52720
وبمناسبة الحوار..... إنتهي ولا لسه ؟؟؟؟ وإتوصل لشنو؟؟؟؟؟ كيف يغير الحوار شيئا والديكتاتور الزاهد في الحكم قال أنه سيحكم حتي 2020؟؟؟؟؟
دعك من حوار لا يفضي إلا إلي حوار لا يفضي إلا إلي حوار وقم إلي الثورة الديكتاتوريات لا يسقطها إلا الثورة جربنا ذلك في أكتوبر فأسقطنا عبود وفي مارس أبريل وأسقطنا النميري
لو أنت تسعي لتغيير نظام الظلم والفساد والقهر والتعذيب والظغيان وقتل الأبرياء فشارك الشعب في ثورته
04-29-2016, 05:57 PM
munswor almophtah munswor almophtah
تاريخ التسجيل: 12-02-2004
مجموع المشاركات: 19368
شكرا لكم جميعاً على سعيكم ونحن لم نتبدل وهذه دعوانا أبداَ لا للحرب ولا لدعاتها ولا للفوضه ونعم لسودان يقبل الكل بالتى هى أحسن والحوار والتوصيات لذلك. فالهرج وما يجلبه لا حبابه لا حبابه!!
لا للحرب ولا للعنف ولا للفوضه ومن أراد أن يكون بديلاَ يجب عليه أن يكون ذكيا وصادقاً وأميناَ وعادلاَ لا مكاراً يصنع الحمير الديراويه ويامرها بأن تحمل أوزاره بالإنابه!!
منصور
04-29-2016, 10:49 PM
عادل البراري عادل البراري
تاريخ التسجيل: 01-07-2013
مجموع المشاركات: 4051
من يظن أن قناعته وطرائقه هى الأصح فاليمتحن نفسه، إن للناس قناعات وإن للناس طرائق وطرائقنا لا تلتقى مع من يدعو للعنف والحرب وإستخدام الطلاب كدروع بشريه!!
منصور
04-30-2016, 06:25 AM
جلالدونا جلالدونا
تاريخ التسجيل: 04-26-2014
مجموع المشاركات: 9784
منصور يا مفتاح ما تقرانى غلت عشان موقفى فى رؤية الحرب محسوبك يدين كل الاطراف التى تحمل السلاح و يعتبرهم شركاء فى الجرم من هنا موقفى ضد الحرب لاكيييييييين انت تنحاز لى طرف مشارك فى الحرب و تعتبره هو الطرف الاصوب وده الفرق رفع المصاحف على اسنّة الرماح ما عادت تجدى فى زمن ادرك الناس فيهو ما هو الدين و ما هى الدنيا عموما ده التلفون 4802284098 و مرحب بيك انى تايم
04-30-2016, 09:54 AM
Kabar Kabar
تاريخ التسجيل: 11-26-2002
مجموع المشاركات: 18547
ول ابا منصور..حبابك ياصديقي يا اخوي هو ما تطول لينا الحديث.. السفاهة حدها السفاهة..ولا عذر لمن ابتدر الحديث البوار... ناس المنبر ، زحهم غادي..نحن بيهمنا الشدر الكبار.. الصادق المهدي داير يعدل خارطة الطريق ، وابو عيسى بيحرض الشعب للخروج في عصيان مدني..وكلو مشروع وحبابو عشرة..!! دحين يا صاحب ، الموضوع اتعدى حكاية انك تلبس كبك..!!
اهو قدام الملآ..خلي المظاهرات تسقط حجر عمر البشير ويجينا جاري ونقطع راسو من الأضان للأضان..ومش مهم..!! كل مدن غرب السودان عندنا يا حبيب.. باقي ليك الجموعية بيلغبهم يمسكوا الخرتوم؟.. خلي تاني شيوعي ولا شيوعية يفتح خشمو.. السفاهة حدها بنعرف كيف نوصل ليهو..!! ويا عمر البشير ، خلي الله يقدرك تعدل خارطة طريق..!!
كبر
04-30-2016, 10:11 AM
munswor almophtah munswor almophtah
تاريخ التسجيل: 12-02-2004
مجموع المشاركات: 19368
يحسبونها لعب شليل ترتار وقيره يا كبر والشئ الذى أعلمه أن هولاء لا يغيرون مثقال ذره ولا مانع إن كانت لهم حقاَ قدره للتغيير ولكن ليس بأبناء الناس البسطاء فاليتقدم أهل النضال الكذبه للمواجهه، فيا كبر لا يمكن أن يتم تغيير إلا بما أرتضاه الحوار!!
منصور
04-30-2016, 11:10 AM
munswor almophtah munswor almophtah
تاريخ التسجيل: 12-02-2004
مجموع المشاركات: 19368
اااااااااااااااااااااااااخ..يا منصور..ليه كده يا صديقي..؟ ياخي امسودان دي مرات غريبة بي شكل..!! التحية لأخونا الحبوب وبلدياتنا ادريس علم الهدى..!!! عارف يا منصور ، في الدويم ،..غرب بيت ناس ادريس ان لم تخني الذاكرة ، وان خانتني الذاكرة.. بيت اخونا الأكبر عصام طلس (وادريس يعرف).. كان ميدان مقابل لمدرسة خليل الثانوية العامة للبنات (في ايامها) زارها استاذنا المرحوم نقد ذات يوم لأنو عندو قريبتو كانت استاذة فيها..!!!!..و الميدان هو ميدان فريق الوطن..وهو الفريق الثاني في مدينة الدويم ايام عهدنا..! كنت سأقول لصديقنا ادريس..من تلك البقعة ..ميدان الوطن .. تشربنا معاني وقيم الوطن..ومنها كنا نقد ونجوعر في صاحبنا منصور المفتاح ... لمن قام سافر وزار كردفان الكبرى (كما يحلو له)..وزار الأبيض ، الدلنج ، كادقلي ، الفولة..!! عارف يا منصور ، ومن بقايا حكايا ، اظنها قديمة شوية ، بيناتنا..جئنا على ذكر الشقيق..اها باصات شبشة والشقيق والشطيب وود نمر وام جداد (غناها البروف عبد الله الطيب في قصيدة ام دجاج)..كانت بتمر قدام بيت ناس عمنا علم الهدى..والله صحي..! في الناحية المقابلة للبيت..فتحوا دكان فيهو اخونا الحبوب بشير علم الهدى..!! جوارهم ، جنوبا تقريبا ، طاحونة جدنا علوب (عليه السلام ) وكان مديرها عمنا عطايا..!! انا دفعة عويس يا ادريس ، ومن عيال علم الهدي ما كان دفعتنا زول.. لكن بتذكر صديقنا الجميل الحنباك صديق _قدامنا شوية ، واخونا الحبوب نور الدين ورانا شوية ومعاهو الطيب.. اما عصام ياخي ده قدامنا شديد ..وكان بيهرشنا مرات..نظام الود كبير وكده..!!..واحد من اخر الوجوه التي التقيتها وانا مغادر امسودان ، اخونا الأصغر نور الدين علم الهدى وكان موظف في احد البنوك..!! نفس المربوع ، فيهو بيت حبوبتنا الجميلة (بيت الأمانة) أي والله بيت الأمانة السمو عليها مدرسة بيت الأمانة في امدرمان..كما كانت تحدثنا الأسطورة في ذاك الزمان البعيد..!! بعد بيت ناس ادريس ..جنوبا بكم مربوع بيت ناس المتعافي..أي والله المتعافي الواحد ده..!! جزئية صغيرة يا ادريس من الحي التامن ، والتحية لإستاذنا الرشيد عمر البشرى ، وصديقنا دكتور ابوذر الغفاري بشير..والصدفة الجمعتني بيهو (قبل كم طاشر سنة )هي حكاوي هذا المربوع العجيب..! اها البيت الكنا ساكنين فيهو.. بيت عمتنا الحرم (عليها السلام )..وهو مقابل لطاحونة جدنا علوب..!! تحية لصحاب الطفولة: عادل ابراهيم (ابو شقة) ، علي ابراهيم ، عز الدين ابراهيم (عزو البيعيو)..عويس عطايا ، الفردة محمد بابكر علوب ، طارق بابكر علوب ، صلاح علي (صلاح السماك) ،الطريفي دراج ، الكمندان عبد الباقي دراج (دفعة)..وصديقي الجميل قاسم اسماعيل المتعافي..!!
