|
دعواتكم لزميلنا المفكر د.الباقر العفيف بالشفاء العاجل
|
|
 Re: تأشيرة خروج نهائي ( لزول كبير ) (Re: عبدالرحمن أحمد السعادة)
|
لك التحية .. اخي الفاضل عبد الرحمن سعادة ..
مشكور علي القصة التي اثارت انتباهي . حقيقة قريتها بكل اهتمام وقريت
فيها أشياء كثرة حتي ادمعت عيني . وتسألت يا تري كم توجد تأشيرة خروج
نهائي مثل هذه التأشيرة ولاناس كبار ؟
Quote: فقال الصدِّيق ببال مخطوف:
- ليس أمامي إلا الموت بها.
|
لو سمحت اخي سعادة ممكن تكمل القصة ؟ ولك الشكر .
****************
اللهم ارينا في رجال الإنقاذ
عظيم قدرتك عاجلآ غير اجلآ .
| |
 
|
|
|
|
|
|
|
|
Re: تأشيرة خروج نهائي ( لزول كبير ) (Re: مني عمسيب)
|
بت عمسيب حبابك ألف
لك أجزل الشكر على الزيارة.
-----
لقد تركت موقف هذه القصة لتأويل القاريء الذي ربما أكون قد شققت عليه وذلك ليس من أجل أن يُساءَ ولكن لقصر زمن القصة .
وقد تجدين يومًا ما قصة أخرى تجيب على ما يدور بخلد سؤالك مستقبلاً ولو لبطل آخر وقد لا تجدين إن لم أجد الفرصة.
تحياتي وتقديري
| |
|
|
|
|
|
|
|
|
Re: تأشيرة خروج نهائي ( لزول كبير ) (Re: عبدالرحمن أحمد السعادة)
|
Quote: أُبلِغ قبل ثلاثة أشهر بالاستغناء عن خدماته وعند اقتراب أجلها حدث نفسه قائلاً :
|
أخي عبد الرحمن
أسمح لي أن أدلف في هذا البوست من غير استئذان وكأنك عنيتني به
أخوك العبد الفقير إلى الله تم ابلاغه قبل خمسة أشهر ببلوغ السن القانونية للتقاعد
وفي تمام الساعة الواحدة والنصف ظهر هذا اليوم سيُقام حفل وداعي بعد خدمة استمرت 28 سنة بالتمام والكمال في هذه الشركة والتي بدأناها خمسة أفراد والآن يفوق عدد موظفيها وعمالها ثلاثة آلاف ..
مشاعر وأحاسيس متناقضة تنتابني فرح وسرور وسعادة حين أذكر أنني سأكون حراً طليقاً وحزن وأسى بأنني سافارق مكتبي الذي عشت فيه أجمل أيام حياتي ..
حقيقة لن أستطيع أن أسترسل في وصف مشاعري فهي مضطربة ..
وبعد ساعة ونصف سيكون حفل الوداع
وداع لبيئة عمل أصبحتُ جزءً منها وأصبحت جزء مني
وداع لزملاء أصبحوا أخوة وأبناء واسرة
وداع لسنوات عطاء أثمرت كثيراً والحمد لله
واستقبال لحياة يسميها البعض (موت قاعد)
لي عودة إن شاء الله
ويا مثبت العقل والدين ..
| |
|
|
|
|
|
|
|
|
|
Re: تأشيرة خروج نهائي ( لزول كبير ) (Re: عبد الوهاب المليك)
|
الأخ عبدالوهاب المليك
ألف مرحب وألف تحية
ادخل بسلام وأمن
كلماتك صادقة آسرة
كلماتي ذات الخيال تضعف أمام كلماتك ذات الحقيقة ، ولهذا أدعوك من أجل أن تكتب ما تود أن تقوله مما يجيش بنفسك.
واعلم أن تجربتك لا تمثلك أنت ولا غير وإنما تمثل كثيرين من أمثالك.
أسأل الله لك التوفيق حيث ما حللت
محبتي وسلامي
| |
|
|
|
|
|
|
|
|
|
Re: تأشيرة خروج نهائي ( لزول كبير ) (Re: عبدالرحمن أحمد السعادة)
|
الأخوان عبد الرحمن السعادة وعبد الوهاب المليك
والأخت منى عمسيب
كثر هم من يفكرون في هذه اللحظات
وهي لحظات لابد منها ... ولكن ما يجعلها صعبة على البعض
ونحن منهم أنها ستأتينا في الغربة
وقد لا يكون الخيار متاحا لنا لنبقى في غربتنا حيث أمضينا أغلب سني العمر
ولكنها الحياة يجب أن تستمر ورب قادم أجمل وأسعد
التحية والمودة لك أخي عبد الوهاب المليك وتمنيات بحياة تقاعدية مليئة بصالح الأعمال
والنجاحات على شتى الصعد
| |
|
|
|
|
|
|
|
|
|
Re: تأشيرة خروج نهائي ( لزول كبير ) (Re: جعفر محي الدين)
|
أهلاً وسهلاً بك أخي جعفر محي الدين
أشكرك كثيرًا على الزيارة
الظروف التي تحيط بالعديد من السودانيين في مغتربهم ومما يحدث في بلدهم تجعلهم غالبًا على غير استعداد لمصائر متوقعة.
أصلح الله بال الجميع وأسعد حالهم
مع خالص الود والتحايا
| |
|
|
|
|
|
|
|
|
|
Re: تأشيرة خروج نهائي ( لزول كبير ) (Re: عبدالرحمن أحمد السعادة)
|
الأخوان عبد الرحمن وأبو الجعافر
التحية والتقدير لكما ولكل القراء والمتداخلين
عدم الاستعداد لمصائر متوقعة هذا ديدننا نتناساه بعضنا عمداً وآخرون سهواً .. ومعظمنا يتشدق بـ (لكل مقام مقال ولكل حادثة حديث) .. نعم لكل مقام مقال ولكل حادثة حديث إلا في (الموت قاعد) .. بالذات أولئك الذين أمضوا عدة سنوات متواصلة في مكان عمل واحد يحتفلون سنوياً بأحد الزملاء المتقاعدين وهو يغادر مكان العمل .. ويشاركون وكأن هذا اليوم لن يمر بهم .. وبكل أمانة وبكل صراحة العبد الفقير إلى الله واحد من أولئك الناسين أو المتناسين ..
فقد كان احتفال يوم 20 أكتوبر على مستوى مجلس الإدارة والإدارة التنفيذية
واحتفال الأمس 21 أكتوبر كان على مستوى بقية الزملاء والموظفين
هذان الاحتفالان كانا بمثابة حقنة الافاقة من غيبوبة النسيان أو التناسي التي سدرت فيها...
فقد أفقت اليوم 22 أكتوبر على واقع جديد ..
يعني وقع الفاس في الراس ..
بس أهمممممم حاجه مافي قلق من التأخير على الدوام .. والمنجز وغير المنجز من الواجبات والمهام ..
وحيث أنه واقع جديد لحياة جديدة فمن الصعب الكتابة عنه قبل أن تسري حقنة الافاقة في العروق ونقعد ونفكر ونروق ..
ولي عودة بمشيئة الله عن نوعية المتقاعدين طبعاً دفعة والحمد الله ..
يا مثبت العقل والدين ..
| |
|
|
|
|
|
|
|
|
|
Re: تأشيرة خروج نهائي ( لزول كبير ) (Re: مني عمسيب)
|
صاحب البوست وضيوفه الكرام
عدنا والعود أحمد ،،
فاضين .. ورانا شنو ؟؟
قلنا المتقاعدون نوعان ..
الأول شخص لديه وظيفة في وطنه ولتحسين ظروفه المعيشية اغترب .. وسنوياً يجدد إعارته ويسدد التزاماته المعاشية .. وحين يعود بعد عمر طويل يجد لديه معاش يكفيه باقي عمره وشوية فكة تمثل مستحقات نهاية الخدمة يمكن استثمارها في مشروع .. (ديل ما نحن) ..
الثاني شخص ليس لديه وظيفة في وطنه أو لديه وظيفة لكن ما جايبه همها .. تحصل على عقد عمل .. ليس مهم كيف تحصل عليه .. اشتراه .. رسلوه ليه .. المهم حرق مراكبه في وطنه وتأبط عقده ويا غربه جاك زول .. (ديل ناس العبد لله) .
النوع الأول يمثله زميلي منصور اسماعيل منصور .. من جيل الثمانينات .. جمعتني به زمالة العمل في شركة بريطانية .. عرفت أنه كان يعمل موظف بوزارة المالية بمصر .. تحصل على عقد عمل وتقدم باجازة (إعارة) وسنوياً عليه التزام يدفعه في وطنه عند تمتعه باجازته مبلغ مقطوع ليس فيه مساهمة وطنيه ولا دعم قوات مسلحة ولا دعم سلام ولا رسوم فضائية وهلمجرا ..
منصور في احدى إجازاته السنوية وجد شقق بالاقساط .. كان سعرها وقتها حوالي 35 ألف جنيه مصري .. توكل على الحي الذي لا يموت ودفع القسط الأول ومضت الأيام والسنوات وانتهت الأقساط وتملك عمنا منصور شقة في مدينة القاهرة .. وكانت هناك محلات تجارية في المنطقة أيضاً بالاقساط واشترى محل تجاري (فقط بي 8 ألف جنيه مصري) وفتحه مكتبه .. (مكتبة آر ام R and M) الأحرف الأولى من أسماء بناته (ربنا يحفظهن) ..
دارت الأيام وعمنا منصور يفكر في تأثيث الشقة .. بعضاً منه اشتراه من جدة والبعض الآخر اشتراه من القاهرة .. وبعد ثلاثة أو أربعة سنوات عمنا منصور نزل في شقته الخاصة ...
مضت السنوات وأصبح عمنا منصور يتأخر في العودة من شهر الإجازة ويزيد عليها أسبوع .. عشرة أيام .. وقتها سألته عن سبب التأخير قال لي أنه يقضي وقتاً طويلاً في المكتبة يوسع في خدماتها ويزيد من محتوياتها .. وحين جاء اسمه في قائمة المتقاعدين كاد يطير فرحاً .. عملنا له الحفل المعهود .. وكانت لحظات الوداع .. وسافر أخونا أو عمنا منصور إلى قاهرة المعز ..
وبعد اسبوع اتصل يطمئنني على صحته وأوضاعه ..
عدت إلى عملي بوزارة المالية .. بركب نفس خط الترماي أو البص الذي كنت أركبه قبل ثلاثين سنة وافطر في نفس كشك الطعمية الذي كنت أفطر به فقط الذي تغير أن الأسعار زدات ملاليم وقروش شوية (ليس جنيهات) .. ويعمل جاهداً لتصفية تقاعده من وزارة المالية ليتفرغ للعمل بالمكتبة فقد وجد فيه متعة ما بعدها متعة ..
هذا مثال للنوع الأول من المتقاعدين ودعونا نطلق عليه (عش واقف) ..
أما النوع الثاني (موت قاعد) من فئة طارق بن زياد والذين يمثلهم العبد الفقير إلى الله برجع ليه إذا أمد الله في العمر ...
ويا مثبت العقل والدين ..
| |
|
|
|
|
|
|
|
|
|
Re: تأشيرة خروج نهائي ( لزول كبير ) (Re: عبد الوهاب المليك)
|
مغذرة أخي عبد الرحمن لاحتلال البوست ..
انت الفتحت شهيتي للكتابة
صاحبي منصور كان مجتهد في عمل لوحة المكتبة والـ R و الـ M ديل طلع روحهم مرة فوق ومرة تحت ومرة مش عارف كيف والشكل دا أحلى ولا دا .. معظم ساعات الدوام منصور مشغول باللوحة .. في الآخر طلبت منه يروق المنقة شوية ويدي الخبز لخبازه واستعنا بالله ثم بأخونا عبد الرحمن يوسف خريج معهد الفنون الجميلة وفنان الخط العربي بجريدة عكاظ ومصمم كلمة (عكاظ) الموجودة بالجريدة حتى يومنا هذا قبل ظهور الخطوط بالكمبوتر .. وفعلاً قام بتصميم لوحة عيني بااارده عليها ..
