السلام عليكم الأخ عماد الدين الطيب وضيوفه الكرام الطاقة الشمسية أو توليد الطاقة الكهربائية من طاقة الشمس بتتناسب عكسيا مع درجة الحرارة يعني كل مازادت درجة الحرارة بيقل التوليد وكل ماقلت درجة الحرارة بيزيد التوليد دي ما المشكلة الوحيدة في مشاكل تانيه منها انو درجة وضع اللوح الطاقة الشمسية بيختلف من الصيف و الشتاء في السودان بمعني انو الطاقة الجاية من الشمس دي ما كلها بنستفيد منها في توليد الطاقة في اوقات معينه في السودان هي من 9 تقريبا لي 3 في الصيف اها ومفروض تتخت اللوحه بي زاويه معينه تختلف الزاويه من الصيف و الشتاء في الصيف بتكون علي 45 مثلا وفي الشتاء ممكن تصل لي 85 تقريبا درجه عموديه علي سطح الأرض الحكايه دي مفروض كل موسم تطلع تزبط زي الدش الجمارك السودانيه وحسب علمي انها ماعندها مشكله معاها بس في بند في عقدك مع الكهرباء بيمنع ان تولد كهربا من غير اي وسيله غير ادارة الكهربا - حتي الجنريتر ممنوع - لكن مامفعل لشح التوليد البطاريات عكس الخلايا الشمسيه كل مازادت درجة الحرارة كل ما كان اداء عالي وكل ما قلت بي قل اداء البطارية اخر مره كنت سألتها قالو لي الوات بي 11 ونص دا سعر الجملة لو عاوز شرح اكتر ممكن ترسل لي في الخاص ودا لحدي مايجيك ايمن يشرح ليك زيادة
Quote: في بند في عقدك مع الكهرباء بيمنع ان تولد كهربا من غير اي وسيله غير ادارة الكهربا - حتي الجنريتر ممنوع - لكن مامفعل لشح التوليد
ا لمشكلة مع ناس الكهرباء ... عليه لا فائدة حتى لو فتحت كل الابواب ... اما في مسالة وضعية الالواح ... يتخيل لي دي ما فيها مشكلة ...المشكلة الاكبر هي عدم وجود الكهرباء ...
ما عندك مشكلة ، أبرم عقد معاهم ، تولد كهرباء لحسابهم وتوصلها لبيتك و تدفع ليهم الفاتورة شهريا.. مش برضو أفضل من عدم الكهرباء .. قالوا في واحد صاحب مصنع طحنية بحتاج للموية لنظافة السمسم قام حفر ليهو بئر أرتوازية في داخل المصنع وبدأ يشتغل.. جوه ناس الهيئة المركزية وجابو ليهو الفاتورة.. قال ليهم يا أخوانا أنا حفرت البير على حسابي.. قالوا ليهو برضو حتدفع الفاتورة .. إمداد المياه ده محتكر لينا..!! .. مع تحياتي.. أخ عماد الطيب عمر
السلام عليكم الأخ عماد الدين الطيب عمر وضيوفه الكرام بالنسبة لي ناس الكهرباء هي ماعندهم مشكله هي بند مختوت في العقد لحماية الشركة وفي نفس الوقت لو حابين يقطعوا معاك يقدرو بالنسبة للموية هي فعلا في مشاكل في موضوع الابار الإرتوازية لكن ما في كل المناطق يعني المناطق السكنية لو فتحو باب زيدا كدا ناس الموية تاني ما بتكون عندهم قروش لي المويه الاخ هيثم لي تلغي العقد خليك في عقدك واشتغل بي نظامين حال مافي كهرباء تضمن الإنارة و تضمن بعض الأجهزه الكهربائية شغاله بالنسبة لي الزراعة هي بتعتمد علي سعة الموتور بتاع الطلمبة بتاعت الموية كم صحان وكمية الطاقة الدايرة هل عندك مثلا غرفة محتاج لي كهرباء فيها وله لأ هل في حاجه تحتاج لي كهرباء كمية الطاقة هي البتحدد كمية الألواح وضعها هل انت حتروي بالليل وله بالنهار - بالليل بتحتاج لي بطاريات - في عدة طرق لي الحاجة دي في توليد من الطاقة الشمسية وفي توليد من طاقة الرياح بالمناسبة لو ما عندك طلمبة بتاعت مويه بتبقي شكل الحسابات بتختلف تماما اها لو داير اسعار والخ ارجع لي في الخاص مخرج ================== يا عماد معتز دا منو ما عرفتو
