|
Re: انا عنصري ؟!!!!!!!!!!!!!!!! (Re: Mahamed Eltaze)
|
السلام عليكم الأخ قصي ده وجهت نظر صح مافيها لاحماس ولافتح ولا داعش انا عندي وزي ماعندك وزي ماعند اي سوداني واحد إنصاب أو إستشهد في حرب الجنوب من الخمسيات وحتي مطلع هذا القرن يعني انت مربوط بي حته ما بي كل الارض في الجنوب واي واحد عنده الحق يعبر عن رايو وحتي ولو بخالف الواقع
| |
|
|
|
|
|
|
Re: انا عنصري ؟!!!!!!!!!!!!!!!! (Re: Mahamed Eltaze)
|
محمد التازي .. سلام وتحية .... وسلام مربع مرة أخرى ..
أوافقك القول بأن كل من رضى بجنسية دولة ووجد أنه بذلك أصبح أفضل من جنسيته الأم ووجد أن في ذلك ملاذا للعيش في بلاد جنسيته الثانية بحكم من وضعوا القانون لمصلحتهم وسار على ركبهم من سار .. طيب .. عند تقلده للمنصب والمسئولية الوطنية السودانية وهو في سدة السلطة بجنسيتين ، كيف أحاسبه عند ما يبيع الوطن وأسراره التي لم يكم فيها سر وكيف أقاضيه في كل ما تغترف يداه ... فهو محمي .إذن أليس كذلك .لأنه غير سوداني وكما ردد الكثيرون ( نحن مستعمرين من بني جلدتنا ) ..!!
أيام نميري وقبل تفعيل قانون إذدواجية الجنسية ، كان في زيارة لدولة عربية معروفة في مطلع السبعينات .. سأل عن السودانييت القدامى المقيمين فيها فأخبروه أن هناك أسرة معروفة تخلت عن الجنسية السودانية ، فعلم الأمر ، وحين أتى رب هذه الأسرة في زيارة للسودان صدر الأمر بأن يعطى فقط فترة المدة الممنوحة للأجانب ويغادر فورا لأنه غير سوداني أما اليوم يا أخ محمد التازي ، فحدث ولا حرج كم من السودانيين تراهم يقفون في صف الأجانب بمطار الخرطوم عند زيارتك للأهل في موسم الإجازات والطريف بالجلابية والعمة والشال ..
أقول هذا حق وحرية شخصية لمن يريد أن يتخلى عن جنسيته ويستبدلها بجنسية دولة أخرى ولكن كما قلت ، لماذا يريد أن يشارك في السلطة وهو يحرص على جنسيته الأجنبية .. أسئلة حيرى ليس لها جواب .... وتحيتي . محمد مختار
| |
|
|
|
|
|
|
Re: انا عنصري ؟!!!!!!!!!!!!!!!! (Re: محمد مختار جعفر)
|
سلام وبعد
المشكلة وين اسع في البلد الزيتو طالع ومشاكلو اكتر من شعر الراس ولا زول تحصل علي جنسية بلد تاني ؟ اسع الضيع البلد التخبط والفكر الغلط ولا اصحاب الجنسيات الاجنبية ؟ اغلب الايدولوجيات والافكار بتاعت الاحزاب اجنبية وماف حتي دين انزل في ولا فلسفة منتج سوداني!!!
