كتب الكاتب الفاتح جبرا المتوفرة بمعرض الدوحة
|
Re: تماسيح سودانيزاونلاين (Re: Fatima Alhaj)
|
معظمهم على درجة عالية من الفهم والثقافة، تستمتع بقراءة بوستاتهم، وبعضهم طويل لسان في الفارغة. ولكن جميهم على مقدرة كبيرة من الحرفية في إدارة الحوار واختيار عنوان البوست.
| |
|
|
|
|
|
|
Re: تماسيح سودانيزاونلاين (Re: Fatima Alhaj)
|
يا جماعة ركزوا على موضوع البوست، ما مهم من الكاتب. بعض البوستات الهامة تموت بسبب اللوبيات. والمشكلة مرات تلاقي نفس فكرة البوست المقتول لافة بعنوان تاني. يعني لو ما كنت تمساح بوستك راح.
| |
|
|
|
|
|
|
Re: تماسيح سودانيزاونلاين (Re: عبدالعزيز الفاضلابى)
|
انا لما شفت العنوان جيت جاري قلت البوست فيه قائمة للتمسحة كسرة
Quote: يا جماعة ركزوا على موضوع البوست، ما مهم من الكاتب. بعض البوستات الهامة تموت بسبب اللوبيات. والمشكلة مرات تلاقي نفس فكرة البوست المقتول لافة بعنوان تاني. يعني لو ما كنت تمساح بوستك راح. |
كدة التماسيح بتزعل ههه
| |
|
|
|
|
|
|
Re: تماسيح سودانيزاونلاين (Re: عبدالعزيز الفاضلابى)
|
فاطمة الحاج كيفنك.. انا بعرف من التماسيح ديل خمسة.. واذا انت عاوزة ممكن افتح بوست جديد واكتب تحليل علمي فلسفي ومنطقي ( ومرات غير منطقي) عن معظم أعضاء سودانيز اون لاين ، والتماسيح الخمسة والواحد فيهم اذا مسكته حمى تداعي له اركان سودانيز اون لاين بالسهر والحمى زي ما انت قلتي.. والله يديك الصحة والعافية
| |
|
|
|
|
|
|
Re: تماسيح سودانيزاونلاين (Re: عبدالعزيز الفاضلابى)
|
اها جاك مشارك من سودانيزوماعرفنا تصنيفنا شنو شيء تماسيح وشيء هوامير وشيء مواسير وشيء شيوخ وشيء ضفادع .. الله يستر موضوعك خفيف وسهل الهضم وخالي من الكلسترول ماعاوزين نزيد اكثر من كده لان الجماعة بقوموا يصنفوك في قايمة ( كساري الثلوج في القطب المتجمد.الشمالي ) عايز اقول شنو ياربي الشللية هنا في سودانيز اون لاين زي فجة الموت فجة الموت دي شاطر فيها الجنيه السوداني ياخد ليهو عركة ويقوم يقيف على حيلو فجاة ينفزر ونحن في اهل العوض لمن يمرض جدا لينا مرض شديد ولضيض يوم نشوفوا فجاة قعد.يضحك ويقول عاوز شوربة اها طوالي بنحضر ليهو الكفن كذلك شللية المنبر ترفع راسها شوية وبعد.فترة تدق الدلجة هنا البقاء للاقوى هناك بوستات تفرض نفسها وهناك بوستات جميلة ولكن يقتلها العنوان والنجومية هنا صعبة جدا تحتاج الى نفس قوي والى قلم مشاكس ففي سودانيز اما ان تكون واما ان لاتكون واما واما واما واما واما !!!!!
| |
|
|
|
|
|
|
Re: تماسيح سودانيزاونلاين (Re: Fatima Alhaj)
|
هلا أبو روضة أنت جيت جاري كايس الشمار صح؟ Quote: كدة التماسيح بتزعل ههه |
والله يا أبو روضة يا أخوي كلو إلا زعل التماسيح ما بنقدر عليه، بعدين أخاف يشوتوني برا وأنا لسة مسجلة بقلم الرصاص.
