ول ابا محمد النور kabar

سودانيز اون لاين
محمد المسلمي-
مكتبتى
رابط مختصر

لمن أراد المعرفة او أراد طريق الحق واصل وواصل حتي يصاب

إنسان فنان بطبعو ينثر الجمال إينما كتب

يجيد فن اختيار موضوعات و شخصيات حية يعبر عن ذاتها بخطاب يناسبها ويحدد وعيها وموقعها في العالم ..

في اعتقادي انه وصل مرحلة تلاشى الحدود بينه وبين عالمه الداخلي والخارجي حتى اصبح وعيه اولياً اي انه اصبح حراً غير مقيد لابجسمه ولا بافكاره ..

الأصدقاء..

حزنك (من الفيس بوك)..

مجيدو..

عثمان..

وائل..

الطاهر..

مسلمي..

كتر خيركم كتير..

وسوف نعود بالتفصيل..

كبر

كتب مجيدو:

Quote: التحية ل ول ابا محمد النور كبر ... وفعلا كتاباته مميزه وجميلة جداً .. وانا من المعجبين به ... اتمنى له التوفيق والسداد .. ومزيد من النجاحات .. وشكرا الشيخ المسلمي لهذا البوست .. تحياتي ,,

ول ابا مجيدو..حبابك يا صديقي

كتر خيرك على هذه الشهادة ..

وربنا يقدرنا على انتاج المتميز المختلف..

وامنيات ليك بالنجاح والتقدم..

كتر خيرك..

كتب عثمان الإمام:

Quote: محمد النور كبر من الأقلام الجميلة والمحترمة إنسان فنان بطبعو ينثر الجمال إينما كتب قلم واضح ومحترم وقوي يجبرك على إحترامه حتى لو إختلفت معه

عثمان..حبابك يا صديقي

كتر خيرك على الشهادة والمطايبة..

وربنا يقدرنا ننثر الأشياء الجميلة.. فالعمر لحظة قصيرة وحرام نضيعها في الشر..

الوضوح يا صديقي في ثقافات ومشافهات امسودان حاجة مكلفة للغاية..

وح نفضل نكتب الفي راسنا وبس..

كتر خيرك..

كتب وائل حمزة:

Quote: الاخ المجاهد المسلمي لك التحية والتقدير .. وبالفعل أضم صوتي الى صوتك كبر قلم (منصف) .. قلم نظيف.. له التحية والتقدير.

وائل ..حبابك يا صديقي

كتر خيرك كتير..

واهلنا بيقولوا الداير يقول النصيحة يكبر عكازو..

وربنا يقدرنا على انصاف كل صاحب/ة حق..

كتر خيرك..

كتب الطاهر الطاهر:

Quote: محمد النور kabar كاتب يتميز بثراء الموضوعات كماً ونوعاً ، تغوص في اعماق كتابته فتكتشف خلفيات مجتمعية وثقافية مختلفة.. يجيد فن اختيار موضوعات و شخصيات حية يعبر عن ذاتها بخطاب يناسبها ويحدد وعيها وموقعها في العالم .. في اعتقادي انه وصل مرحلة تلاشى الحدود بينه وبين عالمه الداخلي والخارجي حتى اصبح وعيه اولياً اي انه اصبح حراً غير مقيد لابجسمه ولا بافكاره ..

الطاهر..حبابك يا صديقي

كتر خيرك على المطايبة والشهادة..

وسعيد بهذه الكلمات الطيبات والتي نبهتني لأشياء كنت متذكر بداية اشتراكي في المنبر..ولكن بالمعافرة المستمرة تناسينا الكثير منها..

لمن دخلنا كلية القانون بجامعة الخرطوم ..كانت استاذنا المرحوم بروفسور عبد السميع عمر بيدرسنا مادة اسمها (المدخل لعلوم القانون)..فكان بيقول لينا كلام عجيب ومدهش.. انو ناس القانون لازم يكونوا ملمين بأي معرفة حايمة عشان ما يحرجوا روحهم في التعامل مع الأشياء في الواقع.. هذه الفكرة هي التي نعمل عليها بان نحاول بقدر الإمكان الإلمام باشياء كثيرة قدر المستطاع.. عشان كده بعض من اهلنا بيستغربوا و يقول ليك كيف يعني عامل فيها ابو العريف وداير يتكلم في أي حاجة..و هم ناسين أنو الفكرة بسيطة تدريب على منهج مبسط للغاية ..!!

تركيزنا على بعض الثقافات والمجتمعات المنسية..حتى ده ناس الغرض الأيدولوجي قاعدين يفهوموه خطأ بان يحاولوا يحصروك في خانة الجهوية والقبلية وشنو كده ما عارف.. فات عليهم أنو الإنصاف يقتضي ان تمثل هذه الثقافات في المشهد العام بطريقة او باخرى..

كتر خيرك يا الطاهر..والحرية في عدم الإلتزام بخندق سياسي او تنظيمي معين بتدي الإنسان فرقة كويسة للتعبير عن ذاتو..وقد قالها احد الأصدقاء: انتو ياهو ذاتك بنفس طريقة في المنبر وفي الواقع..وكنت مندهش , حكي لي عن بعض التجارب انو الناس مرات في الكتابة بتمرق افضل ما عندها حتى لو ناقض سلوكها الواقعي..والبعض بيحاول يعمل فيها بتاع شر ولكن في الواقع مسالم..

كتر خيرك يا صاحب..و ربنا يقدرنا نكون عند حسن الظن باستمرار..

كبر

أختشي

و

كتب حزنك يا وطني حزني (عبر الفيس بووك):

Quote: حزنك ياوطنى احزنى كبر ده الزيييييييييييت ذاتو بلغة شباب بلدنا , زول كده يخليك تقرا ليهو وانت متشوق للسطر التانى وتتمنى مايكون اخر سطر. كتاباتو تنم عن معرفه مهوله وفهم ثاقب ومواقف شجاعه وطبعا الذين فى قلوبهم مرض ذى كتاباتو دى مابتقع ليهم لانو دايرنو يبقى خاوى زيهم الواحد يعمل السبعه وزمتا ويجى لى كيبوردو بالليل يشبكنا ثورة الشرفاء ويقعد ينبح فينا اطلعو الشارع اطلعو الشارع وهو يضرب شارع الشانزلزيه وديل تجار وارزقية الحرب والمستنفعين منها وماهماهم الميت فيها منو والمهموم بيها منو عشان كده اى حطبه تذيدا نار بمشو برا خجله يجيبوها ويختوها. كلنا مع كبر فى انو الحرب دى لازم تقيف باى شكل وبعديها يسقط النظام ولا يطير فى 60 داهيه مايهمنا بس كفااااايه جهل وكفاية متاجره بدماء ناس مساكين لاهمهم مال ولاهمهم سلطه وفقط همهم رويحتهم ورويحة بهايمهم ومادايرين شى غيرا. التحيه للعلاّمه كبر وكامل احتراماتنا لقلمو الصادق وياريت يفتح بلف كيبوردو شويه لانو لسه دايرين منو المذيد حتى يذيل التغبيش الحاصل ده وربنا يسهل ليهو ويحفظ ليهو عيالو.

حزنك..حبابك يا صديقي..

كتر خيرك علي هذه المطايبة اللطيفة..

السياسة في امسودان مرات امرها عجيب يا صديقي..وفيها كتير من السطحية.. عشان كده البلد لسع ما قادرة تمرق من المطبات..الديموقراطية زمان كنا بنقراها وبنشوفها طشاش طشاش..لكن لمن جينا عشنا في مجتمعاتها عرفنا قيمتها الحقيقية..واهم القيم أنو المواطن ما يخاف عن التعبير عن ذاتو..وفي نفس الوكت ما يخاف يثير القضايا المفروضت تلفت ليها النخبة..عشان كده نحن بنتكلم باولويات واجندة قد تختلف كتير عن ناس النخبة في امسودان..

عارف اكتر حاجة محزنة شنو يا صديقي؟..ناس السياسة في امسودان لمن يلاقوك وجها لوجه.. بيقولوا ليك كل البتقول سليم وصحيح ..ولكن..!

