|
كتب الكاتب الفاتح جبرا المتوفرة بمعرض الدوحة
|
|
 Re: البوبار...فى ناس شايفنه عسل وفى ناس كاويهم (Re: جلالدونا)
|
| Quote: مشيت الصل الا بس جابنى قيم الكورة الطايرة الفوق ده و الصوانى الربعمية و فى رواية اربعتالاف داير ياكلن الضيف ده براهو غايتو جنس خمج بعدين يعنى شنو مندى .. الضلعة مالا عيبوها لى .. حتى لغوتنا عاير يلخبتا علينا سعال اخير ... ده منو البلعب مع تبارك ده ؟ ما تقول الضيف ,, شايف لياقتو فل |
الفنان ملهم سلام ولعلك طيب وللضيوف ومن ذكرتهم في المداخلة الاولي الاحترام كله وأقول لاخونا جلالدونا لعلك والاسرة بخير موضوع الدعوة تمت من خليفة الكباشي وال الكباشي لضيف البلاد ( الذي اختلف معه ) وتم دعوة الطرق الصوفية في السودان معه وقام أهل الكباشي بواجب الكرم لاغير ، من قام بالتصوير لا اعلمه ولم يقم احد من ال الكباشي بتوزيع الصور او الافتخار بذلك لان الامر عادي عندهم يكرم كل من يزور الكباشي مهم كان مكانه او جهته اخونا المجاهد وصلته الصور وأعجب بها وفتح بوست بذلك وانا كذلك وصلتني بالواتساب وأعجبت بها وأرسلتها في كذي قروب اما حديثي عن عددالزبايح ونوعها فهو من معرفتي بالأمر بصفتي احد أبناء الشيخ الكباشي أنتم اخوة اعزاء نعتز بكم ونعتبركم جزء مننا الامر لايستحمل مناقشته في بوست او موضوع للراي العام كله باختصار ضيوف من داخل وخارج السودان تم إكرامهم من حر مال ال الكباشي لاغير
-------
ملهم وجلالدونا لولا معزتكم عندي لماحضرت هنا ولا وضحت الامر
| |
 
|
|
|
|
|
|
|
|
Re: البوبار...فى ناس شايفنه عسل وفى ناس كاويهم (Re: محمد المسلمي)
|
التحية ليك يا مسلمّى و لى كل الاهل بالكباشى
و الديار ديك ما غريبة علينا و هاك امسكا ليك بى غرب السكة جديد
الازيرقاب , الحليفى , الكدرو , ابوحليمة , الخوجلاب , الخليلة , الفكى هاشم , التمانيات , الجيلى , الواوسيات لا عند ودرملى
ناس الكباشى و شيخا متعّهم الله بالصحة و العافية عاشرناهم كتير و ياهو طبعهم و فضلة خيرن
اهل القءان و الباب المفتوح ليل و نهار
الا بس جنس البعمل فيهو ود الباوقة عمرنا ما سمعنا بيهو و لاهم برضو بيهو
البوبار فى جلب الموضوع هنا و التفاخر به و الاسوأ طريقة عرض الموضوع
لك العتبى حتى ترضى و ينقطع لسانى لو تمس اهل ضواحى بحرى كلمة منى ما ياها
| |
|
|
|
|
|
|
|
|
 Re: البوبار...فى ناس شايفنه عسل وفى ناس كاويهم (Re: جلالدونا)
|
ود الباوقة اساء لأهل الكباشي بالصورة،
كان ممكن يعبر كتابةً أو يكتب قصيدة، وكرم أهلنا ناس الكباشي
لا يتوقف علي الطعام ؤ بس . أسألوني عن العوض احدثكم عن
الكرم رغم لقاءآتي العابرة له .
سبحان الله، اكتب هذه الأيام في موضوع عن أهل واوسي لآمن
نزلنا عليهم ضيوف هجعة ونشوة الكرم في احلك الظروف، والله
كتابة هذا الموضوع تراودني من زمن واحداثه حصلت في عام
88، خليكم معانا .
التحايا للمسلمي ربيب الندى وللجمع الكريم ...
| |
|
|
|
|
|
|
|
|
|
Re: البوبار...فى ناس شايفنه عسل وفى ناس كاويهم (Re: معاوية المدير)
|
اول مره فى حياتى زول يقول لى ياهذا
والله متكيف كيف لمن شفت نفسى
قاعد جمب عنتره وهو بقول بيتين شعر فى عبله 
....
Quote: خت الرابط بتاع البوبار البرامجي هنا بعدين ندلوا معاك
في هذا البذار المفاهيمي !!
فعلا ملهم !! |
معقوله ياخ بوبار برامجى ....المعلمين ديل ملح الأرض
بدونهم تاكلو ناركم بوش ..ووسليقه سااااى
ياعبد اللطيف انت حريف وبتلعب بينق بونق صاح وزى الترتيب
والكوره فى ملعبك ياحبيبنا
| |
|
|
|
|
|
|
|
|
 Re: البوبار...فى ناس شايفنه عسل وفى ناس كاويهم (Re: ملهم كردفان)
|
Quote: مشيت الصل
الا بس جابنى قيم الكورة الطايرة الفوق ده
و الصوانى الربعمية و فى رواية اربعتالاف داير ياكلن الضيف ده براهو
غايتو جنس خمج
بعدين يعنى شنو مندى .. الضلعة مالا عيبوها لى .. حتى لغوتنا عاير يلخبتا علينا
سعال اخير ... ده منو البلعب مع تبارك ده ؟ ما تقول الضيف ,, شايف لياقتو فل |
جلالدونا الشرانى مخرب البوستات ... لن أقول لك أخرج من بوستينى كما يقول لك ود الباوقه
ولن أصب عليك جام اللعنات ..
لكن قل لى بربك ماهى هوايتك المفضله ....ومتى اصتدمت بمتبوبر
وما الذى جرى بينكما ؟؟؟
هل مع إحتمالية أوديك الضل بمجرد احساسى بمحاولة تخريبه أخرى لمسار البوست
الكره فى ملعبكم ياسيد جلالدونا
| |
|
|
|
|
|
|
|
|
|
Re: البوبار...فى ناس شايفنه عسل وفى ناس كاويهم (Re: ملهم كردفان)
|
Quote: ..
يابنت أبوحريره ... واميره الشيخ وبسمات بنت الشيخ والموسيقار إمتثال رايكن شنو فى المشكلة الإجتماعيه
غلاء المهور وتكاليف الزواج فى السودان والصرف البذخى والشو البوبارى العجيب |
ملهم يازوق خاتي من كلفه
اوول شي خليني اتبوبر بي اني في معيتك
تسلم
ومتابعين
| |
|
|
|
|
|
|
|
|
|
Re: البوبار...فى ناس شايفنه عسل وفى ناس كاويهم (Re: ملهم كردفان)
|
Quote: .....