| |
|
|
|
|
|
|
Re: تماسيح سودانيزاونلاين (Re: Fatima Alhaj)
|
هلا بالرقيقة أميرة تلاقينا مرات قليلة ولكن لم تغيبي عن بالي. Quote: انا بعرف من التماسيح ديل خمسة.. واذا انت عاوزة ممكن افتح بوست جديد واكتب تحليل علمي فلسفي ومنطقي ( ومرات غير منطقي) |
حظك يا أميرة خمسة؟ على طول يا أميرة أفتح بوست جديد وأنا بقيف ليك حارس مرمى.
| |
|
|
|
|
|
|
Re: تماسيح سودانيزاونلاين (Re: Fatima Alhaj)
|
يا مرحبا أخوي أبوحراز Quote: لان الجماعة بقوموا يصنفوك في قايمة ( كساري الثلوج في القطب المتجمد.الشمالي ) |
حرام عليك يا أخي تلج شنو أنا هسي بكتب وماخدة ساتر تقول لي شنو. عارف المزعلني منهم شنو التماسيح ديل؟ قاعدين بتجاهلوا مداخلاتي. بس اوعى تكون من تماسيح سودانيزاونلاين يا أبوحراز؟
| |
|
|
|
|
|
|
Re: تماسيح سودانيزاونلاين (Re: Fatima Alhaj)
|
هلا أبو حسين ليك وحشة أخي Quote: أنتي لقب شيخة دا قالو حقيقة و بتكتبي محاية كمان ... 😂😂😂😂 بعدين تماسيح دي لو قالو ليك ادينا امثلة حا يجهجوك .. |
طبعاً شيخة وأيدي لاحقة كمان ، أعمل حسابك . لو قالو لي أديني مثالة حأقول أبو حسين بس أنت أُكلا ساي. حارياك شيال تقيلة ، ولا ما كدي؟.
| |
|
|
|
|
|
|
Re: تماسيح سودانيزاونلاين (Re: عثمان عووضة)
|
Quote: بعدين عليكي الله قولي لابو حسين دا يقوم يلف |
كمان قراية ما بتعرف تقرأ ...؟؟؟؟؟ قالت تماسييييييييييييييييييييييييييييييح ..... ما قالت ديناصورااااااااااااااااااااااااااااااااااااااااات
| |
|
|
|
|
|
|
Re: تماسيح سودانيزاونلاين (Re: عبد العزيز محمد عمر)
|
تحياتي فاطنةوحبابك احمد الله خشيت معاك كم مرة في بوستاتك وخرجت من زمرة التماسيح تعرفي دايرة تبقي تمساحة اعملي ليك بوست دواس .. واختاري كم نفر كدة روسيهم وما تخافي الله فيهم وحات سيدي تبقي تمساح عشاري
| |
|
|
|
|
|
|
Re: تماسيح سودانيزاونلاين (Re: عبد العزيز محمد عمر)
|
سلام للجميع،منشور طريقة سواقتو زي رمي الودع ! ههه المهم: سودانيز أولاين فيها ثلاثة ولايات (الآراء الحرة - الاخبار - العام). متابعين الجلبقة .. طالما هنالك بحث عن التماسيح فلابد من المرور بالدولفين والساردين والصير .. والعجول.
| |
|
|
|
|
|
|
Re: تماسيح سودانيزاونلاين (Re: أيمن الطيب)
|
Quote: شيوخ سودانيزاونلاين، أعتقد دى حلوة، ليسوا شيوخ بخرة ومحاية بل شيوخ وزن وهيبة ( شيوخ بترودولار يعني). |
فطووووم ... سلام اعتقد انتي قاصداني انا .... ولد دا اصوو مافي حاجه بتدسى .... الشهرة كعبة خلاث ... عالم بطاااله ....
| |
|
|
|
|
|
|
Re: تماسيح سودانيزاونلاين (Re: Fatima Alhaj)
|
هلا أخوي جلال Quote: فاطنة يا اخيتى خلينا فى صيرنا ده و بوستاتنا الما جايبة تمنا دى تماسح بحر يكرى ده خبتتن حارة و ما عندنا قدرة ليها |
والله يا جلال يا أخوي نحن ما دايرين إلا بركاتم .. يحلقونا وينجدونا، بس لمتين نفضل صيّر دايرين نتمسح.
| |
|
|
|
|
|
|
Re: تماسيح سودانيزاونلاين (Re: Fatima Alhaj)
|
مرحبتين أخي زهير,, Quote: تماسيح عديل كدا أرجو الرجوع لطبائع التمساح |
لا لا يا زهير يا خي أنا قصدت شيئ تاني. وبعدبن التمساح عندنا نحن ناس النيل شيء تاني ما سمعت كابلي دا إن اداك وكــــــــــتر ما بيقـول اديت أب درق الموشح كلو بالـــــــــسوميت أب رسوة البكر حجر شـــــراب سيتيت كاتال في الخلا وعقبن كريم في البيت والبلابل تسلم يا أب عاج أخوي يا دراج المحن وسيد خليفة تمساح الدميرة الما بكتلو سلاح عاد أكتر من كدي اسوي شنو يا زهير يا أخوي هههه أنا ما قدر دا.
| |
|
|
|
|
|
|
Re: تماسيح سودانيزاونلاين (Re: Fatima Alhaj)
|
هلا وسهلا استاذ عوضة Quote: فاطمة الحاج الفنانة؟ |
فاطمة الحاج بس ما الفانة، أخوي ابوحسين مشيخني، هو عارف أنو ايدي لاحقة. ابوحسين قوم لف .. هو يا زول دي أوامر استاذ عثمان عوضة وأنا بنفذ أوامر الاستاذة، كان عندك كلام سوي معاه. ولا أنت سويتو سلفاً عارفاك مستعجل.
| |
|
|
|
|
|
|
Re: تماسيح سودانيزاونلاين (Re: د.محمد حسن)
|
أكيد يا فطومة إنتي شيخة هسه دا موضوع بوست مداخلاتو تصل ل 45 خلال 10 ساعات بمعدل 4 مداخلات و نص* في الساعة؟ ما فضل إلا يجي المستنير و يفتح بوست بعنوان فطومة * ما تسأليني تقولي لي نص مداخلة كيف يعني.. نص مداخلة دي زي مداخلات ابو حسين اللافي و إنت ذاتك قومي لفي مع أبو حسين
| |
|
|
|
|
|
|
Re: تماسيح سودانيزاونلاين (Re: Hafiz Bashir)
|
الدسيس,,Quote: ايمن عجبتك !!!!! بمناسبة زنتاك ومدني سمعت بي حكاية .....أجي يا مدني.... |
لو قلت ليك ما عجبتني أكون كضاب,,وحكاية أجي يا مدني يا عبس رغم أنو عندها روايات كتيرة وتخريجات أكتر لكن عليك النبي إتذكر إنو المنبر دا معانا فيهو (جهلا ) عليك بمسنجرتها ياخ,, _______________ عذرا أستاذة فاطمة..
| |
|
|
|
|
|
|
Re: تماسيح سودانيزاونلاين (Re: Fatima Alhaj)
|
هلا وسهلا أخي عبدالعزيز,, Quote: صاحبة البوست دي بتكون خبرة في الأسافير ... وإلا لما كانت السواقة كدا.. |
وجات الله يا أخوي دا أول منبر أكون عضوة فيه.. أنا زولة فيس بوك ساي ، أكتب وما في زول يسألني. بالمناسبة سواقة يعني شنو؟
| |
|
|
|
|
|
|
Re: تماسيح سودانيزاونلاين (Re: Fatima Alhaj)
|
هلا ود أبو سن لكن تمسحت سودانيزاونلاين دي ما سمحة يا عبدالفيظ يا أخوي. Quote: دايرة تبقي تمساحة اعملي ليك بوست دواس .. واختاري كم نفر كدة روسيهم وما تخافي الله فيهم وحات سيدي تبقي تمساح عشاري |
هههه لكن تعرف ديل إلا أتفق معاهم تحت تحت ، أختك خوااافة. ابقا لي واسطة يا عبد الحفيظ
| |
|
|
|
|
|
|
Re: تماسيح سودانيزاونلاين (Re: ABUHUSSEIN)
|
Quote: هسه دا موضوع بوست مداخلاتو تصل ل 45 خلال 10 ساعات بمعدل 4 مداخلات و نص* في الساعة؟ |
كلامك دا لو كتبتو في واحد من بوستات شفوت المنبر .. سفنجتك المقطعة دي كان نلقى الفردة اليمين في اول مداخلة ... و الفردة الشمال في اخر مداخلة ... و انت نفسك قايم و تتلفت على بعد 10 كيلو من المنبر ... 😂😂😂😂 حسبت عدد المداخلات ... و دخلت البوست شفت البوست مفتوح الساعة كم ... و عاينت لي ساعتك كم ... و قعدت تحسب الفرق كم ساعة ... و قعدت تقسم عدد المداخلات على عدد الساعات ... لا و الود دقيق خالص و نص كمان ... ياخ قوم لف
| |
|
|
|
|
|
|
Re: تماسيح سودانيزاونلاين (Re: Fatima Alhaj)
|