ديل تعلمو/تعمل ليهم شنو ؟
واكيد كل ليه حقو في القول والرائ بكل احترام مني ودوورد
| |
|
|
|
|
|
|
Re: انا عنصري ؟!!!!!!!!!!!!!!!! (Re: حامد عبدالله)
|
الأخ حامد عبدالله السودان في حدود 50 (+/-) من أصل 60 سنه من الإستقلال تحت الحكم العسكري و الدكتاتوري ده النتيجه حقتو انو الضياع و الفكر الغلط انا ماعندي مشكله تحكمني بي اي ايدلوجيه انت حابيها بس مشكلتي معاك انك تحمل جنسية واحده بس هي السودانيه - كتير من دول العالم ترفض فكر إزدواج الجنسية - احنا قولنا مامشكله بعدين اسي الصين دولة شيوعيه ماخده الشيوعية من الإتحاد السوفيتي وهي إستمرت و السوفيت صاحب الفكرة طشه لكن برضو الحاكم صيني وعملو شيوعيه صينيه - تقليد حتي الفكر شوفته حكمت ربنا - انا ماعندي مشكله في الإيدولوجيه أو الفكر أو الخ حقك مشكلتي في جنسيتك عديييييل هل انت سوداني وله لأ لو عندك جنسيه تانيه تبقي سوداني نص كم ما كم كامل زي مابيقولو تبقي ماكامل الدسم تكون نص دسم كده وممكن تكون ربع دسم ومفروض تراعي فرق التوقيت مع بلدك التاني هناك - اسي عليك الله زول شايل جنسيتين ده إنتمائه لي ياتو بلد يحاكموهو كيف ويسألوهو كيف أحكي ليك موقف حصل في مطار الخرطوم ولد طالع بي جواز سفر سوداني والشمطه قايمه بينو وبين ناس الخدمة الوطنية في كرت السفر و الكواريك جايبه اخر الشارع فجاه الولد طلع تلفونو وضرب ليهو كم تلفون كده ووقف شويه لمن شاف العربات جايه مسك الجواز السوداني شرطو عدييييل و الناس بقت مخلوعه وطلع جواز دوله اجنبيه - من دول الإستكبار الأجنبي - وللأسف الشديد كان أحمر من النوع البسخن داااااااااااك عرفتو وناس العربيات جو نازلين منهم ناس وزارة الخارجيه وناس سفارة بلدو و الجقلبة و ناس الخدمة اتلمو سريع علي جنب و الولد وصلوهو لي الطيارة الموقف دا حصل في مطار الخرطوم وانا شاهد عيان في غفلة من الزمن اسي زي دا بترضي يكون وزير لي دولتك - لو عالم عديييييييل خلي يكون نص وله صاحب فكره - اسف مابرضي مابنرضي بي ناس الهجين ولو ناس مجلس الأمن إتلمو في مكه معمرين ومقررين مابتجي قوات الهجين ولك كل الود و الإحترام
| |
|
|
|
|
|
|
Re: انا عنصري ؟!!!!!!!!!!!!!!!! (Re: Mahamed Eltaze)
|
السلام عليكم الأخ محمد مختار مشكور كتير علي المرور والف شكر ليك علي السلام المربع انا بستغرب من انو حتي مجرد فكرة انو يتنازل عن الجنسية التانيه مابرضي ولو سألته يقول ليك انت عنصري مريض بغيض
تخريمه --------------------------- تقريبا معظم القاعدين علي الكراسي بإستثناء أعداد بسيطة هم من حملة الجنسيتين و الثلاث جنسيات وفيهم من إشتري جنسية تانيه بي القروش عدييييييل دفع عشان بعدين يكب الزوغه
| |
|
|
|
|
|
|
Re: انا عنصري ؟!!!!!!!!!!!!!!!! (Re: Mahamed Eltaze)
|
سلام وبعد
وتشكر يا امير علي الرد والشرح
انا غايتو رائ انو النظام السياسي/اللاجتماعي/الاقتصادي يالبستند لايدولوجيا فيها تغيير كل شئ عشان يوافق خط الحزب/الجماعة/المجموعة ما هو الا عملية تسير عكس قوانين التطور حتما نتيجيتها حتكون كارثية بالحد غير المتخيل لانفتاح الاحتمالات
من حق اي انسان ان يكون الانطباع اليعجبو عن اي حالة ولا ظرف عني انا لا اعتقد حمل جنسية ولا عشرة يمنع /يعطي حق اكتر/اقل لاي سوداني نتمني سيادة دولة قانون فيها القانون وليس سواه يحدد الحقوق والواجبات وفقا للقاعدة القانونية المتفق/المجمع عليها
قصة المطار ولا الموقف اي كان المخطئ فيهو لا اظن فيهو التاهيل بمكان ان يصبح قانون لاتفاقنا/اختلافنا معاه ٫ لو في قانون ومطبق بالصورة الصحيحة لا ااتخيل ممكن تحصل المواقف المحرجة دي
ودوورد
| |
|
|
|
|
|
|
Re: انا عنصري ؟!!!!!!!!!!!!!!!! (Re: Mahamed Eltaze)
|
Quote: معظم القاعدين علي الكراسي بإستثناء أعداد بسيطة هم من حملة الجنسيتين و الثلاث جنسيات وفيهم من إشتري جنسية تانيه بي القروش عدييييييل دفع عشان بعدين يكب الزوغه |
كلام سليم ، والأسباب -تقريبا - صحيحة . حملة الجنسيتين دائما في حرية من التحرك والإمتيازات في الدولتين، بغض النظر عن وضعهم السياسي. ------ أهنئ كل الزملاء هنا حاملي الجنسيتين ، ونتمنى لهم حياة كريمة وآمنة و موفقة حيثما استقروا.
