|
|
|
 Re: بناديها (Re: جلالدونا)
|
لى سيرة الابداع و المبدعين فى بلادىو خالد الذكر الراحل عمر الطيب الدوش لؤلؤة تتوسط عقدهم المرصّع بالروائعو بعزم كل زول يجى يرتاح هنا و بتحفنا بما يعرف عن هذه القامةالتى اهدت الوطن كل الجمال
| |
 
|
|
|
|
|
|
|
|
Re: بناديها (Re: جلالدونا)
|
وانا يا سعادبت بلاك ملعون هواي ان كنت ارضي اعرسهاوعرس سعاد الرمز وووطني البموت وبخلي حيتحياتي جلة
| |
|
|
|
|
|
|
|
|
|
Re: بناديها (Re: عبدالحفيظ ابوسن)
|
مر حباب ود اب سن
سعاد زهر الياسمين
رفيقة العمر الطويل و قصير
و نبع الموده الما نضب
و لا عمرو قلّ من حنين
من غيرها كان سيشد اوتار الشعر فى دواخله
| |
|
|
|
|
|
|
|
|
|
Re: بناديها (Re: جلالدونا)
|
السلام عليكم وكل سنة وانت تأمين ولامين فعلا يا جلال بناديها وباحسن تحية بحييها
عشان خضرتها وتلالها وجبالها وصحاريها وغاباتها ونيلها وبقوليها كل سنة وانت طيبة
امى الحبيبة كلك محنة وطيبة
تحياتى
لاغلى أم
| |
|
|
|
|
|
|
|
|
|
Re: بناديها (Re: جلالدونا)
|
ود الكارب يا حبيب
سعيد بالطلة و اثراء الخيط بالروائع
بلد جميل و ناسو كرام و عزاز
و زهرة ياسمينو ابداع تمثّل فى شخوص
من تواضع البساطة انتجوا فخيم المعانى
حميّد
الدوش
الشريف
ثم رحلوا
رحمة الله تغشاهم اجمعين
| |
|
|
|
|
|
|
|
|
|
Re: بناديها (Re: جلالدونا)
|
عمى العجوز عاطف
كيفيك يا حبيب و كل سنه و انتا طيّب
___
بناديها الدوش كما عزّه الخليل من شاكلة الرمزيات
الزاخرة بالمعانى و المحشودة بالجمال
تحس بيهو شغل عادى لكنو ما اعتيادى
العزومه ياها العزومة
و الراحة ياها الراحة
حاجات عادية فى حياتنا و كل واحدة بى دربا
بس لامن اتلمّن
سوّن العجب العجيب داك
البخلى الزول مشدوه و فاتح خشمو
يا سلام عليهم يااخ
| |
|
|
|
|
|
|
|
|
|
Re: بناديها (Re: جلالدونا)
|
اظنها رمزية اولي قبل جيل عاطف خيري والرمزية الكثيفة وبعد رمزية عزة
الدوش كان شاعرا حلوا صادقا
تناسب لغته البسيطة في تصاوير مدهشة
وانا يا سعاد
بت بلاك
ملعون هواي
ان كنت ارضي اعرسها
وسعاد هي من سقتنا رحيق العزة
وبسأل عنها الضل الوقف وما زاد
| |
|
|
|
|
|
|
|
|
|
Re: بناديها (Re: عبدالحفيظ ابوسن)
|
المونساتي خروف المنبر.
النعجة ام بيض.
يا عز الدين كان ما الونسة دي المنبردة كان انتهي
يعني انت عاوز تزمنا بالونسة ...
تعرف ناس الونسة ديل أكتر من 80% من الأعضاء
يا جلال الونسة بتاعتك دي ما أي زول بقدر عليها
واصل الونسة الراقية في كلمات الدوش
و ناديها لمن تجي
واصل يا جلال خلينا نفكر في نقلة الشعر الغنائي
من الحقيبة و الوصف الحسي المباشر
لي الرمزية و الوصف ال عندو أكتر من دلالة
واصل خلينا نعمل قعدة نبحث فيها أبو صلاح القال
القمرة ما لقيت سلمها ...
