وعلى قول المصاروة يا سمعة(ونحن شو دخل امنا) -------------------------------------------- لكن بيني وبينك القصة بقت متشابكة شديد يعني التداخل الجيوسياسي والديمغرافي والاقتصادي وحتى التاريخي بخلي ام سودان مفتقل عيونو ولازما يكون ليه راي يا اخي موريشص والمالديف قالوا رايهم ..لكن وحاة خوتك كان ما شوية الجنود البقاتلو في اليمن ما كان في زول اهتم بي السودان ولا هببو ليه .. بعدين نحن عرب حين عوزة وافارقة ولينا ريحة وقت ما يحتاجوا لينا ..
اكتر شيء محيرني في واحدين شايفين انو الانتماء للعرب شيء يخلي الانسان محل فخر .ولكن الحقيقة انو التلصق للانتماء للامة العربية حاجة مخجلة .. انت بالمناسبة وين بريمة الجهني 😂😂😂
06-10-2017, 06:16 AM
اسماعيل عبد الله محمد اسماعيل عبد الله محمد
تاريخ التسجيل: 08-26-2007
مجموع المشاركات: 2940
ول ابا.. رمضان مبارك يا حبيب.. مالك علي يا ولضمي..!! يعلم الله يا سماعين..اتسحرت وحارس صلاة الصبح حرسة بولي للطملة..!! وانا بحاول اناغمك هنا..ضحكت بعمق يا سماعين ..ياخي شهور ما جاتني رغبة للضحك وانا بحاول ارد عليك..!! اقول ليك شنو يا قريبي.. (دخلنا:كورة امقعر تحت كراع عنقريب) اوعك تقول لي ما بتعرف (الورانية)؟..
عليك الله شوف فلسفة التفاوض دي عميقة ككيف؟..
بلغة ناس البندر ..ده شغل باركوها يا جماعة..وبرضك بنقول لحكومة امسودان اخير تشتغل بالمبدأ ده..!!
الله يطرى بالخير اخونا كباشي الصافي عليه الرحمة..!
السياسة مصالح يا حبوب..!
ودمت طيبا يا صديقي..
كبر
06-09-2017, 10:45 AM
Deng Deng
تاريخ التسجيل: 11-28-2002
مجموع المشاركات: 52687
حبابك يا ول أبا ورمضان مبروك. انت زول طيب يا قريبي.العربان ديل عندهم تصنيف حتى للوسيط المصلح.يعني ما ممكن الواحد منهم يقبل وساطة الساءق والخادم في الشأن الأسري. هم هكذا. فناسنا أحسن يعرفوا قدر نفسهم و يتجهوا نحو بحيرة فكتوريا حيث العزة والكرامة.
06-10-2017, 07:20 PM
Hassan Farah Hassan Farah
تاريخ التسجيل: 08-29-2016
مجموع المشاركات: 10388
أخي اسماعيل التحية لك ولضيوفك بالنسبة لموضوع خلافات العرب فأنا أرى ان مايهمنا كسودانيين فقط هو تأثيره على وطننا بالنظر إلى قرب تلك الدول الجغرافي منا ووجود عدد كبير من أبناء السودان يقيمون فيها، لكن اسمح لي بالاختلاف معك في كوننا أفارقة أم عربا لأني أعتقد ان السودان بلد فريد من نوعه وليس عربيا او افريقيا خالصا والأفارقة ليسوا مجموعة واحدة متجانسة بحيث نعمم اننا كذلك اي على سبيل المثال ان الفروقات العرقية واللغوية والثقافية بين النوبي او الحلفاوي او الشايقي او الهدندوي او البقاري السوداني وبين السوري او العراقي او المغربي هي نفسها الفروق بينهم وبين اهل القبائل الافريقية كالزولو والماساي والهوسا والاورومو وغيرها. اي نحن على مسافة واحدة من الجميع واعتقد انك تتفق معي ان اللغة العربية هي التي جمعت فسيفساء أهل السودان المختلف وان الثقافة العربية عنصر لايمكن شطبه من واقع السودان لكن بالقطع لا اتفق مع محاولات بعض الجهلة السلبطة في العرب والغاء هوية باقي مكونات الشعب السوداني التي نفتخر بها والتي ارى انها لم تأخذ حقها في التعبير عن نفسها وثقافتها بسبب سيطرة مدعي العروبة وإصرارهم على فرض الهوية العربية على كامل السودان.
