يسب الرسول و يكفر الترابي!

سودانيز اون لاين
سيف النصر محي الدين-
مكتبتى
رابط مختصر

صدقني الواحد بقى حتى ما يسمع الوعظ والمحاضرات ..

لأنها تجعلك في حيرة من أمرك .. ما تعرف مين الصح مين الغلط ..

ونحن من زمن حصة الدين كانت مختصرة ..

بقينا نتعبد بالثوابت .. كما كان زمان عندنا في البلد هناك .. نفس طريقة الاباء

لا جدال لا مغالطات صلاة صيام وسلوك حسن وقيم ..

اليوم مئات القنوات وآلاف العلماء ..

تعقيد في تعقيد ..

زمان الدكتور عبدالله الطيب يشرح القران بالعامية المبسطة

و خطبة الجمعة كمان بلغة قصيحة .. ورمضان تراويح بأخف سور القران

ما في أي مغالطات أو تشظي ..

مودتي سيف

الترابى لو كافر

ليه حرمتوا معارضة تلاميذه

وقلتوا حتى لو ظلموك

والله مصيبتنا مصيبة

مش ملاحظ انو

ال most extreme opinions

في الموضوع دا

هم اصلا علي طرفي نقيض

سبحان الله

يا أخ من الحاجات المضحكة المبكية

في زماننا الاعور والأعرج هذا

أن مجرد ترحمك علي ميت

أيا كان هذا الميت

يلموا فيك جماعة كدا

ينتفوا ريشك ويدقوا بيك الطار

سبحان الذي ألف بين قلوب

من لو انفقت مافي الأرض ما الفت بينهم

وَأَلَّفَ بَيْن قُلُوبهمْ لَوْ أَنْفَقْت مَا فِي الْأَرْض جَمِيعًا مَا أَلَّفْت بَيْن قُلُوبهمْ وَلَكِنَّ اللَّه أَلَّفَ بَيْنهمْ } 

صدق الله العظيم

والله مافي احسن من الوسطية دي

للمرة الالف قاتل الله السياسة

سلام يامنتصر

مهم يامنتصر الاستدلال برايهم لان منتدياتهم مفتوحه ويؤثروا فى الشارع

بعدين ابوبكر وفقيرى هم اصحاب فتوى عدم معارضة نظام الانقاذ والحاكم المسلم

وهو نفس النظام الصنعوا الترابى كيف يكون هو كافر وتلاميذو مسلمين

يعنى التاقض الموجود هنا يستحق الشوفه