النكتة دي شكلها ح تبقى محاسن كبي جبنة الجديدة! لحدّي اسي جاتني زي طفطاشر مرّة في مختلف القروبات و الرسائل الخاصة زيّها وزي جمعة مباركة و لاتدعها تقف عندك!! جات في قروب دفعة الجامعة و في قروب دفعة المدرسة المتوسطة وقروب الشغل و قروب المهندسين و تلاتة قروبات هلالاب و قروب النسابة و قروب كدا ما عنده موضوع وقروب بتاع مناضلين وكم قروب تاني وجاتني من كم صديق كان فاضل ابوحسين قلت كان رسلها بفتح بوست وفعلا ما خذلني قبل شوية رسلها !! المؤلم في الموضوع انه كل مرة بتم تغيير الحاجة البجيبها او يعملها الولد للكديسة, بدت بي شربوت مرورا بي سفن اب عشان تهضم ثم شاي عشان تحبس وأخيرا ابريق عشان تغسل ايديها !! النكتة دي كادت تعمل في ام افكارنا عملية الدواعش في الولد العراقي !! شنو يا خوانا ..
09-02-2017, 09:14 PM
محمد أبوالعزائم أبوالريش
محمد أبوالعزائم أبوالريش
تاريخ التسجيل: 08-30-2006
مجموع المشاركات: 14617
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة