المؤتمر الوطني ... قادرون على حكم السودان 50 عاما قادمات ....

Quote: في بلد منتهك ......... الحرية و العدالة حق كل وطني شريف منقووووووووووووول تصدقو وتتصورو انو بكل تفاهة وقذارة ناس الامن امس كفتو الام احلام والدة الشهيد البطل هزاع شهيد ثورة سبتمبر المجيدة كفتوها زيها وزي اي مجرم دون مراعاة لكبر سنها ولكونها امرأة وانها ام وما راعو وصية النبي عليه افضل الصلاة والسلام القال .. استوصو بالنساء خيرا .. ياخي ما كفاهم انهم قتلو ابنها بالرصاص امام الملأ وحرقو قلبها والي الان دم ابنها رايح هدر رغم انها وكلنا عارفين القاتل .. ياخي والله سكاتنا ده شي مقرف والله قسما بالله انا بتكلم معاها لمن قالت لي كفتوني انا حسيت اني كأنما اتشليت ولمن قالت لي ما مشكلة يا ابني اكيد وجعي ما زي الوجع الحسا بيهو هزاع والله بدون ما احس قفلتا الخط ما قدرتا اسمع ولا كلمة تاني .. ياخي يا ناس نحن وين ؟؟ انتو متاكدين اننا حيين ما متنا ؟؟؟ .. .. بالجد شي مقرف جدا جدا جدا وحاجه تخليك تكره روحك.

Quote: حزنك ياوطنى احزنى ودالباوقه العبره ليس فى طول السنين ولكن مقدار الانجاز العملتو, الموتمر الوطنى للاسف خلال معظم هذه السنين لم يقدم الا الجوع والعرى والعطش والذل والهوان. طول السنين يمكن ان يتم بالترهيب والتعذيب ولكن لن يدوم ذلك طويلا. الشعب الان يعانى وصبره لايعنى قناعته بقدر مايعنى عقلانيته فلا تعتمدو على عقلانيه الشعب كثيرا فقد يجت فى اى لحظه.