كتب الكاتب الفاتح جبرا المتوفرة بمعرض الدوحة
|
Re: نكات رفع الحظر (Re: عبدالحفيظ ابوسن)
|
واخر نكتة عن الحظر وصلتني قبل شوية في الواتساب.. بمناسبة فك الحظر قام طلاب وموظفي ولاية الخرطوم برفع مذكرة للوالي يطالبون فيها بتغيير اسم فتة الفول ، المعروفة باسم البوش، في جميع المطاعم والدكاكين المتخصصة من " بوش" الى " ترامب" وذلك تخليدا لاسم الرئيس الامريكي دونالد ترامب لموقفه الشجاع تجاه شعب السودان.... والجرسون ينادي: بالله واحد ترامب هنا وصلح الزيت يا.........." ( ود ابو سن : الغلات ذاتو بقى يضحكنا....لاننا كايسين اي حاجة تضحكنا في الغربة القساية دي،، ودمت بالف خير وصحة وعافية
| |
|
|
|
|
|
|
Re: نكات رفع الحظر (Re: عبدالحفيظ ابوسن)
|
هسي بتاع البقالة كان عفي ليك الدين بتاعك يعني ماهيتك حتزيد ؟ الحاجة الوحيدة الممكن تستفيد منها انك تاني ممكن تجي ماشي بشارع بقالتو وانت مطمئن.
مسطول بشرح لصاحبه معنى رفع العقوبات الأمريكية
حفيظ ازيك ياخ
| |
|
|
|
|
|
|
Re: نكات رفع الحظر (Re: عمر أبوعاقلة)
|
بكون هسي نزل توب في سعد قشرة اسمه رفع العقوبات؟؟؟؟
زول ساي قال لي رفيقو هسي لو رفعوا العقوبات دي ولقوا تحتها تماسيح لابسين عمم وشالات وختوها تاني نحن نسوي شنو؟؟؟ بدون تردد قال ليه نرفع الفاتحة بس.
| |
|
|
|
|
|
|
Re: نكات رفع الحظر (Re: nazar hussien)
|
بنت دخلت لي ناس النظام العام لابسة فوق لي الركبة العسكري قال ليها زي فاضح وكمان جاية بي كرعيك ؟؟؟
قالت ليه انت من زمن الزي الفاضح؟؟؟ فستاني دا اسمه رفع العقوبات فضحك حتي بانت نواجزه وأمر لها بشاي وحرجل.
| |
|
|
|
|
|
|
Re: نكات رفع الحظر (Re: maia)
|
بتاع رقشة وقفتو عمتكم كبيرة في محطة سبعة قالت ليه يا ولدي واصلة السوق الشعبي قال ليها جدا جدا يا حاجة- اتفضلي- لما وصلت ادتو عشرين جنيه ونزلت- قال ليها ويييين يا حاجة...انت من زمن الجنيه؟؟ كنتي وين؟؟ المشاوير بقت بالدولار بس....انت ما سمعتي بي رفع العقوبات؟
| |
|
|
|
|
|
|
Re: نكات رفع الحظر (Re: عبدالحفيظ ابوسن)
|
بمناسبة رفع الحظر قالوا ايام على دينار قبضوا حرامى سارق بصل. اها على دينار قال ليهو يا تأكل البصل يا تتجلد مية جلدة يا تدفع 100 دينار
قال باكل البصل من رابع بصلة حالتو بقت حالة. قال بتجلد من الجلدة العشرين جسمو اتملا دم. دفع المية دينار واتخارج. أسى يا الكيزان لزوم اكل البصل والجلد عشرين سنة فوق كم؟؟؟؟؟ من الاول كان تنبطحوا وتنسوا الشعارات.
| |
|
|
|
|
|
|
Re: نكات رفع الحظر (Re: Nasser Amin)
|
*#بمناسبه رفع الحظر :*
دايما زمان في كل شله بيكون تلاته اربعه شباب( بيسفو ) وواحد منهم بس بيسف علني.. نسميهم افتراضا *"عمر وابراهيم وبكري وترامب"*. المهم ترامب دا بيكون بيسف علني والباقين بالدس. تقوم ام عمر تلقى ليها كيس تمباك تحت فراش عمر وتسألو بحزم: عمر انت بتسف؟ يرد: لا لا يا حاجه دا كيس ترامب. وام ابراهيم تلقى سفه مجدوعه تحت سرير ابراهيم وتسألو: دا شنو يا ولد انت بتسف؟ ويرد : معقوله يا امي دا ترامب امس كان قاعد معاي. وابو بكري يجي الصالون يلقى كيس جمب التلفزيون يسأل: دا شنو ي بكري؟ يرد بكري: دا كيس ترامب نساهو هنا امس. # فجأه وبعد محاولات متتاليه ترامب ربنا هداهو وبطل يسف. هنا الامور جاطت.. بقو عمر وابراهيم وبكري قدام خيارين: يا يبطلو يسفو، او يسفو علني. The End # المهم نرجع لموضوع رفع الحظر. من وعينا ف الدنيا دي (life time ago) بنسأل: البلد اقتصادها متدهور كدا ليه؟ ترد الحكومه: البلد عليها عقوبات ومحظوره اقتصاديا.. ( دا كيس ترامب ). نسأل: ليه مشاريعنا بتفشل وم بتنمي البلد؟ ترد الحكومه: البلد عليها عقوبات ومحظوره اقتصاديا..( دا كيس ترامب ). ليه الاسعار في ارتفاع دائم والشعب م قادر يعيش. وبرضوو الرد: البلد عليها عقوبات ومحظوره اقتصاديا.. ( دا كيس ترامب). وتسمر الاسئله: الحرب، الخريجين، الاجراءات الحكوميه العقيمه، تهميش الولايات .... الخ. ويظل الرد: البلد عليها عقوبات ومحظوره اقتصاديا.. (داااا كييييس تراااامب ). # لغايه امس حصل انو *ترامب ربنا هداهو وبطل يسف.. اقصد رفع الحظر والعقوبات*. بقى عند الحكومه نفس الخيارين القبيل: # الاول *يااا تصلح البلد وتثبت (زوال الأثر بزوال المؤثر) يعني ( تبطل تسف هي برضو وتثبت انو دا كيس ترامب )..* # الثاني *أو تواصل ف الحال دا وتكون انكشفت ( يعني تسف علني )* ،،،،،،، وكل رفع حظر وانتو طيبين
| |
|
|
|
|
|
|
|