ثمّ ماذا بعد أن أصبح قطع ذآت البين مقياس لرفع البوستات في صدر المنبر ؟...

Quote: حتى هذه المأساة الخاصة ، لو كتب عنها احد المحظورين في قائمتي ، او حتى لو تجرأ احدهم بان يتقدم لي بالعزاء في فقد انساني مثلما يفعل اهل السودان عامة ، فلن اقبل منهم ذلك..!!..ولن اقبل منهم أي مشاركة في اشياء تخصني ، سواءا كانت عامة او خاصة ، وتبريري لذلك تجربتي معهم في هذا الفضاء..!! كبر

Quote: معاوية المدير: شاركني في بوستات كثيرة ، ولكنه مارس سخرية وتعريض كثير في حقي تصل لحد الأساءة والتجريح غير المبرر ، وكنت اسكت عن تعريضه بمظنة أن يفهم بان السكوت عن التعريض والإسفاف والسخرية ليس ضعف ، وانما هو احترام له ولأخرين..سأمسح مداخلات معاوية المدير في أي بوست يخصني ، واعرف انه لن يجرؤ في التداخل في بوست يخصني ، لأنه ببساطة عجبته فكرة دينق في التشهير والكذب في حقي بفتح بوستات خاصة لشتمي والتشهير بي بدون اسباب ..واخذ يبتدر البوستات باسمي ، ليس لسبب منطقي ، وانما بسبب ان تكون معوض نفسي بانه يختلف مع محمد النور كبر..!!..وكنت ساحترمه ، ولكنه بطوع اراداته قال انه لا يعرف محمد النور كبر سوى عبر مناسبتين عامتين ، ورغم ذلك سمح لنفسه بان يقول في محمد النور كبر ما لم يقله مالك في الخمر..ولأهل هذا المنبر عامة ، لم ارى معاوية المدير الإ في مناسبات عامة ، هو ذكر اثنتين ، وان اذكر اربعة ، من ضمنها مناسبة كان حاضر فيها صديقنا بكري ابوبكر..وهي مناسبات من باب الشوف والتعارف والسلام ، فمثل هذه اللقاءت ليست هي مبرر كافي لأن نصدر احكام عن افراد ونجزم فيها بانهم فعلوا كذا وكذا..!!

Quote: المداخلات المسحوبة ، محفوظة عندي..و سارفق بعضها هنا ، حتى يتيسر للناس المقارنة.. كتر خيرك.. كبر

Quote: هسّي الاربعة اشخاص ديل كان كبر تاني يوم دوّر هتافية و سقطت سقطت و كامل التضامن و ادين و بتاع بشيلوه فوق راسهم :)

Quote: في مداخلتك الثانية ، سألتني عن احتفاظي بالمداخلات ، نعم احتفظ بها ، لأن الناس هنا تستسهل الأشياء ، وعادي ممكن يصفونك بالكذب وينكرونك حطب ، وعادي من تجارب بعض الناس المذكورين في القائمة ، الواحد فيهم حتى حديثك الواضح ممكن يحرفوا ويفرض عليه توجه مخالف للحقيقة ، ويعرف ذلك جيدا ، ولكن من باب المكابرة . مثل هؤلاء يا صديقي لا يعرفون الضمير ولا يعرفون الإنسانية ، لذلك لابد من الإحتفاظ باشياءهم.. معاوية المدير بنفس القدر شتمنا وشخصن الأمور معنا ، وحينما سحبنا كلامه وكلامنا ، فتح بوست وزيف الحقيقة وادعي اننا كتبنا معلقة نسبه ونسئ اليه فيها ..وكل محفوظ..

Quote: اما مسألة الشهرة ، فهي يا صديقي مسألة واضحة للغاية ، فالكل منهم يسعى لأن ينال شرف انو اساء لكبر أو اتكلم مع كبر..! الوزن يا صديقي ، فارق معاهم كتير ، وسيعضون اصابع الندم ، لأنهم يا صاحب لا يعرفون قيمة الرصيد الحق ، وكنا نظن اننا رصيدهم وهم رصيدنا ، ولكن هيهات..! .واخذ يبتدر البوستات باسمي ، ليس لسبب منطقي ، وانما بسبب ان تكون معوض نفسي بانه يختلف مع محمد النور كبر..!!.