ههههههههههههبوست لجذب الأدعياء .. أي كايس شهرة ومعتقد في نفسو التمسحة تلب هنا لا يلوي على شىء لكن مالي لا أري جرجير أما أنه كان من الزاهدين ؟؟ سواقة يعني حاجة شبيهة بسلق البيض أو عمل الشاي أبو ورقة .. خخخخخخ
| |
|
|
|
|
|
|
Re: تماسيح سودانيزاونلاين (Re: طلحة عبدالله)
|
وين يا ول ابا طلحة.. مستر جرجير بتكون عندو قرون استشعار تجاه الجمكسين الكتير..!اما ابو روضة.. دي تي تي..لغاية هسع بيعطس..!! بت ابا فاطنة..حبابك يا صديقة.. كلامك صاح.. اديهم بالجمكسين .. اما نحن ادينا بـــ (فليل دمور المسخ الأرياح)..!! كبر
| |
|
|
|
|
|
|
Re: تماسيح سودانيزاونلاين (Re: Kabar)
|
Quote: اما ابو روضة.. دي تي تي..لغاية هسع بيعطس..!! بت ابا فاطنة..حبابك يا صديقة.. |
ازيك يا كبر وينك ياخ طولت الغيبة ابو روضة كان مغروض في البوست ده وبرضه ما خاب الغرض ياهو فيه حالة من حالات التمسحة الاسفيرية وكم ورل الشي الكويس البوست حقق اهدافه وده المطلوب اما الخاسر الاكبر اسال ورل الساحة هههههههههههههههههههههههههههههههههههههههههههههههههههههههههههههههه كسرة فوق البوست ده انا تاني ما بجي
| |
|
|
|
|
|
|
Re: تماسيح سودانيزاونلاين (Re: فرح الطاهر ابو روضة)
|
سلامات يا طلوح..Quote: بوست لجذب الأدعياء .. |
Quote: لكن مالي لا أري جرجير أما أنه كان من الزاهدين ؟؟ |
ما عارفك قاصدا ولا ما قاصدا,,أكان قاصد تبقى بالحيل صعب وإن ما قاصد تبقى أديتا ليهو في يدو,, دا بإفتراض أنو الأدعياء دى طاقية لمن يأنس في نفسه الكفاءة غايتو تراك قاعد معاهم,,, تحياتى والله,,
| |
|
|
|
|
|
|
Re: تماسيح سودانيزاونلاين (Re: Fatima Alhaj)
|
في أقل من أربعة وعشرين ساعة على (تستيفك) للبوست في المنتدى مر من هنا قرابة الأف وخمسمائة عابر (اللهم لا حسد) توقف ستة وستون منهم (قبلي طبعاً ، يعني بي كده المفروض سبعة وستون) وتداخلوا بالرد حتى لو على شاكلة wow ودا كلة ما عشان التماسيح عشان خاطر دموع التماسيح. عملياً المقال نجح وحقق إيرادات لا بأس بها وممكن يصنف في خانة نجم اليوم في المنتدى ، من وجهة نظري المهترئة فالمقال أكثر من عادي ولا أقول لا يستحق كل هذا الزخم والتدافع فللناس فيما يعشقون مذاهب ، لكن أجد أن في الأمر بد فنحن من بيئة يناقض ظاهرها باطنها فيتبجح المتبجحون وتمور السماء مورا. الشئ الجميل أن جبة اللغة فضفاضه ويقيني بأن المقال يشبه فيما يشبه طرح سؤال بحرفيه وتوقع إجابة بعينها ناس (question expecting the answer yes, question expecting the answer) أو كما يقول أهل الشارع الدهماء أمثالي دردقه. أهديك وجميع المتداخلين أغنية تمساح جزاير الكرد بصوت نانسي عجرم
| |
|
|
|
|
|
|
Re: تماسيح سودانيزاونلاين (Re: almulaomar)
|
يا الملا عمربركة ياخي المسكت جلابيتك في خشمك وجيت داخل توووش معانا في غابة التماسيح دي اتيت الان من الشغل وزهج وتعب لم يخففه الا اغنية تمساح الكرد بصوت نانسي عجرم الله يسترنا من عوضية فرار تقوم بكرة تغني لينا الطير المهاجر غايتو الليلة لو سمعك القيقم شيل شيلتك معاهو قال عجرم قال
| |
|
|
|
|
|
|
Re: تماسيح سودانيزاونلاين (Re: Fatima Alhaj)
|
Quote: وبما أني مستجدة فأنا أكيد مسطحة، بس خمنت أنه ضرب تحت الحزام ولا ما كدي يأيمن يأخوي؟ |
لا لا فوق الحزام والله يا شيخة فاطمةتحت الحزام ما معانا ولو حصل غايتو بطريقتم,, نحن علينا بالظاهر.. تحياتى ..
