|
|
|
 Re: لو سبتا العين تتأمل فيك (Re: أبوبكر عباس)
|
مقل شديد فى مواضيع استنارتك الاسابيع الفاتت
من العنوان دى خطيره
قبل ايام عبدالله قالى مالك اتاخرت
قلت ليه بلدكم دى مافيها المستنير تبقى موريتانبا عديل
قام سبالى وسبالك .
| |
 
|
|
|
|
|
|
|
|
Re: لو سبتا العين تتأمل فيك (Re: muntasir)
|
الطندب دي يا أبوبكر بتلزمك زيارة ليها و مقابلة الفكي عمر ود الخليفة الفاضل الله يرحمو ,,,
منها يعمل ليك حجاب لي ود مشاكل قبل بداية موسم السبق وأسألو التوفيق ل(إتا سميتو منو)
ومنها تحجب رقبتك دي من عيون ناس المنبر ديل ,,, عامل كتابتك الطاعمة دي ,,,,,
| |
|
|
|
|
|
|
|
|
|
Re: لو سبتا العين تتأمل فيك (Re: Salah Zubeir)
|
العشرة صيادلة ديل فيهم إتنين متزوجين، وسبعة لا، والطندب برضو بقول هو ما متزوج!
الشمباتي بعد صلى العشا، ونّس ناس القعدة عن جمال عزوز، كل مرّة يقول ليهم: شفتوا الممثلة الفلانية، وبعدين يتراجع ويقول: والله ما بتلحق ضفرها، لحدي ما ثبت في شارليز ثيرون، وتمّ باقي القعدة بكا.
مرّة وأنا طالع العمارة لقيت عزوز متشيكا بالأخضر والأصفر والليموني وهي لونها وردي، فتحتا يديني ليها علامة وين الليلة بسحروك؟ قالت لي: العمارات المكتب الرئيسي
قلت ليها: حديد يلاقي حديد.
الناس كلها بتجي راجعا المكتب نص النهار، إندرع فوقي الطندب يسوقني الجامع التحت لصلاة الضهر، كل ما أقول أوزن جيّة المكتب بعد الصلاة؛ أنسى، التقول كاتب لي حجاب عند الفكي ود الخليفة راجل الطندب!!
| |
|
|
|
|
|
|
|
|
|
Re: لو سبتا العين تتأمل فيك (Re: أبوبكر عباس)
|
بتاع الأورنيش مريخابي، لقبتو بمنقة، لأنو لابس فنلتو الصفرا ستة أيام في الأسبوع، مرّة سفروني مؤتمر بتاع رشاوي شركات الأدوية داك؛ جبتا ليهو معاي فنيلتين صفر هدية!
عندي برنامج ثابت مع منقة؛ أول ما أطلع سلم العمارة بناديهو منقة، يلتفت لي؛ بعمل السبابة والإبهام في شكل مسدس وبنيشو بصوت مسدس، يخت يدو في قلبو ويعمل ميت، بنفخ في السبابة وبرجع المسدس في الجيب.
ديت راجع مع الطندب من صلاة الضهر، وكغير العادة لغيت منقة ما في ورصاصتي طاشت، وعدة الأورنيش قاعدة بإهمال، دخلنا المكتب لقينا التسعة صيادلة ومنقة شايلين مناديلم ومحاوطين عزوز المنفقعا في البكا؟؟؟
الطندب بصوتو الغليظ: إن شاء الله ما في عوجة؟ في زول مات؟
عزوز رفعت راسا وإستأذنت الناس وقالت لي: دايراك دقيقة في المكتب
| |
|
|
|
|
|
|
|
|
|
Re: لو سبتا العين تتأمل فيك (Re: أبوبكر عباس)
|
يا صلاح، الطندب بعرفها جدا، في سنة تسعين سكن معاي عمك شايب مطموس في محطة حقلية في أقصى طرف للجزيرة بالبطانة، وكان عندو بقيرات برعاهن.
