|
كتب الكاتب الفاتح جبرا المتوفرة بمعرض الدوحة
|
|
 Re: الاستاذ عثمان عووضة (Re: جلالدونا)
|
استاذنا عثمان عووضة قلم ذو رائحة ومذاق سوداني جميل ..
والقلم يعكس الشخصية بكل تأكيد ..
..
جلالدونا ازيك ياخ ..
الليامات دي الواحد ما بلاقيك في رواقة كده عشان يسلم عليك ..
ننتهز هذه الفرصة وكده يا هذا ..
| |
  
|
|
|
|
|
|
|
|
Re: الاستاذ عثمان عووضة (Re: جلالدونا)
|
Quote: صومعة شنو يا زول
نحلف عليهو عديل يجي
يا عووضة عليك أي حاجة بتحبها تجي |
يا حمد ياخى انت رومانسى لامن مدفّق بى غادى
العينة البتسرق الموية دى لمّا تزعل بتقع حواشة القمح و ندّس فى نصو
الشرا ما يمرقو , تمرقو جنس حليفتك دى
| |
|
|
|
|
|
|
|
|
|
Re: الاستاذ عثمان عووضة (Re: جلالدونا)
|
Quote: يا ود هوى شن بدّخلك وسط القندرانات ديل
|
قندرانات أنا ؟! ..
...
في الحقيقة في 3 قندرانات وكم برينسه :)
* لمن افضى شوية عندي معاكم كلام في شان الله وهذا المنبر وكائناتو وكياناتو الخلافية يا صديقي ..
| |
|
|
|
|
|
|
|
|
|
Re: الاستاذ عثمان عووضة (Re: جلالدونا)
|
عارف يا جلي
تماماً كما صديقنا ود المشرف
الزول عاوز يطايبك ( قوووول يشاغلك ) بس ما عارف وين ؟؟
بركة الـ لقينا فيك فرقة
أول مرة أسمع باسم ( عثمان عووضة ) عندما أنشأ صديقنا الغائب الحاضر حسين ملاسي أحد بوستاته الحميمية ( النادرة )
وقال فيه
" سميرة حمور تتعب والشكر لى عثمان عووضة "
سميرة حمور المعنية هي السيدة الفضلى حرمه
الشاهد في الموضوع أن ملاسي قد أفاض في ذكر مجاهدات الفضلى أم تايسا في بناء منزل الأسرة ( حلوة مجاهدات دي موش كدا ؟؟ )
تداخل حبيبنا جني وذكر ما ذكر
وبين هذا وذاك تبينت لدى معالم شخصية عثمان عووضة الآسرة
معرفة وصداقة تيسير عووضة وكلام ومواقف يكون عثمان عووضة وآرائه طرفاً فيها
تمتلئ الفراغات
ليس في أقدار الله مجال للصدفة
بل إنسجام كامل
وعندما عاد ليكتب
لم تفاجئني الآراء الحصيفة المصاغة بأسلوب بسيط يدخل القلوب الغليظة بلا إستئذان
ولم تفاجئني الأريحية والبساطة وروح الطرفة الأصيلة
لكن الذي أحزنني أن ( الأوصوفوه ) - بما فيهم تايسا - لم يكونوا منصفين
تماماً كما قال شيخنا أحمد ود أب شريعة
الواصيفينا ..
غير منصفين ذاتو الحسينة
بل قاصفين
بل قاصرين
بل عاجزين
على منحى شديد الخصوصية
فقد سعدت كثيراً لمعرفتي بتجاورنا في الخرطوم
إذا أمد الله تعالى في آجالنا حتى نضع عصا الترحال فأكون محظوظاً بجار أستمتع به ومعه
ثم
هو قبلوهو في المؤتمر الوطني ولا شنو ؟؟
| |
|
|
|
|
|
|
|
|
|
Re: الاستاذ عثمان عووضة (Re: عاطف عمر)
|
لو كان الرجال يوصفون بأنهم نسيم او دعاش فوالله إنه هو النسيم والدعاش معا
وإنه الصديق والاخ والذات التى تشبة ذاتى وذات كل من احبه.... هكذا دون قيد او شرط
لله فى الله
عثمان عووضه قلب مرهف وحس مرهف وقلم مرهف وعطاء لطيف خفيف الظل محبب
عثمان عووضه مع طلته تستقيم خطى القلوب المتعبه وتشرق إبتسامات الرضا على وجوه الموجوعين
شجرة حياتنا واحده واغصانها متعدده واوراقها باللآلاف ...لكن عثمان هو من ناضج ثمرها
...
