|
|
 قاعدة سودانيز أون لاين لصور أعضاء المنبر ...خلونا نشوفكم قبل مانموت ...!!!
|
06:27 AM March, 18 2016 سودانيز اون لاين
ملهم كردفان-الإسكندريه
مكتبتى
رابط مختصر كنت أتحرق شوقاً لرؤية صور بعض الأعضاء وصاحبات السمو...ومازلت ...!!!وعندما إنتقل الخالدى لجوار رب العزه ....زاد شوقى لمعرفة ملامح الرجل فهلا تكرمتم بإدراج صوركم فى بروفايلاتكم أو هاهنا يامن لانعرف لهم ملامح ... ولن ننتقص من خلق الله المبدع البديع أحسن الخالقين تحليه صور المعروفين أنا فخور بى إنى شفتهم من خلالها من السيد بكرى أبو بكر لحدى آخر عضو شرفنا بطلته هاهنا ومن يري غير ذلك نلتمس له العذر ... لكننى لا اتمنى ان أرحل من الدنيا دون أن أرى بعض الذين لهم مكانتهم المقدره فى دواخلى
|
|
 
|
|
|
|
|
|
|
 Re: قاعدة سودانيز أون لاين لصور أعضاء المنبر . (Re: sadig mirghani)
|
مقترح أكثر من رائع .. نُثني ونشد من أزره. حتى (بعض) صور المناسبات تنزل بدون أسماء بالرغم من أنه الواحد بحاجة لمعرفتهم. اللهم أرحم وأغفر للأخ/ الخالدي وجميع موتانا وموتي المسلمين. نسألك اللهم حسن الخاتمة والعفو والعافية فى الدنيا والآخرة. تحـــياتي يا دفعة.
| |
|
|
|
|
|
|
|
|
|
Re: قاعدة سودانيز أون لاين لصور أعضاء المنبر . (Re: الطيب عباس)
|
أوووو تيتاوى ياخألف أف مرحب بيك يادفعه ...
| Quote: مقترح أكثر من رائع .. نُثني ونشد من أزره. حتى (بعض) صور المناسبات تنزل بدون أسماء بالرغم من أنه الواحد بحاجة لمعرفتهم. اللهم أرحم وأغفر للأخ/ الخالدي وجميع موتانا وموتي المسلمين. نسألك اللهم حسن الخاتمة والعفو والعافية فى الدنيا والآخرة. تحـــياتي يا دفعة. |
البوست ده بالله شد من أزره براحه ياخى مايقوم قميصو ينشرط ومعاك فى انو البينزلو صور المناسبات لازم يختوا تعاريف جمب الوجوه الضحاكات .... ورحم الله الخالدى ورحم كل من فقدنا من اهلنا واحبابنا ياصديقى بس كمان ماتاكلنا حنك .....خت صورتك بتاعت امبارح دى عشان نحنا أولاد النهارده وكده 
| |
|
|
|
|
|
|
|
|
|
Re: قاعدة سودانيز أون لاين لصور أعضاء المنبر . (Re: ملهم كردفان)
|
ملهم يا صاحبكيف حالك وأحوال غايتو انا للضمان كدا حا ارسل ليك نسخة في الخاص تحتفظ بيها في مكان امين اصلا الموت ما معروف بس لو ربنا قدر واحتجتا ليها قول لاخونا بكري ..بلاش الفوتوشوب الكئيب دا Grayscale in Photoshop يخليها بنفس فرايحيتها...مش كفاية علينا الموت
| |
|
|
|
|
|
|
|
|
 Re: قاعدة سودانيز أون لاين لصور أعضاء المنبر . (Re: ملهم كردفان)
|
| Quote: ملهم يا صاحب كيف حالك وأحوال غايتو انا للضمان كدا حا ارسل ليك نسخة في الخاص تحتفظ بيها في مكان امين اصلا الموت ما معروف بس لو ربنا قدر واحتجتا ليها قول لاخونا بكري ..بلاش الفوتوشوب الكئيب دا Grayscale in Photoshop يخليها بنفس فرايحيتها...مش كفاية علينا الموت
