ولادة طفلين في مستشفي بامدرمان بحالة نادرة جدا،،هل من سبيل لمساعدتهم

Quote: انسو الفيديو وضحو لينا كتابة الحاصل شنو

يا شيخ طلحة

والله رغم اني طبيب...بس والله ما قادر اوصف اي حاجة

علشان كدا قلت حد ينزلو

يمكن واحد من الزملاء

عندو خلفية عن ال syndrome دي

ولا تكون دي سيندروم جديدة كمان

نتجت من مصيبة من مصائب الزمن ولا دوا ولا اشعاع

ودا صراحة المخوفني

والسبب الخلاني اجيب الموضوع دا هنا

Quote: Emad Mohamed  Pharmacist في Jeddah - Saudi Arabia مرض نادر ويسمي Harlequin ichthyosis،وهو مرض جلدي نادر يحدث نتيجة طفره جينيه في بروتين يسمي ABCA12...غالبا الذي يعانون من هذا المرض لا يعيشون طويلا. علي حسب ويكيبديا. أعجبني · رد ·  Facebook

شاكر جدا اخ عماد مرورك الكريم

فعلا تقريبا هو ال syndrome دا

بس صراحة اول مرة اسمع عنو

......

لا حول ولا قوة الا بالله

.....

ود المدير يا حبيب كيف حالك

طولنا منك

شاكر مرورك الكريم

وانزال فيديو زيكا

Quote: Emad Mohamed · Pharmacist في Jeddah - Saudi Arabia مرض نادر ويسمي Harlequin ichthyosis،وهو مرض جلدي نادر يحدث نتيجة طفره جينيه في بروتين يسمي ABCA12...غالبا الذي يعانون من هذا المرض لا يعيشون طويلا. علي حسب ويكيبديا.

هوووى يابنات هوى مافى شىء سبب للبروتين ده طفره جينيه الا الكريمات

لمن البنت دى كانت سمره وزى العسل ماكان عندها الطفره دى

أها البروتين ده أو ماشم ريحة التوكسيدات دى قام مطفر

أعملن حساااابكن وابعدن عن كريمات التفتيح

السمار كل الجمال والطبيعى مافى أحسن منو

تحليه

Checkmate

Quote: هوووى يابنات هوى مافى شىء سبب للبروتين ده طفره جينيه الا الكريمات

هههههههههه

وينك يا صاحب

والله البنات تهبشم في اي موضوع ماشي

بس اول ما تجيهم في موضوع الكريمات

الواحدة فيهم تقول ليك

هاه ....هوا انت بتقول ايه

وكانك بتاذن في مالطا

اما العزاب الا كان متحيلين براهم

لو في ناس مفروض يطفشو يبقي قبيلة العاملين بالحقل الطبي دا

Quote: تحية طيبة للجميع أتيحت لي فرصة أن أشاهد هذا الحدث

الأخ معتصم

اكرر التحايا

فعلا يا اخي كما قلت لله في خلقه شؤون

من نعمة ربنا انو الحالة دي نادرة جدا

وانا شغال ف المجال دا ما عدت علي وكثير من الزملاء كذلك

واعتقد انها تكون اول حالة مسجلة ف..ي السودان

واعتقد انو دا جزء من ابتلاء الزمان

ربنا يسلم ويعافي الجميع

ويعين اهاليهم

....

بالنسبة لاخواتنا القابلات والممرضات

في جزء منهم اعرفه شخصيا

ورغم انو دا ما بعفيهم من مسؤولية التهكم ان وجدت .رغم اني ما لاحظتها

الناس دي وللحقيقة بتشتغل في بيئة. ..خليها ساكت

والله لو ما اخدوا الموضوع easy. . واحد من اتنين يا اتجننوا ولا ما قدرو يكملو

ومن هنا دي فرصة ارسل ليهم عاطر التحايا والتقدير علي المجهود الجبار المبذول

في خدمة اهلنا الغبش

الناس ديل بالضبط هم الجندي المجهول البقولوا عليهو

....

الاخ احمد تهامي ..شاكر مرورك الكريم

....

الأخ ابوبكر ...مرحب بيك

البكاء سببه ما هم به ..اعان الله اهاليهم وصبرهم علي ما ابتلاءهم

اما سبب التحور الجيني الحادث الاساسي...دا مجال بحث ضخم....

وان كانت ملاحظتي ..حسب المواقع الراجعتها

دي اكتر حالة معقدة فيهم ..ممكن تكون مصاحبة بحاجة تانية غير واضحة

....