ودمتم بود،،،،،،
06-10-2017, 00:17 AM
جلالدونا جلالدونا
تاريخ التسجيل: 04-26-2014
مجموع المشاركات: 9661
أخي طارق عبد الله. تحياتي ورمضان كريم. مقدر لوجهة نظرك. لكن، عندما اقول أفارقة هذا لا يعني طمس للغة والثقافة العربية.مورتانيا و تونس فيها من العمق العروبي ما يفوق السودان لكنها دول أفريقية الهوى والهوية. أفريقيا فيها خليط ثقافات ولغات لكن هذا لم ولن يجعلها عربية و لا فرانكفونية ولا انجلوسكسونية.
06-10-2017, 09:59 AM
اسماعيل عبد الله محمد اسماعيل عبد الله محمد
تاريخ التسجيل: 08-26-2007
مجموع المشاركات: 2940
المثل يقول (تلصق الطين في الرجلين ما ببقى نعلين) مهما بذل بشة و رهطه من جهد لينتزعوا اعتراف بني قحطان لن يفلحوا . القبول بالدونية من نخبة مركز البلاد تجاه المركز العروبي لا ينتهي إلا بثورة مفاهيمية شاملة وانقلاب على الوجدان المنمط لدى الفرد السوداني في نظرته لجزيرة العرب.
06-10-2017, 10:00 AM
مني عمسيب مني عمسيب
تاريخ التسجيل: 08-22-2012
مجموع المشاركات: 15691
ردآ علي الأخ الفاضل طارق ابراهيم : وله التحية . لكن اسمح لي بالاختلاف معك في كوننا أفارقة أم عربا لأني أعتقد ان السودان بلد فريد من نوعه وليس عربيا او افريقيا خالصا والأفارقة ليسوا مجموعة واحدة متجانسة بحيث نعمم اننا كذلك اي على سبيل المثال ان الفروقات العرقية واللغوية والثقافية يا اخي طارق ما الذي يحدد اصلك وجنسك ؟ الم يكن الموقع الجغرافي ؟ يعني السوداني ما معلف في الهواء عشان تجي تقول كلامك دا وكأنه بتبرر بعدم الاعتراف بافريقيتك !!! حقيقة حاجة مؤسفة جدآ انا شخصيآ افريقة وبفتخر ولو تاني ادوني فرصة عشان اختار بختار اكون افريقية لانه العرب بالنسبة لي ما محل مفخرة ولا شرف عشان اكون تبعيتهم ولا بنتمي ليهم .. بعدين حتت اللغات والثقافات دي حاجات مكتسبة ما عندها اي علاقة بالجنس ولا هوية الاصل ... هنا في اوربا بتعاملوا معانا كافارقة لكل من تقع دولته في القارة الافريقية يعني ما قالوا شمال افريقيا لانهم سمحين ولونهم ابيض ولا المصرين ولا اي جنس آخر يختلف معنا في الملامح ودا المنطق الصاح .
انا افريقية وافتخر والحرية في دمي .
ولكم الشكر ,,,
06-10-2017, 10:08 AM
اسماعيل عبد الله محمد اسماعيل عبد الله محمد
تاريخ التسجيل: 08-26-2007
مجموع المشاركات: 2940
Quote: يا اخي طارق ما الذي يحدد اصلك وجنسك ؟ يعني السوداني ما معلف في الهواء عشان تجي تقول كلامك دا وكأنه بتبرر بعدم الاعتراف بافريقيتك !!! حقيقة حاجة مؤسفة جدآ انا شخصيآ افريقة وبفتخر ولو تاني ادوني فرصة عشان اختار بختار اكون افريقية لانه العرب بالنسبة لي ما محل مفخرة ولا شرف عشان اكون تبعيتهم
تسلمي يا بت العم..