|
دكتور أسامه مرحب حبابك ألف ياحبيبنا خلى الفوتوشوب على وانا هأطلعك أمر ......وهأوضب الحكاية اوى اوى أوى .... ربنا يديك طول العمر وتتهنى بى وليداتك ياصاحبى
| |
|
|
|
|
|
|
|
|
|
Re: قاعدة سودانيز أون لاين لصور أعضاء المنبر . (Re: عثمان عووضة)
|
Quote: ود المدير ياخي معليش انا كنت بهظر معاك ساكت
امنت بالله
ياخي انت مجرم حرب عديل كدي بي صورتك دي
انت كنت بتلعب ملوص مع الجماعة الكانو في ميدان ابو جنزير ديلك؟
ياخي
تاني امنت بالله
يمين لو شفت صورتك دي من زمان كنت اتكل في الحيطة حتی اسلم علیک |
ياخ لي زمن ما ضحكته
| |
|
|
|
|
|
|
|
|
|
Re: قاعدة سودانيز أون لاين لصور أعضاء المنبر . (Re: مني عمسيب)
|
ألفين وسلام وتحيه ليك يامنى فى يوم عيد وكل سنه وانت طيبه
| Quote: لهوم الخاتي اللؤم ... سلام واحترام ليك وضيوفك الطيبين .. بفتش زول يصورني بالتوب عشان الطالبين الزي السوداني . ونفسي اشوف صورة ... فدوي الشريف . |
امشى فى شوارع هولندا دى وانتى لابسه توب الخواجات براهم بيصوروك ويدوك نسخصه يامنى اعملى بى كلامى ده حتخلى شوارع هولندا دى دى كلها واقفه على كراع واحده ... واختارى احلى صوره وجيبيها احلى تحيه يامنى
| |
|
|
|
|
|
|
|
|
 Re: قاعدة سودانيز أون لاين لصور أعضاء المنبر . (Re: معاوية المدير)
|
ألف ألف مر بالحبيب الطاهر الطاهر ....ياما فى ناس وسيمين وتصرفاتهم تصرفات لاعلاقه لها بالجمال ويامما فى ناس جمال روحهم كأنو قطعة من الجنه وكل فوله وليها كيال ومنو البقدر يغير خلقة الله ... ومنو ده العيان ده البينتقد شىء ماعندو فيهو يد يازول نزل صورتك وقشه ماتعتر ليك هذا مع أكيد احترامى وتقديرى تحليه جراح التجميل مابيقدر يجمل أخلاق منحطه
| |
|
|
|
|
|
|
|
|
|
Re: قاعدة سودانيز أون لاين لصور أعضاء المنبر . (Re: عمر عثمان عبد الوهاب)
|
| Quote: هشااام عباس وين الحى بيك ياخى ليك مده مختفى من المنبر الف الف مرحب بيك واشكرك على المطايبه .. بس ألحقنا بي صوره تفاصلها وااااضحه زى عين الشمس ماتكون بكسليتد بالله احترامى |
حبيبنا والله الشوق اكتر ونتحدى مررت بوعكة صحية فى الفترة الماضية لكن الحمد لله الان بلغنا الصحة ودا كان سبب الغياب بالنسبة للصورة اتفاجات انى ما عندى صور كتيرة بالجلابية لكن تلبية لرغبتك نخت ليك صورتين انت شوف ايهما تفاصيلها اوضح ههههههههه
| |
|
|
|
|
|
|
|
|
Re: قاعدة سودانيز أون لاين لصور أعضاء المنبر . (Re: Fatima Alhaj)
|
ألف ألف مرحب يافاطمه الحاج ...كل سنه وانت طيبه ياستهملو انتى أم ولو لسه يارب السنه الجايه تبقى ام ....
| Quote: الناس الشينين كيف ..؟ أنا نفس شعور أخوي الطاهر..ههههه |
كل فوله وليها كيال ....والمرأه الجميله متعبه جدا جدا بالذات لمن تكون جميله وروشا ... جمبي مصرى كان متزوج واحده يمين بالله الناس بشاغلوها وهو ماشى معاها قمر نزل الارض قام طلقها واتزوج واحده عاديه سألتو شنو الحكايه يا أبو الشباب قال والله أنا من الغيره والقلق حياتى انهارت معاها عشان كده طلقتها واتزوجت دى ده غير انها بتقضى اليوم كلو قدام المرايه ومحلات التجميل وفى التسوق والناس بياكلوها بعيونهم اكل قال لى تصدق انا لمن اتزوجتها كانت معصعصه ومافيهاش حتة لحمه ومش ملفته للنظر خالص خالص أما دى فالحمد لله محدش ببصلهااااااا كل فوله وليها كيال يافاطمه  والجمال الداخلى على فكره لايقهر ... التدين المعتدل والالتزام الحشمه الاحترام الفهم العالى الطيبه الاصاله ديل كلهم انا عندى اهم من موناليزا أما إذا بقيتى ذات ماااال ... أو قرين كارد فأعلنى عن ذلك يمين بالله سناقل المنبر ده يجوك العميان شايل المكسر 
| |
|
|
|
|
|
|
|
|
|
Re: قاعدة سودانيز أون لاين لصور أعضاء المنبر . (Re: محمد حيدر المشرف)
|
الف الف مرحب حبيبنا الدكتور الجنتل محمد المشرف بصراحه اخدت ضحكتى لمن الحيطان ذاتها ضحكت معاى
| Quote: ههههههههههههه .. فاتح سودانيزاونلاين في المستشفي .. زميلي المصري شاف صورة ود المدير .. قال لي: الراقل ده زعلو حيكون وحش اوي سلامات يا ملهم يا فنان .. والتحايا موصولة لقريبي ودالمدير ...
|
ياشماتة ابله ظاظا فيك وكما ابله فاهيتا وحبوبة صلاح غريبه ذاتا  الله يسلمك يادكتووور مشرف
| |
|
|
|
|
|
|
|
|
 Re: قاعدة سودانيز أون لاين لصور أعضاء المنبر . (Re: معاوية المدير)
|
| Quote: ود المدير غايتو تكون واحد من اتنين يامدرس فيزيا يامدرب ملاكمه هههههههههههها الصلعه زاتا ماوجاهه ياخ |
مُش بالله ؟، وجاهة ساكت !، العجب اللتي دي زينة وعاجباني . يا عمر ياخي فيزية شنو كمان ؟، انا جني ؤُ جن الحاجات الفيها اللصفار واللرقام، زمان في الرياضيات صفري دا بكون خاتيهو في جيبي، اما كان للملآكمة واحدة من رياضاتي المفضلة . مرّة في السينما الوطنية في عطبرة شاكلت لي وآحد، انا قاعد في الكنبة ؤ هو واقف جنبي ؤ ينبح فجأة كبسني بونية . بالله بونيتو زي المسمار، ياخي انا يمكن شهر بشوف لي دائرة بيضا قدامي من الوآطة تمغرب . سلآم يا عمر، ؤُ شكراً يا معجب ...
| |
|
|
|
|
|
|
|
|
|
Re: قاعدة سودانيز أون لاين لصور أعضاء المنبر . (Re: معاوية المدير)
|
| Quote: ههههههههههههه .. فاتح سودانيزاونلاين في المستشفي .. زميلي المصري شاف صورة ود المدير .. قال لي: الراقل ده زعلو حيكون وحش اوي سلامات يا ملهم يا فنان .. والتحايا موصولة لقريبي ودالمدير ... |
ههههههههههههه، يا قريبي عاين جاي اللوصيك ؤُ وصيتي دا لا ترميها وآطة، المصري المطموس دا تخليهو غافل ؤُ تجي بوراهو بالرااااااحة ؤُ وآآآآآآآآه تخلعو لآمن ينُط . بلآ ياخدوا داير يسحرني المسنوح ...
| |
|
|
|
|
|
|
|
|
|
Re: قاعدة سودانيز أون لاين لصور أعضاء المنبر . (Re: Fatima Alhaj)
|
ألف ألف مرحب بيك ياعثمان موسى ...,وين الحى بيك ياحبيبنا...