اها اللكنة دي بتعني انك قدام الرأي العام تخفي تهجساتك تجاه الواقع وتدعمهم وحتى ولو انتا غير مقتنع بالقضايا التي يعتبرونها اولويات..كلهم يا حبيب قلنا ليهم شنو البيضمن لي قدام بعد ما تسقطوا النظام انو مناطق الحرب تحظى بمعالجات خاصة ..وشنو البيمنع انو ظاهرة الحرب تاني ما تتكرر في السودان؟..كلهم ما عندهم تصور..لأنهم يعملون بفكرة رزق اليوم باليوم..!

المعارضة السودانية تفتقد الإتساق ..وتفتقد الثقة في نفسها ..وما بتقدر تخلق علاقة واضحة مع الجماهير لأنو تعريفها للجماهير مختل وبالتالي تعريفها للقضايا السودانية مختل..عشان كده ما بتقدر تقدم كتير..!

الحرب سوف تقف..وسوف يفهم اهل امسودان بان اهم حاجة انو الناس تشوف صرفة انو الحرب تاني ما ترجع..والسلاح ح يتجمع من الناس..وبعد داك الناس تشوف صراعها وتقودوا بصورة حضارية وسلمية..!

النية حاصلة يا صديقي لفتح البلف اكتر واكتر.. لكن الأشياء كثيرا ما تصادرنا..وسوف نحاول نقدم افضل ما عندنا..ونشكر كل القراء والقارئات ممن يتابعون اشياءنا الصغيرة هنا..ونشكر هذا المنبر الذي اعطاني فرصة للتفاعل والتواصل..

اهديتك حاجة صغنونة في بوست (في حماك ربنا)..طبعا صحيح العنوان فيهو استهبال واثارة ..لكن فيهو حاجات سميناها (اشياء اخرى)..ويا ريت تعجبك الهدية..

كتر خيرك..واتمنى يوم اشوف الماتو بتاعك (فرحك يا وطني فرحي)..!

كبر

كتب ابوغادة (من الفيس بووك)

Quote: أبو غاده • شندى الثانويه بنين من أميز الناس البكبتبو في منبركم ده وزول واضح ونضيف وبناقش بفهم ما زي الطرور البيجو شايلين بقجن اصطفاف ومناصره بلا وعي ...

ابو غادة..حبابك يا صديقي

كتر خيرك على المطايبة هنا..و كتر خيرك على الإنصاف في جخانين اخرى..

واحدة من فوايد المنبر انو قاعد استغلوا اداة علاج ذاتي.. اي والله.. فلقد علمني الكثير الكثير..اهم حاجة تضاءل خصلة الإنفعال..زمان كنا بننفعل بحق وحقيقة وبتزعل لمن ناس تشوتك لا اديك ولا كراعك..وهسع الظاهرة بقت كتيرة..خصوصا بعض الصديقات في المنبر ده..وشايف النبرة خفت شوية..ويا ريت تخف اكتر عشان الناس تتفرغ لحاجات اجمل..

ناس الإصطفاف ناس شغلهم مخطط ومنظم ومقصود لذاتو.. لأنو عندهم هاجس ان الرصة ح تتخرب ..ونصحاهم كتير.. واخيرا جدا بدأوا يفهموا بعض الأشياء..!

كتر خيرك كتير يا ابوغادة..وربنا يقدرنا نكون عند حسن الظن باستمرار..

كبر

ول ابا المسلمي..حبابك يا صديقي

كتر خيرك كتير على هذه الكوة..

وجات سليمة يا عم.. شكلها الناس بطلت تعمل الحفلة على كراسي..عشان كده الجماعة ما لقوا غير طوبة طوبتين..!!!!

بالجد سعيد يا صاحب..و ربنا يلاقينا في ساعة خير..ياخي جبنة الكافيهات العايمة في النيل الأزرق..الواحد داير يشفي منها غليلو..!!

كتر خيرك كتير..

وبيت الأشباح دينق اخوان اديهو الأمان..!

قلنا ليهم ح نتفرغ ليكم في مارس (شهر الكوارث) والجماعة صدقوا..مضايرة شديد..و(اعتذارات خجولة) كمان..!!

ودمت..