الطيب عباس ماهى انواع البوبار التى إرتكبتها فى الدنيا دى ...؟؟؟ |
ههههههههههههه ملهم يافنان
البوبار في بيت الايجار هههههههههه
والله يا ملهم في ناس فقاعين مرارة وجنهم بوبار زمان النسوان عندهم توب عديل اسمو البوبار ههههههه ومن حقهم لانهم جنس لطيف مع احترامي لكل اخواتي في المنبر .. بس البوبار في الرجال كعب تب
دحين عِمتي دي لو بوبار طوالي بغير البروفايل ..
تقديري .
. بوست موفق والله
| |
|
|
|
|
|
|
|
|
|
Re: البوبار...فى ناس شايفنه عسل وفى ناس كاويهم (Re: الطيب عباس)
|
ملهم ازييييك
عساك طيب
بما اسمى ما مكتوب ( ......)
بس ابت نفسى ههههههههههههه
المهم البوبار كان بالنسبة لاهلنا زمان سخرية كبيرة
كانت الواحدة لمّن تزعل من التانية
تحط ايدها على وسطها وتهز رأسها وتقول
( هوووووى شوفى البوبار وغزّ الرادى فى بيت الايجار ) هههههههههه
طبعا الظاهر الزمن داك الراديو كان غالى شوية ولا يلتقط الاّ بعد رفع سلك بين خشبتين
وتوصيله ( بالاريال ) بتاع الراديو
( طبعا حبوباتى كلمونى ) ( عشان ما تقول عجوز ) ههههههههههه
مودتى
| |
|
|
|
|
|
|
|
|
|
Re: البوبار...فى ناس شايفنه عسل وفى ناس كاويهم (Re: ANWAR SAYED IBRAHIM)
|
Quote: طبعا الظاهر الزمن داك الراديو كان غالى شوية ولا يلتقط الاّ بعد رفع سلك بين خشبتين
وتوصيله ( بالاريال ) بتاع الراديو
( طبعا حبوباتى كلمونى ) ( عشان ما تقول عجوز ) ههههههههههه
|
انور والذكريات الجميلة ، الرادي ابسلوك كان عند الاغنياء ؟ معناها نحن كنا اغنياء هههههه
ياكبير ، حبوبات شنو الكلموك انا الاصغر منك بسنين (حسب الصورة) شفت الراديو لكن ماهبشتو ههههه
مداخلتك اعجبتني ....
| |
|
|
|
|
|
|
|
|
|
Re: البوبار...فى ناس شايفنه عسل وفى ناس كاويهم (Re: عبداللطيف حسن علي)
|
يا اخونا عبد اللطيف حسن على
كيف حالك
تقول لى ( شفت الرادى وما هبشتو ) يا عجوز ههههههههههههههههههه
والله شكلك اكبر من ود شيقوق ( ما يسمعنى ) ههههههههههههه
كدى حط لينا صورتك ونشوف ود ابو سن بيقول شنو !!!!!!!!!
سعيد بمداخلتك والله
اخونا ملهم شكلوا ما فاضى ( وجه ضاحك يا ملهم )
لك مودتى
| |
|
|
|
|
|
|
|
|
|
Re: البوبار...فى ناس شايفنه عسل وفى ناس كاويهم (Re: ملهم كردفان)
|
Quote:
ود الباوقة اساء لأهل الكباشي بالصورة،
كان ممكن يعبر كتابةً أو يكتب قصيدة، وكرم أهلنا ناس الكباشي
لا يتوقف علي الطعام ؤ بس . أسألوني عن العوض احدثكم عن
الكرم رغم لقاءآتي العابرة له .
سبحان الله، اكتب هذه الأيام في موضوع عن أهل واوسي لآمن
نزلنا عليهم ضيوف هجعة ونشوة الكرم في احلك الظروف، والله
كتابة هذا الموضوع تراودني من زمن واحداثه حصلت في عام
88، خليكم معانا .
التحايا للمسلمي ربيب الندى وللجمع الكريم ... |
مرحب ود المدير
والكلام ده يحول للمسلمى عشان يختو فى حقنه ويطعن بيهو ود الباوقه
يمكن تخليهو يخش فى قيلوله دائمه
| |
|
|
|
|
|
|
|
|
|
Re: البوبار...فى ناس شايفنه عسل وفى ناس كاويهم (Re: ملهم كردفان)
|
Quote: يا اخونا عبد اللطيف حسن على
كيف حالك
تقول لى ( شفت الرادى وما هبشتو ) يا عجوز ههههههههههههههههههه
والله شكلك اكبر من ود شيقوق ( ما يسمعنى ) ههههههههههههه
كدى حط لينا صورتك ونشوف ود ابو سن بيقول شنو !!!!!!!!!
سعيد بمداخلتك والله
اخونا ملهم شكلوا ما فاضى ( وجه ضاحك يا ملهم )
لك مودتى |
تحياتي واحترامي لك ، وكل المودات والمعزات في هذا الصباح الملهم !!
لالالا الصورة ، بس الا دي ، لكن كدي اول نشوف صورة شيقوق العامل لينا
فيها عريبي ساكت وبهناك يلهط في الريالات ، مافي عجوز مع ريالات السعودية
اللي بلدك تنسيكا .....
| |
|
|
|
|
|
|
|
|
|
Re: البوبار...فى ناس شايفنه عسل وفى ناس كاويهم (Re: عبداللطيف حسن علي)
|
صديقى الشاب الطيب عباس...
زمان كانوا بيقولوا لى ساحر البسمه ..غايتو شيل اللقب ده
عشان انا جلكنت وبقيت ديناصور
الف مرحب بيك .... ياخى
Quote:
ههههههههههههه ملهم يافنان
البوبار في بيت الايجار هههههههههه
والله يا ملهم في ناس فقاعين مرارة وجنهم بوبار زمان النسوان عندهم توب عديل اسمو البوبار ههههههه
ومن حقهم لانهم جنس لطيف مع احترامي لكل اخواتي في المنبر .. بس البوبار في الرجال كعب تب
دحين عِمتي دي لو بوبار طوالي بغير البروفايل ..
تقديري .