و بين الدوش ال بناديها
و يا عز الدين خفف الابنص شوية و مرحب بيك
أكيد عندك ما يمكن أن نستفيد منو؟
| |
|
|
|
|
|
|
|
|
Re: بناديها (Re: Hamid Elsawi)
|
طيب يا عز الدين افتح بوست منفصل
وشيل عكازك واقيفلو في سهلة الله هناااك بدل تخرب البوستات
منها نستمتع ونغير جو شوية زاتو
مع اني متأكد انك ما قدر المعركة دي
الزول دا لو قبل عليك بخلي ريحتك خروف خروف😂😂😂
| |
|
|
|
|
|
|
|
|
|
Re: بناديها (Re: Haytham Ghaly)
|
الرائع جلال سلامات
اعتقد ان الشاعر عمر الطيب الدوش واحد من الثروات القومية التى اثرت وجدان الشعب السودانى
وتظل كلماته نبراس تضئ دهاليز القلوب المحبة والنفوس الولهة تتناجى روعة الدواخل بالجمال الاخاذ
وايضا تعتبر شهادتى مجروحة فى الفنان الرائع مصطفى سيد احمد لاننى اعتبره حاجة فوق عقل التصور
وفوق يقين صدق انفعالى وعندما تلتقى روعة عمر الدوش بالتطريب العالى والسامى لمصطفى سيد احمد
عندها تتوقف عجلة الجازبية الارضية ويتوقف الزمن فى جلال لهذا الامتاع اللامتناهى
اهديك رائعة الدوش سحابات الهموم
سحابات الهموم ياليل بكن
بين السكات والقول
وباقات النجوم الجن
يعزن في المطر
فاتن عزاك رجعن
وشوق رؤياك
زمان مشدود على أكتاف خيول هجعن
وصوت ذكراك مكان يجرى يلاقى السيل
وسر مدفون بصدر النيل
ولو لا الذكرى ما في أسف
ولاكان التجني وقف
وصوت ذكراك رزاز صفق
على خطوات بنات سجعن
وشوق رؤياك
حنين لي رحلة في المجهول
ولولا الذكرى ما في وصول
ولولا الذكرى ما في أصول
ولولا الذكرى ما في شجن
كن بخير
عامر
| |
|
|
|
|
|
|
|
|
|
Re: بناديها (Re: Aamer Hussin)
|
يا سلام عليك يا ابو الجل
وردي هو فناني المفضل...و اشعار عمر الطيب الدوش هي المفضلة عندي
الرمزية و عدم المباشرة عنده هي ما يحببني اليه...هذا الشاعر لم يجد حظه من الاهتمام و التمحيص لشعره الذي يليق به و بعبقريته..اجمل اغاني وردي عندي هي ما انتجه هذا العبقري و كما زكر وردي فقد اتعبه كثيرا في التلحين...
الحزن القديم و بناديها رفيقاتي واستمتع بهن
| |
|
|
|
|
|
|
|
|
|
Re: بناديها (Re: Nasser Amin)
|
حاضر يا حامد الصاوى اخوى
نواصل دون اكتراث
دوشنا رحمة الله عليه من مواليد سنة الفيضان 1948
و هو فى الثانوى منتصف الستينات كانت الود
ديك البقول فيها
شوقى ال ليك طوّل لسه معاى
و لى بكره لسه معاى
عاد ده شاعرن ساهل
| |
|
|
|
|
|
|
|
|
 Re: بناديها (Re: جلالدونا)
|
سلامات هيثم الغالي
جيت ماري قبيل في المنبر وقريت مداخلتك في البوست الفات مشيت جبت لي تراب قلت أحرر معاك المديدة لكن انشغلت وما كتبت الرد
جيت بعد كم ساعة لقيت الجماعة ردموك وجريت واطي
قلت خلاص أجي أدورك بالمساء على التخاذل بتاعك لقيت بكري لحق البوست بالطبلة
هسة شايفك زغت من الحجازين وقمت تاني تحرر في المديدة
أها يا زول واصل مجهوداتك ونحن من خلفك نشد من أزرك مع خالص الأمنيات بآكشن نضيف
| |
|
|