التحيه ليك ياجلادونا ولكل ضيوفك الكرام
| |
|
|
|
|
|
|
|
|
|
Re: الاستاذ عثمان عووضة (Re: ملهم كردفان)
|
Quote:
لو كان الرجال يوصفون بأنهم نسيم او دعاش فوالله إنه هو النسيم والدعاش معا
وإنه الصديق والاخ والذات التى تشبة ذاتى وذات كل من احبه.... هكذا دون قيد او شرط
لله فى الله
عثمان عووضه قلب مرهف وحس مرهف وقلم مرهف وعطاء لطيف خفيف الظل محبب
عثمان عووضه مع طلته تستقيم خطى القلوب المتعبه وتشرق إبتسامات الرضا على وجوه الموجوعين
شجرة حياتنا واحده واغصانها متعدده واوراقها باللآلاف ...لكن عثمان هو من ناضج ثمرها
...
التحيه ليك ياجلادونا ولكل ضيوفك الكرام |
ملهم ده قال شعر عديل
نثني
| |
|
|
|
|
|
|
|
|
|
Re: الاستاذ عثمان عووضة (Re: أحمد الشايقي)
|
يا ود المشرف من ناحية انك قندرانى دى لا يتعارك فيها كبر و ود المدير
ف شنو
ياريت تجى سريع شوف لينا حكاوى المنبر دى و كائناتو و كياناتو
و عليك الله ما تنسى مكنوناتو
تعال سريع فالحال اصبح لا يحتمل
| |
|
|
|
|
|
|
|
|
|
Re: الاستاذ عثمان عووضة (Re: جلالدونا)
|
لو كان الرجال يوصفون بأنهم نسيم او دعاش فوالله إنه هو النسيم والدعاش معا
وإنه الصديق والاخ والذات التى تشبة ذاتى وذات كل من احبه.... هكذا دون قيد او شرط
لله فى الله
عثمان عووضه قلب مرهف وحس مرهف وقلم مرهف وعطاء لطيف خفيف الظل محبب
عثمان عووضه مع طلته تستقيم خطى القلوب المتعبه وتشرق إبتسامات الرضا على وجوه الموجوعين
شجرة حياتنا واحده واغصانها متعدده واوراقها باللآلاف ...لكن عثمان هو من ناضج ثمرها
لايك
| |
|
|
|
|
|
|
|
|
|
Re: الاستاذ عثمان عووضة (Re: عوض محمد احمد)
|
يا هلا بيك عاطف
و ألف مرحب بالمطايبة و المشاغلة من ناس حلوين زيّكم كدى
و التحية اولا للاستاذة سميرة حمّور و اخونا عثمان يستاهل الناس تتعب و الشكر ليهو
و هو بينى و بينك لو خلّو الحاجات عليهو كان سفّو التراب
Quote: لكن الذي أحزنني أن ( الأوصوفوه ) - بما فيهم تايسا - لم يكونوا منصفين
تماماً كما قال شيخنا أحمد ود أب شريعة
الواصيفينا ..