06-10-2017, 11:33 AM
طارق عبد الله طارق عبد الله
تاريخ التسجيل: 06-30-2016
مجموع المشاركات: 454
Quote: يا اخي طارق ما الذي يحدد اصلك وجنسك ؟ الم يكن الموقع الجغرافي ؟ يعني السوداني ما معلف في الهواء عشان تجي تقول كلامك دا وكأنه بتبرر بعدم الاعتراف بافريقيتك !!! حقيقة حاجة مؤسفة جدآ انا شخصيآ افريقة وبفتخر ولو تاني ادوني فرصة عشان اختار بختار اكون افريقية لانه العرب بالنسبة لي ما محل مفخرة ولا شرف عشان اكون تبعيتهم ولا بنتمي ليهم .. بعدين حتت اللغات والثقافات دي حاجات مكتسبة ما عندها اي علاقة بالجنس ولا هوية الاصل ... هنا في اوربا بتعاملوا معانا كافارقة لكل من تقع دولته في القارة الافريقية يعني ما قالوا شمال افريقيا لانهم سمحين ولونهم ابيض ولا المصرين ولا اي جنس آخر يختلف معنا في الملامح ودا المنطق الصاح . انا افريقية وافتخر والحرية في دمي
التحية أخت منى ورمضان كريم.... أنا معاك ان ادعاء العروبة ليس بفخر ولا شرف ولا يحزنون و لايخفى عليك انحطاط حال العرب في كل المجالات و على رأسها الأخلاق والإنسانية للأسف لكن أنا قلت أننا شعب هجين وبقدر فروقات العرق والثقافة والتفكير الموجودة بيننا وبين العرب نجد نفس الفروق بيننا وبين الافارقة، يعني بقدر اختلافي عن القحطاني والعدناني أنا ايضا مختلف عن الزولو والبرنو. عموما نحن السودانيين وكما ذكر الراحل جون قرنق لا عربية ولا أفريقية ولا اسلام ولا مسيحية تجمعنا، ما يجمعنا هو السودان والمواطنة.
وتقبلي تحياتي،،،،،
06-10-2017, 04:01 PM
نادر الفضلى نادر الفضلى
تاريخ التسجيل: 09-19-2006
مجموع المشاركات: 7022
مصر وليبيا وتونس والجزائر والمغرب وموريتانيا وغيرهم عرب وأفارقة والسودان مثلهم سواء بتعريف الجفرافيا أو التاريخ أو الأعراق أو الثقافة أو الإنتماء الرسمى للمنظمتين الإفريقية والعربية.
وحتى إذا فرضنا جدلاً بأن السودان ليس بعربى فجغرافيا حدوده متاخمة لدول لا ينكر عروبتها (أفرادا أو جماعات من شعوبها) .. مثل حدود مع مصر وليبيا وعبرا البحر المللكة السعودية .. تجعل السودان يتأثر بما يحدث عند الدول العربية.. هذا البحر الأحمر وحده إستراتيجيته الأقتصادية والأمنية تجعل هنالك إرتباطاً ومصالح هامة مشتركة مع الإقليم العربى.
ولأنه منذ ما يقارب نصف قرن من الزمان هنالك قدر كبير من شعب السودان إضافة للدولة السودانية يعتمد على فرص العيش والكسب الحلال التى أتيحت للمواطنين السودانيين بالعمل فى السعودية ودول الخليج العربى .. لولاها لما تماسكت حتى الآن الأمة السودانية ولا الدولة التى إعتمدت الجباية من المغتربين فى (الدول العربية) دون المغتربين حديثاً فى دول الغرب الذين يحصلون على جنسيات موطنهم الجديد وتسقط عنهم جباية الحكومة السودانية.
