روائع ،،،،،،،،،،،،،،،،،،،،،، إنت رائعة وإنت روعة وإنت ما كل الروائع روعة تحكي الشفتو منّك روعة في كل الطبائع إنت نسمة وإنت بسمة تدخل الوجدان تسارع تجبر الخاطر تطيّب تسمح الهم والمدامع إنت في السماء نجمة تضوي نورك البهّار وساطع تدلي للتائه طريقو لي سبيل مأمول وشاسع إنت طيبة وفيك هيبة والدليل برهانو قاطع طيبة من حب ربي ليك بي ثمر مخضر ويانع عايز أقول ليك يا جميلة والجمال الفيك جامع يدّي حصة ويروي قصة نحو بالفعل المضارع بي هداوة مثيلة مافي وبي فهم يعزف مقاطع في القلوب ينساب ويسري ويسعد المحروم وضايع يدمل الجرح البينزف ويشفي من كل المواجع علّم الزول منو يقرب ينتشي وليك يبقى طائع في زمن نادر وجود لا شريك لا زول ينازع إنت وصفك كيف أجيدو رغم إني رقيق وبارع وصفك أهتف بي وأفاخر في المحافل ليك أبايع ديمة علمك يبقى خافق عالي في كل المواقع وتبقي في عزة شموخك وتبقي في أولى الطلائع وتبقي في الخاطر خواطر وتبقي في الروعة الروائع
الرفيع - تبوك - 1/11/2012م
02-23-2016, 01:01 PM
almulaomar
almulaomar
تاريخ التسجيل: 07-08-2002
مجموع المشاركات: 6485
أخي الرفيع كلام رفيع لست بناقد لكن يطربني الأدب ، بكل ما في اللغة العربية من صعوبة إلا أنني أعشقها وأهواها ولا أدعي معرفتي التامة بجوامع الكلم فيها ، القصيدة جميلة وخفيفة أو مهضومه ، وهناك بعض التصويبات التي رأيت أنها ربما تزيد من تجويدها السطر الرابع كلمة تمسح وربما سرعة الكيبورد أدت إلى أن تصبح تسمح إنتي في (السما) أفضل من كتابة السماء نجمة تضوي (وهي كما تعلم لغة دارجة مستساغه) نورك الباهر أبلغ وأصدق من البهار لأنه بي كده حا ندخل التكل وإن شكلت الكلمة. شكراً للجمال والرفعة في المعني ، أها أنا زول شمارات والعرب قالو اللبيب بالإشارة وأنا لا لبيب ولا أدعي ذلك زول عنقالي أو من الدهماء كما قال ذات مرة أخونا الدكتور الأديب الجميل أبكر آدم إسماعيل صاحب المدن المستحيلة أها يا أخوي عشان ما أتوهك وتتوهني إنت بتخاطب الوطن الوطن ولا الوطن عازه نظام تورية وكده. مودتي
02-23-2016, 01:59 PM
عفاف أبو حريرة
عفاف أبو حريرة
تاريخ التسجيل: 12-28-2006
مجموع المشاركات: 1818
في زمن نادر وجود لا شريك لا زول ينازع إنت وصفك كيف أجيدو رغم إني رقيق وبارع وصفك أهتف بي وأفاخر في المحافل ليك أبايع ديمة علمك يبقى خافق عالي في كل المواقع وتبقي في عزة شموخك وتبقي في أولى الطلائع وتبقي في الخاطر خواطر وتبقي في الروعة الروائع
02-24-2016, 11:21 AM
محمد الرفيع
محمد الرفيع
تاريخ التسجيل: 09-02-2015
مجموع المشاركات: 14
أم أحمد متعك الله بالصحة والعافية يا حواء السودان . أسعدتني المشاركة . وأنت أخت كريمة وحرم أخ كريم في سيرتكم المضيئة المفيئة تزدحم التفاصيل إزدحاما لا يؤذن لها بإنتهاء
02-24-2016, 11:18 AM
محمد الرفيع
محمد الرفيع
تاريخ التسجيل: 09-02-2015
مجموع المشاركات: 14
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة