|
Re: يا باشمهندس بكري ابوبكر .. طلب بمنتهي الآد� (Re: حيدر حسن ميرغني)
|
حيدرنا .. صباح الرضا .
Quote: منى مزنوقة يارجالة (ولو نادت بكرينا) .. انقذوها |
والله من ناحية مزنوقة زنقة اليابا فضيل زي ما بقول ود المنسي ههههههه واسه مصالحي كلها واقفة بسبب المشكلة دي !!!! غايتو اليوم الشبكنا في النت يومآ ابيض زي اللبن ههههههههههه واهو يا حيدر منتظرة الفرج من بكري واتمني ان لايطول الانتظار في كم هذا العشم ..
ولك الود يا حيدور ..
| |
|
|
|
|
|
|
Re: يا باشمهندس بكري ابوبكر .. طلب بمنتهي الآد� (Re: الطيب رحمه قريمان)
|
لك التحية والشوق .. ابن عمي قريمان .
Quote: صباح الخير أبنة عمى عمسيب .. احولاك و صحتك .. و باذن الله .. يجيكى الورد و زهور ده كله .. الى خشم بابك .. و يدخل فى قلبك الفرح و السرور و البهجة و الفرح .. |
تسلم يا ابن عمي وليك وحشة وحقيقة مفتقداك بالرغم من الالآم وامبارح اتذكرتك ورفعت ليك البوست الذكرتك فيهو في البوست . ومعذرة سقطت كلمة ابن عمي سهوآ ولكن ما زلت اتمسك بها . لانها لم تاتي من فراغ ..
ولك وافر الشكر ابن عمي قريمان .
| |
|
|
|
|
|
|
Re: يا باشمهندس بكري ابوبكر .. طلب بمنتهي الآد� (Re: مني عمسيب)
|
العزيزه منى .... وضيوفك سلام ..
الله لا يوقعك في زنقه ياااخ ... انتي كفاية تكوني وسط الزهور دي .. زنقة شنو تااني عليك ؟؟؟ ربنا يفك زنقتك .... وزنقتنا نحنا زاتوووو .... وزنقة كل المزنوقين من الشعب السوداني .. المزنووق ... والله يجازي الزنقم في الزنقة دي .... ... وازيد على ماقالو ليك شيخ المسلمي بعد ما تعملي كوبي للرابط .. ما تفكيه طوالي في المداخله لاكييين اجدعيه في شباك URL وبعد داك اعمل اوكيه ... وبكده الفيديو حيكون صغير .. والله اعلم ..
| |
|
|
|
|
|
|
Re: يا باشمهندس بكري ابوبكر .. طلب بمنتهي الآد� (Re: عادل الباهي عبدالرازق)
|
الحسنة في الملعون زي شنو كدا ما عارف
لكن عملاً لي الله!
هاك الحل وسيبك من العنقالة مجيدو وعادل الباهي ههههههههههه
يا منى انتي بتشيلي الفيديو وبتلتخيهو زي ما هو وحجمه الافتراضي كبير جدا
بامكانك تغيير العرض والطول بتاع الفيديو على مزاجك قبل اعتماد المداخلة
الشرح في الصورة أدناه
قوموا لفوا قطر يلف شنو كدا ما عارف يا مجيدو وعادل الباهي :)
يا منى تاني لو انزنقتي بس قولي يا ابو ررررررروضه ... الزول دا ود شيوخ ومجاور النبي .. والله صحي ( )
| |
|
|
|
|
|
|
Re: يا باشمهندس بكري ابوبكر .. طلب بمنتهي الآد� (Re: عفاف أبو حريرة)
|
الغالية منى بت عمسيب
ما تفرحي تقولي انا جاية اشرح ليك تكنلوجيا تصغير الصور في المنبر نيابة عن الباشمهندس.... كويس انتي بتقدري تنزلي الصور ومحتاجة فقط تصغير الصور....نحن لهسع ما بنقدر نلصق الوجه الضاحك والوجه المكشر في البوست,,,,, لاننا في تكنلوجيا الاسافير صفر في صفر.. اتعلمنا شوية زمان من قريبنا فايز ود القاضي، رد الله غربته عن المنبر، لكن نسينا كل شئ.. وعبد المنعم سيد احمد برضه اتعلمنا كيفية نقل الصور....ولكن من عدم الممارسة بننسى، وكتر خيره ملهم كرفان بيشرح من وقت لآخر شئ من هذه التكنلوجيا... ونرجو ان نسجل هذه المذكرات ونحفظها... فتشت معهد في نيويورك نتعلم منه هذه التكنلوجيا.. ولكن الرسوم غالية وما بقدروا عليها الا ناس بسمات البرجوازية...وما عندنا مانع واحد يكون متخصص حاسوب آلي يدينا حصص يومية وبالشرح الكامل الممل بالرسومات والصور عن تكنلوجيا الاسافير وندفع رسوم اسبوعية ونحولها ليه بالويستيرن يونيون.. عندك مانع؟؟ والله يديك الصحة والعافية
| |
|
|
|
|
|
|
|