نحن يا ادريس ..الناس الفتحوا بينا مدرسة الدويم النموذجية المزدوجة..وكان رحلونا بعد ما قضينا سنتين في بخت الرضا (كنت في نهر علي دينار..!!)..ياخي هسع في داعي للنقة دي..!!..زمن بعيد ..بعيد شديد يا صاحب.. والدويم الصناعية..وقتها قفلوها وحولوها لمعهد تدريب لمعلمي المرحلة الإبتدائية.. وسموهو معهد التربية دنقلا (شفت ابو عاج كان شفت ككيف..!!!)..كان من عمداء المعهد استاذنا مدثر مندور..ومن ضمن الأساتذة استاذنا خلف الله ابراهيم القريش..والله صحي..!! الأيام ديك يا ادريس الشيخ كان مافي..!! وكان عمنا احمد الفضيل (ناسج في عمتو التوتال البيضا ، عبارة الموت ، بحرير احمر جميل..!!)..وكان بيحوم احياء المدينة وهو على ظهر حماره يصحي الناس لصلاة الصبح..!!..عمنا احمد الفضيل ..هو عم وقريب استاذنا وصديقنا احمد محمود الشايقي (يكتب في المنبر باسم احمد الشايقي)..!!..والله صحي يا ادريس..!! نفس المارش يا ادريس ، القمتا ختيتو هنا..مارش العساكر كما تعرفه اهالي امسودان..وهو زفة المك (جد صديقتنا واستاذتنا نور تاور القدامك دي..!!).. المارش ده عندي معاهو ذكريات خاصة شديد..احتمال اول مرة اكتبها..سمعتو يوم الجمعة الخامس من سبتمبر 1975 ..انقلاب المرحوم حسن حسين.. وكنا وكتها في نفس البيت..بتاع حبوبتنا الحرم في الحي التامن.. قدام طاحونة جدنا علوب..وبتذكر بوضوح صاحبي عادل ابراهيم (ابو شقة) كان جاري وشايل جريدة وبيقول لينا تعالو شوفوا الريس الجديد (وكان المرحوم مقدم حسن حسين عثمان..!)..وكان متصور وهو لابس جلابية ..ومجروح في يدو ومربوط عليها شاش..والله صحي يا ادريس..!! بعدها بي سنة تقريبا ، سمعنا نفس المارش..وكان في يوم الجمعة الثاني من يوليو 1976..ويا سبحان الله..اخونا عادل ابراهيم (اب شقة) هو الورانا صورة العميد محمد نور سعد..لمن قبضوا عليهو عساكر مايو في نواحي جبيل العرشكول..! ثم كنا نقرا..كتاب عجيب وبعنوان غريب اسمو (الغزو الليبي المندحر)..!! الغريب كاتب الكتاب ، ابنو كان عضو ناشط في المنبر ايام بداياتو الأولي..وعمك صاحب الكتاب نفسو..كان يكتب في الصحف السودانية لغاية منتصف العشر سنوات الأولى من الألفية الثالثة...!! من الطرائف يا ادريس.. وانا في بدايات سنواتي في كندا..لاقيت زولة سودانية جميلة ولطيفة وحبوبة للغاية .. اخت اخوان بحق وحقيقة ..وكانت صديقة للأسرة..في ايامها الأولى كانت مركبه وش شيوعيين من عمك نقد وانت ماشي.. ولمن قعدنا تحت ، بي طريقتنا نحن ناس البادية.. حق الله بق الله..وقال كده جات سيرة الدويم..انقر شنو؟..طلعت واحدة من عماتها هي حبوبتنا الحرم الكنا ساكنين في بيتها...شفتا المربوع ده مجنون كيف يا ادريس..؟!!..ياخي حقو الواحد يكتب عنو رواية..!! فشنو..صاحبنا احمد الشايقي كان رئيس رابطة الطلبة الإتحاديين ايام دراستنا في جامعة الخرطوم..والليلة لمن اشوف احمد شاديها مع منصور بحتار.. وبتذكر نكتة قيلت عن على عثمان محمد طه ايام الجمعية التأسيسية لمن كان الصادق المهدي رئيس وزراء السودان المنتخب,,! وقتها كان رئيس الجمعية التاسيسية البروف محمد ابراهيم خليل.. فقام علي عثمان يتفاصح عليهو وقال لي البروف: افتكر يا استاذ انا قريت قانون..!! فقام البروف وبسرعة وبداهة رد ليهو: افتكر يا ابني انا كنت قاعد ادرس الناس قانون..!! وكانت ايام يا صاحب لن تعود..لن تعود..!! فشنو..الشيخ بتاع الساعة كم ياعمك..!! غايتو اخونا منصور ، لو قام اتعفرت فينا وكب لينا اناشيد لمياء الست لأستاذانا الشاعر الجميل عاصم حنفي ، على بالحلال تشتهي طعم الثورة.. والكل يقوم يعمل ثورة زي الترتيب..!! شكرا يا ادريس على منحنا هذه الفرضة للتداعي...ونعتذر ليك عن شطب المداخلات..!! كبر (وطنابي من زمن عيال الريس: امين وصلاح وعبد العظيم..!!)