| Quote: تب ما ح نخليك تموت سلامات يا مك وعلك رايق ومرتاح |
الله يسلمك ياعثمان اها والله انا كده يادوب رقت وارتحت لمن ظهرت وكمان انبسطت اكتر لمن لقيت مطايبتك دى الله يديك العافيه ويحفظك ياحبيبنا بس بالله صوره كرت كرتوووونه يامان
| |
|
|
|
|
|
|
|
|
|
Re: قاعدة سودانيز أون لاين لصور أعضاء المنبر . (Re: ملهم كردفان)
|
ألف ألف مرحب ياعمار مكىماقصرت تب بس كنت تدينا واحده بروفايل ومن غير نضاره
| Quote: اضفنا صورة الفيسبوك :) |
يديك العافيه ياعمار ................ هشام عباس كيفنك ياخ وحقيقى تستاهل ياحبيبنا .............. الطيب عباس كيفن ياحبيب بالله صوره بالكاس بتاع الحجامه بالذات لمن يكون فى العنقره ...... فاطمه الحاج ياستهم وين الامانه ....ماتتأثرى بكلام المغرض داك وتصدقى انك شينه 
| |
|
|
|
|
|
|
|
|
|
Re: قاعدة سودانيز أون لاين لصور أعضاء المنبر . (Re: Hassan Makkawi)
|
ألف ألف مرحب ياحسن مكاوى
| Quote: هاك يا ملهم ما لقيت غيرها.... ومافى واحد يتلامض يقول شن لقينا من وشك لامن نلقى من قفاك.... |
مافى زولا بتلامض معاك تب بس بينى بينك شن لقينا من قفاك ؟؟؟..شوفلنا واحده بي وشيك المساله مسألة ثقه واعتداد بالنفس ياحسن ياخ... ادينا ملامحك الشينه دى ونحنا راضينبها 
| |
|
|
|
|
|
|
|
|
|
Re: قاعدة سودانيز أون لاين لصور أعضاء المنبر . (Re: ملهم كردفان)
|
أسامه الإمام .....شنو مطنش ياخى بعين لقطة الأسره الحجريه الفى بروفايلك دى مالافقه معانا 
جيب بتاعت الصلعه .... زمان فى واحد معقد من الصلعه شديد ياخى أها مشى السفاره عشان يطلع جواز بدل فاقد ودى ليهم صوره وهو لابس شال ولافيهو زى الضماده الطبيه باللون الأسود الجماعه قالوا ليهو صور الجواز لايمكن تكون كده لازم الراس يكون كاشف ... حمبك حمبكه شديده خلاص .. اها فى النهايه اقتنع واتصور بالصلعه وطلع الجواز بس لبدو مننا
| |
|
|
|
|
|
|
|
|
|
Re: قاعدة سودانيز أون لاين لصور أعضاء المنبر . (Re: جلالدونا)
|
ملهمنا يا حبيب وانا بقوقل لصورة بالبلدي لاقتني الصورة دي 
من البوست التالي مباشر بالصور من الكدرو .. بورداب الخرطوم وضيوفهم ومفاجآت اهداء لطارق جبريل مباشر بالصور من الكدرو .. بورداب الخرطوم وضيوفهم ومفاجآت اهداء لطارق جبريل جرت دموعي وانا أرى صور الراحل كبيرنا و أخونا و حبيبنا العوض المسلمي, و عادت بي الذاكرة لهذا الجمع المبارك و اللقاء اللطيف لعدد كبير من البورداب و التي كان له قصب السبق في الدعوة لها و القيام بأمرها ألا رحم الله عبده ابن عبده ابن امته العوض المسلمي رحمة واسعة و غفر له وادخله فسيح جناته و كذلك لو دخلت الرابط سترى صور العديد من الزملاء معظمهم طال غيابه عن المنبر ننتهز الفرصة ونوجه لهم التحايا و الأشواق على البعد ويا ود المدير فتشت ما لقيت صورة واضحة بالصلعة فا قلت أبرّك بي دي بالأفرنجي أخدتها لي توتا 
| |
|
|
|
|
|
|
|
|
|
Re: قاعدة سودانيز أون لاين لصور أعضاء المنبر . (Re: معاوية المدير)
|
| Quote: هههههههههههه، بالله نقشتو كيف ؟، غايتو نجيض جِنِس نجاض !... |
ههههههههههههههههه الفيلة دايرة ليها رفيقة ماعندك مشكلة انا عارف ايدك ماكلاك علي الصورة العندك نقول ليك بالفم المليان بيييييييع،،،،،لو دا بحل ليك مشكلتك،،،كصلعابي وحيد حتي الان ما برضينا تقعد ويحيد ياخ
| |
|
|
|
|
|
|
|
|
|
Re: قاعدة سودانيز أون لاين لصور أعضاء المنبر . (Re: اسامة الامام)
|
التعليق جه رد على مداخلة محمد البشرى الخضر والبوست الفرعي المعنون:" مباشر بالصور من الكدرو""وقرات هناك قصيدة عمرو بن كلثوم:: والتي اتى بها ذو اليد سليمان ملانا البر حتى ضاق عنا ....وماء البحر يملؤه سفينا اذا بلغ الفطام لنا صبي.......تخر له الجبابرة ساجدينا ...والله قصيدة بليغة بالجد.....وهسع ماشة اقوقل عمرو بن كلثوم عشان اشوف قصائد ثانية .... وشكرا ذو اليد..وشكرا محمد البشرى... وبالمناسبة رحلتكم كانت رحلة.....بس ما تقولوا لي الرحلة دي كانت في عهد عمر البشير... ..وشكرا ملهم كردفان..وملهم السودان... انا جهزت الصورة ولكن التكنلوجيا عندنا ضعيفة...لرفع الصورة وحننتظر عبد المنعم سيد احمد يجي يشرح لينا ..ونسال الله له الشفاء العاجل.... والله يديكم الصحة والعافية....
| |
|
|
|
|
|
|
|
|
|
Re: قاعدة سودانيز أون لاين لصور أعضاء المنبر . (Re: ناظم ابراهيم)
|
احمد علاء الدين - بتذكرني محس بدين الفقريين العكاليت ديلك- بس وجيه واتا صاري وشيك
محمد حيدر المشرف- بصراحة كده بسحروك ياجنه- والبلدي فيك خايل ومقعد -مويه ونار ماشاءالله
محمد البشري الخضر- ناس بحري الدايما وجاهة وحلوين وشخصنه ومافي كلام-قدم للمعتمديه ونحنه معاك
ناظم - الشنب ماعندك لكن-بس الضحكه التهكميه دي اتا الميت القاعد في صيوانو ده طالبو مغسه
حسن مكاوي صائد التماسيح في الترع - بدون تعليق
ملهم كردفان دي مشاغلات خفيفه لي اي زول ينزل صورتو في بوستيك ده
كما نطالبك شخصيا بتنزيل صورتك بالبلدي وبدون كسكته
| |
|
|
|
|
|
|
|
|
|
Re: قاعدة سودانيز أون لاين لصور أعضاء المنبر . (Re: معاوية المدير)
|
الطيّب عباس، شكلو نوع الناس الزمااااان زمن السبعينيات بيمشو يقروا
في اوروبا لآمن يجو في اللجازات .
الزبير الختمي، شكلو زي المدرسين خريجين الأزهر المعتقين بتاعين القفاطين .
الدسيس، عضو برلمان النوع البيضرب صرفة السُكر دآك .
الطاهر الطاهر، لا لون له ولا رائحة ولا شئ .
منى عمسيب، ناظرة مدرسة من الضهاري .
احمد علاء الدين، فنان حقيبة، يعني زي ميرغني المأمون واحمد حسن جمعة كدا .
هشام عباس، سواق قُندُرآن .
عبد الله حسين، بتاع امن النوع الغتيت .
عادل عبدالعزيز عبد الرحيم، ينفع يكون صلاح إدريس .
عبدالحفيظ حسن، عميد معاش .
محمد حيدر المشرف، مخزنجي عتيق .
Ammar Makki، نشال .
Hassan Makkawi، حلآق النوع البعلق المرآية في النيّمة .
جلالدونا، سمسار النوع البفكليك 60 طلآق في الدقيقة دآك .
ود البشرى، بتاع مقايطات النوع التجيب ليهو لوري عِصِي يقايطك بريش نعام .
ناظم ابراهيم، جزار والنوع البيجي يفرتك الحفلآت دآك .
صاحب آخر صورة، سوآق دفار .
| |
|
|
|
|
|
|
|
|
|
Re: قاعدة سودانيز أون لاين لصور أعضاء المنبر . (Re: اميرة السيد)
|
التحيه لكل أصحاب الفخامع وصاحبات السمو
....
شكرا معاويه لهذا النشاط المحبب فى الفجه دى
بالله لو انا غبت والا متا البوست ده فى عهدتك
....
فاطمه الحاج عاينى لى صلعة دكتور اسامه دى عليك الله ماصلعه وجييييهه
بتاعين الصلع فيهم العباقره وفيهم المستهبلين ضمه
....
وجاهه شديد وصور فاهمه ياود البشرى وماحنصدق انها جديده الا لمن نشوف فيديو قصير لمدة دقيقه منك
نورتنا والله .... شكلك ممثل أمريكي من اصول سودانيه ياخ
انت اشتغلت ممثل فى الافلام الآكشن قبل كده والا الآكشن بتاعك ده فى المنبر وخلاص
خطير يامان
....
أوووسا.....
غرينا ليك الصوره ياخى عشان تفرق بين معاويه اب صلعه وملهم اب كسكته
.....
يامعاويه نقشه أسامه ساهله ...سيماهم فى بروفايلاتهم
.....
نااااااظم ابراهيم شرفتنا والله وطلتك براها بالدنيا ..حبااااابك عشره ياخى
.....
عمر عثمان عبد الوهاب ..... بالبلدى جدا ....بدون كسكته جدا جدا ...بس أطلع الجواز الإلكترونى وأجيب ليك صوره مخصوص والله
بالخنفس كمان
.....
اسامه العريفي ....لو ربك سهل حأعمل فيديو أشرح فيهو طريقة رفع الصور ووضعها على البروفايل والمشاركات
تسلم ياخى ومقدر والله طلتك دى جدا جدا
....
معاويه المدير انا فخور إنى أشوف صاحبى أسامه عبرك
تقاطيع طيبه وهدوء وصلعه نص فدان مش زى صلعتك العشره فدادين دى
....
عبد الحفيظ أبوسن زول جميل بلاشك وروحه حلوه واهتمامه بى كوستى واهلها بيجبر الواحد على تقديره
....
| |
|
|
|
|
|
|
|
|
|
Re: قاعدة سودانيز أون لاين لصور أعضاء المنبر . (Re: اميرة السيد)
|
Quote: ..وشكرا ملهم كردفان..وملهم السودان...
انا جهزت الصورة ولكن التكنلوجيا عندنا ضعيفة...لرفع الصورة
وحننتظر عبد المنعم سيد احمد يجي يشرح لينا ..ونسال الله |
صاحبة السمو واختنا الصغنونه
أميره السيد الكاتبه المبدعه والروح المطيبه
حبابك الف والله
وشى يشرف اننا نتعرف عليك اكتر واكتر
ولو الحبيب عبد المنعم عمل الشرح يبقى كويس ولو ماعملو انا إن شاء الله حاعملوا ليكم وفيديو كمان
...
الله يرحم سامى عامل شرح وافى
وكمان البشارى عندو بوست فيهو شرح متميز
كتر خيرك للمطايبه الطيبه البتشبهك يا اميرتنا كلنا
| |
|
|
|
|
|
|
|
|
|
Re: قاعدة سودانيز أون لاين لصور أعضاء المنبر . (Re: ملهم كردفان)
|
الحبيب الوروف حبابك عشره ملهم الام الرؤوم ودكردفان
كلامك جميل وشي توثيقي للاعضاء؟؟؟؟
بس انت عارف اليومين ديل في شح في الصور
انا دورته جنس تدوير عشان اديك صوره بالبلدي
مالقية عندي صوره كرت كرتون بس نشوف واحده
ليك وطالع الحمره كمان وبنعبي بالسعن وانزلها
اوعدك اتصور بالبلدي ولوراكب باصور بنزلها
مـــــــــــودتي
شــــــــــــــــــــــــطة
| |
|
|
|
|
|
|
|
|
|
Re: قاعدة سودانيز أون لاين لصور أعضاء المنبر . (Re: عثمان عووضة)
|
ألف ألف مرحب بالحبيب خالد أحمد شطه
....