الأخ ابراهيم نسيت اقول ليك معلومة مهمة عن البعوض الناقل ل zika virus

انو البعوض الناقل نوع معين وليس كل انواع البعوض....نوع يسمي البعوضة الزاعجة

وهي نفسها التي تقوم بنقل مرض الحمي الصفراء

Quote: سلام اسامة، لم اشاهد الفيديو بعد لصعوبة تنزيله بالهاتف، لكنني سوف أشاهدة خلال اليوم. لماذا تحاول أن تجعل الأمر تدخل من السماء وابتلاء؟ أرجو أن تلتزم الناحية العلمية في تفسير الحالة دون اضفاء ابعاد دينية عليها

يا مرحبتين بالدكتور المستنير

رغم انو دا ما طرحي علي الاقل في البوست دا

وكان ردي علي الناحية دي للاخوة الاشارو ليها

وانا من الاول تسألت من ناحية علمية بحتة وطلبت المشورة من اهل العلم

اما من ناحية الابتلاء يا بكور يا اخوي

ما اظن في زول يقدر يقدر حجم الابتلاء الفيهو ذوي الاطفال ديل

الا هم....وأسأل الله يخفف عنهم ويجيرهم في مصابهم

وصدقني استنارتك دي لو ما صاحتبه عقيدة بقدرة ربنا حا تبقي قاعد تعرض برة الدارة

وزي ما قال أبوالعلاء المعري لله دره

إذا كان علمُ الناسِ ليسَ بنافعٍ ولا دافعٍ، فالخُسْرُ للعلماءِ

قضى اللَّهُ فينا بالذي هو كائنٌ. ،فتَمّ وضاعتْ حكمةُ الحكماءِ

وهل يأبِقُ الإنسانُ من مُلك ربّه، فيخرُجَ من أرضٍ لهُ وسماءِ؟

شاكر جدا مرورك الكريم يا حبيب

Quote: التصوير نفسه هل تم بموافقة الأسرة ولاهداف نبيلة ولا بغرض الفرجة والتهكم والله فعلا ممرضات ما عندهن أي مقومات لمهنة التمريض

اهلين بالاخ ابوروضة

معليش ما شفتا مداخلتك دي الا اسه والله

ما عندي فكرة والله عن موافقة اهل الاطفال علي التصوير

اما عن اخواتنا الممرضات تلقي ردي فوق لاحد الزملاء السأل نفس سؤالك دا

Quote: اهلين بالاخ ابوروضة معليش ما شفتا مداخلتك دي الا اسه والله ما عندي فكرة والله عن موافقة اهل الاطفال علي التصوير اما عن اخواتنا الممرضات تلقي ردي فوق لاحد الزملاء السأل نفس سؤالك دا شاكر مرورك اخي الكريم

موضوع التصوير ده في السودان او امسودان على قولت كبر قدس الله سره دايرة ليها خرتمية سنة عشان يعرفو موضوع الخصوصية وحقوق الملكية

وبمجرد انتشار خبر او صورة او فديو حتى لو كان شتل صعب جدا التحكم فوقو ياهو النار في الهشيم

ابو روضة انسى الموضوع ده مؤقتا

Quote: Tarig Ali · يعمل لدى أديس أبابا this message is for you Osama,i dont believe your are a physician,let me ask you this question ,if those babies are your sister baby or your loved one babies would you come running and post their video as you caught the wolf by its tail, shame on you you should condemn those midwifes for their and the person who shot the video,but what i should i expect from someone who support albashir!!!11

أخونا طارق ـ لك التحية

هون عليك يا حبيب

د. أسامة وبصفته طبيب طرح هذا الحدث الغريب بإعتباره ظاهرة يتسوجب الوقوف عندها من الناحية الطبية والإجتماعية

وبالفعل تحول البوست لمؤتمر مصغر ضم لفيف من الأطباء وذوي الإختصاص ،

وأصبح مادة دسمة للإطلاع على معلومات في غاية الأهمية ستساعد الكثيرين في تفادي مشاكل بهذا الحجم

تسليط الضؤ على الظاهرة من خلال هذه المنابر مهم للغاية حتى يساهم في بث الوعي وذلك سيساهم في تجنب حدوث مثل هذه المشاكل

أخوي طارق

Quote: https://tele-ichthyosis.firstskinfoundation.org/https://tele-ichthyosis.firstskinfoundation.org/https://tele-ichthyosis.firstskinfoundation.org/https://tele-ichthyosis.firstskinfoundation.org/ http://http://www.tele-icthyosis.firstskinfoundation.orgwww.telehttp://http://www.tele-icthyosis.firstskinfoundation.orgwww.tele

دكتورنا الهميم..السيف النصر

شاكر جدا الاهتمام والتفاعل

وزي ما قلت يا حبيب

الروابط دائما فيها مشكلة

يا ريت الباشمهندس بكري يحلها لينا

...

الرابط ما فتح معاي

وكويس جدا انو في ناس دايرة تساعد الناس دي

ودا خبر جميل في وسط المآسي دي

ياريت تلخص لينا محتوي الرابط مع مشغولياتك

Quote: نقطة إضافية : حكاية التصوير في المستشفيات دي حكاية مؤذية شديد ويوجد لا مبالاة من قبل الطاقم الطبي!! حالات زي تصوير مريض أو حالة ونشرها بدون إذن المريض أو المنشأة الصحية مفروض تنتهي خلاص ولازم تتخذ إجراءات في مواجهاتم ولو بالفصل شان نضع حد للظاهرة الما جميلة دي.

