تماسيح سودانيزاونلاين

سودانيز اون لاين
Fatima Alhaj-Muscat /Oman
مكتبتى
رابط مختصر

هم أعضاء يتميزون بثقل الوزن داخل حوش الباشمهندس، أذا قالوا أخ تداعى ساير المنبر بالسهر والحمى

( اللهم أرزقنا بركاتهم ).

معظمهم على درجة عالية من الفهم والثقافة، تستمتع بقراءة بوستاتهم، وبعضهم طويل لسان في الفارغة.

ولكن جميهم على مقدرة كبيرة من الحرفية في إدارة الحوار واختيار عنوان البوست.

يا جماعة ركزوا على موضوع البوست، ما مهم من الكاتب. بعض البوستات الهامة تموت بسبب اللوبيات.

والمشكلة مرات تلاقي نفس فكرة البوست المقتول لافة بعنوان تاني.

انا لما شفت العنوان جيت جاري

قلت البوست فيه قائمة للتمسحة

كسرة

Quote: يا جماعة ركزوا على موضوع البوست، ما مهم من الكاتب. بعض البوستات الهامة تموت بسبب اللوبيات. والمشكلة مرات تلاقي نفس فكرة البوست المقتول لافة بعنوان تاني. يعني لو ما كنت تمساح بوستك راح.

كيفنك..

انا بعرف من التماسيح ديل خمسة..

واذا انت عاوزة ممكن افتح بوست جديد واكتب تحليل علمي فلسفي ومنطقي ( ومرات غير منطقي)

عن معظم أعضاء سودانيز اون لاين ، والتماسيح الخمسة والواحد فيهم اذا مسكته حمى تداعي له اركان سودانيز اون لاين

بالسهر والحمى زي ما انت قلتي..

والله يديك الصحة والعافية

وماعرفنا تصنيفنا شنو

شيء تماسيح

وشيء هوامير

وشيء مواسير

وشيء شيوخ

وشيء ضفادع .. الله يستر

موضوعك خفيف وسهل الهضم

وخالي من الكلسترول

ماعاوزين نزيد اكثر من كده

لان الجماعة بقوموا يصنفوك في قايمة

( كساري الثلوج في القطب المتجمد.الشمالي )

عايز اقول شنو ياربي

الشللية هنا في سودانيز اون لاين

زي فجة الموت

فجة الموت دي شاطر فيها الجنيه السوداني

ياخد ليهو عركة

ويقوم يقيف على حيلو

فجاة ينفزر

ونحن في اهل العوض لمن يمرض جدا لينا

مرض شديد ولضيض

يوم نشوفوا فجاة قعد.يضحك

ويقول عاوز شوربة

اها طوالي بنحضر ليهو الكفن

كذلك شللية المنبر

ترفع راسها شوية

وبعد.فترة تدق الدلجة

هنا البقاء للاقوى

هناك بوستات تفرض نفسها

وهناك بوستات جميلة

ولكن يقتلها العنوان

والنجومية هنا صعبة جدا

تحتاج الى نفس قوي

والى قلم مشاكس

ففي سودانيز اما ان تكون

واما ان لاتكون

أنت جيت جاري كايس الشمار صح؟

Quote: كدة التماسيح بتزعل ههه

والله يا أبو روضة يا أخوي كلو إلا زعل التماسيح

انتي لقب شيخة دا قالو حقيقة و بتكتبي محاية كمان ... 😂😂😂😂

بعدين تماسيح دي لو قالو ليك ادينا امثلة حا يجهجوك ....

تحياتي و احترامي

تلاقينا مرات قليلة ولكن لم تغيبي عن بالي.

Quote: انا بعرف من التماسيح ديل خمسة.. واذا انت عاوزة ممكن افتح بوست جديد واكتب تحليل علمي فلسفي ومنطقي ( ومرات غير منطقي)

حظك يا أميرة خمسة؟

Quote: على طول يا أميرة أفتح بوست جديد وأنا بقيف ليك حارس مرمى.

وهدف اول

Quote: لان الجماعة بقوموا يصنفوك في قايمة ( كساري الثلوج في القطب المتجمد.الشمالي )

حرام عليك يا أخي تلج شنو أنا هسي بكتب وماخدة ساتر تقول لي شنو.

عارف المزعلني منهم شنو التماسيح ديل؟ قاعدين بتجاهلوا مداخلاتي.

Quote: أنتي لقب شيخة دا قالو حقيقة و بتكتبي محاية كمان ... 😂😂😂😂 بعدين تماسيح دي لو قالو ليك ادينا امثلة حا يجهجوك ..

طبعاً شيخة وأيدي لاحقة كمان ، أعمل حسابك .

Quote: وهدف اول

اولا الهوامير بقولوها الخلايجة مش المصاروة

بعدين حصل اكلتي صير منشف؟

تاني شنو يا ربي؟

بس خلاس

انا بهظر اوع تديني بي تال الحديدة

وحبابك

احمد الله خشيت معاك كم مرة في بوستاتك وخرجت من زمرة التماسيح

تعرفي

منشور طريقة سواقتو زي رمي الودع !