يوم ظبطا ليهو عشا بتاع معلبات، قبل نقول بسم الله؛ كابسونا ليك عرب الفريق شايلين قداحتة الكسرى وفي نص دقيقة نشفوا المعلبات،
أها قام حكى لي نكتة الحكيم والأميرة وعمال الكتا كو.
بت السلطان عضتّا عقرب في شفتّا، جابوها للحكيم مصّ ليها السم.
دقائق واحد من عمال الكتا كو عضتو العقرب في طيزو
بعد مشوا منو قال:
الجابتّا بت السلطان في شفتّا
شالها الكتاو في طيزو!!
الناس ديل يا صلاح بشددوا التاء في نهاية الكلمة بصورة حلوة
| |
|
|
|
|
|
|
|
|
|
Re: لو سبتا العين تتأمل فيك (Re: أبوبكر عباس)
|
عزوز اشمعنى نادتك انت من دون الناس؟
ــــــــــــــــــــــــــــــــــــــــــــــــــ
تلفوناتك العندي واحد مقفول وواحد بيرد عليهو هندي شغال في كافتريا!
في وصية مستعجلة ليك بطرفنا، منتظر منك تلفون
| |
|
|
|
|
|
|
|
|
|
Re: لو سبتا العين تتأمل فيك (Re: خالد عبدالوهاب)
|
يا بكّور .. ياخي دو واحدة من امتع القصص حتى الآن في نظري, فاقت جك الفول و فستان قمر
فا شنو. سيب اللياقة و فتح وقفل الأقواس المافي ليها داع و كمّلها
غايتو حتى الآن اعتقد انها الممكن تقدمها للجنة جايزة الطيب صالح (جناح عبد الكريم ميرغني) و حظها في الفوز جيد :)
| |
|
|
|
|
|
|
|
|
Re: لو سبتا العين تتأمل فيك (Re: أبوبكر عباس)
|
| Quote: كلهم كانوا سايقين كريسيدات بيض موديل ٩٦ مرسوم فوقن شعار الشركة |
| Quote: تخيلت الواتسابات تاني يوم |
عارفك مستنير و فايت الناس مسافة
لكن أبداً ما إتخيلت إنو إستنارتك دي لدرجة إنو يكون عندكم واتسابات من زمن كان شركات الأدوية بتدي الصيادلة كريسيدات موديل 96
| |
|
|
|
|
|
|
|
|
|
Re: لو سبتا العين تتأمل فيك (Re: aosman)
|
| Quote: قلت ليها: حديد يلاقي حديد. |
قالت لي: قصدتا شنو بحديد يلاقي حديد؟
- قلت ليها: يخرب بيتك، إتي غبيانة؟ هسع الناس البرّة ديل يقول شنو؟
دميعاتها ترترن وأنا أصلاً زول حنين ورياد، وبديت أتأمل في جمالها والدموع على خدودها
وروقت اللعب
دقيقة كدا وفقعتها ضحكة، وقلت ليها: إذاً نبوتي صدقت ولاقيتي مديرة المكتب الرئيسي زوجة الأرباب الكبير؟
وواصلت: عليك الله، أحكي لي المشهد بتفاصيلو المملة
خلت البكا وقالت لي بإبتسامة زول الدموع فوق خدودو الوردية*: إتّا شيطان مسلط
____________
* الأمريكان بقولوا للون الوردي المائل للأحمر: hot pink
| |
|
|
|
|
|
|
|
|
|
Re: لو سبتا العين تتأمل فيك (Re: محمد على طه الملك)
|
قلتا ليها: ولّ أقول ليك حاجة؟ ما تحكي لي ما حدث، خلينا ننضم للجماعة برّة وأنا من خيالي بسرد ليهم القصّة.