Quote: معتز الله ينورك ... الجمارك ما عندها مشكلة
============= وفي الختام سلام
05-11-2016, 07:28 PM
جمال خضر جمال خضر
تاريخ التسجيل: 06-18-2011
مجموع المشاركات: 3959
سلام يا شباب ومشكورين على النقاش المفيد, موضوع وضعية الألواح ومواجهتها للشمس طول اليوم عندها حلول برضه وممكن اتمتتها نعم سترفع التكلفة الإبتدائية لكن لن تؤثر على تكلفة التشغيل و على المدى البعيد كفاءة و استمرارية التوليد لأطول ساعات ممكنة تعوّض هذه التكلفة المهندس ابو الريش لو حاضر النقاش اعتقد عنده تجارب في المجال دا. تبقى مشاكل تقنية اخرى مثل نوعية الخلايا نفسها و مدى تحملها لشمسنا و غيرها كلها تحديات نحتاج ان نعمل عليها حسب واقعنا و ظروفنا وهذا ما يقوم به مركز ابحاث الطاقة - للاسف الموقع الاكتروني لا يعمل - لكن من المعلومات العامة ان المركز بالتعاون مع وزارة الطاقة انار اكثر من 100 قرية بالطاقة الشمسية في العام 2005, اعتقد ان العدد زاد الآن و تحسّنت النوعية و الأداء في مثل ظروف السودان موضوع الطاقة الشمسية حل حقيقي وعملي للنقص المريع في الطاقة لذا كان مفروض ان توليه الدولة اهتمام اكبر من ناحية التحديث و التمويل و التشريعات. بل وحتى القطاع الخاص كنت اتوقع ان يقتحم هذا المجال لأنه سوقه واعد وجاهز من ناحية تركيب انظمة ثم صيانتها و قطع غيارها لكن في السودان حاجة ما فيها عمولة كاربة وعشا وغدا لكل الموظفين و المسؤولين ما بتمشي
Quote: ألمانيا تصل إلى 95 % من الطاقة المتجددة الأحد الماضي
تسجل ألمانيا سبقاً في جعل الطاقة المتجددة معياراً جديداً في حركة تحول الطاقة، للتخلص التدريجي من الطاقة النووية، حيثُ استطاعت تقليل تكاليف الطاقة المتجددة ورفع الإنتاج، ووصلت الأحد الماضي إلى تغطية 95 % من احتياجاتها للطاقة عبر مصادر الطاقة البديلة.
المستقبل المتجدد
وصلت ألمانيا إلى تغطية 95 % من احتياجاتها للطاقة عبر مصادر الطاقة البديلة، متجاوزة سجلها السابق البالغ 70-80 % في العام الماضي.
تُعد ألمانيا إحدى البلدان الصناعية المتقدمة في العالم، وتوفر احتياجاتها للطاقة عبر الطاقة الشمسية وطاقة الرياح والتي تبلغ 57.8 جيجا وات، ومن الملاحظ أنه عندما كانت الظروف الجوية مثالية استطاعت البلاد أن تصل إلى 90 % من الطاقة المتجددة، وهنا "المثالية" نقطة مهمة.
تولد أنظمة الطاقة الشمسية 26.11 جيجا وات، ومحطات طاقة الرياح تنتج 20.83 جيجا وات، بالإضافة إلى 5.14 جيجا وات من محطات الكتلة الحيوية، و 2.75 جيجا وات من الطاقة الكهرومائية، بيد أن الأمور ستكون مختلفة لو كانت الظروف الجوية الأخرى عاملاً مساعداً في هذا المجال.