. بوست موفق والله |
بس شايفك زغت بالدو كويس الظاهر ورقك شديد ومليان آسات وشياب وجكسويات وضامن انو اللعبه ماحتتبوبر
وتسقط حجرك 
الطيب ....لقيتك حريف ياخ ... ياحرامى الواى فاااى
| |
|
|
|
|
|
|
|
|
 Re: البوبار...فى ناس شايفنه عسل وفى ناس كاويهم (Re: ملهم كردفان)
|
انور ياخ انت كمان بختو إسمك مع الناس كيف
وانا قلت ليك قبل كده انت صاحب البوست
مرحب بيك ياصديقى
وعلى الرحب والسعه على الدوام
وبما انو انت من جيلنا وكده وماشفتا غير الأريال البختوهو فى الخشبه
يبقى بوبارك منتهى الصلاحيه وخش الضل من زمااااان
لأنو من نوع اللعب بالترتاره وعربيات السلوك وعراقى وشنطة المدرسه الدموريه
وانا بفطر بى طاره كامله وبحلى بى دندرمه
وغمضت لبدت وهلم جرا
يديك العافيه ياغالى والله
| |
|
|
|
|
|
|
|
|
|
Re: البوبار...فى ناس شايفنه عسل وفى ناس كاويهم (Re: ملهم كردفان)
|
الف ألف مرحب يا
عبداللطيف حسن علي
شفت انور ده خشاتو حلوه كيف ... بوبار زى كدر الحمار وبشتنه ورقاد واطه حار
بس انت مش المفروض تمشى تذاكر دروسك عشان بعدين ماتقعد تتلفت فى الفصل
ده ....
ولو قبضت أى بخره عندك الله قال بقولك ...
حبيبنا والله يا لطييييف ..احلى تحيه ليك ياخى
| |
|
|
|
|
|
|
|
|
|
Re: البوبار...فى ناس شايفنه عسل وفى ناس كاويهم (Re: عمر دهب)
|
صديقى الدهب..عمر دهب حياك الله وبياك
Quote: انتمى لسمائى الاولى وللفقراء فى كل الازقه
ينشدون
صامدون
وصامدون
وصامدون
بيت درويش دا يعلمك ماتكون دعاياتى
معليش مالقيت اسم الفاعل من بوبار
خاصة كلمة بوبار دى بتاعة مدن
نحنا تربية شرق نقول دعاياتى
محبتى العارفه ياملهم |
نعم صامدون ...كأعواد تراصت كى تأوى قلوبنا تحت سقف من الموده
....
دعاياتى ...يعنى متبوبر ياعمر
ثم عارفه من غير ماتقولها ... بارك الله فيك وفى اهلك كلهم ياصاحبى
| |
|
|
|
|
|
|
|
|
|
Re: البوبار...فى ناس شايفنه عسل وفى ناس كاويهم (Re: ملهم كردفان)
|
اها يا ملهم
عشان اوريك الضل دا ما حقّى ( حق عبد اللطيف ) ههههه
نحن الحمد لله حضرنا ( حلاوة جكسا ) وحلاوة ( دربس ) وصندوق ( لبّس تكسب ) وحلاوة ( لكوم )
و( الفرينى - اب قرشين - والتعريفة ولو بتعرف ( المفحضة ) ههههه يعنى المحفظة وهذه كان يلبسنها الحريم )
اها يا ملهم دفعتك ولا ... لا .... !!!!
امرقنى من الضل هههههههههههههه
بس اصغر من عبد اللطيف ( وجه ضاحك )
راجع ليك
مودتى
| |
|
|
|
|
|
|
|
|
|
Re: البوبار...فى ناس شايفنه عسل وفى ناس كاويهم (Re: ملهم كردفان)
|
مرحب ياحزنك ياوطنى ...غايتو نوع من البوبار ادلعك أقول ليك
علم السودان
Quote: حزنك ياوطنى احزنى
باك تو موضوع البوباريشن ده ياملهم هسا انتو البتعملو فيهو اعلى درجات البوبار بالمشاركات
وفى ناس محددين ليهم مداخله واحده يعنى فرقكم شنو من المراة المليانه دهب وغويشات ديك وفى غيرهن خاتم بس هههههه.
راعو لمشاعر سيف ده وبطلو بوبار بالتضامن معاهو بمشاركه واحده فقط فى الموضوع.
أعجبني · رد · 3 ساعة |
لعبك خشن ياخ وداير تدخلنا فى مسألة ماياها
انا بجر ناعم يعنى
لابعولق سيف لابخلى سيف يعولقنى
عشان يجى يرشك بى تحت رش لاهواده فيه لمن تقوم جارى
الكوره فى ملعبك ياحبيبنا ومعاها خاتم هديه
| |
|
|
|
|
|
|
|
|
 Re: البوبار...فى ناس شايفنه عسل وفى ناس كاويهم (Re: ملهم كردفان)
|
ضحكت كتير والله يا ملهم وأنا اقرا في البوست..
وبعدين دايما كلمة بوبار دي بلقي فيها شكل بيضايق شويه ..ماعارفة هل لأن تفسيرها فعلا بيضايق ولا عندها جانب
برضو تاني..يعني فاهمه بوبار إستعراض كده معلن..صح كده؟؟
غايتو انا لا عندي دهب زي الزوله ام توب أحمر القاعده ديك لا قروش في البنوك..
وماعندي وظيفة شاذه في شكلها ولا دخلها..
وماعندي شيتن كده فايت..
يبقي مافي قدامي غير اتبوبر ببتي ونجاحها وبحلاوة أحفادي..
ينفع؟؟
مع كل الموده..
| |
|
|
|
|
|
|
|
|
Re: البوبار...فى ناس شايفنه عسل وفى ناس كاويهم (Re: Muna Khugali)
|
Quote:
ضحكت كتير والله يا ملهم وأنا اقرا في البوست..
|
حباب منى خوجلى
وصبحك الله بالخير .... ولو ماضحكتى كيفن تكونى منى خوجلى ....
وضحكتك تهمنا والضحكه فوق الخشيم على مسئولية سيدا
Quote:
وبعدين دايما كلمة بوبار دي بلقي فيها شكل بيضايق شويه ..ماعارفة هل لأن تفسيرها فعلا بيضايق ولا عندها جانب
برضو تاني..يعني فاهمه بوبار إستعراض كده معلن..صح كده؟؟ |
مادام مافيها شكل بيضايق ..يبقى انتى عدو صريح للمباهاه الفايته الحد وده شىء جميل ياخى
Quote:
غايتو انا لا عندي دهب زي الزوله ام توب أحمر القاعده ديك لا قروش في البنوك..
وماعندي وظيفة شاذه في شكلها ولا دخلها..