Quote: كيفنك ود البشرى ؟. والله يا محمد أخوي انا لا أقيس الإمور بهذا المقياس وكل ما كتبته اعنيه لأنني اخذت الإمور كلها مع بعضها بس خلي رجل القانون دا يجيب مداخلآتي ورده عليها ...

Quote: اخطأت في الرد على العضويين اللذين مارسا سلوك اقل ما يوصف بانه شغب وبلطجة اسفيرية واضحة ، فقمت بمسح رودودي ، ومسح مداخلات العضويين ، وذلك لحماية الخيط من الإنفلات ، ومنح المتابعين فرصة متابعة النقاش ، غض النظر عن اتفاقهم معي او اختلافهم ، فمن حقهم الإستفادة من الأفكار المطروحة. كبر

Quote: ود المدير أحيانا الرفع حبل مشنقة ولا كيف والكذب والنفاق والتدليس رفع أو كتب بما الذهب يظل كما هو حضيض ولا يجد غير الاستهزاء من أهل البصر والبصيرة دم بالف خير

Quote: يا معاويه إنت القطر دا ماشى وين ياخ أحسن تتعلق وأمرقوا من المحطه دى قطرك لافى صينيه كل ما نقولو إستعدل يشيل ويتلولو يشيل ويتلولو!

Quote: الحمد لله يا ود المدير نحمدو ونشكرو صدّق او لا أنا انبسطت انو ود المشرّف قال اربعة اشخاص وما قال خمسة كما حسبهم كبر قلت إن ود المشرف قاصد أو جات صدفة فأنا في ردي عليه عنيت الأربعة التانين وأنت ما منهم ياخوي انت معارضتك زيّنا واحد لولا الملام كان سوّوك رمادي من زمان واظنك لبست مونّساتي في مرحلة ما

Quote: اسأل الله ان لا يريك مكروه في نفسك أو في أُسرتك أو في أهلك، لكن كان وقع القدر إياني الجاييك، ؤ وكت اجيك عِن خشُم بيتك بعد دآك اطردني ...

Quote: إتّا يا ود المدير، ما تراكا حايم في كندا دي بكراع كلب تقص في أتر التمباك الراجع! بدل توجعوا راسنا بالأمور الشخصية، ما تمشي تشرب شاي مع كبر دا هو في كندا دي كم زول زي كبر دا ممكن تلقاهو تتونس معاهو سيب العوارة وأنهي الموضوع دا

Quote: تحياتي ود المدير كنا نتمنى ان يدار هذا الخلاف الذي اعتقد انه بسيط بطريقة معقولة وحكيمة وتتصافى النفوس وياهو حال كل الناس الليلة مختلفين وبكرة أصحاب للطيش ولكن أتت الرياح بما لا تشتهي السفن والحصل حصل فيا اخي معاوية لي رجاء ارجو ان يجد القبول عندك وهو ان تترك في ردودك تلك العبارات المسيئة والاوصاف لشخص كبر فهي تخصم من رصيدك ولا تضيف شيئاً فلا داعي لها يا صديق كبر في خيطه لم يستخدم مثلها وذلك استشعاراً بان الأيام ربما تصلح ذات البين ولا احد فينا يعلم ما تخفيه الأيام فدع الباب موارب يا صديقي فانت وكبر اعزاء في هذا الفضاء و نقاط الالتقاء بينكم اكثر بكثير من نقاط الفرقة والاختلاف اتمناكم بخير دوماً

Quote: بس كمل رجالتك وحلوا الموضوع ودي .. انتو الاتنين ما هينين

Quote: Nabeel Ali · الخرطوم التجارية معاوية يا ود المدير فيك الخير كمل رجالتك وحلو الموضوع ودي _ او كما قال احمد محمد عمر انا لحد هسع محتار سبب الخلاف بينك وبين كبر شنو _ ونقاط التلاقي بينكم كتير _ بس العنو شيطان التفاصيل وحامد الصاوي بكمل الباقي _ لكم الود كمان طلب تاني يا ود المدير بالله عليك امسح الكلمات زي حتة قانوني وكذاب وسطحي ووووعشان يكون الاحترام باقي بينكم _ وبيضو النية

Quote: و أحمد أبو أحمد · جامعة السودان للعلوم والتكنولوجيا المصري قال شنو على لسان دكتور محمد المشرف (الراجل ده زعلو وحش) smile رمز تعبيري __________________________________________ ياعين يا عنية يا كافرة يا نصرانية، استغفر ربك يا زول، وقوم على الخير ما تنتظر الخير يجيك.