|
|
|
|
|
|
|
Re: بناديها (Re: أحمد محمد عمر)
|
عز الدين ابو ظبي
أمشي من دربك دة افتح بوست الردم
انت أمسك جلالدونا وانا وهيثم الغالي بنمسك ليك الحجازين
بس خليك حريف .. مافي داعي لخروف ونعجة وجنس الشتائم السوقية دي عشان ما تدي طبلة بكري فرصة
| |
|
|
|
|
|
|
|
|
|
Re: بناديها (Re: أحمد محمد عمر)
|
دقّتْ الدَلّوُكَهْ
قُلنا الدنيا ما زالت بخير
أهو ناس تعرِّس وتنْبَسِط
تكْكَّتَ سروالي الطويل
سويتْلُو رقعات فى الوسط
فى خشْمِ عضّيت القميص
أجرى وازيّد شوق وانُط
لا مَن وصلتَ الحفلَهْ زاحمتَ الخلق
وركزْتَ
شان البِتْ سُعاد
أصلى عارف جِنَّها فى زول بيرْكِز وينْسَتِر
لكنِّى عارِف إنَّها
لو كلو زول فى الحلة بالسُتْرَهْ إنجَلَد
يانى الآزاها وجِنَّها
برْضِى عارِف أظنَّهَا
دِيمهْ فى صَرَّ ة وشيهَا
يلفحْنى شوق نافِر لَبَد
وركزْتَ للحُرقَهْ المَشَت فوق الضلوع
تِحت الجِلد
ضمّيت قزازتى مرقتَ عِن طَرَف البلد
وسِكرْت جَدْ
وأنا جايىّ راجعِ مُنْتَهى لاقتْنى هِى
قالت "تعال"
كِبْرَتْ كُراعى من الفرح
نُص فى الأرِض نُص فى النِّعال
اتْلخْبَط الشوق بالزَّعل
اتْحَاوروا الخوف والكلام
"ه-يْى يا سُعاد
على ودْ سكينَهْ وكِلْتِي في خشمو الرماد
علي ود سكينَه ومَات أسى
وأنا بِت بلاك ملْعُون أبوى لو كنتَ أرْضَى أعرِّسهْا
وأنا يا سُعاد
وكتين تصُبى سحابَهْ تَنْزِلي زي دُعاش
بفْرِش على روحى واجيكْ
زولاً هِلِك تعبان وطاش
وأنا يا سعاد وكتين أشوفِك ببقى زول
فَرَشولوا فَرْش الموت وعاش)
قالت سُعاد
(بطِّل كلام الجِرْسَهْ انجض يا ولد)
مزّقْت روحى نِتَف
مرّقْتَ من جيب القميص
عرقى وأسق
طبّيت قزازتى وصلتَ لى طَرَف البلد
وسكْرتَ جَد
اذّنت فى الشوك والسَلَم
وسرحْتَ بالناس والغَنَم
وركعتَ للعرقى البِكِر
وقدتَ فى الألم الحِكِر
وحلمتَ زى شالنى ومشَى
فوف زحمة نْبيْ الله الخِضِر
صحَّانى صوت العُمدهْ قال
(مسئول كبير زاير البلد)
قال لينا
(وكَتْ الزول يجِى ، لازِم تقيفوا صفوف صفوف
وتهيّجُوا الخَلا بالكفوف
وتقولوا عاش.. يحيا البطل)
صلّحْتَ طاقيتي الحرير
واتنَحْنَح الحشا بالكلام
ورميتُو من حلقى الوصَل
قُتْ ليهو يا عُمدهْ اختشى
مسئول كبير في الدنيا غير الله اِنْعَدَم
ما شُفْنا زول رضّع صغار
ما شفنا زول نجّح بَهَم
ما شفنا زول لمْلَم رِمَم
لا صِحِينَا عاجِبنا الصباح
لا نُمْنَا غطّانا العَشَم
والحِلَهْ من كلَّ الجِهات محروسَهْ
بالخوف والوهم
ومضينا من زمناً قديم-يا عُمدهْ-مرْسوم انتحار
الموت مُباح
والحب نِطاح
والصِدقِ من جِنس الزِّنا
العافيهْ مولودَة سِفاح
والرغبَهْ مكسورةَ جناح
الحلم والوعد النبيل
الطِفلهْ والأم ، النخيل
الرّنَهْ فى الوتر الاصيل
تلقاهَا فى قاموس نكاح
يا يُمَّه واح..يا حِلَّهْ واح
يا سعاد تعالى ولمِّى من كل البيوت
عِدَّة السَفَر الطويل
زَخْرِفى الفجر النهار
شخْبِطى الضُحى والأًيل
المَغْرِب
الفجر
النجوم.