وماعندي شيتن كده فايت..
|
ها ها ها هاااااااا ..الكلام ده قوليهو لى زول ماعندو درداقه ...عينى فى عينك كده وقولى لى الكلام ده تاااانى
القروش انتى خاتاها تحت المخده وتحت البلاطه .. ووظيفتك نحنا عارفنها تب ..
مش انتى اللبستى الدنيا دى كلها توب ورود احمر كلو موده
وتيييب ..بعدين يتخيل لى انت عندك توب احمر دمو خفيف كده ملبد فى شرايينك
Quote: يبقي مافي قدامي غير اتبوبر ببتي ونجاحها وبحلاوة أحفادي..
ينفع؟؟
مع كل الموده.. |
ده ما يتسمى بوبار ده الفخر الحقيقى لمعنى الأمومه والمحبه ياحبوووبه ...
تحليه
لا خليكى صادقه معاى وقولى لى انتى اتبوبرتى جد جد بتين ..؟؟؟
| |
|
|
|
|
|
|
|
|
|
Re: البوبار...فى ناس شايفنه عسل وفى ناس كاويهم (Re: ملهم كردفان)
|
Quote:
ها ها ها هاااااااا ..الكلام ده قوليهو لى زول ماعندو درداقه ...عينى فى عينك كده وقولى لى الكلام ده تاااانى
القروش انتى خاتاها تحت المخده وتحت البلاطه .. ووظيفتك نحنا عارفنها تب ..
مش انتى اللبستى الدنيا دى كلها توب ورود احمر كلو موده
وتيييب ..بعدين يتخيل لى انت عندك توب احمر دمو خفيف كده ملبد فى شرايينك
|
روعه ياملهم
كلام زي ريحة المطر
| |
|
|
|
|
|
|
|
|
|
Re: البوبار...فى ناس شايفنه عسل وفى ناس كاويهم (Re: ملهم كردفان)
|
| Quote: مادام مافيها شكل بيضايق ..يبقى انتى عدو صريح للمباهاه الفايته الحد وده شىء جميل ياخى |
والله يا ملهم صحي..الزول البيقعد يستعرض بالحاجات الماديه بالذات زول فارغ ساي..
شنو يعني عندك قروش ولا بيت قصر ولا عربيه مبالغه؟؟
يعني الزول التاني البيقرا في الحاجات العندك هايستفيد شنو؟؟
أها قول غار منك..الغيرة هاتريحك أنت كيف؟؟
طبعا القصة دي عندها علاقة بالجهل أكتر من أي حاجة تانية..
لكن نوقف علشان ما ندخل في خانة المنتظرين الفرصة علشان يتفلسفوا..
أها أسه ارجع ليكم بالبوبار بتاعي البعرفو ولا كيف؟؟
| |
|
|
|
|
|
|
|
|
|
Re: البوبار...فى ناس شايفنه عسل وفى ناس كاويهم (Re: محمد مجيدو)
|
سلام يا ملهم,,
بعض الناس يتباهون بما فعلوا أو ما إمتلكوا
أو بوضعهم المادي أو ظروف تخصهم ويعتقدون
أنها تميزهم عن بقية الناس ويحبون لفت النظر إليها
أو تستفزهم أمور معينة فيقرروا إعلان مبادئهم
(حسابنا في البنك وبنزينا في التنك)
(حكومة والناس أهالى)(ولادة راهبات وحبى بلاط)
لكن سمعت بصطلح الFFR هنا العوجة!!!!
كضب وهجصى وخيال واسع ونفخ في لا شئ,,
بسهولة شديدة ممكن الحالتين يصلو لمرحلة مرضية بتكون محتاجة تدخل سريع,,
والموضوع بشكل عام قد يشكل ظاهرة إجتماعية يمارسه كثير من الناس حتى ولو
بشكل فعلى ودون كلام يعنى تطبيق عملى وعرض على الهواء وتكون سعادتهم وتغذية
النزعة لديهم بالإستمتاع لنظرة الدهشة عند الآخرين أو حديثهم عنهم أو إنبهار
بعض الناس بما فعلوه أو حتى نظرة الحسد والحقد عند بعض الناس كلو ممتع لديهم,,
تحياتى
| |
|
|
|
|
|
|
|
|
|
Re: البوبار...فى ناس شايفنه عسل وفى ناس كاويهم (Re: أيمن الطيب)
|
اهلا وسهلا بريحة المطر ذاتها .... دعاشك مالى البوست ياعفاف
...
حبابك يامجيدو حمد الله على السلامه ....وادمون منير عملاق لامثيل له كعز الدين وعيون كديس
عيون كديس ده طبعا فى الأبيض ورسام زى دافنشى والله رهيييب
....
الطيب عباس اخصائى المديا والواى فاى ظاتووو
كيف حالك ياصديقى
Quote: بعض الناس يتباهون بما فعلوا أو ما إمتلكوا
أو بوضعهم المادي أو ظروف تخصهم ويعتقدون
أنها تميزهم عن بقية الناس ويحبون لفت النظر إليها
أو تستفزهم أمور معينة فيقرروا إعلان مبادئهم
|
شفت البوست بتاع ألف غنيه وغنيه بيندرج تحت كلامك ده يا طاطا
عالم متعبه بى شكل يعنى مانرفع راسنا ده والا شينوووو ؟؟؟
ثم
الFFR
يعنى شنو ....فلهمه فيها ريحه مثلا
...
شكرا طاطا للمشاركه الدسمه
...............................
معليش مشاركاتى قربن يخلصن وده السبب الخلانى أرد رد جماعى
والله الشهره دى شىء متعب خلاص ....آييي ده حبة بوبار
| |
|
|
|
|
|
|
|
|
|
Re: البوبار...فى ناس شايفنه عسل وفى ناس كاويهم (Re: ملهم كردفان)
|
Quote: الطيب عباس اخصائى المديا والواى فاى ظاتووو
كيف حالك ياصديقى |
صباح الخير بليل كايرو وكدا,,
امشى نوم يا ملهم,,,
الطيب عباس يا كبير
..
FFR يعنى فاكيها في روحو,,
وبلغة أولاد بمبا (واخد بمبا ف نفسو)
كان لمّ فيك الأمير الكوشي كان صرف ليك
عدد واحد (يامستلب)
| |
|
|
|
|
|
|
|
|
|
Re: البوبار...فى ناس شايفنه عسل وفى ناس كاويهم (Re: أيمن الطيب)
|
يا أيمن ياخ انت بتاع طلايب ياخ والطيب بيتداخل معاى وصاحبى
ثم
آآآآيييي أنا كبير ودقيت الخمسين لكن فى مقام اخوك الصغيرونى
ياديناصور
يادفعة سنة سته انتا
...