تغيّر مودها وابتسمت ورجع اللون للوردي العادي، واستسلمت لتريقتي
قلت لفريق الكرة بعد اتلموا حولنا:
الستي هانم يا شباب، بكامل أناقتها وجمالها المعهود، سجلت اليوم زيارتها للمكتب الرئيسي.
لحسن الحظ بركنت عربيتها قدام المكتب في نفس اللحظة مع صاحبة السعادة مديرة مكتب المدير
| |
|
|
|
|
|
|
|
|
|
Re: لو سبتا العين تتأمل فيك (Re: أبوبكر عباس)
|
| Quote: وهي عندي بمنزلة موسم الهجرة للشمال عند الزميل الطيب صالح. |
هههههه
كنت عايز اغالطك كالعادة يا بكّور و أملاك فقر عن حق القارئ و تقييمه ومش عارف إيه, لكن انتبهت لقصة "الزميل" دي فا استحيت اغالط زميل الأديب الكبير
خلاص بوفّر الغلاط دا لتنظير أو لأبوحسين لمّا يرجع :)
| |
|
|
|
|
|
|
|
|
|
Re: لو سبتا العين تتأمل فيك (Re: أبوبكر عباس)
|
والله وما طالبني حليفة رغم اني عارف قصة مشيك زي الألقاب الببكشّوا بيها المناضلين لبعض لكن برضو قلبي اكلني وقلت أسّي نتابع باقي القصة وين. الفورأول كان كتب منها حرف واحد قبل يتم التاني بكون مسّكوه الباب ومعاها على بركة الله, الفيس بووك ما بعرف ليه ما في حل غير تلمّا تجي راجع الواحد يركب و لما يصل خلا الليسيلي اباري الجمال البتقطع الشارع لامن اصلك :)
| |
|
|
|
|
|
|
|
|
|
Re: لو سبتا العين تتأمل فيك (Re: أبوبكر عباس)
|
السبعة صيادلة الحلبة العزابة، والصيدليان الحلبيان المتزوجان، والصيدلي التمبولي القال عزابي، أنا البطري العزابي، ومنقة بتاع الاورنيش، كلنا الاتطناشر بنريدها ريدة حقيقية، ريدة نوع لو طلعت سريرك بالليل في الحوش بتشًفها نص النجوم!
مرّة حاولت أعمل تحليل للريدة الجماعية دي؛ عشان أشوف وضعي في المعركة دي شنو؟
لقيت ترتيبي التامن مشترك مع الحلبيان المتزوجان!
إشمعنا يا مستنير، إتّا جيت في الترتيب قبل حمّدو ومنقة؟؟؟
حمّدو لمان يأكل تقول في معركة، زي المرشح الجمهوري كوشيك زي ما وصفو مستر ترامب
ممكن تقوقلو كيف ترامب ضحك علي طريقة أكل كوشيك
زول الطندب لو جابو ليهو سندوتش، كنا بنفضي ليهو المكتب!
أبوبكر عباس
استاربكس مانهاتن
فاشون افينو
| |
|
|
|
|
|
|
|
|
|
Re: لو سبتا العين تتأمل فيك (Re: أبوبكر عباس)
|
معظم الطلاب كانوا بجوا المدرسة بالعجلات، وأول ملاحظة قلتها لأصحابي في الأسبوع الأول، قلت ليهم: المدرسة ما فيها سور، ما بعتقد انو الصول حسين ممكن يقدر يعمل كنترول على التأخير!!
أها بقينا نجي من الصباح وقبل ندخل الفصول بنترصّ فوق الترعة والبجوا بدري بستمتعوا بلوج الكرين ونقعد نتونس في الكورة، ونتكاوى، ونشاغل البنات العابرات للميدان.
يوم جيت متأخر وما حصلت عرض الصباح، وأول ما قعدت في الكرسي، صلاح صاحبي همس لي:
الليلة فاتتك حاجة عجيبة بوصفها ليك بعد الحصة، بدت لي الحصة طويلة جدا، لأنو أنا بثق جداً في ذوق صلاح!!