فى صُرَّهْ وارمِيها البحر
خلِّينَا فوق الشك نَعُوم
والعُمدَهْ فاض
العُمدَهْ صار مليون عُمَد
العُمده فيل
جبلاً تقيل
لبْوَهْ وأسد
حَسَنَهْ وغَصِب
جُمْعَهْ وأحَد
بقّيتْ قزازتى
مرقْتَ عِن طرف البلد
وسكْرتَ جَد
وأنا جايى راجِع أجهجهو
لاقانى هو
ساايق العساكر والكلاب
رامى بين عيني وعينو
كلب وتَكْشيرهْ وحُراب
ضاقت نِعالى من الزّعل
من تحتهَا اتْمَلمل تُراب
الغيم سكب ضُلو ومشَى
والدنيا غيما سراب سراب
والحِلهْ زى بلداً بعيد
زوَّد بُعاد وقُرُب سُعاد
اتجمَعَت كلَّ البيوت فى راحتَا
زى بِت لِعاب
مجنونَهْ تصرخ فى الزوال
ممزوجَهْ فى الدم واللُعاب
عينيَّ ضاقت نظْرَتهْا
والجوف يطقْطِق بالكلام
قُبَّال يقولوا لي سلام
اتلمُوا حولى بلا نِظام
شال وعِمَّهْ
توب وغُمَّهْ
فاس وطوريَّه وحزام
شالونى بى كُل إحترام
ورمونى فى قَعَر السجن
حصلّنى قبل اليوم يِتم
جارنا المدرِّس ودْ خدوم
قال ليَّ
لا زول قام هتَف
لا كف مشَت بتلاقِى كَف
والعُمدَهْ زى هَمْبول وقف
يا صمت أُف
يا دنيا تُف
وأنا يا سُعاد للشوق نغَم
للهَم عَلَف
| |
|
|
|
|
|
|
|
|
|
Re: بناديها (Re: جلالدونا)
|
رغم إنه قصيدة سعاد كلها على بعضها كدة روعة متكاملة إلا إنه فيها حتات بعذبني
(مرقت من جيب القميص تمباك وحب .. عرقي وأسف)
شوف بالله العبقرية في ربط التمباك بالحب والعرقي بالأسف
عمك صالح ود قنعنا لمن نهروهو وقالو ليه شد الحمار وانده سعاد قال :
(ما مهم شد الحمار إذا نهايتو نشوف سعاد)
طه المدرس ود خدوم قال لطلبته : (اكتبوا التاريخ خمستاشر سعاد أول)
__________
القصيدة كنت شبه حافظها وعندي ديوان الدوش نسخة ورقية .. مع الأسف النسخ الموجودة على النت فيها أخطاء كبيرة
بس ما بتساوي أي حاجة قدام خطأ الكابلي وتزويره لكلمات الأغنية بما يتناسب مع التوجه الاسلاموي للبلاد وقت غناءها
| |
|
|
|
|
|
|
|
|
|
Re: بناديها (Re: جلالدونا)
|
مشيتْ اتمشَّى فوق همكََ
وصلْني جوابك التاني
يحيض الغيم على سطوركَ
يقطِّر من سماكْ دمّك
بشوف في جوابك التانى
مُدُن مبنيّةْ متكيّهْ
بتمْرُق من شبابيكا عيون برموشَهْ مطفيَّهْ
شَرَك لي كُلِّ قُمريَّهْ
وأماني كتيرَهْ مخصيَّهْ
شوارع بالنهار والليل مدبّسَهْ بالحراميَّهْ
معلّقَهْ في صدور الناس
كلاب اسنانْها مبريّهْ
على مرِّ السنين
تحْسب شهور أيامها عِبريّهْ
| |
|
|
|
|
|
|
|
|
|
Re: بناديها (Re: عبدالحفيظ ابوسن)
|
هههههههههههه
احمد محمد عمر
وحات البنادو فيها دي ما شفت تعليقك دا الا اسسسعيتي
نعمل شنو ياخ الروتين والملل ورتابة الحياة.. احياناً تحتاج لشوية اكشن يكسرها شوية لكن بي وين
غايتو الله يسامح الحجازين ... قهموني
| |
|
|
|
|
|
|
| |
جلالدونا
عبدالحفيظ ابوسن
صديق مهدى على
mohamed karib
Sudany Agouz
Hamid Elsawi
Aamer Hussin
Nasser Amin
باسط المكي
عبدالعزيز الفاضلابى
Yousuf Taha
فيس بوك
تويتر
انستقرام
يوتيوب
بنتيريست