04-30-2016, 11:45 AM
Mahamed Eltaze Mahamed Eltaze
تاريخ التسجيل: 04-04-2016
مجموع المشاركات: 377
السلام عليكم الأخ منصور استك ساكت كتر الله من اساتيكك
Quote: هل تدرون حجم الثورة والثوار الذين تواجهون!!
احنا في السودان يا خوه مافي كندا انا في كندا ماعارف لكن هنا هدفنا واحد الشال السلاح والخلاهو وطلع بي يدو ساكت والواقف مع الحكومة و الضدها كوووولنا هدفنا السودان لي عمر البشير مش هو كعب وماعاجبنا لكن في النهايه سوداني فقط وده بيكفيهو اها في كندا انتو كم كدي وريني ؟! مادام زي ماقال عاطف من اول صوط بتجري لي كندا بقيتو كم ؟؟؟؟ و السلام
04-30-2016, 11:54 AM
munswor almophtah munswor almophtah
تاريخ التسجيل: 12-02-2004
مجموع المشاركات: 19368
رسالة للكوز منصور مفتاح من مواطن سوداني مكتوي بنار الإنقاذ في الداخل:
اسمح لي ان ابين اولا انا من جيل الثمانينات ومن ممن تربيت في عهد حكومة الإنقاذ اسمي عاطف وقبيلتي سوداني لم اغادر بلدي سوي مجرد زيارات خارجيه في معظمها لا تتجاوز الشهر أو الشهرين علي اقصي تقدير حينما دعي منبر سودانيز أون لاين في 2011 في شهر مارس كنت من ضمن الذين خرجو ولم نكن نتعدي اصابع اليد واذكر جيدا المرحوم نقد كان يتقدم الصف في الخرطوم السوق العربي وحينها كنا في امدرمان الشهداء وفي انتفاضة سبتمبر كنت من ضمن الذين خرجو في المظاهرات وكنت اشارك مع الناس المشاركة وشاركت في معظم المظاهرات و الندوات الفاعلة انتمائي الحزبي كما يسمي هو إلي حزب الكنبة أو الغالبية الصامته كما يعرف انا من بسطاء هذا الشعب المغلوب في امره الذي لايملك - في معظم أوقاته - حق العلاج أو حق التعليم أو حتي الأكل و الكهرباء و الماء انا واحد ممن يتعالجون في مستشفي الخرطوم التعليمي أو الشرطة أو بحري و أمدرمان وانت لاتعلم ماهي تلك المستشفيات أو حتي تلك الأوضاع التي فيها - حصل جربته انو يموت قدامك عزيز عشان دواهو مافي أو ماعندك حق العلاج أو لي سبب طبي - انا واحد من الناس الإنضرب من جهاز الأمن وعندي حق عندهم كان الله شال امانتو فيني ولدي بشيل لي تاري ومابخليهو انا واحد من الناس البتلف من الصباح لي بالليل عشان تلقي حق لقمه تاكلها ومابتلقاهو انا راعي من البقارة ومزارع في الشماليه ومع ناس التعدين في الشرق وبمشي الدندر وبنلف البلد كلها زي ماعاوز كدا انت عرفته انا منو ممكن بعد دا اسألك سؤال بتعرف شنو عني عن حالي عن وضعي ؟!!!!!!! الأداك الحق منو تتكلم بي اسمي وبي اسم ابطال شايلين روحهم في ايديهم مهر رخيص لي بلدهم ؟!! الأداك الحق منو تتكلم وتفتح خشمك وتجعر صوتك في قضيه انت مجرد متفرج بتعرف السودان من خلال شاشة تلفون ؟! الأداك حق تقول انو دا مات مقتول قاتلو النظام وله قاتلو الحكومة وله المعارضة ؟!!! جيت البلد لاجئ مدسي وري جواز كندي أحمر قاعد بندفع فاتورتك انت و الزيك 10 اضعاف 1 منها لي تكلفتها و 9 الباقين ماشين لي الفساد اقبل من الصادق من الترابي ومن نقد من اي زول قاعد جوا البلد مكوي بي نارا عافص جمرا الحي لكن انت صدقني امسك في الحوار بي يدينك ورجلينك انت و المعاك واركزو - اعتبرو تهديد او وعيد او حتي من باب النصح - 10 اضعاف الدفعناها لي فاتورتك بنرجعها ومعاها ارباحا وعدا وقسما بترجع بي ارباحها الخلاك من أول كف أو صوط انضرب في ضهرك - دا لو انضرب فعلا - تجري وتكوس في البلود الفيها الأمان -نسيت ايام طوابير اللجوء في مصر وكل واحد فيكم شايل ملف وجاري وري اعادة التوطين - انك تبيع وتشتري فيني بتقول لي دا لو ولدك المات بقول ليك ولي الناس الزيك البيموت دا أخوي ولد عمي وياكفنتو ياكفني انا لكن لا انا ببيعو ولاهو ببيعني انا بختلف مع الصادق وبختلف مع المرغني وبختلف مع عمر الطيب المايوي لكن لاهم ببيعوني ولا انا ببيعهم الصادق انسجن و اتعذب وبتو انضربت واتكسرت يدها وغيرهم كتييير من رموز العمل المعارض جوا البلد قاعدين بالعكس هم قدام في الصفوف الأماميه شوف في الصور حقت المظاهرات بتلقي حزب الأمه والحزب الناصري وحزب الشيوعي وحزب المؤمتر وغيرهم كتيييير وقيادات وقلته ليك فوق نقد الله يرحمه ماباعونا ولا فكونا ولاغيرو جوازاتهم انت اسي متخيل انك مختلف عن النظام عشان بتدعو لي السلام بتعرف لي شنو شوفته ليهو شنو بتبيع بلدك لي المره المليون وجاي تتلكم الواحد قعد 6 شهور وقام جاري وله كتيره سنه او سنتين وقام كابي الزوغه ولو فتشته لي سبب بيكون انو هناك وقفو اجراءات وله قالو ليهو امرق وتعال وله عمل جنايه وله مصيبه جا راجع السودان عشان ينضف ويرجع تاني ههههههههه احنا القاعدين جوا ديل لي الحركات المسلحه و المامسلحه و الحركات العاديه و الغير عاديه وناس قريعتي راحت بنتصافي ونتشايل وزي ماهو بقبلني بقبلو لكن انت خليك في كنديتك دي وله امريكتك دي وقري اولادك وخليكم في مهجركم دا لانكم زيهم يدكم مليانه دم دم وبي نقض انا ممكن اقبل واتسامح في يوم من ضابط جهاز ضربني أو أهاني أو قتل اخوي لكن يستحيل اقبل او اتسامح في حقك انت عارف الفرق شنو بتاع الجهاز ممكن اعتبرو مغصوب وهو اخوي قاعد معاي مكوي معاي في ناري كان رضي وله ما رضي لكن انت الجبرك شنو ما ماكل احسن اكل وشارب احسن شراب ومتعالج احسن علاج وشغال احسن شغل - دا لو ماطلع كلام دينق صح - البخليك تبيع الناس شنو وطلتخ يدك بي الدم شنو انت و المعاك الحساب قرب جهزو دفاتركم