Quote: الاخ ود المدير قربت افتح بوست اناشدكم انتوا الاتنين تقعدوا في واطة الله دي وتشختوا الواطة دي عشان الموضوع دا يتحل بينكم وديا . اسعدني تجاوبك لطلبات الاخوة ز الدنيا دي مافيها حاجة يخ كلنا بنمشي للكريم الناس تتصافى.

Quote: ههههههههههههههه

Quote: بعدين أنتو في كندا دي بتشترو الكرفتات الرخيصة دي من وين؟؟

Quote: باركوها يا اخوانا يا ود المدير خليك عند حسن الظن انا احترمك جدا ولم التقيك ولم اتشرف بذلك دي عين سودة وصابتكم علي قول اخونا ود الباوقة

Quote: هذا الخلاف لا يرضيني ...

Quote: حافظ الإمام محي الدين · Calgary, Alberta حاولت بقدر الإمكان الإبتعاد عن هذا البوست وأكتفيت فقط بالقراءه حتى وقعت عيني علي مداخلة أخونا ود المدير التي يقول فيها (والبلد العايش فيهو دا زول داير يقرّب منّك مافي ) ويعني أخونا كبر، وقد قرأت أيضا من قبل كلاما لود المدير يصف فيه كبر بأنه إنسان منبوذ في كالغري، بحكم أني من سكان هذه المدينه فسكوتي عن هذا الكلام ربما يفسره البعض بموافقتي عليه. لم تقل الحق يا معاويه، كبر إنسان فاضل وأخو أخوان ويسعى الناس للتعرف عليه وقد حاولت أنا أن أفعل ذلك وأتفقت مع أخي محمد لنأخذ عيالنا ونزور كبر في بيته ولم يكن قصدنا مناقشته في أدب أو سياسه أو تاريخ أو قانون أو فن والذين يجيدهم كلهم بنفس المستوى ولكن للتعرف عليه كرجل وكما تعلم أن معرفة الرجال كنز. لدي يا معاويه الكثير من العلاقات في كالغري وكذلك أخي محمد فلم نسمع إطلاقا شيئا من هذا القبيل وإنما العكس، كلما جات سيرته تحدث عنه الناس بكل خير. لا أستبعد أن يكون هناك أناس لا يطيقونه وهذا شي طبيعي لشخص يجهر برأيه وها أنت تفعل ذلك لمجرد أن إختلفت معه في الرأي بالنسبه لما يدور في السودان من حوار. ليست لدي مشكله إذا قلت أن كبر منبوذ بالنسبه ليك أو لبعض الناس أو إنك ما عايز تقرب منه لأنه في النهايه هي وجهة نظرك ولكن كونك تجمعنا كلنا فده أنا شايفه سوء نيه وبتحاول إنك تنتصر لنفسك بأي طريقه ولذك ظلمت الراجل وظلمتنا نحن ناس كالغري. يا معاويه لازم تعرف إنه الناس في منبركم ده قاعدين علي الهبشه يسمعوا ليهم طرف حديث ويدقوا طار، وأهو دينق شايل كلامك ده وحايم بيه من بوست لي بوست.

Quote: هذا الخلاف لا يرضيني ...

Quote: فالعشم كبير جدا في ان تقبلا توسطي بينكما للتصالح..وساكون سعيدة جدا جدا اذا انا نجحت في هذا المسعى النبيل...فبالله عليكما حاولا ان تدخلا السرور في قلبي.. واجعلوني ابتسم..فنحن في هذه الغربة القساية لا نبتسم الا نادرا.