قال الامير الكوشى قال ..انا مابصدق انو امير كوشى الا لمن اشوف نتيجة
الدى ان اى .. ثم انو فاكيها فى نفسو ومتبوبر ساااى
بشاشا ... مشى الضل بى مزاجو
| |
|
|
|
|
|
|
|
|
|
Re: البوبار...فى ناس شايفنه عسل وفى ناس كاويهم (Re: أيمن الطيب)
|
البوبار وفك الزرار في بيت الايجار
ده الكعب الناس المسخنة وكيسها فاضي
ويتبوبرو ديل البفقعوا الفشفاش ....
اما العندو خليهو يضري عيشو ويفكها في البشر
بي حقوا سوى كان كاشات او علم او مهارة او اي حاجة
حقوا انت ذاتك تتبوبر بي شعرك وغناك وحلاوة بوستاتك يا ملهم يا جميل ....
وتقبل تحياتي ....
| |
|
|
|
|
|
|
|
|
|
Re: البوبار...فى ناس شايفنه عسل وفى ناس كاويهم (Re: محمد عبد الله الامين)
|
صديقى دفع الله توفيت والدته رحمها الله
جاء احد الاصدقاء الى فراش البكاء وهو يحمل
صينة أكل حوت مالذ وطاب من الوان الطعام
وسلّم على دفع الله قبل أن يضع الصينية مع باقى
الصوانى ,, شعر بأن دفع الله لم ينتبه اليه فاعاد السلام
مرة أخرى وهو مازال يحمل الصينية ليلفت نظر صديقه دفع الله
فاجابه دفع الله:
يافلان صينيتك دى شفتها نامِن أمك تموت بجيب ليك صينية أكبر منها.
البوبار ماحبابو ,, كيفك يارجل ياطيب
| |
|
|
|
|
|
|
|
|
|
Re: البوبار...فى ناس شايفنه عسل وفى ناس كاويهم (Re: ملهم كردفان)
|
ملهم .. يا ملهم العواطف
البوست جميل وطاااعم .. لكن انا شايف جزء كبير منه انحصر في صواني ود الباوقة لكن أشكال البوبار كتيرة جداً زي ما اتفضلت
خد عندك مثلاً:
البوبار المعرفي :
وهو التباهي بالكم المعرفي المخزون لدى شخص ما .. وما يصدق يلقى ليه ناس غلابة زينا وينزل فيهم (بايلوجي .. فسيولوجي .. وهلمجرا)
دا كله كوم .. وهناي داك كوم تاني .. فبين كل كلمة وأختها لازم يصرف كلمة انجليزية غصب كدا
في حين أن جلّ المستمعين معرفتهم بالانجليزي كمعرفة أمي - الله يديها العافية - باللغة اليونانية
وعموماً الموضوع طويل .. وإن الله مدّ في العمر برجع ليك للأنواع الأخرى
مودتي ديك زاتها
عمر أبو عاقلة
| |
|
|
|
|
|
|
|
|
|
Re: البوبار...فى ناس شايفنه عسل وفى ناس كاويهم (Re: عمر أبوعاقلة)
|
ألف ألف مرحب يامحمد عبد الله الأمين
منور البوست والله ياحبيبنا
Quote: البوبار وفك الزرار في بيت الايجار
ده الكعب الناس المسخنة وكيسها فاضي
ويتبوبرو ديل البفقعوا الفشفاش ....
|
سلامة فشفاشك ياخ ...والنماذج دى المفروض تعلب فى الليق لحين ميسره
Quote: اما العندو خليهو يضري عيشو ويفكها في البشر
بي حقوا سوى كان كاشات او علم او مهارة او اي حاجة
|
اها ديل لو عملوها بى طريقة
أما بنعمة ربك فحدث ... مافى مشكله تب
الا الشى لو زاد عن حده بيجرح الفقراء والمساكين والمحندكييين
الحندكه ماحلوه ياخ
Quote: حقوا انت ذاتك تتبوبر بي شعرك وغناك وحلاوة بوستاتك يا ملهم يا جميل ....
وتقبل تحياتي .... |
ياخ انا كيسى فاضى وعايز أمشى الضل برررراى
Quote: هالة عبد الحليم .... ايام موضوع العربية البرادو والسفارة ... سالوها وكان ردها ...
برادو شنو !! وانا بت نمرة اتنين ...
اسي ذي البوبار ده ما طاعم بالله ... |
ده بوبار بى فهم ياخ
تحليه
وافر شكرى واله يامحمد ياخ
| |
|
|
|
|
|
|
|
|
|
Re: البوبار...فى ناس شايفنه عسل وفى ناس كاويهم (Re: ملهم كردفان)
|
يا ألف ألف مرحب يافاضلابى
....
Quote: صديقى دفع الله توفيت والدته رحمها الله
جاء احد الاصدقاء الى فراش البكاء وهو يحمل
صينة أكل حوت مالذ وطاب من الوان الطعام
وسلّم على دفع الله قبل أن يضع الصينية مع باقى
الصوانى ,, شعر بأن دفع الله لم ينتبه اليه فاعاد السلام
مرة أخرى وهو مازال يحمل الصينية ليلفت نظر صديقه دفع الله
فاجابه دفع الله:
يافلان صينيتك دى شفتها نامِن أمك تموت بجيب ليك صينية أكبر منها.
البوبار ماحبابو ,, كيفك يارجل ياطيب |
انا لمن أموت بالله الصوانى مايكون فيها حاجات أنا مااكلتها فى حياتى
يعنى لو واحد جاب هوت دوق مثلا
الهوهوه بتلحقنى فى القبر
| |
|
|
|
|
|
|
|
|
|
Re: البوبار...فى ناس شايفنه عسل وفى ناس كاويهم (Re: ملهم كردفان)
|
مرحبابك يا عمر ابوعاقله
Quote: هم .. يا ملهم العواطف
البوست جميل وطاااعم .. لكن انا شايف جزء كبير منه انحصر في صواني ود الباوقة
|
كلو من جلالدونا الحمد لله انو انكتم فى منفاهو الضلى ... جلالدونا ده كعب وبيخرب البوستات
وزول الله يكفينا شره
....