ههه

المهم:

سودانيز أولاين فيها ثلاثة ولايات (الآراء الحرة - الاخبار - العام).

متابعين الجلبقة .. طالما هنالك بحث عن التماسيح فلابد من المرور بالدولفين والساردين والصير .. والعجول.

كاااااااااااااااااااااااااااااااااك

Quote: نهاية مؤلمة يا ابوروضة

عباس الدسيس

على اخر عمرك بقيت تقود الفتنة

غايتو حالة تستاهل

القطر

هلا أخوي جلال

Quote: فاطنة يا اخيتى خلينا فى صيرنا ده و بوستاتنا الما جايبة تمنا دى تماسح بحر يكرى ده خبتتن حارة و ما عندنا قدرة ليها

والله يا جلال يا أخوي نحن ما دايرين إلا بركاتم .. يحلقونا وينجدونا،

بس لمتين نفضل صيّر دايرين نتمسح.

لا يفل الحديد إلا الحديد

وأفضل شيء إنتي عملتيها أنك إجتزتي كل المراحل وقفزتي وإبتديتي من مرحلة (التمسحة) .

Quote: تماسيح عديل كدا أرجو الرجوع لطبائع التمساح

لا لا يا زهير يا خي أنا قصدت شيئ تاني.

وبعدبن التمساح عندنا نحن ناس النيل شيء تاني ما سمعت كابلي

دا إن اداك وكــــــــــتر ما بيقـول اديت

أب درق الموشح كلو بالـــــــــسوميت

أب رسوة البكر حجر شـــــراب سيتيت

كاتال في الخلا وعقبن كريم في البيت

والبلابل

تسلم يا أب عاج أخوي يا دراج المحن

وسيد خليفة

تمساح الدميرة الما بكتلو سلاح

عاد أكتر من كدي اسوي شنو يا زهير يا أخوي هههه أنا ما قدر دا.

Quote: فاطمة الحاج الفنانة؟

فاطمة الحاج بس ما الفانة، أخوي ابوحسين مشيخني، هو عارف أنو ايدي لاحقة.

ابوحسين قوم لف .. هو يا زول دي أوامر استاذ عثمان عوضة وأنا بنفذ أوامر الاستاذة،

Quote: نهاية مؤلمة يا ابوروضة

يأخي مالك علي والله أبوروضة دا أول زول يحسسني بالاهمية،

بت الحاج يا تمسحة

ماشي ساكت

والله انت مش تمساح

ماشي ساكت

والله انت مش تمساح

والله يا جلال يا أخوي نحن ما دايرين إلا بركاتم ..يحلقوناوينجدونا،

انتى مالك مشيتى تبحبتى فى الجزر يقوم يطلع ليك تمساح يجهجهك زى ما قلتى يحلقوا ليكم

Quote: صاحبة البوست دي بتكون خبرة في الأسافير ... وإلا لما كانت السواقة كدا..

وجات الله يا أخوي دا أول منبر أكون عضوة فيه.. أنا زولة فيس بوك ساي ، أكتب وما في زول يسألني.

الشيخة فاطمة

لا حولااااااا!!

لكن تمسحت سودانيزاونلاين دي ما سمحة يا عبدالفيظ يا أخوي.

Quote: دايرة تبقي تمساحة اعملي ليك بوست دواس .. واختاري كم نفر كدة روسيهم وما تخافي الله فيهم وحات سيدي تبقي تمساح عشاري

والبوست ده فيهو من عبق زمانات الاسفرة الموغلة في الاريحية والدهشة في نواحي سودانيز اونلاين القديمة عندما كانت دار جمال او كما اري

Quote: منشور طريقة سواقتو زي رمي الودع ! ههه

والله يا أخوي تعليقك دا حاولت أمسكو من أي حته ما عرفت..

بوست لجذب الأدعياء ..

أي كايس شهرة ومعتقد في نفسو التمسحة تلب هنا لا يلوي على شىء

لكن مالي لا أري جرجير أما أنه كان من الزاهدين ؟؟

Quote: سواقة يعني شنو؟

اما ابو روضة.. دي تي تي..لغاية هسع بيعطس..!!

بت ابا فاطنة..حبابك يا صديقة..

كلامك صاح..

اديهم بالجمكسين .. اما نحن ادينا بـــ (فليل دمور المسخ الأرياح)..!!

Quote: اما ابو روضة.. دي تي تي..لغاية هسع بيعطس..!! بت ابا فاطنة..حبابك يا صديقة..

ازيك يا كبر وينك ياخ طولت الغيبة

ابو روضة كان مغروض في البوست ده

وبرضه ما خاب الغرض ياهو فيه حالة من حالات التمسحة الاسفيرية

وكم ورل

الشي الكويس البوست حقق اهدافه وده المطلوب

اما الخاسر الاكبر

اسال ورل الساحة

هههههههههههههههههههههههههههههههههههههههههههههههههههههههههههههههه

كسرة