اخي الكريم د عثمان الإمام حياك الله واسعد أيامك

كتر خيرك يا أخوي علي الاضافة والشرح الوافي

واثني علي كل نقاط طرحك دون تحفظ

اما موضوع التصوير

دا حقيقة مشكلة وفي السودان بالذات

وناسنا بياخدو المواضيع ببساطة مخلة ومعيبة

حتي من قبل بعض الاطباء للأسف قد تجد بعض التجاوزات

يا ريت تكون في وقفة في الحتة دي ..ووقفة جادة لعلاج هذا الخلل

علي الاقل وضع لوائح صارمة منظمة للأمر

وحينها صدقني ما حانحتاج لفصل ولا غيرو

Quote: لم نعهد د. أسامة مدافعاً عن البشير في يوم من الأيام

اخي الفاضل ود البصير

اسعد الله اوقاتك بكل خير وصحة وعافية

كتر خير علي قول النصيحة يا اخوي

في زمنا الاعوج دا ما بمرق النصيحة الا اتنين

وانت الفراسة توبك وفالك

ما كنت داير ارد علي الأخ من طاقة الفيس

لسبب بسيط واضح جدا انو ما عارف بتكلم عن منو

وبني كلامو الفوق دا كلو علي وهم دفاعي عن البشير

شاهد الله من دخلت البورد دا كلمة بش ماقلتها خلي البشير كاااااملة كدا

خلي كمان لما اساندو

ولا قاعد اجيب سيرة الحكومة ....ولا عندي شغلة بيها لا من قريب ولا بعيد

والزول دا لو بعرفني كويس ..كان عرف انو كلمتي المحببة هي ...قاتل الله السياسة

واسه اقول ...الله يحرق يوم السياسة ويحرق اليوم الجابا لينا

ياخ لو جبت ليك ابري..يلمو فيك يخلطو ليك بالسياسة يخلو ريحتك طير طيرد

ياخ عاين اسه لاخونا دا سامحه الله

قرب يطلعني من الملة وطلعني من مهنتي وسواني جيت جاري

ونزلتا صور ووافقتا علي صور وساندتا البشير

وعييييييك زي ما بقول الجماعة

والله قربت تبقي علي قصة الزول المشي للعرضحالجي

هو دا كلو علي انا شقي الحال دا

والله كان كدا انا مظلوم خلاص..او كما قال

نفسي اعرف الناس دي ملخبطه بيني وبين منو

Quote: أنر طريقي المهنية الاخلاقية يحاسب عليها عندما يتعدى على شخص بعينه مثلا ان يتم تحديد هوية ابوي هذا الطفل او هوية مريض اخر بالاسم والعنوان،،، اما تناول حالة طبية مع الحفاظ على خصوصية المريض امر لامفر منه ان اردنا اولا توعية الجمهور وثانيا الاستشارة الطبية وايجاد العلاج

اخونا من نافذة الفيس انر طريقي

كتر خيرك وربنا ينور طريقك محل ما تقبل

....

اخونا طارق ...من الفيس ايضا

بعد التحية

يا زول انت بتتكلم عن ياتو فديو

نحن لحد الان ما نزلنا اي فديو بخص الحالة دي لا انا لا غيري

ثانيا يا اخوي انت مشكلتك شنو مقوم نفسك وهائج كدا مالك في شنو

لو بي منطقك الغريب دا

اي حالة دراسية او بحثية ننظر ليها علي اساس انها ممكن تكون بتخص زول بخصنا

وحاتك لليلة كنا نخدر بالشاكوش ونعالج الهيستيريا باستيصال الرحم

ونعالج المرضي بالبول..اي والله. .البول الوااااحد دا...شراب وحمام

وكنا في عملنا مظاهرات في اولي طب

كيف يجيبوا لينا جماجم وجثث ممكن تكون فرضا وجدلا لقرايبنا

بنفس منطقك دا

وكنا هربنا من تالتة طب زي ما عمل عمنا داروين

علشان العمليات كانت اكيد حا تتم من غير تخدير

والكواريك ما كانت حا تديك الدرب

و كان وكان وكان

ثم اخيرا خصمتك..بالنبي انت مشبهني علي منو

Quote: Saif Salim جامعة الزقازيق https://tele-ichthyosis.firstskinfoundation.org/https://tele-ichthyosis.firstskinfoundation.org/ أعجبني · رد · التحديد كبريد إلكتروني غير هام أو احتيال · 5 ساعة

شكرًا كتير اخونا دكتور سيف سالم

علي الرابط المهم

وكتر الف خيرك ياخ وربنا يخدر ضراعك

،،،،،

د سيف النصر

فعلا الرابط مهم

حا أتواصل مع احد الزملاء الخلوقين جدا

Dermatologist

متواجد في الخرطوم

علشان يتواصل مع ذوي الأطفال

عله يستطيع المساعدة عبر رابط الويب اعلاه

أكرر عميق امتناني لكم أيها الاحبة

وياها المحرية فيكم

Quote: يا اسامة سيف سالم = سيف النصر :)

هههههههههههههههههههههههههه

هي لكن ماااااااا برلمتني

،،،،،،

بختك. حييتك مرتين

و دعيت ليك مرتين

بس تستأهل والله

ثم ثانيا الجاب محي الدين لسالم شنوووووووو