| |
|
|
|
|
|
|
Re: تماسيح سودانيزاونلاين (Re: Fatima Alhaj)
|
البوست دا شرك لي خمسة وقعوا واحد ورا التاني ...وبعدين نحن في الشمالي القصي ...التمساح عندنا ما شكرة بل نستخدمه في التعبير عن اللؤم والتربص والله يا بت الحاج بقيتي زي الحوار الغلب شيخو جرجرتيهم لامن جوكي براااااهم اهااا اخرتا وين نا مراقب ساي ...
| |
|
|
|
|
|
|
Re: تماسيح سودانيزاونلاين (Re: Fatima Alhaj)
|
Quote: هههههههههههههههههههههههههههههه تمساح غايتو انا جضاضة ساي |
هههههه حامد يا أخوي تمساح شنو؟ أنت في فريق الصيّر زي حالاتنا بس أنا بلعبك ( Striker ) أن شاء الله تكون ( fit )
| |
|
|
|
|
|
|
Re: تماسيح سودانيزاونلاين (Re: Fatima Alhaj)
|
Quote: وأفضل شيء إنتي عملتيها أنك إجتزتي كل المراحل وقفزتي وإبتديتي من مرحلة (التمسحة) . |
تمسحة شنو عليك الله يا ولياب يا أخوي، كدي عاين لي كويس دا شبة تمسحة؟ يأخي لي قريب سنتين محلك سر. تمسحة قال هههه ياخي ديل عديل بمسحوا مداخلاتي وبما أني في مرحلة الصيّر مافي زول بلاحظ.
| |
|
|
|
|
|
|
Re: تماسيح سودانيزاونلاين (Re: Fatima Alhaj)
|
دكتور محمد منور البوست بحضورك. Quote: بت الحاج يا تمسحة الفرق بين التساح والورل شنو؟ |
والله يا دوك بعرف الفرق لما أمشي سوق الجلود في أمدرمان، بس لو سمحت لي أخمن بقول الورل تمساح صغير، ودي زي الفرق لما ينعتو الزول بأنه تمساح أو أنه ورل. بالمناسب دي جمع تمساح تماسيح بس جمع ورل شنو؟ زنقتك صح؟
| |
|
|
|
|
|
|
Re: تماسيح سودانيزاونلاين (Re: Fatima Alhaj)
|
Quote: هسه دا موضوع بوست مداخلاتو تصل ل 45 خلال 10 ساعات بمعدل 4 مداخلات و نص* في الساعة؟ |
والله يا استاذ حافظ البوست دا جابتو زعلة، ولو تمعنت في المقصود أعتقد كتير من الناس مروا بمواقف مشابه. وحقيقة ما فهمت تساؤلك .. وعلى كلاً اهلاً بيك.