05-06-2016, 12:36 PM
عبدالله الأسد عبدالله الأسد
تاريخ التسجيل: 06-30-2014
مجموع المشاركات: 90
وهذه المناحة قالتها بنونة بت (إبنة) ألمك نمر قالتها في أخيها عمارة الذي توفاه الله على فراش المرض وهي ميتة سهلة ما كانت تريدها لإخيها وهو الفارس المغوار. كانت تتمنى لو أنّه مات في ساحة الوغى وتوشح بدمائه. تقول بنونة:
ماهو الفافنوس ماهو الغليد البوص
ود المك عريس خيلا بجن عركوس
أحيّ علي سيفه البحد الروس
ما دايرالك الميته أم رمادا شح
دايراك يوم لقى بدميك تتوشّح
الميت مسولب والعجاج يكتح
أحيّ علي سيفه البسوي التح
إن وردن بجيك في أول الواردات
مرنا مو نشيط إن قبّلن شاردات
أسد بيشه المكرمد قمزاته متطابقات
وبرضع في ضرايع العنّز الفاردات
كوفيتك الخوده أم عصا بولاد
ودرعك في أم لهيب زي الشمس وقّاد
وسيفك من سقايته إستعجب الحدّاد
وقارحك غير شكال ما بقربه الشدّاد
يا جرعة عقود السم
يا مقنع بنات جعل العزاز من جم
الخيل عركسن ما قال عدادهن كم
فرتاق حافلن ملاي سروجهن دممر
04-30-2016, 12:19 PM
Mahamed Eltaze Mahamed Eltaze
تاريخ التسجيل: 04-04-2016
مجموع المشاركات: 377
السلام عليكم الأخ منصور غريبه ما استكته مداخلتي الفاتت كدي نشوف دي بتأستكها وله لأ
Quote: صانعى الأناشيد العجيبه أنت يا مايو الخلاص يا جدارًا للرصاص هكذا يعاودكم الحلم يا وليدات
مايو دي انا إلا قريتها في الكتب بس بيعني ماشوفتها ولو شفتها بكون مافاهم ليها شي لكن البعرفو انو عند بلد وعندي حلم وعندي طموح وبتحقق رغب من رغب وابي من ابي الوليد دا الحلاك تأستك مداخلاتو دا بيحققها لأنو مابشرد من اول صوط
Quote: أبناء السودان ثورة غده وليس بمحارق لذوى الأحلام المضحكه
للأسف الشديد وعلي قول عاطف ديل الإنت بعتهم أبناء السودان وجيت متحامي بي جواز اجنبي وقعدته مع الناس القتلو اخوك ود عمك في الغرب و في الشرق وفي الشمال سؤال ساذج هل بتري انو البشير هو قاتل وله لأ ؟ ولو لأ ؟ القتل من 89 دا منو من مجدي وجرجس لي اخر واحد دفنو النظام ؟ ولو اي شايفو قاتل ؟ رايك شنو في البيبيع دم اخو ولد عمو وبقعد مع الرحل اهلو وخلاهم في خيام النازيحين ويتفاض معاهو؟ خلي السؤالين ديل هل بتفتكر انو البشير ممكن يتنازل من السلطة ويتعرض لي محاكمة عادلة وفي احتمال يخش السجن ؟ وله ده مابهمك بهمك تقعد في كرسي ويولو ليك يا سعادة الوزير وله السفير ؟!
Quote: لأنكم داقسين ثلاثه ممكن يسوقوكم زى حصان الكارو ما يشوف إلا الظلط
اما هذا فهو من المحسنات اللغوية البديعية التي تعصي علي ان ارد بمثلها وياريت ترد علي الاسئلة
04-30-2016, 12:33 PM
كمال عباس كمال عباس
تاريخ التسجيل: 03-06-2009
مجموع المشاركات: 17932
Quote: لا ولن نسمح لكم بقتل أبناء الناس لتتسيدوا عليهم يا أيها المناضلين الكذبه!!
ولماذا يقتل ويضرب أبناء الناس أصلا ؟؟ أبناء الناس هولاء خرجوا ـ ممارسة لحق ا لتعبير والتظاهر والإحتجاج وهو حق مشروع فلماذا يقتلون ؟؟ وماهو موقفك من قتلهم وقاتلهم ؟ وممن يصادر حقهم في التعبير؟؟ *أصحاب الضمائير الحية والحس الإنساني السليم ـ يحملون النظام مسؤلية قتل الأبرياء والعزل ـ ويتصدون للمجازر وحمامات الدم التي يقوم بها النظام ـ ويقفون مع الناس في التعبير ويقول السيد :منصور المفتاح.
وهل تقول مقررات وتوصيات حوار الوثبة هذه بمصادرة حق التعبير والتظاهر ومصادرة الصحف والقمع وتكميم الأفواه ؟؟ إن كنت داعية سلم وسلام بحق لأدنت ورفضت قتل وضرب الأبرياء والعزل ولتصديت بالجهر بكلمة الحق في وجه قاتلهم ! وإن كنت داعية حوار وعدالة وحرية لرفضت مصادرة الرأي الآخر وتكميم حرية التعبير ومواصلة الإقصاء والقمع ... ........
يا استاذ حاور من تشاء وافعل ما بدا لك فهذا شانك ولكن لا تنصب من نفسك معلما وواعظا تسخر من غضب الجماهير وتستهين بحقهم فى الوقوف فى وجه الظلم والفساد الم تتخذ انت من ظلمهم سلما لتجد وطن بديل هل كسبت هذا الوطن البديل دون ان تستند على ظلمهم انت اخترت الهروب سنوات طويله لم تعرف حجم العذاب الذى تقلب فيه من تريد اليوم نصحهم . انت الان فى نظر كل عاقل لست سوى رجلا يلعب لصالح نفسه لايحفل بوطن ولا مواطنبن ولو كنت مكانك لاتخذت الصمت ملاذا .