حكى صلاح باشاً: موش لون لبس بنات المتوسطة الحيموري دا كنا شايفنوا شين؟
هزيت راسي لتحت وبعدين يمين يسار كأني حابي أخت خط رجعة، استمر صلاح بالحكي:
لابسة فستان طوبي وبنطلون طوبي وجزمة أديداس بيضاء بخطوط حمر ومسرّحة ضفيراتين فيهن شرايط بيضاء (بيضاء دي قالها بالفصحي مع مط شديد للهمزة)، ووشها مُدوّر ولونها قمحي مخلوط بذهبي ناصع، والأجمل الأجمل؛ كانت سايقة دراجة زرقاء (برضو قالها بالفصحى)، والمدهش المدهش المدهش؛ ما في واحد مننا الحيران ال148 (بإعتبار أنا كنت متأخر) التعيسين ديل قدر يشاغلها!!!!
بسري سبيت للوري النخلي نسيبنا بتاع الطوب الكنا بندفر فوقو الصباح داك وخلاني أتأخر.
| |
|
|
|
|
|
|
|
|
|
Re: لو سبتا العين تتأمل فيك (Re: أبوبكر عباس)
|
في الليلة ديك، ما نمتا وصليت الصبح حاضر وكنت من أصحاب اللوج بالكرين، مرّت عبر الميدان سبعة وواحد تلاتين دقيقة، وخيل إليّ سماع صوت تلامس شرايط الشعر لمان داعبن الهوا، بعد عبرت؛ إلتفت للقاعدين في التراب وناس الكرين لقيتم ظبطوا الزمن وقاموا على حيلم ونفّضوا تراب البنطلون من ورا وولوا ووجوههم شطر الفصول، بسري عرفت انو الصول حسين عمل كنترول على مسألة تأخير الصباح.
بقينا الصباح أول ما نبركنج (parking) العجلات ونجي الكرين بنسأل القاعدين سؤال من كلمة واحدة: فاتت؟؟
ونسينا الكورة والأهلي، وخلينا المشاغلة.
مرّة قلت لصلاح: داير أقول ليك سر؛ يا أخي، أنا بقيت أريد البت دي، ومرورها الصباحي دا بقى عندي أهم من المدرسة ذاتها.
ردّ عليّ بغضب شديد: شوف، التلاتة فصول ديل فيهن مائة وثلاثة وخمسون طالباً (قال الرقم بلغة فصيحة)، كل الطلبة ديل بريدوها زي ريدتك دي إلا إتنين؛ أخوها المعانا وطارق أنصار السنة داك، دحين ما تعمل لينا دراما وبطّل شغل الإحتكار الداير تعملو دا.