| |
|
|
|
|
|
|
Re: تماسيح سودانيزاونلاين (Re: Fatima Alhaj)
|
Quote: وحقيقة ما فهمت تساؤلك |
يعنى هسه ابو حسين دا فهم تساؤلي؟ ما تراهو علق علي مداخلتي كأنو فاهم أنا عجبني إيقاع البوست السريع و ذكرني بسودانيزاونلاين زمان زمن كان الواحد كل دقيقتين بيعمل رفرش للصفحة الأولى و يلقاها تغيرت لكن شتارتي و ثقالتي بتجبرني أعبر بطريقة شريرة
هسه عليك الله مؤستذاني مالك؟
| |
|
|
|
|
|
|
Re: تماسيح سودانيزاونلاين (Re: Fatima Alhaj)
|
Quote: فاطنة انا اسمي مكتوب ؟؟؟ |
عماد يا أخوي أنا زاتي كايسة الدليل .. لا لا اسمك مافي.. كنت راجيا الناس يساعدوني بالصفقة يا عماد بس كل زول ماسك أيدو عليه راجيني أنا أصفق. هههه
| |
|
|
|
|
|
|
Re: تماسيح سودانيزاونلاين (Re: Abdelrahim Elamin)
|
Quote: هههههه حامد يا أخوي تمساح شنو؟ أنت في فريق الصيّر زي حالاتنا بس أنا بلعبك ( Striker ) أن شاء الله تكون ( fit ) |
البوستي ظكرني نقابة المنتحرين بالذات كابو لامن رفع سروالو وقاليهم لامن فكت لاكابو ولا كباية قالوا في واحدة حلوة قاطعة لامن بي غادي ركبت الحافلة قالت بسم الله الحافلة كلها وزي ما قال كابو السروراب والدروشاب قالوا وعليكم السلام هسة الله بسعلك انا كن كتبتا اسوووود سودانيييز ونمور التاميل بلقى زي الجمهور العريض ده ( حاسدنك ساي حسد )
| |
|
|
|
|
|
|
Re: تماسيح سودانيزاونلاين (Re: Abdelrahim Elamin)
|
يا ابو حسين مرة من ذات المرارير عمرو بن العاص قال لمعاوية بن أبي سفيان قاليهو أنا أكان ما عارف دروب المخارجة أصلي ما بدخل في الشي معاوية قال ليهو: يا عمرو أنا أصلي من اللول ما بدخل لي في شيتاً يزنقني و يحوجني للمخارجة منو قال بوستات شفوت المنبر قال
| |
|
|
|
|
|
|
Re: تماسيح سودانيزاونلاين (Re: Hafiz Bashir)
|
قلبة ومقلبةعنوان جميل وجذاب لكبار التماسيح الرحمة والمغفرة للذين رحلو عن دنيانا وفقدناهم في هذه الدنيا الفانية انا لله وانا اليه راجعون التحية للتماسيح العايمين في اسفير وحوش بكري ، الحمدلله شفناهم في الحوش
| |
|
|
|
|
|
|
Re: تماسيح سودانيزاونلاين (Re: Fatima Alhaj)
|
مرحبتين حيدر Quote: انتى مالك مشيتى تبحبتى فى الجزر يقوم يطلع ليك تمساح يجهجهك زى ما قلتى يحلقوا ليكم |
ما قلت ليك يا حيدر أنا زولة صيّر ساي ما بطلعوا لي. بطلعوا للضربة الكبيرة.
| |
|
|
|
|
|
|
Re: تماسيح سودانيزاونلاين (Re: Fatima Alhaj)
|
هلا أخوي كبر Quote: بت ابا فاطنة..حبابك يا صديقة.. كلامك صاح.. اديهم بالجمكسين .. اما نحن ادينا بـــ (فليل دمور المسخ الأرياح)..!! |
بريد كلامكم ياخ. وقع ليك مقصد البوست صح؟ بس تسوي شنو طيور الزقزاق، عرفتها دي؟
| |
|
|
|
|
|
|
Re: تماسيح سودانيزاونلاين (Re: Fatima Alhaj)
|
سلام من الله يغشاك الملة عمر Quote: من وجهة نظري المهترئة فالمقال أكثر من عادي ولا أقول لا يستحق كل هذا الزخم والتدافع فللناس فيما يعشقون مذاهب ، لكن أجد أن في الأمر بد فنحن من بيئة يناقض ظاهرها باطنها فيتبجح المتبجحون وتمور السماء مورا. |
كلامك صعب ياخي، على كُل حال، لم نقصد أن يكون المقال غير عادي، رغم رصدك لعدد القُراء وعدد المتداخلين.
| |
|
|
|
|
|
|
|