جلالدونا الضل كيف معاااااك ..شايفك متجدع هناااااك
Quote:
البوبار المعرفي :
وهو التباهي بالكم المعرفي المخزون لدى شخص ما .. وما يصدق يلقى ليه ناس غلابة زينا وينزل فيهم (بايلوجي .. فسيولوجي .. وهلمجرا)
دا كله كوم .. وهناي داك كوم تاني .. فبين كل كلمة وأختها لازم يصرف كلمة انجليزية غصب كدا
في حين أن جلّ المستمعين معرفتهم بالانجليزي كمعرفة أمي - الله يديها العافية - باللغة اليونانية
وعموماً الموضوع طويل .. وإن الله مدّ في العمر برجع ليك للأنواع الأخرى
مودتي ديك زاتها
عمر أبو عاقلة |
شكرا على المشاركه وإبداء الرأي
بس دى شوف لينا ليها حل
ماعندك موده انتايه ...ديك شنو كمان ياخى
| |
|
|
|
|
|
|
|
|
|
Re: البوبار...فى ناس شايفنه عسل وفى ناس كاويهم (Re: ملهم كردفان)
|
ملهم .. يا ملهم العواطف
ياخ أنا عجبني الاسم الفوق دا .. وشايفه لايق عليك
وبعدين المودة القديمة سمحة ياخ (ما تكفها) .. فيها الحن والحنية
بالنسبة للبوبار المعرفي .. تصدق محمد ولدي بتبوبر علي في البلاي ستيشن
قال شنو: تعال يابوي أعلمك لعبة فيفا عشان أطقطقك (تخيل)
لا ما تدوس دي ياخ .. شوت بي دي .. انت شوفني أنا بلعب كيف واتعلم مني
تصدق جاتني فوبيا من بوباره
مودتي القديمة (لا ديك ولا جدادة)
| |
|
|
|
|
|
|
|
|
|
Re: البوبار...فى ناس شايفنه عسل وفى ناس كاويهم (Re: ملهم كردفان)
|
ملهم يا ملهم العواطف
ياخ ما عهدتك شامتاً يا هذا (يا هذا حقتي .. ما البي هناك)
الشفع ديل لازم نواكب أفكارهم وثقافتهم وإلا الفجوة ستكون كبيرة بينك وبينهم
مرة كنت بحكي ليهم (أطفالي) عن أيام لعبنا زمان
كنا نجيب علب اللبن الفاضية أو أي علبة ونقطعها بطريقة هندسية كدا ونعملها عربية ونزينها ونعمل ليها عجلات بالسفنجة وووو
نطت لينه قالت لي: انتو يابابا ما كان عندكم تابلت زي حقي دا
قلت ليها يا بتي والله لا تابلت ولا جوال ولا انترنت ولا أي شئ زاتو بس تلفزيون ابيض واسود ومعاه راديو
مطت شفتيها في امتعاض قائلة: يااااي فظيع
عليك الله يا ملهم شفت ليك بوبار أكتر من كدا
مودتي
| |
|
|
|
|
|
|
|
|
|
Re: البوبار...فى ناس شايفنه عسل وفى ناس كاويهم (Re: عمر أبوعاقلة)
|
ود اب عاقله ...
| Quote: ياخ ما عهدتك شامتاً يا هذا (يا هذا حقتي .. ما البي هناك) |
معقوله ياخ أشمت فيك انا بناوشك عشان تطلع من جواك الكلام السمح ده
ومافى أحلى من لحظات التواصل بين الوالد واطفاله ...الذكريات الحلوه أفضل ما يتبوبر بيها الاطفال عندما
عندما يكبرون ... ابونا كان بيلعب معانا اتارى ...
اتارى دى يعنى شنو يادادى
الاتارى دى لعبه كنا بنلعب مع ابوى عمر زمان
يعنى جدو ماكان عندو استرفيكون زى حقى ده
لايابتى
وترد قائله ..ياااى فظيع وتوالى الأجيال وتوالى الإختراعات
ربنا يديك الصحه والعافيه وتعيش وتلعب معاهم وتشوف نجاحاتهم واحفادهم كمان
احترامى
تحليه
الإسترفيكون ده فيهو كل حاجه ..تخش فيهو بى هنا يطلعك فى مالطه
تشغل بيهو التلينترفون وعربيه وطياره ومعمل طبى وجراح ومنقذ واى حاجه
تم إختراعه بيد العالم السوكيردانى ود ملهم كردفان ...
| |
|
|
|
|
|
|
|
|
|
Re: البوبار...فى ناس شايفنه عسل وفى ناس كاويهم (Re: عمر أبوعاقلة)
|
كلللكم بى فضلة خيركم
غايتو جنس بوباركم ده اصلللو ما لاقانى
خسوسا بوبار منى بت خوجلى دى
يا ملهم انا شدّة ما متبوبر
هوايتى اكل التسالى
و نحنا فى التسعينات كنا بنقول .. تجر واطى ...
تفصل و ترخى و الرادى اب سلك ديل ما مرّو على
الشادهنى اليومين ديل البوبار اللفظى البمارس فيهو اخونا كبر
عاد هو جنس بوبار
امنت بالله ياخ
| |
|
|
|
|
|
|
|
|
|
Re: البوبار...فى ناس شايفنه عسل وفى ناس كاويهم (Re: عمر أبوعاقلة)
|
ستتم استكه جلالدونا فى حال إذا ماكرر الجرجره المكعوجه البيمارسها فى حقى دى
...
صديقى جلادونا أربا بنفسك من الإتيان بعظائم الأمور وزح أسماء الاعضاء الباستكوك فى البوست
تحليه فى حال تكرار ممارساتك البائسه حاوديك الضل بلارحمه
انت كمان ياعمر بطل تحريش انا بعرف اسوق البوست بتاعى كويس
ماتحاول تضقل بى ضيوفى وصحبانى على حسابى
امشى شوف ليك قيم اتارى ألعبو
| |
|
|
|
|
|
|
|
|
|
Re: البوبار...فى ناس شايفنه عسل وفى ناس كاويهم (Re: عمر أبوعاقلة)
|
اوووو القديم المتجدد ابو ..... عالقة ,,,,,
قريت بوستيك داك بى الاسم ده
و ضحكت .. دار فى بالى هو الزول ده كان عالق وين
و بعدين ملّهم ده ما تشوف نهريهو و قومة نفسو دى
حبيبنا و ما بقدر يستعنى عننا
و الودّية الجد جد كان قلت ليك
مرحب بك فى عالم المونساتية
يمين الله ملهم ده يشيلنى من الضل و يودينى الشمش
و يكتفنى فى كراع عنقريب
| |
|
|
|
|
|
|
|
|
|
Re: البوبار...فى ناس شايفنه عسل وفى ناس كاويهم (Re: عمر أبوعاقلة)
|
لهموم الخاتي اللوم سلام .. ولضيوفك الكرام ..
| Quote: هل حدث يامنى عمسيب انك اتبوبرتى على زول وجليتيهو ؟؟؟ |
والله اخر مرة اتبوبرت فيها قبال خمسة سنين كان اشتريت لي بوت
بي مائة ايرو وبما اني ما من انصار الشري وبكره السوق وكواريكو
غايتو اتبوبرت وكلمت ناس كتاااااار هههههههه .