اليوم داك حردت فتة الفطور وقعدت في الفصل أردد قصيدة جماع:
ﺩﻧﻴﺎﻱ ﺍﻧﺖ ﻭﻓﺮﺣﺘﻲ ﻭﻣﻨﻰ ﺍﻟﻔﺆﺍﺩ ﺇﺫﺍ ﺗﻤﻨﻰ
ﺍﻧﺖ ﺍﻟﺴﻤﺎﺀ ﺑﺪﺕ ﻟﻨﺎ ﻭﺍﺳﺘﻌﺼﻤﺖ ﺑﺎﻟﺒﻌﺪ ﻋﻨﺎ
ﺁﻧﺴﺖ ﻓﻴﻚ ﻗﺪﺍﺳﺔ ﻭﻟﻤﺴﺖ ﺍﺷﺮﺍﻗﺎ ﻭﻓﻨﺎ
ولمان صلاح جا راجع من الفطور قلت ليهو بزعل:
ﻭﺍﺑﻴﺖ ﺇﻻ ﺃﻥ ﺗﺸﻴﺪ ﻟﻠﺠﻤﺎﻝ ﺍﻟﺤﺮ ﺳﺠﻨﺎ
قلت لعزوز، انا ماشي، ممكن نتم القصة دي بكرة؟
مسكت في يدي وخصمتني بالرسول
قلت ليها: طيب اطلبي لي ليمون
| |
|
|
|
|
|
|
|
|
|
Re: لو سبتا العين تتأمل فيك (Re: عبد الصمد محمد)
|
ودا شنو يا عبد الصمد؟
دا نشر
بس ابصلعة دا ما قاعد يدفع لينا
ابصلعة دا لا يقل عن البشير
يأكل حقوق الغلابة
يعني دايرني اطبع لي كتاب وأجي لناس الفنون يرسموا لي في الغلاف شخبطة كدا ونخلة جمبها قمرة؟
| |
|
|
|
|
|
|
|
|
|
Re: لو سبتا العين تتأمل فيك (Re: عليش الريدة)
|
سلام مربع يا مستنير
| Quote: الصورة هدية لكودي، كاشف وعاصم |
تعرف البوست دا لو ما نبهتني ليهو بهناك ما كنت شايفو ..
هل تدري يا نعسان أن أحد أخوة الشهيد طه يوسف العبيد .. كان هنا معنا في هذا المنبر .. أم يخيل إلي ذلك .. لا أدري منذ فترة طويلة لم أرى إسمه بيننا !
على العموم الصورة سوف ترسل لدكتور خالد كودي .. يا دوب عرفت الربط بين البوست وخالد كودي ..
برجع ليك
عاصم فقيري
| |
|
|
|
|
|
|
|
|
|
Re: لو سبتا العين تتأمل فيك (Re: حامد بدري)
|
Quote:
ياقريبي الراجل نسيبك وجنبك في جده وليد يوسف
|
سلام حامد بدري ..بالله يعني أنا فعلاً شفت إسمه هنا في المنبر ؟
لكن والله لم ألتقيه أبداً
لكم ولهم التحايا .. تعال لي في المسنجر يا حامد
عاصم فقيري
| |
|
|
|
|
|
|
|
|
|
Re: لو سبتا العين تتأمل فيك (Re: Asim Fageary)
|
المستنير
طائشة الضافئر وعزوز ما بتوصّفن
ودي مشكلات (الجميلات هنّ الجميلات)
أها كان قدرت توصفهن لينا وصف صاح
بتكون بلغت قمة الأدب، ولزففناك الى سودان
فور أول وقلنا لك (طَر يا فتى الى نوبل) أو كما قال.
المهم
قبل تنصيبك كمستنير في بورد (من لا استنارة له) دا
كتب دكين عن لحظة (امسكها وهي لا تُمسَك إلا لمن رحم الله).
كتب دكين:
Quote: ازيك يا عزيز" والصوت آيلٌ الى خفوت ومنسحبٌ إلى جهةٍ نائيةٍ من الحنان. هذه إستهلالتها
ولا يمكن تجريد هاتين الكلمتين - مع حرف النداء الذي بينهم - عن وصف طريقة إلقائها التي أشرت إليها في السطر السابق، ومن جردها فقـدَ وصفي ومن فقد وصفي بالضرورة فقدَ إستهلالتها..
ومن فلح َ في ذلك وقفَ عند وصفي ومن وقف عند وصفي وصل بالضرورة الى مقصدي..
ولن تفلحوا...
وهسي انا القدامكم ده ذاتو بس لاني حاولتا اوصل "المقصد" تبلبت خواطري بالكاد اتمالك نفسي لتكملة هذه الكتابة، والامر صعيبٌ..
فالمقصد مربوط بالرؤية والإصغاء لا بالنظرِ وإعمال الخيال، وانتم يا سادتي – ويا لأسفي - مجرد نظارة، وناس قراية وخيال ساي في هذا المقام..