التاريخ والحاضر يقول أن السودان إربتاطه بالدول العربية أصيلا وذو منافع متبادلة ولا أود الخوض فى تفاصيلها .. أضرب مثلا عند الشدائد مثل نكبات الفيضانات لم يجد السودان معيناً ومتبرعا بالمال والدواء والطعام والخيام سوى هؤلاء العرب .. لم نسمع يوماً بدولة أفريقية غير عربية مدت يد العون ولن ننتظر مستقبلاً .. والدولة وحكامها فى ضيق أزمات مالية وتموينية أو سياسية دولية أو أمنية لم تجد معيناً بالمال والسلاح والمناصرة الدولية غير الدول العربية .. ولن نأمل فى يوم من الأيام بآلاف أو مليارات عون مالى أو عينى من دولة أفريقية غير عربية. نعم أحياناً سياسيا تقرص بعض الدول العربية على حكامنا ويكون حكامنا هم من تجاوزوا كل المعقول مثلما كان فى أزمة إحتلال العراق للكويت، وحينما تآمروا فى محاولة إغتيال رئيس مصر حسنى مبارك .. ولكن التاريخ والحاضر يشهد بأن المصالح المشتركة قائمة والعلاقات والصلات قائمة .. لا يعمل على قطعها ورفضها إلا غير عاقل، أو من ينظر فقط فى مدى أقصاه خطوة حذائه.
والعلاقات والمصالح والإنتماء للكتلة العربية غير أنه واقع جفرافيا وتاريخ وحاضر وأعراق وثقافات فإنه لا يحول دون علاقات طيبة وبناء جسور علاقات ومصالح مع دول أفريقية غير العربية .. وهنالك ما هو قائم بإتفاقت إقتصادية.
06-10-2017, 04:41 PM
ABDALLAH ABDALLAH ABDALLAH ABDALLAH
تاريخ التسجيل: 08-25-2007
مجموع المشاركات: 7629
Quote: الاتراك ديل عرب؟!! الايرانيين والفرس ديل عرب؟!! ما يهن داخلين لصرتهم في الموضوع
الأخ السنوسى بدر واضح سبب تدخل الإيرانيين وحكومة الأتراك فى النزاع بين السعوديه وقطر وهوبالطبع آيدلوجى بحت إيران شيعه وتركيا أخوان مسلمين وعدو عدوك صاحبك .
06-10-2017, 05:54 PM
Asim Ali Asim Ali
تاريخ التسجيل: 01-25-2017
مجموع المشاركات: 13499
الاخ اسماعيل وضيوفه سلامات *السودان دوله (قاره) او افريقيه plus للتنوع الثقافى الثرى بخلاف باقى الدول الافريقيه الاخرى التى فى غالبها اقل فى تنوعها عن السودان . والثقافه العربيه طارئه ومكمله على الثقافات الموجوده وليست اصل . مشكلتنا اننا كسودانيين لم نستيع ان نبرز الهويه السودانيه بملامح واضحه ثقافيا لها حضورها المؤثر عالميا على مثال الحاله الهنديه التى رغم تناقضاتها الثقافيه الا انها لها لونها المميز عالميا . *اما موضوع الخلاف فهو ليس عربيا وانما راس السوت وصل الدنيا كلها مندعم قطر للارهاب واذا استثنينا موريتانيا فالدول الافريقيه (اخرها النيجر))المبادره للمقاطعه كلها من الدول التى مسه شىء من موجه الارهاب باسم الاسلام واتوقع انضمام ول افريقيه اخرى لاحقا مثل نيجيريا والكاميرون وافريقيا الوسطى......واحيلكم الى بوست عن داعش فى افريقيا بعدخروجها من العراق وسوريا. . مستقبل داعش والقاعده ونظيراتها فى افريقيا (ملف توثيقى) المصدر : http://sudaneseonline.com/board/490/msg/-%d8%a8%d8%b9%d8%af-%d8%a7%d9%84%d8%ae%d8%b3%d8%a7%d8%b1%d8%a9-%d9%81%d9%8a-%d8%a7%d9%84%d8%b9%d8%b1...%9f--1495631775.html
06-11-2017, 09:12 AM
اسماعيل عبد الله محمد اسماعيل عبد الله محمد
تاريخ التسجيل: 08-26-2007
مجموع المشاركات: 2940
Quote: اما موضوع الخلاف فهو ليس عربيا وانما راس السوت وصل الدنيا كلها مندعم قطر للارهاب واذا استثنينا موريتانيا فالدول الافريقيه (اخرها النيجر)
أخ عاصم موضوعي انا مسألة الوساطة في حل الخلاق. الموضوع ده بشة ما مؤهل ليه كرءيس قادم من دولة أفريقية. العرب بشوفوها إهانة ليهم. الناس ديل شغالين بتنميط للناس حسب خلفيتهم العرقية.