04-30-2016, 04:09 PM
Nasr Nasr
تاريخ التسجيل: 08-18-2003
مجموع المشاركات: 11283
Quote: لا ولن نسمح لكم بقتل أبناء الناس لتتسيدوا عليهم يا أيها المناضلين الكذبه!!
طالب يتحدث في ركن نقاش في جامعة يقوموا يدوا طلقة في قلبه (له ألف رحمة وشهيد قول الحق في وجه الحاكم الظالم إن شاء الله ) وتلومه هو ومن خرج للتعبير عن الرأي؟؟؟؟ وتجد ألف عذر للمجرم؟؟؟؟ تطلع المجرم برئ وتطلعنا نحن القتلة ونحن لا نملك إلا رأينا نعبر عنه هنا؟؟؟؟؟؟؟ (بالله ما ياها قصة سيدنا عمار بن ياسر الذي قتلته الفئة الباغية فقال معاوية بن سفيان الفئة الباغية هي من أخرجته للقتال وليس من قتله)
حينما دعا الديكتاتور البشير (الراهد في الحكم برأيك ) الأحزاب للحوار ردت عليه وفر حرية التعبير أولا وبنتحاور يا من تحاورتم تحت ظل سيف السلطان ألم يرد لخاطركم أن تقولو له وفر شوية حرية وديمقراطية خلي الناس تعبر عن رأيها وهو لو تعلم حق مشروع في كل الديانات وكل الدساتير (بما في ذلك دستور الطاغية البشير بذت نفسه)
وبالمناسبة نتائح الحوار مع الديكتاتور البشير وحكومته شنووووووووو
04-30-2016, 07:20 PM
munswor almophtah munswor almophtah
تاريخ التسجيل: 12-02-2004
مجموع المشاركات: 19368
هكذا يكذبون ويصنعوب أسباباَ من خيالهم وأهل الميت ينفون أى إنتماء سياسى له فهو أمدرمانى قح ونحن أولى به وبالحزن عليه لا الورجاغه الكذبه ولم يقتل فى حرم الجامعه ومن قتله أو قتلوه ستحددها الشرطه وسينظر فيها القضاء لا الورجاغه الذين ينوون الإستثمار فى وفاته نسأل الله الرحمة واللطف والفوز بالفردوس ويا نصر ياخ إفتح الله لم يحالفك الصواب فدعنا نرفض العنف كوسيله للتعبير وكوسيله للتغيير ف للعنف عنف يقابله وضرر العنف باهظ باهظ أما حلمكم بالثوره فذلك سيظل حلماً ولكن أشك فى أن يتحقق بطرائقكم تلك ياخ نحن بنجهجه باكاتكم تقولى الكيزان ديك ولا بكلموك ذاتو وإن فعلو فراندوك فوق لما تملكون.
منصور
04-30-2016, 07:25 PM
munswor almophtah munswor almophtah
تاريخ التسجيل: 12-02-2004
مجموع المشاركات: 19368
فى هذه الأجواء التى نتجت عن العنف الطلابى والذى لا ينفك من إرتباطه بفعاليات سياسيه خارج الجامعه تسعى للإستثمار فيه بتحريك الشارع الذى صار أكثر وعياَ وإدراكاً لتلك الألاعيب والمكر الغبى الذى ظل يتكرر ولا ينتج إلا مزيدا من المآسى ولا ينتج عن ذلك تغيير وقد حسب بعض قصار الآفاق أن لحظة التغيير قد حانت ودرعوا لبوس النضال بجهالة مضحكة ودق لهم الطنابره دلوكة الورل وردحن لهم الحكامات وقدلوا بخيلاء لا يتماشى وسعة أحذيتهم ليخوضوا فى ذلك البحر العميق فبان كوك خيبتهم والرعانه، ويا ليتهم أدركوا أهمية الحوار فى هذا الوقت الحرج وأدركوا خطورة ما يمارسون من دق إسفين!!
منصور
04-30-2016, 07:34 PM
السنجك عثمان السنجك عثمان
تاريخ التسجيل: 11-28-2015
مجموع المشاركات: 837
والله انا اعجب من انسان زى منصور ده يتكلم ويناقض نفسو ويقول المحارق ويقول الحرب اللعينه عاوز اسالك سؤال واحد يا اخوى منو البداء الحرب دى فى السودان ومنو القال دى حرب مقدسة ضد الكفار وغير المسلمين ومنو القال هى لله هى لله وهى حقيقة كانت لغير الله بل للجيوب والخزائن والتهريب خليك زول عاقل كلامك ده كلام زول الطيره تفهم اكتر منو وبلاش مهاترات وما تفتكر نفسك فاهم وعاوز تعوم افكار الناس شابكنا طلاب طلاب انت الطلاب القتلن الترابى كم فى الجنوب بالله عليك اسال نفسك واختشى ما تقرفنا الله يقرفك ......................................................................................................................................................
04-30-2016, 07:47 PM
munswor almophtah munswor almophtah
تاريخ التسجيل: 12-02-2004
مجموع المشاركات: 19368
Quote: هكذا يكذبون ويصنعوب أسباباَ من خيالهم وأهل الميت ينفون أى إنتماء سياسى له فهو أمدرمانى قح ونحن أولى به وبالحزن عليه لا الورجاغه الكذبه ولم يقتل فى حرم الجامعه
ومن قال إنه ينتمي لهذا الحزب أو ذاك؟ وهل إقتصرت إغتيالات الكيزان علي المنتمين سياسيا ؟ أهل قالوها بالصوت والصورة أن إبنهم قد قالها وهو يحتضر ( قتلني الكيزان ) من قتل العشرات في سبتمبر 2013 ؟
04-30-2016, 07:59 PM
munswor almophtah munswor almophtah
تاريخ التسجيل: 12-02-2004
مجموع المشاركات: 19368
الاستاذ جلادونا لك التحيه يا اخى بول الجمل ده بالمناسبه بيستعملوه فى علاج بعض الامراض اهلنا الرحل فى الباديه لايمكن ان تقارنه بكلام هراء مثل الذى يقوله الاستاذ المنصور كلام المنصور ده ممكن تشبهو باللباسو ناصل وماعندو حق اللستكه ويتكلم فى الناس يا عرايا الخرطزم جوه عندها يوم وحشوف الغفيران تنقز وانت اول واحد
04-30-2016, 10:26 PM
كمال عباس كمال عباس
تاريخ التسجيل: 03-06-2009
مجموع المشاركات: 17932
Quote: لقانون يحاكم الكيزان لو قتلوه بعدين الكيزان ديل ما كيمان كتيره الونسه ساكت ما بتعمل حق
وأين محاكمة من قتلوا العشرات من الأبرياء والعزل في سبتمبر 2013 ؟؟ لماذا لم يحاكموا ؟ واللا العندو القلم ماب يكتب نفسو شقي ؟؟ سؤالنا البسيط هو ( لماذا يقتل ويضرب أبناء الناس أصلا ؟؟ أبناء الناس هولاء خرجوا ـ ممارسة لحق ا لتعبير والتظاهر والإحتجاج وهو حق مشروع فلماذا يقتلون ؟؟ وماهو موقفك من قتلهم وقاتلهم ؟ وممن يصادر حقهم في التعبير؟؟ *أصحاب الضمائير الحية والحس الإنساني السليم ـ يحملون النظام مسؤلية قتل الأبرياء والعزل ـ ويتصدون للمجازر وحمامات الدم التي يقوم بها النظام ـ ويقفون مع الناس في التعبير **وسألنا دعاة الحوار ومناصريه..