Quote: حافظ الإمام محي الدين · Calgary, Alberta أخونا معاويه صحيح كان ممكن أتصل عليك وأتكلم معاك في التلفون ولكن لأن مداخلتك وردت في منبر عام وكانت متاحه للكل لذلك كان لابد للتعليق في نفس المكان. معاويه يا أخوي كالغري مدينه كبيره ونسبه لظروف الناس من عمل وإلتزامات أسريه تجد كثير من الناس حصرت نشاطاتها الإجتماعيه في قروبات صغيره وفقا لنوعية العمل أو مكان السكن أو علاقات الحريم مع بعضهم . دفاعي عن كبر أو شهادتي كان مصدرها هذه القروبات التي أنتمي إليها والتي عندما تجتمع شأنها شأن أي لمه بتاعت سودانيين يتحدثوا في كل شي ولا يفرقوا بين العمل العام والشخصي ولم تأتي سيرة كبر إلا بالخير، ربما يكون أطلقت حكمك عليه علي حسب قروباتكم ولكن كشي عام كلامك لا أساس له من الصحه. عندما تقول أن هذا الشخص منبوذ ولا أحد يريد أن يقرِب منه،خليت الباب متآكا عشان كل زول يفسر علي حسب هواه ولو حددت أن ذلك فقط في المجال العام لكان أقل ضرر. يا معاويه لا أحد يريدك أن تربع يديك وتعاين ليه، دافع عن نفسك بكل ما تملك من قوه وأستعمل كل الأسلحه المشروعه وإذا رأينا أن كبر غلط عليك ناصحناه كما فعلنا معك ولا نريد من ذلك سوى قول كلمة الحق. كتر خيرك لرفع المداخله والتعليق عليها وربنا يصلح النفوس.

Quote: ابسطها لكبر، ووالله العظيم لم ولن اقطع عشم من تعشّم فيّ الخير

Quote: عادي يا مدير انو زي كبر دا ممكن يكون منبوذ من بعض مجتمعات السودانيين. الرجل غير تقليدي وفي الغالب له معايير لا تتفق مع مجتمعات السودانيين التقليدية في امور الصداقة. طبيعة العلاقات السودانية الاجتماعية مملة لناس زي ناس كبر ديل، ولو ما لقوا نقاوة النقاوة، صعب عليهم يصاحبو وقصة عقيقتنا وعقيقتك، جيتونا وما جيناكم دي بتقتل جذوة ابداعو. فشنو، اعتمادك على الكم في تقييم كبر قد يصب في خانة شكره بالنسبة لزول مبدع و غير تقليدي زيي كدا!!

Quote: الله الله .. ول أبا الكلس .. محمد النور كبر .. مسحك !! .. لابد أن تكون عملت عملة كعبة؟ عجبنى للضبان بالبف باف .. بريمة

Quote: دي المحريه

Quote: وان شاء الله نسمع قريب انكما جلستما معا في استاربكس وفي ايديكما كبايتين قهوة Xlarge وبدون طرف ثالث ويكون اللوم بيناتكم لوم الاصدقاء.. ويا ريت كمان في العطلة الاسبوعية تتلموا مع اسركم في حديقة عامة وتعزموا الاصدقاء مع نيران الباربكيو barbecue

Quote: Mohammed Mohyeldin · University of Aberdeen بالرغم من الإستفاده الكبيره التى أتلقاها من متابعتى لكتابات الأستاذ كبر فى القانون كانت أو فى الأدب أو التراث و ما صاحبها من علم غزير تعلمه من المجتمع أثناء رفقته مع والده فى مدن و بوادى السودان المختلفه أو قرأه فى المكتبات إبتداء من مكتبة الصفراوى بالدلنج مرورا بمكتبة السودان بجامعة الخرطوم و حتى المكتبات العامه بكندا إلا ما أعجبنى فيه هو شخصيته المستقله و شجاعته فى الجهر بما يؤمن به و تمرده على كل ما هو تقليدى. دخل فى دهاليز السياسه و تمرد على متعاطينها و المنصاعين وراءها بدون وعى. كتب عن التراث فى مناطق بعيده عن خيال من يدعون العلم و المعرفه. كتب عن الموسيقى و الغناء فى أفريقيا و السودان و تمرد على الذين حصروا الفن فى غناء الوسط و أمدرمان. فى غناء أمدرمان نفسه كان طبيبا بارعا عندما شخّص مرض التى إشتكت من الحمى و الصداع الذى ألّم بها للذى غفّل رقيبه و أتى إليها. على العموم نحن كده و لسه منتظرين ما يجود لنا به عن رائعة كمال كيلا. إذا كان أمثال كبر يتجولون ببرارى كندا فمن يحكم السودان يا ترى؟