صدقوني يا شباب هذه هي الحقيقة بدون رتوش..
06-10-2017, 05:51 PM
علي دفع الله علي دفع الله
تاريخ التسجيل: 08-31-2012
مجموع المشاركات: 2502
دكتور سنوسي ازيك يا جميل ونحن دايرين نبقى زول وبس دا كل امانينا والله. بي التلصق في الاعراب الاجلاف ديل لا نلنا عروبتهم التافهة دي ولا ثبتنا في سودانويتنا السمحة دي .. عليك الله شوف اسافير الله ورسول دي مطلعة زيت ابو اهلنا من مصريين وشوام واعراب اليمن وحتى الخليجيين تريقة وقلة ادب ونعوت بالعبيد وغيرو تتصور اصلا ما فارقة معانا لاننا والله ملانين عز بس الاندفاقة والتلصق لهؤلاء الاعراب الاجلاف هو العامل لينا النقصة .. علبك النبي يا دكتور هسي الاعراب ديل البخلي الواحد يكون فخور بالانتماء ليهم شنو!!!
06-10-2017, 06:32 PM
Elsanosi Badr Elsanosi Badr
تاريخ التسجيل: 03-29-2008
مجموع المشاركات: 4166
Quote: ونحن دايرين نبقى زول وبس دا كل امانينا والله.
يا علي ما براكم ابيتوا هسي عليك النبي التمرجي طه الحسين ده مالو عيبو شنو؟؟!! خدرة تشق البطن ختمي وممسح بفازلين وبيشيل نعلاتو سيدوتاني دايرين شنو! ما تقبلو بيهو ونديهو (فرت) سنة وتاني السودان ده يبقي نار (منقد) للاخوان واشباههم من الجلافيط
Quote: علبك النبي يا دكتور هسي الاعراب ديل البخلي الواحد يكون فخور بالانتماء ليهم شنو!!!
يا علي يا جميل عامل شنبك كده زي تراب المغنتيس هههههههه (كلما اتذكر الزول النباذ داك اتحير!!) المشكلة مافي التلصق والانتماء بقدر ما هو عامل النقص الذي يعتري الانسان الذي يسكن هذه الرقعة من العالم الانسان الساكن في المنطقة دي من العالم الاكثر تعقيدا بالنسبة للاspecies الموجودة علي الكوكب الواحد فيهم يشاهد التلفزيون يكورك و(يتنخج) لمن يشوف اخبار احتلال اراضيهو ولامن يمرق بره بيتهم ممكن يكتل اخوهو وود جيرانهم وياكل كبدتو نيه (العياذ) بالله ياخ المنطقة دي فيها اسواء مافي الانسان من كراهية ... ياخي واحد بيكون صقر وعيالاتي يغيب ليهو شهر وتلقاهو مرق في حته وكاتل نفسو وكاتل معاهو اطفال ونسوان وناس كبار ما بيعرف حتي اسمائهم الحته دي اظن اعفن منطقة في العالم وده نتيجة للتراكمات الخلفتها ادعاء الطهر
حكاية (كورة ام قعر تحت كراع عنقريب) هي المصلحة يا صاحب..
ولم نطلب من السودان ان يكون وسيط في هذا النزاع ، وانما طلبنا منه في المقام الأول ان يراعي مصالحه والتي تجمعه بجميع اطراف النزاع..يعني أي انحياز لأي طرف بنخسر (كورة امعقر تحت كراع عنقريب) يعني بنخسر مصالح كتيرة..