Quote: هل تقول مقررات وتوصيات حوار الوثبة هذه بمصادرة حق التعبير والتظاهر ومصادرة الصحف والقمع وتكميم الأفواه ؟؟ إن كنت داعية سلم وسلام بحق لأدنت ورفضت قتل وضرب الأبرياء والعزل ولتصديت بالجهر بكلمة الحق في وجه قاتلهم ! وإن كنت داعية حوار وعدالة وحرية لرفضت مصادرة الرأي الآخر وتكميم حرية التعبير ومواصلة الإقصاء والقمع ... ....... ؟؟ ....
05-01-2016, 00:24 AM
على تاج الدين على على تاج الدين على
تاريخ التسجيل: 10-25-2008
مجموع المشاركات: 2213
هناك قانون تاريخى سنته الثورات الكبرى فى العالم...وهو الثورة يصنعها المثاليون(الشباب) بهدف التغيير الشامل والجذرى ويستغلها الانتهازيون للوصول للسلطة ونحن لسنا استثناءا داخل هذا التوصيف...ولكن بحساب السياسة والتاريخ فعلنا الثورى وبحكم غياب الرؤية والتخطيط اتى بخيبتين فى تاريخه(اكتوبر+ابريل) حدثين عبثيين ارتدا بالبلاد القهقرى فى مفهوم الاصلاح والتطور السياسى ...الاقتصادى والاجتماعى...الان الفعل الثورى يجدد اهابه لاحداث خيبة جديدة لا محالة نحن ندرك جيدا انه لم يستفيد من تجاربه الفاشلة واخفاقاته ..لانه مجبول على الفشل وسوء التقدير والتخطيط...البلاد الان بازماتها المركبة وحالة الاستقطاب الحادة التى تطغى على مشهدها السياسى ...وانتشار العنف والسلاح وهيجان الغرائز العصبوية وضعف التنظيمات السياسية ...حتما سيتسع الفتق على الراتق ينبغى توسل الحكمة السياسية فى تصفية النظام ووراثته بما يضمن الامن والاستقرار وتفادى الوقوع فى خيبة جديدة.
05-01-2016, 09:46 AM
munswor almophtah munswor almophtah
تاريخ التسجيل: 12-02-2004
مجموع المشاركات: 19368
كمال لا حل لمشكلة السودان إلا بالحوار وإن ضاقت سعة عقول البعض لإدراك ذلك فهم فى ذمة من يعرفون وبعض الأمور من فروض الكفايات يقوم بها البعض وتسقط عن البعض الآخر ويبقى من لا يملك المروة فى حجمه، لا أن يتضخم فى الفارغه!!
منصور
05-01-2016, 10:38 AM
munswor almophtah munswor almophtah
تاريخ التسجيل: 12-02-2004
مجموع المشاركات: 19368
Quote: .. كمال لا حل لمشكلة السودان إلا بالحوار وإن ضاقت سعة عقول البعض لإدراك ذلك فهم فى ذمة من يعرفون وبعض الأمور من فروض الكفايات يقوم بها البعض وتسقط عن البعض الآخر ويبقى من لا يملك المروة فى حجمه، لا أن يتضخم فى الفارغه!!
هل أنت جاد في ؟ هذا ؟ أي حوار ؟ قلنا لمن أرتضي مسار الحوار الحالي أو أيده
Quote: .. المؤتمر يرفض الحوار المفضي للإعتراف بالتنوع والتعدد ودولة القانون والمؤسيية ،يرفض النأي عن الهيمنة علي مفاصل الدولة وإطلاق الحريات العامة والسلام العادل والشامل، يريد من المحاور أن يكون مجردكومبارس وتابع يبصم ويرتضي بالفتات ، يريد إستسلاما لإ إحتكاما للديموقراطية والعدالة والمساواة....
وفي هذا البوست سألنا هل تقول مقررات وتوصيات حوار الوثبة هذه بمصادرة حق التعبير والتظاهر ومصادرة الصحف والقمع وتكميم الأفواه ؟؟ إن كنت داعية سلم وسلام بحق لأدنت ورفضت قتل وضرب الأبرياء والعزل ولتصديت بالجهر بكلمة الحق في وجه قاتلهم ! وإن كنت داعية حوار وعدالة وحرية لرفضت مصادرة الرأي الآخر وتكميم حرية التعبير ومواصلة الإقصاء والقمع ... ....... ؟؟ ........
Quote: .... لماذا يقتل ويضرب أبناء الناس أصلا ؟؟ أبناء الناس هولاء خرجوا ـ ممارسة لحق ا لتعبير والتظاهر والإحتجاج وهو حق مشروع فلماذا يقتلون ؟؟ وماهو موقفك من قتلهم وقاتلهم ؟ وممن يصادر حقهم في التعبير؟؟ *أصحاب الضمائير الحية والحس الإنساني السليم ـ يحملون النظام مسؤلية قتل الأبرياء والعزل ـ ويتصدون للمجازر وحمامات الدم التي يقوم بها النظام ـ ويقفون مع الناس في التعبير
... ** .. ** أين حواركم وثمرة حواركم يامنصور مفتاح ؟ ما أراه أمامي هو ذات النظام ـ إقصاء الآخر ـ ومصادرة حق التعبير والتظاهر ومصادرة الصحف ومنع الندوات الجماهيرية ــ وهيمنة المؤتمر الوطني علي مفاصل الدولة والسلطة ..