| |
|
|
|
|
|
|
Re: انا عنصري ؟!!!!!!!!!!!!!!!! (Re: قصي محمد عبدالله)
|
Quote: الأخ حامد عبدالله ردمتني بي كلام كباااار كباااااار مافهمتو لكن - ماتنسي الدرجة العلمية جاهل دي خليك متذكرها |
تشكر يا امير العفو يا راجل مافي اي ردميبة هنا كلامك عن مزدوجي الجنسية او من تحصلو علي جنسية بلد اخر (غربية) من السودانين قرايتي ليهو انو ناتج من مواقف قد تكون انت شاهد عيان فيها او سمعتها من طرف اخر٫ دا القولت ليك اسبابو الناس البتكون عندها فكرة بتسميها متكاملة لحياة بيعتقودها افضل فلتطبيق الفكرة الفضيلة بدمرو اي شئ خاصة الانسان و تخريب الانسان بظهر في البيئة حولو وبمتد لاي شئ تاني !!!! بالضبط دا الحاصل في السودان
لو البلد فيهو عدل وتطبيق صحيح للقانون في كل حتة حتلقي الموظف المؤهل الاصلا ما ممكن يصل لمستوي الشجار مع الجمهور او العملاء
عنوانك دا في اي دولة قانونية بدينك شايف كيف !! انت بتلعب بالكلمات السبب شنو ؟ بتعرفو انت بس وحقك بس بكلفك كلام كتير عشان تبرر لانك عارف ماذا تعني عنصرية !!! اختيار اقصر الطرق والمباشرة بسهل المهمة للمتفاعل معمك يفهمك وتفهمو
ودووورد
| |
|
|
|
|
|
|
Re: انا عنصري ؟!!!!!!!!!!!!!!!! (Re: Mahamed Eltaze)
|
الأخ حامد عبدالله كلامي ليس ناتج من مواقف شخصيه - وحتي بالإفتراض - وهو نتاج من دراية كاملة وعن وعي تام ليس لعيب بهم أخي حامد عبدالله انا ليس ضد تطبيق فكرة اي شخص كل يدلو بدلوه - البلد اساسا خربانا يعني كل زول يقول العاوزو ويعمل العاوزو مشكلتي في حتتين الأولي يكون في دستور واضح المعالم ناتج من إتفاق كل القوي الفاعله في البلد سواء معارضة أو حكومة أو مناضلين أو مواطنين وبتمثيل ثابت وطرق محاسبة ومراقبة فعالة وقويه التانية هي تفعيل القضاء و الجيش و الشرطة ويكون غير مسيسين وليس لهم الحق في التدخل في الأمور السياسية بأي شكل من الأشكال - من الإنتخاب لي الترشح -
مالم يكون في سلم تعليمي واضح المعالم وفق لي منهج مؤهل من الناحيه الثقافية و المعرفيه - يخلي عندك المقدرة علي قبول الإختلاف في الراي مالم يكون في مجتمع مدني فعال ونشط ويشمل كل الأراء السياسية في جو ديمقراطي و الأراء الإجتماعية ما حنصل لي الحته بتاعت انو الموظف يكون مأهل ومدرب ولا يمكن ان تجد مثل هذا الموظف
عنواني دا للأسف الشديد اتهمني احد بأنني عنصري بغيض وجاهل وانو لي كم يوم عشان اتكلمت عن وجهت نظري دي فبكل بساطة وهدوء عنونته الكلام كده عشان اي زول يعرف وجهت نظري وزي ماقولته انا لو الدستور الناس وصلو ليهو بي انو العندو إزدواج جنسية يحق ليهو العمل في مناصب سياديه حيكون في نظري لاجئ ومغتصب لي حق ماحقو - اهلنا بيقول العوج راي و العديل برضو راي
| |
|
|
|
|
|
|
|