يعني مابتقدروا.. ولا تحاولوا ذاتو.. ليس لكونكم ببصائرَ كليلةٍ او بخيالات ضحلة..ولكن لان مقامكم في اصله مقام قراية وخيال لا مقام تدبرٍ وإبصار..
وانا اطارحكم الاشواق من مقامي هذا، ليس رغبة مني في الإستزادة من مداد كلماتكم، وإنما لسببين:
اولهما: فرحةً مني لما المَ بي مشاعرَ ازدِنتُ بها وددتُ ان يطلع عليها الناس.
وثانيهما: إزاحةٌ لما عجزَ ان يحتمله الجسدَ والخيال وعموم الحال، فصار ينازعني في سكينتي وهرجي، وحلي وبلبال حالي.. فوددت أن أزيح بعضه
عن كاهلي خوفَ أن يلتبسَ الأمر برمته علىَّ في كُـتماني له فأصبح وقد هومت ناحية ناس بسم الله وما تزال ألآمالُ عِراض.
وعموماً بالغٌ مابلغ ارجل زول فيكم فما حيقدر يتخيل سجم خشمو..
ومع ذلك ها أنذا دافقاً ماء وصفي في يبابِ خيالكم عله ينبت من بين سراباته زهراً اوعلني أجد من يشاركني الظمأ |
قصتك سمحة يا زول، اكتب لينا وواصل وسيبك من معارك سودانيز ازنلاين فهي
سحابات صيف سرعان ما تنقشع وزي حكيك دا هو الباقي
| |
|
|
|
|
|
|
|
|
|
Re: لو سبتا العين تتأمل فيك (Re: Asim Fageary)
|
نرجع للموضوع الأساسي:
مرّة عزوز قالت للطندب: بتآكل الساندوتش زي الفار
كنت حاضر الكلام دا
تخيلت الطندب ح يزفتها معاها ويقلب لينا الدنيا
تخيلوا بت حلبية من الخرطوم (٢) تقول لزول من ضواحي تمبول زي الكلام دا!!
حتى انني اتذكر بعد سمعتا كلامها دا، إلتفت للطندب بالبطي ومن دون حركة
وقريت الكرسي ويس ورددت "جعلنا من بين أيديهم سدا ..."
وحات الله، التفت لقيت الطندب مبتسم ابتسامة فار كبير
وأنشد شعراً قال فيه:
أنا باكل زي الفار؟
يا أحلى كديسة في الدنيا
عليك ربك تبلعيني
أفتش جوّة في بطنك
دا هامبيرغر
أقبل جاي
عصير منقة وكمان أصفر
أنطط جوّة لي قلبك
اشوف صورتي في رئتك
أكيد يا أخوانا، صورة فار
كمان أسود
قلت هوي يا زول، هوي، تاني لا بمشي معاك لصلاة ضهر لا حاجة
أصلاً أنا ما بصلي
بمشي معاك تقية ساكت
| |
|
|
|
|
|
|
|
|
|
Re: لو سبتا العين تتأمل فيك (Re: أبوبكر عباس)
|
رحلة المثاقفة بدت تثمر
يوم قلت ليها سمعتي بفرقة كواتو الجنوبية؟
قالت لي لا
قلت ليها الليلة عندهم عمل في بيت الثقافة جمبكم
لو فاضية تعالي
جابت أمها وجات، وعروض كواتو دي كانت أجمل حاجة في خرطوم نهاية التسعينات،
أمها قالت لي: لي في الخرطوم دي زي خمسين سنة، ما حصل في حاجة أدهشتني زي الشغل دا،
والرفع أسهمي أكتر،لقوني صديق لاستيفن مدير الفرقة
بعد أسبوعين أمها عزمتني شاي مغرب في بيتم
قلت في سري:
دي بركات جدي ابقناية
| |
|
|
|
|
|
|
|
|
|
Re: لو سبتا العين تتأمل فيك (Re: أبوبكر عباس)