اجتهاد صاحبي منصور حرك في نفسي بعض السكون والجمود الذي أعيش فيه .. وتعلمت منه أنه لازم الواحد يلتفت لي روحه شويه ويعمل حساب لي مستقبله (كما قال عادل إمام في مسرحية مدرسة المشاغبين) .. لكن كيييييف ؟
منصور أمه وزوجته وبناته وبس واللي يعوزه البيت يحرم على الجامع .. ماسك ومكنكش فيها وعاضي عليها بالنواجذ ..
أما العبد الفقير إلى الله واللحمة الأسرية والاجتماعية التي قل أن تجدها في غيرنا .. وناس أنا عايز أعرس دايرك ترسل لي الشيلة .. أنا في شهري الثامن دايراك ترسل لي الريحة .. أنا مش عارف ايه عايزك تعمل ايه .. والعمم والشالات والثياب والهدايا الموسمية .. (زميل البورد أسامه سنجاوي تعال مارق على البوست دا واحكي لينا قصة العمم الما لابسه فوق راسك) .. دا الفرق بيني وبين منصور .. حق الجامع نكمله دين وسلف ..
بعدين يا حبايب ما تنسوا منصور لي وقتنا دا أعتقد انهم بتعاملوا بقرش تعريفه والأسعار عندهم شبه مستقرة وإن زادت بتزيد زياده مقدور عليها .. لكن ناس نحن .. تفكر تشتري قطعة أرض .. تمشي شايل قروشك تنقص شوية .. تقول خلاص الاجازة الجاية أكمل الناقص .. تجي السنة الجاية تلقى السعر تضاعف .. تجري وراء الأسعار لما نفسك ينقطع ..
فكرت قلت أعصر نفسي شوية وأعمل لي مشروع يدر على عملة محلية تساعدني أسوة بمكتبة صاحبي منصور .. أسست أكاديمية المليك لعلوم الحاسوب في عام 2001م اشتغلت عال العال والتقارير المالية التي تصلني بالايميل أسبوعياً جعلتني أحلق بعيداً بخيالي وقلت خلاص قربت أكون زي منصور ..
وبعد عام وفي احدى الاجازات وأنا داخل على الاكاديمية وسارح طيلة الطريق في أحلام زلوط وشواطيء الاسكندرية ولا شرم الشيخ لما أمشي لي صاحبي منصور.. لقيت جماعه معاهم شرطي شايلين جهاز من المحل والشباب يحنسوا فيهم .. قلت ياربي ديل ناس الأمر بالمعروف والنهي عن المنكر شالوا الجهاز لقوا عليه حاجات ما كويسه ولا شنو ؟ لقيتهم ديل ناس الزكاة قالوا المحل ما دفع الزكاة .. يا جماعة انتوا ما قاعدين تدفعوا الزكاة ؟ الزكاة دي بتزكي المال وتعدل الحال .. قالوا لي ياخي فترنا ندفع لناس الزكاة وندفع للمحلية وندفع للضرائب وندفع للنفايات وندفع وندفع .. فترنا عدييييييل .. والحل ؟؟؟ قالوا الحل عندك .. وهسه عندنا متأخرات ايجار .. قلت ليهم انتو فيكم زول عايز مني حاجة ؟ قالوا يعني .. فهمت يعني دي .. قلت ليهم طيب أقفلوا الباب .. وقفلنا الباب .. وبدأ الحساب والعتاب ورحلة العذاب وتجرعت مرارة الفشل ووأد الأحلام وكانت تجربة فاشلة بكل ما تحمل الكلمة من معان .. وحملت أحلامي وعدت بها متلفعاً بالليل والصمت ..