غير منصفين ذاتو الحسينة
بل قاصفين
بل قاصرين
بل عاجزين |
اقوليك حاجة يا عمر فى الحتة دى
و الله معاهم الف حق يقصّرو
هو الزول ده يوصفوهو من انهى حتة
جمالياتو كتيرة و خاصة جمال الروح تعجز عنّو فاره الكلمات
و يا ريتو كان ما عاد
كان يخلينا فى جهلنا و غبانا
يسعدنا بى قدومو الميمون و فجأة يقول لينا مع السلامة
قايل روحو مصطفى سعيد هو
و احسدك تماما على الجيرة الطيبة و كان جمبكم فى بيت للبيع قول عوووك
و نسعد بى قربكم و على الاقل الواحد يضمن ما يجيهو ضغط وللا سكرى فى باقى عمرنا الباقى لينا
و ما ظنيتو يكون مشى على المؤتمر الوطنى .. يكون مزنوق فى قطع القمح و النوريق
التحية ليك و ليهو و لأسرتيكما الكريمتين
| |
|
|
|
|
|
|
|
|
|
Re: الاستاذ عثمان عووضة (Re: معاوية المدير)
|
يا الف مرحب بالشايقى
Quote: لا يمكنك إلا أن تحبه
كتاباته تدخل إلى القلب مباشرة
لأنها من القلب
|
يا ريتو لو يعلم
دى المحبة البى الغصب
و صعب الخلاص منها
بعرف كيف يرسم حروفو
النابعة من طيبة ارضنا و طبعنا
زول تحبّو لله فى الله
| |
|
|
|
|
|
|
|
|
|
Re: الاستاذ عثمان عووضة (Re: عثمان عووضة)
|
جلالدونا
قبة
د. المشرف
ود المدير
حمد الحلو
باشمهندس توفا
الملهم الفنان
بت ابو حريرة
احمد الشايقي
عوض محمد احمد
الرصة دي علی حسب ترتیب المداخلات
.....
هسي الزول لو ما جبر بي خاتركم يدخل وين
الله يديكم الفي. مرادكم ويحفضكم ويخليكم لي
...
بس انا عايز كوكا كولا. 😉😉
| |
|
|
|
|
|
|
|
|
|
Re: الاستاذ عثمان عووضة (Re: عثمان عووضة)
|
| Quote: يمين الله تاني كل يوم. احرد |
عوووضة في مدني حي مؤدب ومحترم والعجب استاذي للغة العربية بمدرسة السني الثانوية مدني محمد عثمان عووضة
ياجماعة المنبر ده بخروووووه او دقووو لينا ظار لووولية عديل
العضوية من بقت بالاقامة ابصلعة بقى زي ناس برشلونة يجيب لينا لعيبة مصابيين ومعوقييين :)
جلالدونا تحياتي لك ولعووووضة مدني والخرتوم
| |
|
|
|
|
|
|
|
|
|
Re: الاستاذ عثمان عووضة (Re: حامد بدري)
|
ياخى بوظتا اعصابنا ..
كدى قبل الكوكا كولا اربعة من فى اللستة الفوق دى يشدوك
و حامد بى سوط العنج يديك عشرين جلدة
اكيد استاذنا الجليل محمد عثمان عووضة جلدو فى حصة التسميع
ياخى مرحب بيك و عليك الله تانى ما تعمل كده
لانو يمين الله بنريدك لى الله و الرسول
| |
|
|
|
|
|
|
|
|
|
Re: الاستاذ عثمان عووضة (Re: عثمان عووضة)
|
ياخي أنا براي بيني وبين رقبتي قتا عثمان دا يفوت مننا ساي كدي ,,,,,
ياخي زول زيك سويت فينا ما سويت تجي تقول مع السلامة وتمشي ,,,,,
ياخي قبليها بي يوم وفي بوست حمد بتاع هيروشيما أضحكتني كما لم
أضحك من قبل يا مونساتي مع إنو أنا كنت من الأساسيين الكان البراية
مستهدفم بي الدعا ,,,,,,
يازول إتا قايل البينا وبينك مع السلامة بس ,,,,, رجاء" تاني ساعة تجي
تحرد كلمنا عشان الواحد يمسك دينق يعضيهو في فاخورتو دي عشان
أب صلعة يشيل أمانتو ويريحنا.
مرحب ود عووضة في دارك ,,,,,
جلال بحق إتا زول أخو أخوان ومقنع كاشفات (مقنع كاشفات دي إن
بقيت داير تبكي رجالة ساي كدي أمشى لي شرح بت تاور في بوستيها
مهوقني قريب من هنا)
| |
|
|
|
|
|
|
| |
جلالدونا
يحي قباني
محمد حيدر المشرف
معاوية المدير
حمد عبد الغفار عمر
عاطف عمر
ملهم كردفان
عفاف أبو حريرة
أحمد الشايقي
عثمان عووضة
حامد بدري
Salah Zubeir
فيس بوك
تويتر
انستقرام
يوتيوب
بنتيريست