لكن بوبار زي دا ما اسمو بوبار اسمو الحفاظ بثروة ما تبقي
في البلد من اقتصاد ههههههه يعني بدل يطلع في البنوك
البرة احسن يكون في الرقاب بي جوووووووة !!!!!!!
وتاني اووووووووووعة واحد تاني يسأل عن اقتصاد البلد ؟
| |
|
|
|
|
|
|
|
|
|
Re: البوبار...فى ناس شايفنه عسل وفى ناس كاويهم (Re: مني عمسيب)
|
هوايتي التزحلق على الجليد مع اني ساكن في اطراف بيوضة
وسيرتي كانت بالطيارة مع انه العروس من ام صفقا عراض
ومشكلتي مع قدرة حسبو بتاع الفول انه ما عنده خدمة الباركينغ
واطروحتي للدكتوراة كانت عن تاريخ ربط الكرافتة مع انه جامعتي كانت في زلقونا
وصديقتي المفضلة في الفيس هي سارينا من كوسوفو مع انه ابعد حتة مشيتها كانت ود الحداد
واشتريت حساسات لركشتي امبارح
تحياتي ملهم وقبيلة البوباريين
| |
|
|
|
|
|
|
|
|
|
Re: البوبار...فى ناس شايفنه عسل وفى ناس كاويهم (Re: ملهم كردفان)
|
حباب أخوي جلالدونا
| Quote: اوووو القديم المتجدد ابو ..... عالقة ,,,,, قريت بوستيك داك بى الاسم ده |
ياخ أريتو لو كنت عالق ساي .. بكري جابها أكعب من كدا
خليها مستورة يا قول ملهمنا
انت عارف المؤنساتية ديل حلوين خلاص ياخ .. تدخل بوستاتهم وأنت مطمئن
في حتات كدا لو دخلت .. شيل شيلتك غايتو هههههههه
معليش يا ملهمنا .. أحتلينا ليك البوست ياخ
مودتي
| |
|
|
|
|
|
|
|
|
|
Re: البوبار...فى ناس شايفنه عسل وفى ناس كاويهم (Re: عمر أبوعاقلة)
|
منى عمسيب ..كيف حالك واحوالك عساك طيبه
Quote:
والله اخر مرة اتبوبرت فيها قبال خمسة سنين كان اشتريت لي بوت
بي مائة ايرو وبما اني ما من انصار الشري وبكره السوق وكواريكو
غايتو اتبوبرت وكلمت ناس كتاااااار هههههههه . |
وبقت ذكريات يامنى ...هسى بقيتى تبكى على قروش السودان البقت تعبانه والمية يورو تملأ قفه جنيهات
غايتو انا لو كنت معاكم وحرقنى بوبارك
بملأ البوت مويه وبختو فى الفريزر
| |
|
|
|
|
|
|
|
|
|
Re: البوبار...فى ناس شايفنه عسل وفى ناس كاويهم (Re: ملهم كردفان)
|
أهلا وسهلا أحمد الشيخ ..مشاركه لطيف والله
Quote: هوايتي التزحلق على الجليد مع اني ساكن في اطراف بيوضة
وسيرتي كانت بالطيارة مع انه العروس من ام صفقا عراض
ومشكلتي مع قدرة حسبو بتاع الفول انه ما عنده خدمة الباركينغ
واطروحتي للدكتوراة كانت عن تاريخ ربط الكرافتة مع انه جامعتي كانت في زلقونا
وصديقتي المفضلة في الفيس هي سارينا من كوسوفو مع انه ابعد حتة مشيتها كانت ود الحداد
واشتريت حساسات لركشتي امبارح
تحياتي ملهم وقبيلة البوباريين |
1
وحياك الله وزاد صحه وراحة بال وتقل جيبك فضل الله
| |
|
|
|
|
|
|
|
|
|
Re: البوبار...فى ناس شايفنه عسل وفى ناس كاويهم (Re: ملهم كردفان)
|
ملهم يا ملهم العواطف .. سلام عليك وعلى ضيوفك
أها نجيك للبوبار الديني .. الله لا وراك ياهو
شفت البكون في الحلة مفتي داك
بكون حافظ ليه كم آية من الأجزاء الجوة القرآن وكم حديث من الصحيحين
وفيهم واحدين كدا ما يتبوبروا إلا في اجتماعات الحلة .. بكاء أو فرح
تلقاه متوهط المجلس ومستلم الحوار الديني .. وهاك يا فتاوي
مرة عندنا واحد من النوع دا .. قاعدين في بيت بكاء ومستلم المجلس كالعادة قام ليك عليه واحد معروف بتاع شربة
قال ليه يا شيخنا أخوان سيدنا يوسف ديل قالوا لأخوهم العزيز "وإن يكن قد سرق فقد سرق أخ له من قبل" كيف يعني سرق من قبل دي
زولك رأسه ضرب .. واتلفت يمين يسار وقال: انت عارف بتكون سرقة أنبياء ما زي سرقتنا العادية دي
والجماعة قرقرقرقررررررر قعدوا يضحكوا ..
شهر تاني ما شفناه
بجيك صاد .. لي بوبار السياسة ودا تاعبني تعب شديد خلاص
مودتي
| |
|
|
|
|
|
|
|
|
|
Re: البوبار...فى ناس شايفنه عسل وفى ناس كاويهم (Re: عمر أبوعاقلة)
|
حباب الفاضلابي دفعتنى للبحث عن أصل الكلمه فوجدت أسم خمر اونبيذ كذا ...bobar
وكتب واحد إسمو أب رقيع فى منتديات حزيمه سنة 2009 هذه الكتابه التى بين يديكم
الله سبحانه وتعالى خلق الناس وساوى بينهم ، وفضل بعضهم على بعضا في الرزق والمفترض ان يكون المسلمين متحابين متعاطفين متكاتفين
كأسنان المشط والمفاضلة والتكريم بالتقوى.
الوقت الحاضر اصبح الناس مندفعين وراء اهوائهم وغرائزهم وتفاخرهم بسفاسف الامور واصبحو كأسنان سمك القرش القوي يأكل الضعيف ..