ولي عودة ..
| |
|
|
|
|
|
|
|
|
|
Re: تأشيرة خروج نهائي ( لزول كبير ) (Re: عبد الوهاب المليك)
|
هنالك المتقاعد المحظوظ
وهو الذي يدخل مرحلة التقاعد وحياته مكتملة من ما جميعه .. بيت مبني أيام كان طن الأسمنت بـ 25 جنيه .. (ما تسرحوا بعيد الكلام دا حتى 1994م) مكتمل ومؤثث وظل الأشجار أمامه باااارد يرد الروح .. والسيارة واقفه قدام الباب أو تحت الشجر .. والعيال اكملت تعليمه الجامعي .. والعرست عرست والشغال شغال والاغترب اغترب والهاجر هاجر .. وفضلوا هو وأم العيال يتبادلان المهام .. أديني كيس الدواء دا معاك .. جيب لي معاك موية النبلع الحبة دي .. يا بت المكيف دا بارد تعالي اقفليه الرطوبة الجينا بيها من الغربة ما خلتنا نتهنا بيه .. يا بت افتحي الباب (البت الشغالة طبعاً) .. بابا .. شيه هسن .. (شيخ حسن) طيب أنا قاعد برا مع شيخ حسن خليها تجيب لينا القهوة .. الخ الخ ..
زي صاحبنا دا بكون التقاعد جاهو زي أكله فوق شبعه .. (نو بروبلم) ويقضي وقته كله مع ناس شيخ حسن وباقي شلة الجيران القريبين منه والمعارف العملوا الدرب ساساقه .. سلام بلا غرض طيبين بلا مرض .. وهو ذاااته بعد شوية ببقى شيخ .. وتظل حياته رطبة مرطبه زيادة على الرطوبة الفي الجسم (دخان الطلح ما يمرقه) إلى أن يأخذ صاحب الأمانة أمانته ..
أما شقي الحال الما محظوظ بنرجع ليه ..
| |
|
|
|
|
|
|
|
|
|
Re: تأشيرة خروج نهائي ( لزول كبير ) (Re: عبدالرحمن أحمد السعادة)
|
لك التحية أخى السعادة ولبوستك الجميل والمفيد والتحية لأخونا المليك ألأعطانا التجربة المعاشة حقاً...| Quote: هنالك المتقاعد المحظوظ وهو الذي يدخل مرحلة التقاعد وحياته مكتملة من ما جميعه .. بيت مبني أيام كان طن الأسمنت بـ 25 جنيه .. (ما تسرحوا بعيد الكلام دا حتى 1994م) مكتمل ومؤثث وظل الأشجار أمامه باااارد يرد الروح .. والسيارة واقفه قدام الباب أو تحت الشجر .. والعيال اكملت تعليمه الجامعي .. والعرست عرست والشغال شغال والاغترب اغترب والهاجر هاجر .. وفضلوا هو وأم العيال يتبادلان المهام .. أديني كيس الدواء دا معاك .. جيب لي معاك موية النبلع الحبة دي .. يا بت المكيف دا بارد تعالي اقفليه الرطوبة الجينا بيها من الغربة ما خلتنا نتهنا بيه .. يا بت افتحي الباب (البت الشغالة طبعاً) .. بابا .. شيه هسن .. (شيخ حسن) طيب أنا قاعد برا مع شيخ حسن خليها تجيب لينا القهوة .. الخ الخ ..زي صاحبنا دا بكون التقاعد جاهو زي أكله فوق شبعه .. (نو بروبلم) ويقضي وقته كله مع ناس شيخ حسن وباقي شلة الجيران القريبين منه والمعارف العملوا الدرب ساساقه .. سلام بلا غرض طيبين بلا مرض .. وهو ذاااته بعد شوية ببقى شيخ .. وتظل حياته رطبة مرطبه زيادة على الرطوبة الفي الجسم (دخان الطلح ما يمرقه) إلى أن يأخذ صاحب الأمانة أمانته ..أما شقي الحال الما محظوظ بنرجع ليه .. |
| |
|
|
|
|
|
|
|
|
|
Re: تأشيرة خروج نهائي ( لزول كبير ) (Re: عمر دهب)
|
تحية لك أخي حماد الطاهرأشكرك على المشاركة القيِّمة.أكثر مستطيعي ما أتيتَ به يتمنونه ولكن ربما يمنعهم منه عجز الثقة، ورب مسافرين لا يملكون حتى استطاعة السبيل إلى العودة، وهؤلاء عودتهم قد تكون بعودة بلادهم، وآخرين زاهدين فيه مما يجري. مع خالص الود
| |
|
|
|
|
|
|
|
|
|
Re: تأشيرة خروج نهائي ( لزول كبير ) (Re: الحاج حمد الحاج)
|
قصة رائعة من واقع الحياة وتعكس ناموس الكون والشئ الذي لا بد منه...