كبر

لا يعرف قدر الرجال إلا الرجال

أنا حديث عهد بهذا المنبر من حيث العضوية ولكني من عتقاء متصفحيه

ول أبا كبر قامة حين ذكر الرجال ورقم لن يتجاوزه قلم يتمتع بمرحلة عالية من التجريد

وهذا ديدنه وكما ذكر فهو وليد بيئة نقية . ينعم بهواء نقي في كل دار .يحط رحاله أين أراد ويشدها إلى حيث يريد

هذه البئة كانت ماثلة في آراءه وتأملاته .

تجده دائما متمردا على المحدودية والقوقعة .

يعتبر أن هذا المنبر وأي منبر يرتاده بمثابة الضرا .

كل يدلي بدلوه بشجاعة فيجد من يعارض ومن يؤد

ولعل ومن غريب الصدف أن يدلف إلى أرض العم سام وكعادته يأخذ الصالح وينفر الطالح

فأخذ منها ديمقراطية الرأي .

ولكنه وبشموخ وجدارة قادر على إسكات قاصري النظر ولا أقول خصومه فهو يحمل سريرة نقية لا يشوبها حقد ولا فجور في خصومة

كبر يتجربته التي ذكرها في أضابير السياسة تجده يبغض الأحزاب التي أصبح شغلها الشاغل التكتيك الخبيث من أجل أن تكون أنت البرنجي وغيرك الطيش

فتناست عن كل هذف سام يحمله نظامها الأساسي .

نعم كبر أديب أريب وسياسي عتيد

له التحية ولكل ذي لب حر

ول ابا حسن..حبابك يا صديقي

كتر خيرك على هذه الكلمات الطيبة والشهادة في حقنا..

وابادلك الود يا صديقي.. فالخلا حاجة ما ساهلة تب.. بيعلمك التأمل والصبر على نوازل الزمان..!

جهدنا يا صديقي كان حينما عز تمثيل اصوات كتيرة في المشهد العام..فكان مدخلنا ثقافاتنا وتقاليدنا التي ورثناها عن اهلنا وحبوباتنا ..وصدقني اكتشفنا انها اجمل زاد..!

المنبر اهداني الكثير يا صديقي ، وفوق فسحة التعبير المتاحة بحرية كبيرة للغاية..اهدانا معرفة الناس والتعرف عليهم وهو كنز..!!

يسعدني كثيرا أن اطالع عدد القراء في أي خيط يخصني..ودوما انظر الى العشرات والمئات والآلاف التي تقرأ وتمضى لحالها ، وهي وصية صديق عزيز لا استفضله عليك..في كل خرمجة بيذكرنا بانو في ناس بتقرا وبتابع ونحن ما شايفنها..!

نعم يا صديقي.. فليستمر مشروع التنوع والسلام ، حتى لو كان المشهد الرسمي هو الحرب.. ياخي ما تشوفنا كده..نمة نمتين بتاعة درملي نضيف بتمرقنا في افاق بعيدة خلاص..!

كتر خيرك يا صاحب..

ول ابا حامد..حبابك يا صديقي

كتر خيرك للمطايبة..والتعازي في روح صديقك..

البندقية يا صديقي عمرها ما كانت حل..و قانون تعاملنا معاها بسيط للغاية: كن بقيت راجل وشلت بندقيتك ، الزمن ح يجيب الأرجل منك ويقلعها منك ومعاها روحك كمان..!!

فهي يا صديقي حاجة كعبة كلو كلو..

بالنسبة لي دينق..لم نحجر عليهو مطلقا..ولكن هو وحده من يتحسس من ألأشياء.. أي زول/ة يقول كلمة طيبة عننا.. طوالي بتشوفو متحنفش..وعامل فيها ضبان ضكر..ومطلقا لا نقارن تجربتنا بتجربته.. فنحن عندنا ناس حارسننا..وهو لن يتساوى معنا الإ في قيمة اليوزر نيم والباسويرد..زول قاعد ساكت وما عندو سالفة تب..!!

كتر خيرك يا حامد..

كبر

وحسن ماتكتبه وطريقة دفاعك عن ماتومن به المهم سوف

المفروض يكرم هنا وفي المنتديات المجاورة شخص مهموم بقضايا وطنه واهله وكاتب

(عدل بواسطة رحمه فضل المولى عجك on 06-05-2016, 03:05 AM)