السعودية وحدها هي من تحاول عرقنة الأزمة..وتكييفها في نطاق صراع عرب ضد فرس..وهذا فهم بيخص السعودية..وانت برضك داير تعرقن النزاع بتقسيمات عرب وافارقة..
يعني موقف السودان موقف مصالح وليس موقف هوية..لأنو الحكومة لو اتعاملت مع الأزمة كازمة هوية ح تشرب وما تروى..!
كبر
06-10-2017, 07:24 PM
أيمن الفاضل أيمن الفاضل
تاريخ التسجيل: 01-12-2013
مجموع المشاركات: 1013
اعتقد اننا كسودانيين مخلوطين جميعا بين العرب والافارقه وبدرجات متفاوته والناتج هو ما نراه الان اما في ما يخص انتما الدوله اعتقد ان السودان لن ينهض ما لم يرجع الي عمقه الافريقي فدوله القديمه ايام وعلوه وسنار والسلطنة دارفور كانت مرتبطه بمحيطها الافريقي بل حتي مملكة كوش التي غزة مصر بل حتي الثورة المهديه لم تنتصر الا بعد ان هاجر المهدي الي غرب السودان فاذا كان من يجلسون الان على سدة الحكم لهم بعد نظر و وجهو كل الطاقات والعلاقات والمصالح التي وجهة شمالا ناحية مصر والعرب زياده في ربع قرن الي العمق الافريقي وخصوصا ارتريا و اثيوبيا وتشاد و كينيا ويوغندا لكنا افضل حالا مما نحن عليه اليوم وعلي العموم السودان امتداده الطبيعي شرقا ناحية اثيوبيا واتريا وغربا تشاد حتي النيجر ونيجريا
06-11-2017, 08:52 AM
اسماعيل عبد الله محمد اسماعيل عبد الله محمد
تاريخ التسجيل: 08-26-2007
مجموع المشاركات: 2940
رمضانك مبارك يا دكتور. صدقني أشرف لينا نغسل يدينا من الناس ديل في موضوع الوساطة. وبارك الله في امروء عرف قدر نفسه وحمد دونه. الناس شايلاها الهاشمية في الفاضي.
06-11-2017, 08:37 AM
اسماعيل عبد الله محمد اسماعيل عبد الله محمد
تاريخ التسجيل: 08-26-2007
مجموع المشاركات: 2940
الاخ نادر الفضلي. انت كسوداني تعتبر صاحب فضل على دول الخليج. أطلاقا لا تضع نفسك في خانة المستجدي. انت وضعت اللبنات الأولى. لا تستجيدهم لأنك عامل بضراعك زيك وزي آخرين وفدوا من بلدان أخرى.
06-10-2017, 07:31 PM
Hassan Farah Hassan Farah
تاريخ التسجيل: 08-29-2016
مجموع المشاركات: 10388
الأخ علي دفع الله، رمضان كريم يا زول، الشي شنو ياخ؟ هل تُقيم وَ تقوِّم هويّتك الوطنية على جرفٍ هارٍ من الهجوم الشخصاني جداًعلى السودانيين من جانب عـديد من مواطني وَ رعايا دول عـربية..؟! وهل السودانيون مُقَصِّرون - ما دعا الدّاعي - لإلقام المتعدِّين حجارة من سِجِّيل..؟! أو ذاك ما ينبغي.
وإذاً، هل بهذه السهولة السيولة، تتنازل ضربة لازبٍ ممّا يجمعك بالجوار الإقليمي وما أقامه ويُقيمه على مَــرّ الدّهور من روابط إنسانية وسياسية واقتصادية واجتماعية وعلاقات عمل عمليّاتي عديل كدا..؟!!
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
اسماعيل عبد الله محمد
علي دفع الله
Kabar
Deng
Hassan Farah
طارق عبد الله
جلالدونا
مني عمسيب
ABDALLAH ABDALLAH
Elsanosi Badr
Asim Ali
أيمن الفاضل
محمد عمر ابراهيم
محمد أبوجودة
مدثر صديق
حاتم إبراهيم
بدرالدين بابكر مصطفى
فيس بوك
تويتر
انستقرام
يوتيوب
بنتيريست