05-01-2016, 12:55 PM
Deng Deng
تاريخ التسجيل: 11-28-2002
مجموع المشاركات: 52720
العزيز عزالدين الفحل يا فحل أبشر بالخير تراك شايف السواقه دى تعرف يا عزالدين زمان عندنا راجل معاه نسوان ماشين لى بكى وزارو مستشفى الخرطوم وقطعو السكه الحديد واحده من النسوان شافت الزول البحول القطر إتلولو بيهو قالتلو يا الشيخ الراجل السايق القطر دا شديد خلاس قالها والله البسوق النسوان أشدّ منو دحين البسوق المطاقيش ما بتلاحق وإنت عارف وأنا عارف والله عارف!!
عزيزنا كبر كيف حالك والأحوال هكذا كلما أشتد العصر كلما خرج ذلك الريح القبيح ليؤذى أهل الذوق أما شيالين حطب الشوايعه فوق الدبر فذاك أمر آخر وجاز لنا أن نقول Game over
منصور
05-02-2016, 09:37 AM
munswor almophtah munswor almophtah
تاريخ التسجيل: 12-02-2004
مجموع المشاركات: 19368
السلام عليكم يا منصور و رفاقه بصفتك من مايسمى وفد المنافى لدى بعض الأسئلة 1. من أطلق عليكم هذأ الاسم وهل هناك جاليات اوفدتكم كممثلين لها 2. هل لديكم ما تفرضونه على النظام كورقه ضغط ملزم 3. ماهى الضمانات التى قدمها النظام لالتزامه بنتائج الحوار 4. ماهى مطالبكم من الحوار والى اى مدى تحققت 5. هل لك أن تورد ماتوصلتم إليه فى نقاط محدده
شكرا لك
....
05-02-2016, 10:38 AM
munswor almophtah munswor almophtah
تاريخ التسجيل: 12-02-2004
مجموع المشاركات: 19368
بوست ممتع صباحكو عافية طيبين ومتسامحين سؤال وان كان الاجابة بيان بالعمل حكومة تراقب نشاط الصحف وتمنع الصحفييين من الكتابة في مواضيع حياتية مهمة وتراقب كل ماينشر في الصحف وتكمم الافواه يسالموها بي ياتو اييد الطلبة خلي يكتلوهم مادام عبثييين
05-03-2016, 07:23 PM
munswor almophtah munswor almophtah
تاريخ التسجيل: 12-02-2004
مجموع المشاركات: 19368
صحح يا البنى مساهر!! وطبيعة الديمقراطيه أن تتقبل الآخر فهو لا يفكر بطريقتك ولا يحس كما تحس أنت وتلك ميزة الخلق أما من يحسب أن زيداَ وعبيداَ لا ينبغى أن يخالفونه فذلك جاهل بأصول اللعبه خيارات الناس لا علاقة لها بعلاقاتهم الإنسانيه وما يراه البعض صحيحاً يراه البعض الآخر خطأ كبيراَ ولا غضاضة فى ذلك ولكن شخصنة القضايا لا تعطى أحداً وضعاً أمثل فمن أراد أن يتعلم إحترام خيار الآخر فذلك الأوجب وإذا لم يستطع فلا يعيب على الآخر خياراته وما يحسبه البعض خيراَ لهم يحسه البعض الآخر شرٌ أكبر ودوما نكرر إن الوعى المطلوب هو فى إدراك مستجدات الواقع والتعامل معها كيفما ينبغى لا بالنفير الضار والعياط والفزع ولمنصور وكبر والمسلمى وفرانكى وبريمه نفس الحق الذى تظنون بأنه أحق لكم وفى الأثر يقولون (ما نيل الأمانى بالتمنى ولكن تؤخذ الدنيا غلابا) فالمشقة دوما هناك وإن لم توجد لا يوجد مذاق لتحقيق الأحلام. وأعلموا أن هنالك من هم أشرس وأشد وأعنف منا ومنكم ولا أظنكم تقدرون على بأسهم فقد نذروا على حماية الربع!! المهم نشوفكم فى الثوره القادمه وأنتم أكثر قبولاً بالآخر فالوطن لا يستحق الا الخير!!
هذا المنبر لا ينتج ثوره بل يوفر أسباب فشلها والثورات لا يرتجلهارالأفراد ولا ينبغى لهم ولكنها إحساس عام يأتى عفو الخاطر فدققوا وتتبعوا كيفية قيام الثورات الناجحه ودققوا فى أسباب نجاحها والثوره لا يقوم بها الصفيقة والهتيفة والطبيله بل يقوم بها أهل الوعى والقبول والإراده النافذه والإستعداد الكامل لمرحلة ما بعدها!!
منصور
05-04-2016, 11:45 PM
munswor almophtah munswor almophtah
تاريخ التسجيل: 12-02-2004
مجموع المشاركات: 19368
الحوار فتح أبواب الوفاق العام وبالوفاق سيؤسس الدستور الدائم وبالدستور الدائم تتشكل كيفية حكم الدوله وهذا هو المخرج والمخرج الوحيد ولا مخرج من الواقع الآنى إلا بذلك الكاتلوج وكل أهل الفكر والسياسه والقانون والإجتماع يعلمون ذلك أما التابلوهات الضاره لا تأتى إلا بضررٍ أسوأ وسوف لا ولن يتفق عليها الكثر الضعاف وسوف لا ولن يقبل بها الأقوياء الذين ستبين قوتهم الحقيقية وقتذاك!!
منصور
05-05-2016, 07:47 AM
حامد بدري حامد بدري
تاريخ التسجيل: 03-10-2013
مجموع المشاركات: 2749
Quote: آتنا بملحمة هاشم صديق ومحمد الأمين والمافى شنو حتى الشغل النظيف ما بتجيدوهُ خلينا نشعر بطعم الثوره ونطرب مع الثوار.
مرحبا المفتاح خلى روحك رياضية والسلام بدورلو طولة بال القصيدة في شان الحوار الوطني الثورة لامن تكتمل اشراطها بتقوم براها لا انا لا اتا مابنوقفا اتا بس طول بالك واترك الرجم من طرف القضية قضية وطن كلنا لنا الحق فيه ده السودان نقعد كلنا ونحكمو ونستفيد من التنوع الفوقو ده بخلق وطن قوي حالتنا تحنن يااخ الوضع الاجتماعي والاقتصادي وصل الحضيض اديك مثال حي تصدق وتامن بالله خلال الشهور الفاتت دي لو اقوليك كمية الشفع الجايين بي اقامات هاربين من هناك هروب الواحد ده تعليموم حدو الثانوي ولا حرفة ولامهنة وبي رواتب يعلم الله ماتكفيهم عيش وفول الكلام ده هنا في الاغتراب
05-05-2016, 10:47 PM
كمال عباس كمال عباس
تاريخ التسجيل: 03-06-2009
مجموع المشاركات: 17932
اثناء اجتماع لمناهضة فصلهم قانونيا.. جهاز الامن يقتحم مكتب "اديب" ويعتدي بالضرب على الطلاب المفصولين
.