|
مشيت شارع الجمهورية اشتريت لي جزمة إيطالية من الجنوبيين
وقميص ابيض وجل للشعر يجمل شكل التفة
طلعت من البيت في امتداد شمبات من العصر، شلت الجزمة والحل في شنطة هاندباك تحاشيا لفرناغة السوق المركزي،
ركبت الحافلات لحدي ميدان الامم المتحدة
من هناك ركبت تاكسي
جوّة التاكسي لبست الجزمة ودخلت السفنجة في الشنطة ومسحت الشعر بالجل
واتريحت بون مان شو
تخيلت نفسي وجيها
دقيت الباب
| |
|
|
|
|
|
|
|
|
|
Re: لو سبتا العين تتأمل فيك (Re: أبوبكر عباس)
|
فتحت لي الباب
لابسة بنطلون زي شارلستون الزمان لونو أزرق فاتح
وتي شيرت ابيض
بعد سلمت علي
لمت شعرها بباندا
نظام قامت من الكرسي للباب مستعجلة
راصين كراسي في الحديقة
أول مرّة كان أشوف الأنوار الملونة بتاعت الخدائق
البيت طابقين
أمها وأختها الصغيرة جالسين في كراسي خيزران كبيرة في نص الحديقة،
سلمت وقعدنا الأربعة
كل مرّة أعاين بطرف عيني للطابق التاني وأقول بسري:
أكيد بسكنوني معاهم
عصائر، كيك، باسطة، وشايات كلهن نسفتهن
ودفعت حقهن من ونستي الطاعمة
شويتين الباب يدق ودخل شاب وجيه جداً
قلت بس
دا أخوها الكبير والموضوع نضج،
وأنا بسلم عليهو بدعو بالبركة لجدي ابقناية
القلت الجماعة ديل جادين
قعد قال داير قهوة
شويتين عزوز تقول:
مدحت، دا أبكر صديقنا
أبكر، دا مدحت خطيبي
بقيت ما شايف، وطوالي قلبت الونسة أشكر في الكيزان
طلعت منهم ومشيت كداري لحدي كبري النيل الأزرق، في الكبري طلعت الحزمة فنيتا في النيل، وسبيت للجنوبيين،
قلت تلقى الجزمة ذاتا بتاعت خواجة ميت
تذكرت يوم الهلال غلبنا ٨ صفر
مشيت من إستاد الخرطوم لحدي شمبات كداري ووقفت في نفس الحتة دي في الكبري
بس ما كنت شايل سفنجة في الشنطة
| |
|
|
|
|
|
|
|
|
|
Re: لو سبتا العين تتأمل فيك (Re: Aamer Hussin)
|
فكرت في كلامك يا عبد الصمد،
لقيت روحي ممكن ألحق سوق النشر وأنشر كتابي بعد خمطاشر يوم في معرض الشارقة الدولي للكتاب
اسم النصوص الأدبية الشيّقة ح يكون؛
دينا خالد
نصوص ادبية اسفيرية طازجة
ح أرسل لمحمد طه الملك، اسامة الخواض، مصطفى مدثر، معاوية الزبير، درديري يعملوا لي تقديم
صديقي عبد الخالق عابد عندو ولدو (٧ س) رسّام خالص يعمل لي صورة الغلاف
تلاتة يوم بخلص الكتابة
ترقبونا
| |
|
|
|
|
|
|
| |
أبوبكر عباس
علاء الدين صلاح محمد
talha alsayed
Salah Zubeir
محمد البشرى الخضر
مني عمسيب
Hafiz Bashir
aosman
محمد على طه الملك
جلالدونا
حامد بدري
حيدر حسن ميرغني
عليش الريدة
Asim Fageary
الصادق اسماعيل
Aamer Hussin
فيس بوك
تويتر
انستقرام
يوتيوب
بنتيريست