وحديثي اليوم سيكون عن البوبار وهو للاسف منتشر بشدة في عالمنا العربي والمقصود بالبوبار هو التفاخر بحطام الدنيا امام الفقراء والمساكين.
وانا في رأيي الشخصي ... لا يتبوبر الا شخص ناقص لكي يكون زائد .. ولكن الناقص يبقى ناقص والزائد يبقى زائد ..
والضرب للخارج عن القانون .. والقسمه للنصيب وهذه ثوابت.
وفي الحقيقة انا بحثت كثيراً في معاجم اللغة العربية عن اصل كلمة (البوبار) .. فوجدت في معجم (الاواني لابي الطفش الجهجهاني) ان كلمة البوبار تتكون من شقين ..
(البو) بتشديد الواو .. وتعني باللهجة الشايقية .. البوم او العوير .. و (بار) وتعني شي منتهي الصلاحية اي باير ..
اذا معنى (البوبار) هو الزول الباير البوم.
اما العلامة الجليل (ابو الازرق الزهجي) له تفسير اخر .. فقد فسر معنى البوبار في معجمه ( صحيح التهاويل في فهم القوارير) قال .. ان اصل الكلمة اتى من
كلمة (بابور) والبابور كان يستخدم في الطبخ قبل ظهور البوتوجاز ..
والبابور يعمل بالضغط بعد كبسه بالهواء فيشتعل ويتوهج .. فالنساء اللاتي يواجهن ضغط من الازواج والمجتمعات ويكون لديهن عقد نفسية يلجأن للبوبار
ليكون وسيلة للخروج من حالة الضغط ... وهذا التفسير يعتبر ايضاً منطقي.
بعض المغتربين (انتبهو انا اقول بعض وليس الكل) اسهموا وبشكل كبير في تفشي ظاهرة (البوبار) في السودان الحبيب ... والمغترب علشان يجي للسودان ..
يمر بمراحل عسيرة (اعسر من المراحل التي تمر بها الفراشة حتى تتمكن من الطيران) .. يدفع مبالغ طائلة لتسديد الضرائب المتأخرة ..
ثم اضعاف هذه المبالغ لشراء الهداية وثياب الجاكار .. واهم حاجة المعجون والصابون .. حتى ان احد اصدقائي الخبثاء في بلاد المهجر قالي ..
انتو السودانيين بتستعملوا المعجون والصابون في الاكل ولا ايه!!!؟ قلت له ياجاهل بنستعملها في النظافة .. ونحن كما يشهد لنا الجميع نظيفين
في دواخلنا ومظهرنا الخارجي .
بعد الهدايا .. لابد من شراء كمية كبيرة من الذهب لزوم الفشخرة والبوبار من ضمنها .. كرسي جابر .. انا سألت احدى السيدات من يكون جابر هذا ..
فقالت لي ده واحد اسمه جابر بن حيان .. كان عنده محل فول وطعمية في (امبده) .. وبعدين فتح محل بيع ذهب .. ولسه ما معروف بعد (اوباما) اصبح رئيس ..
سوف نسمع انواع وانواع من مسميات الموضة السودانية ... ياجماعة الذهب ده عند الشعوب المتحضرة عبارة عن ( ماخف وزنه وغلى ثمنه) فهو اكثر اناقة وجمال ورومانسية ..
لاكين عندنا .. من الرسق للكوع (كشلو .. كشلو .. الوحدة زي حمار الحلب) نيفر مايند .. نيفر مايند .. نرجع للموضوع ..
وصل المغترب للبلد .. مرتدياً افخم الجلاليب .. والعمم الناصعة البياض مغلوظة .. والمركوب جلد النمر .. ورائحة العطر تسبق مجيئه من مسافة نصف كيلو ..
ويجتمع حوله المنافقين .. والمستنكحين .. والمنتفعين .. والمراسلين .. ويصدر المغترب قرارات غاية في الاهمية ..من ضمنها ارسال (فيزا ) (وساعة سيكو فايف)
لكل مواطن فور رجوعه لبلاد المهجر .. وتبدأ عملية الصرف الحلزونية .. وبعد شهر تظهر اعراض مرض(الجهجهة المالية)
ويتغير الشكل واللبس والصرف والنحو .. حتى المرأة يتغير شكلها ويتجه للغباش .. وجميع الكريمات لا تجدي نفعاً .. وياهو ده السودان ..
وامام هذه الظروف الصعبة .. يجد المغترب نفسه مضطراً للعمل بنظرية ( حنسني دايماً واستلف) وهذه النظرية تتكون من شقين .. الاول تحنيس الزوجة
لكي تبيع جزء من الذهب لسد العجز ومواصلة البوبار وحفظ ماء الوجه .. ويدور الحوار التالي ...
زوجتي العزيزة ممكن نبيع غويشه ولا اتنين علشان الامور تمشي ... لا ياحبيبي .. ناس عكران ود لالوب عندهم زواج يوم الخميس ..
ولازم اكون في قمة الاناقة .. وكمان ناس سبلوقة بت نقاع .. عندهم طهور .. والايام الجاية ما معروف يحصل شنو يمكن يكون في بكيات وفواتح !!!
شوفلك حل تاني ... اذا ليس امام المغترب المسكين حل سوى العمل بالشق الثاني من النظرية وهو الاستلاف من الاهل والاصدقاء..
بالمناسبة هذه النظرية اسس قواعدها مستشار مالي افريقي معروف اسمه (FLSAN DEEMAH ).
اخيراً رجع المغترب (المتبوبر ) الى بلاد المهجر يحمل الويكه والنبق وفول الحاجات .. واول حاجة فكر فيها فور دخوله للمكتب ... تكوين صندوق ..
واشترط ان تكون اول خته من نصيبه هو .. واخذ يلعن الزمان والمكان... عجبي ... نلوم زماننا والعيب فينا .. وليس لزماننا عيبا سوانا.
حبي .. احترامي .. تقديري .. تبجيلي .. جنوني ... كل هذا لكم ياقرائي الحلوين
| |
|
|
|
|
|
|
| |
ملهم كردفان
عبداللطيف حسن علي
جلالدونا
محمد المسلمي
معاوية المدير
عفاف أبو حريرة
محمد أبوالعزائم أبوالريش
الطيب عباس
ANWAR SAYED IBRAHIM
عمر دهب
Muna Khugali
محمد مجيدو
أيمن الطيب
عبدالعزيز الفاضلابى
عمر أبوعاقلة
مني عمسيب
احمد الشيخ
فيس بوك
تويتر
انستقرام
يوتيوب
بنتيريست