Quote: اثناء اجتماع لمناهضة فصلهم قانونيا.. جهاز الامن يقتحم مكتب "اديب" ويعتدي بالضرب على الطلاب المفصولين
05-05-2016 06:46 PM الراكوبة - الخرطوم في خطوة تؤكد حالة الرعب التي تنتاب جهاز امن البشير؛ قامت قوة مسلحة باقتحام مكتب الأستاذ نبيل أديب المحامي، وقامت بإقتياد طلاب جامعة الخرطوم الذين تم فصلهم مؤخرا. وذلك اثناء اجتماعه بهم؛ تمهيدا للترافع ضد قرار فصلهم؛ بالطرق القانونية. وعلمت (الراكوبة) من مصادر مطلعة ان جهاز امن البشير استخدم القوة المفرطة في اقتياد الطلاب المفصولين؛ وقام بركلهم وضربهم بصورة وحشية. وقالت المصادر إن القوة المسلحة قامت باخذ بعض المستندات الخاصة بمكتب الأستاذ نبيل أديب. وشملت قائمة الطلاب المعتقلين:- بدر الدين صلاح - فاق قرشي - مدثر تيسير - مي عادل - محمد عمر دقنو فتحي محمد.
عارف من ما جميعو يا حامد لكن الفوضى لا تصنع إلا ما هو أسوأ فالأهم أن السودان فوق الكل والكل شركاء فيه ومن أراد أن يحيّد الآخر فاليعلم أن للآخر قدراته وطرائقه فى الرد والرد القوى!!
ولك الشكر والسلام
منصور
05-06-2016, 10:48 AM
munswor almophtah munswor almophtah
تاريخ التسجيل: 12-02-2004
مجموع المشاركات: 19368
الشاعر الثائر محمد المكي إبراهيم:- مازلت معارضاً ___ لا يوجد حوار؛ فهنالك ضغط متواصل على الحريات!! ..........
Quote: زيارة خاصة | محمد المكي إبراهيم: "2-2" مازلت معارضاً ولم أقابل بحفاوة رسمية عند عودتي للبلاد وعما يسمي بالحوار الوطني قال * كنت مختلفا مع الحكومة الحالية، وخرجت وعدت، وهي موجودة أيضا، ما الذي تغير؟ لا شيء، أرى أن هناك هجمة على الحريات أفظع من 89. * ولكنهم رحبوا بك واستقبلوك بحفاوة؟ لم أقابل بحفاوة رسمية، وإنما شعبية. فقط في كردفان قاد الوالي حملة التكريم وهو قريبي وله ألف حق في ذلك. ............
وكيف ترى الحوار الوطني، ألا يمكن أن يجنب السودان ذلك؟ لا يوجد حوار؛ فهنالك ضغط متواصل على الحريات، ولذلك لا أرى سوى شبح الحرب الأهلية. * مازالت لديك ميول المعارضة؟ نعم أنا معارض، ولدي علاقات مع كل الأحزاب، أميل للصادق المهدي وأحترم أفكاره، وأعتقد أنه أكبر مفكر سياسي في السودان، وأتعاطف مع حزب البعث السوداني، وأعطف على الشيوعيين في محنتهم الحالية، وأتعاطف مع (السائحون)، حتى مع غازي صلاح الدين، وعبد الوهاب الأفندي والطيب زين العابدين، مع الإصلاحيين، دون تفضيل أحد على أحد، وأتمنى أن يعيدوا الديمقراطية التي نتمناها.
صحيفة اليوم التالي 29 ديسمبر 2014 - 11:12 ** التحية لمحمد المكي إبراهيم ـ وهاشم صديق والقدال والتجلة لحميد ومحجوب شريف وكل من خط علي التاريخ سطرا في الثورة والنضال ( ومابدلوا تبديلا )ـــ وكل من تمسك بجمر المبدأ والقضية وإنحاز لشعبه في وجه الجلاد ـ والخزي للإنقاذ التي لاتنتج إلا علقما والتي تقف حربا علي الإبداع والأدب والثقافة والحرية والتعدد وقلنا عما يسمي الحوار : .. (المؤتمر يرفض الحوار المفضي للإعتراف بالتنوع والتعدد ودولة القانون والمؤسيية ،يرفض النأي عن الهيمنة علي مفاصل الدولة وإطلاق الحريات العامة والسلام العادل والشامل، يريد من المحاور أن يكون مجردكومبارس وتابع يبصم ويرتضي بالفتات ، يريد إستسلاما لإ إحتكاما للديموقراطية والعدالة والمساواة....
05-06-2016, 12:27 PM
عبدالله الأسد عبدالله الأسد
تاريخ التسجيل: 06-30-2014
مجموع المشاركات: 90
Quote: * مازالت لديك ميول المعارضة؟ نعم أنا معارض، ولدي علاقات مع كل الأحزاب، أميل للصادق المهدي وأحترم أفكاره، وأعتقد أنه أكبر مفكر سياسي في السودان
التحيه لأخى العزيز , الحبيب الأستاذ محمد المكى إبراهيم له تقديرنا واحترامنا , وكم سنين غربه فى حياة المنافى قضاها معنا وأسرته فى واشنطن وكثيراً ما إستقبل معنا القائد السياسى وزعيمنا السيد الصادق المهدى وشاركنا إحياء لياليه السياسيه والفكريه فى واشنطن . أخى منصور المفتاح أعلم أنك من المعجبين بمواقف الأخ الحبيب محمد المكى إبراهيم . بالتأكيد هذا الإعجاب قاسم مشترك يجمعنا رغم التباين والإختلاف الكبير بيننا فى المواقف السياسيه
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
munswor almophtah
حمد عبد الغفار عمر
عادل البراري
أحمد الشايقي
Deng
Nasr
جلالدونا
Kabar
ادريس خليفة علم الهدي
عبدالله الأسد
كمال عباس
حامد بدري
السنجك عثمان
معاوية المدير
على تاج الدين على
عزالدين عباس الفحل
Abdelrahim Mohmed Salih
ABDALLAH ABDALLAH
فيس بوك
تويتر
انستقرام
يوتيوب
بنتيريست