Quote: الحبيب الوروف حبابك عشره ملهم الام الرؤوم ودكردفان
كلامك جميل وشي توثيقي للاعضاء؟؟؟؟
بس انت عارف اليومين ديل في شح في الصور
انا دورته جنس تدوير عشان اديك صوره بالبلدي
مالقية عندي صوره كرت كرتون بس نشوف واحده
ليك وطالع الحمره كمان وبنعبي بالسعن وانزلها
اوعدك اتصور بالبلدي ولوراكب باصور بنزلها
مـــــــــــودتي
شــــــــــــــــــــــــطة
|
والله ياخالد انت لو جبت صورتك أكيد بنتشرف بيها
واكيد حنتشرف أكتر لو الظروف لمتنا وإتقالدنا
انت أنسان راقى ياخالد ياخ
وشكرا ليك على المطايبه دى
| |
|
|
|
|
|
|
|
|
|
Re: قاعدة سودانيز أون لاين لصور أعضاء المنبر . (Re: ملهم كردفان)
|
الف الف مرحب ياصالح عادل صالح
Quote: Salih Adel Salih · Ku
والله يا ملهم بالغتا كان تخلينا عايشين مع الخيال ياخ ..
خلقة الله مافيها كلام لكن الفيكم اتعرفت
زول يقول ليك ما لاقي صورة في الزمن العلينا ده يقولوا عليهو شنو بالله؟؟
|
تقول عليهو زايغ بالدو ياحبيبنا
Quote: الكترابا انت شايل الكاتل والا شنو
|
والله شايل اتش تى سى ياصالح
Quote: هشام عباس والله اتلومتا معانا..اقهل السنقعوض سعدينقيل
|
ترجم ياهشام عباس
Quote: عليكم الله الما نزل صورتو ما ينزلا..
|
عليكم الله المانزل صورته ينزلا ....
ياخ الدنيا فانيه وخلونا نشوفكم قبل مانجر كرت ونتلحس
| Quote: وخسوسا انتي يا بت عمسيب غير صورة الثانوي دي ما تجيبي لينا صورة تانية بالله |
نحنا أولاد النهارده ده يابت عمسيب بالله غنى لي صالح ده
جاى تفتش الماااااضى ....واديهو بعدها ياريت ...
ثم هاتى صوره حديثه
شكرا صالح على المداخله المرحه
| |
|
|
|
|
|
|
|
|
|
Re: قاعدة سودانيز أون لاين لصور أعضاء المنبر . (Re: هاشم عبدالله بشير)
|
حيدر حسن ميرغنى
عايزين صور جديده ..وشناتك دى نحنا بنستحملها ياخ والعرجه لمراحها
ازيك ياواسينى الاعرج
....
ابوبكر عباس
صورتك حلوه لكن زودت المحلبيه
....
عثمان عووضه
ابوحتحوت ده أنا قلت ليهو جيب فيديو لمدة دقيقه بيثبت انو ده انت هسى دى
قام طنش يبقى كلامك صاااااح
....
بعدين تسلم علينا والا ماتسلم اى حاجه منك مقبوله ياخى
ده انت زول حبوووووب ومكانك عندنا غاليه ياشاب انتا
....
البيتحسس من مشاغلاتى ليهو بالله يرسل رساله فى الخاص يوقفنى عند حدى
عشان لمن نموت مايبقى شايل ليهو حاجه فى صدرو
...
وفى بسيمو عقد الدر فى صدرو جوز أفرااااااح
.....
وكده
| |
|
|
|
|
|
|
| |
ملهم كردفان
Mirghani Taitawi
الطيب عباس
اسامة الامام
بكرى ابوبكر
Osman Musa
الزبير بشير
عباس الدسيس
الطاهر الطاهر
معاوية المدير
عثمان عووضة
willeim andrea
محمد البشرى الخضر
مني عمسيب
هشام عباس
هيثم التوم
Abdalla Hussein
عادل عبدالعزيز عبد الرحيم
Fatima Alhaj
عبدالحفيظ حسن
محمد حيدر المشرف
Ammar Makki
عثمان احمد شرف الدين
Hassan Makkawi
جلالدونا
ناظم ابراهيم
اسامه العريفي
حيدر حسن ميرغني
خالد أحمد شطة
هاشم عبدالله بشير
فيس بوك
تويتر
انستقرام
يوتيوب
بنتيريست