|
|
|
 Re: نصيحه ل د. عوض إبراهيم عوض.. لا أحد يوقف الث (Re: Haytham Ghaly)
|
مرحب بأخي الغالي هيثم غالي.
شاهدت مقابلت بروف عوض العملها مع دكتور مهاتير محمد.
كذلك امس كان فاكنو ليهديء لهم غضبة الشارع وذلك علي ما يبدو لي بقناة امدرمان الفضائيه، بيقول هو زار أكثر من ٦٥ دوله لم يجد دوله أرخص من السودان من حيث الوضع المعيشي وكان بيضرب مثل بسويسرا(فيما إعتقد) بيقول قطعة الساندويتش تقارب ١٢٠ ألف جنيه سوداني!
قال اخد معاهو راتب شهر قطعوا في اقل من اربعه يوم!
الدكتور نسي او تناسي متوسط دخل الفرد بسويسرا ودخل الفرد بالسودان!!
برضو قال:
لما كان مغترب ماقدر يوفر ليمتلك منزل بالوطن ولكن عندما ترك الإغتراب وجاء للوطن الآن في فتره وجيّزه إمتلك منزل- فقط - من مرتبه الشهري.
أيضٱ قال اخدوا معاهم د. مهاتير محمد إلي ارض الجزيره الواسعه الخصبه، فلما شافها د. مهاتير،(تعجب جدٱ)، قاليهم ياريت تكون عندنا ربع هذه المساحه بماليزيا لكنا أسعد الناس!!
البروف كان بينصح الناس ماتغترب والإغتربو حقو يعودوا للسودان لان الوطن به خير كبير!
ياخي الكلام دا ربيع عبدالعاطي ما يقدر يقولو !
| |
  
|
|
|
|
|
|
|
|
Re: نصيحه ل د. عوض إبراهيم عوض.. لا أحد يوقف الث (Re: Mohamed Adam)
|
سلامات يامحمد ادم
لو قاصد عوض ابراهيم عوض الترزي البقي كوز ودخل الاذاعة والتلفزيون ثم ابتعثوه
بواسطة التنظيم الي ماليزيا وحقق الدكتوراة ورجع الي عشق الكاميرات ومواضيعه المخستقة
دا يكون ضياع زمن ساي ، ياخي ناكر حتي لاهلوا ومهووس بافكار الشوفينية والتوهم الذاتي .....
| |
|
|
|
|
|
|
|
|
|
Re: نصيحه ل د. عوض إبراهيم عوض.. لا أحد يوقف الث (Re: Mohamed Adam)
|
إنحاز لشعبك يابرووف ودع القتله والمُفسدين
تجار الديّن!!
------------------------------------------------------------------------------------------------------------------------------------------------------------------------
محمد آدم لك التحية
يا اخى انت بتحكى عن عوض ابراهيم عوض الكضاب بتاع الكونجرس ولا واحدا غيرو؟ ما تقول لى كمان اخد البروفية؟ سبحان الله...تعيش دهرا ترى عجبا
| |
|
|
|
|
|
|
|
|
|
Re: نصيحه ل د. عوض إبراهيم عوض.. لا أحد يوقف الث (Re: Hassan Farah)
|
هلا بالأستاذ عبداللطيف حسن.
ياخي الدنيا دي خليها ساي عاملا زي المرجحيه!
اكاد لا أصدق عيناي بأن الذي أري وأشاهد هو ذلك الرجل الشهم الكريم عوض إبراهيم عوض. لطفك يارب.
الأخ حسن فرح لك التحيه والإحترام
الرجل بروف واكثر من ذلك ولا احد يشكك في درجته العلميه وفي عمقو المعرفي(الرجل موسوعه)، لكن المحير في الامر وقوفو ودفاعو المستميت لنظام فاسد متهالك زي نظام الإنقاذ.
فعلٱ وزي ماقلت، تعيش دهرا تري عجبا.
| |
|
|
|
|
|
|
|
|
|
Re: نصيحه ل د. عوض إبراهيم عوض.. لا أحد يوقف الث (Re: معاوية المدير)
|
مساء الخير
د.عوض دا انا رميت طوبتو من زمان
حضرت ليهو لقاء وقال فيهو ان سبب تخلف السودان هو "الغبار"
وكان جادي وبحاول اقنع المشاهدين كمان
لو تقارن كلامو دا بكلام حسين خوجلي القال انو مشكلة السودانيين انهم مابشربو موية كفاية في اليوم وبنصح فينا نشرب موية كتير عشان نبقى شعب متحضر
يعني مشكلة السوداني انو اغبش من الغبار واخلاقو زي الزفت عشان مابشرب موية كفاية
فتامل
| |
|
|
|
|
|
|
|
|
|
Re: نصيحه ل د. عوض إبراهيم عوض.. لا أحد يوقف الث (Re: Deng)
|
الأستاذ معاويه المدير.
كيفك ياعزيزي.| Quote: لبروف كوز من قبل ماليزيا . |
بالمناسبه البرنامج المعني كان معاد أمبارح بالليل(بتوقيت أمدرمان)...
كوزنت البروف، تأكدت ١٠٠٪ لكن كنا عايزنو يكون منصف ويمارس مهنيتو لانها امانه علي عنقو، وان لايكون ملك اكثر من الملك ذاتو.
| |
|
|
|
|
|
|
|
|
|
Re: نصيحه ل د. عوض إبراهيم عوض.. لا أحد يوقف الث (Re: معاوية المدير)
|
أخي العزيز حاتم الهواري
ألف مرحب بِك.Quote: د.عوض دا انا رميت طوبتو من زمان
حضرت ليهو لقاء وقال فيهو ان سبب تخلف السودان هو "الغبار"
وكان جادي وبحاول اقنع المشاهدين كمان |
دي ياها نفس دعوتو للمغتربين بأن يعودوا للوطن حيث فرص العمل متاحه للجميع وبكل سهوله ويسر الواحد ممكن يحقق آمالو !!
البروف، جعل من نفسو مثال حيّ المغترب ممكن بحتزي بيهو...
يبقي البروف والإعلامي حسين خوجلي وغيرهم مجندين لتأخير الثوره ولكن لم يكونوا أشطر من صحاف العراق!
فياريت يفهموا هذه الحقيقه ولايعترضوا طريق الثوره!
| |
|
|
|
|
|
|
| |
Mohamed Adam
عبداللطيف حسن علي
Hassan Farah
معاوية المدير
Hatim Alhwary
Deng
Othman Al-Hasan Babikir
فيس بوك
تويتر
انستقرام
يوتيوب
بنتيريست