ولكن لفت نظر قول حماد الطاهر:: الا التقاعد ما تتشاءموا منه""
تذكرت هذه الجملة وانا اقرا لذكريات موظف امريكي وقال ان الامريكان
يشعرون ان حياتهم الحقيقية تبدا بعد النزول للمعاش، والاستمتاع بالحياة
تبدا بعد سن التقاعد، لانهم وفي غمرة حياتهم العملية اليومية لم يكن لديهم
الوقت لاسرهم ولاولادهم ولا النظر والتمعن في جمال الكون والطبيعة ولا قراءة
المفيد الممتع وانهم يشعرون انهم كانوا مقيدين بسلاسل روتين العمل اليومي
ولا مجال حتى للتفكير ،،،والذكريات جميلة تعكس بالضبط قول حماد الطاهر ::
الا التقاعد ما تتشاءموا منه"".
واذا اسعفني الوقت ومساعدة الصديقات فسوف احاول ترجمة ملخص الكتاب ،،،
فهو يصب في لب هذا البوست..
ودمتم بالف خير وصحة وعافية وحياة معاشية مليئة بالحيوية والنشاط ،،
| |
|
|
|
|
|
|
|
|
|
Re: تأشيرة خروج نهائي ( لزول كبير ) (Re: الحاج حمد الحاج)
|
التحية لك اخي الاستاذ عبد الرحمن احمد السعادة على هذا البوست المريح الجميل كما اهدي تحاياي ايضا للاستاذ عبد الوهاب المليك لاثراءه البوست بهذه التجربة وهذا السرد الجميل والتحية لكل من مر من هنا .
ومن الملاحظ ان البوست قديم ويكاد يكون حال عليه الحول فما اجمل هذا المنبر الذي يخلد لنا تلك الايام وتلك الاحرف وتلك الذكريات ,,, فاتمنى ان يكون الاخ عبد الوهاب المليك قد وفق في تقاعده وان يكون اخونا عبد الرحمن قد وفق ايضا في تقاعدة وها هو العام يمضي وليتهم يرجعون لهذا البوست ويكتبون عن ما حصل لهم بعد مرور عام على هذا البوست ...
في انتظارهم اذا امد الله في الاجال ...
تحياتي : ياسر العيلفون .....
| |
|
|
|
|
|
|
|
|
|
Re: تأشيرة خروج نهائي ( لزول كبير ) (Re: الحاج حمد الحاج)
|
بوست جميل أخ عبد الوهاب
وهو يجهز العديد منا لمرحلة لا بد منها
مرحلة الراحة في التقاعد ... وتخطيط مسبق دقيق وعالم بخفايا الأمور
حركات الموظفين والحزب الحاكم في الجبايات والاستنزاف
حركات ضرورة وجود نقاطة مهمة تدبير الحياة وحاجة إنتاجية كدا
لك التحية
أحمد الشايقي
| |
|
|
|
|
|
|
| |
مني عمسيب
عبد الوهاب المليك
جعفر محي الدين
ismeil abbas
حماد الطاهر عبدالله
محمد حيدر المشرف
الحاج حمد الحاج
ياسر السر
فيس بوك
تويتر
انستقرام
يوتيوب
بنتيريست