تم تأسيس الحركة الألمانية للتحول من الطاقة النووية للطاقة البديلة المسماة إنيرجي فونده Energiewende أو ثورة الطاقة للحفاظ على المجتمع ضد الطاقة النووية، وتتعهد أن تبرز وتستخدم مصادر الطاقة البديلة.
وكانت الخطة الرئيسية التي نجحت تستند إلى التخلص التدريجي من الطاقة النووية وخفض انبعاثات الكربون، مع تخفيض الأسعار وزيادة إنتاج الطاقة المتجددة، ووفق موقعهم على الانترنت استطاعت ألمانيا الوصول إلى استفادة أكبر بطاقة أقل، وسيكون هدفهم الرئيسي مكافحة التغير المناخي والحد من واردات الطاقة، وتحفيز الابتكارات التكنولوجية والاقتصاد الأخضر، وتقليل وإزالة مخاطر الطاقة النووية، وأمن الطاقة، وتعزيز الاقتصادات المحلية، وتوفير العدالة الاجتماعية.
ألمانيا تصبح قدوة
تقول مجلة ناشيونال جيوغرافيك إن ألمانيا رائدة الثورة في الطاقة، ويقول العلماء إنه ينبغي على جميع الدول اليوم إكمال هذا التحول لتفادي الوصول إلى كارثة مناخية.
تحاول الدول الأخرى في العالم التحول أيضاً للطاقة المتجددة، حيثُ ولّدت الدنمارك العام الماضي 140 % من حاجتها للكهرباء عن طريق طاقة الرياح، واستطاعت جزيرة كاواي في هاواي لمدة أربعة أيام الحصول على طاقة متواصلة دون انقطاع لمدد تتراوح بين 5 ل 61 دقيقة باستخدام الطاقة الشمسية وحدها، ملبيةً 90 % من احتياجاتها للطاقة.
ووضعت هاواي قانوناً يقضي بالوصول إلى نسبة 100 % من الطاقة المتجددة بحلول عام 2045، أما القانون في كاليفورنيا فيقضي بالوصول إلى 50 % عام 2030.
المقصود ليس النسبة الكلية .. إنما ما بلغته في يوم واحد وهو يوم الأحد الماضي .. حيث أنّ الطاقة المولدة من الشمس والرياح تتأرجح على حسب سطوع الشمس وحركة الرياح ...
ويوجد خبر قديم عن كوستاريكا التي بلغت في فترة معينة نسبة 100% من الطاقة من الطاقة المتجددة !!
05-12-2016, 08:38 AM
Frankly Frankly
تاريخ التسجيل: 02-05-2002
مجموع المشاركات: 35211
لا أدري كيفية حساب هذه النسبة فهل توقفت محطات توليد الطاقة الأخرى من نووية وفحمية وحرارية في ذلك اليوم؟ بينما الخبر يقول أن العام الماضي وليس يوم كذا من شهر كذا في العام الماضي
Quote: وصلت ألمانيا إلى تغطية 95 % من احتياجاتها للطاقة عبر مصادر الطاقة البديلة، متجاوزة سجلها السابق البالغ 70-80 % في العام الماضي.
بصراحة الخبر صياغته غريبة ولم أجد للخبر أي مصدر في الإعلام الألماني
الشاهد أن تقريباً ثلث الطاقة المستهلكة في ألمانيا مصدرها طاقة متجددة وهذا جيد جداً
في الثامن من الشهر الجاري (الأحد الماضي) بلغت ألمانيا مستويات قياسية جديدة في مجال توليد الطاقة المتجددة، ويعود الفضل بذلك إلى يوم شهد سطوع الشمس وتحرك الرياح. ففي ذلك اليوم حوالي الساعة الواحدة مساء كانت مصانع الطاقة الشمسية والهوائية والمائية والحيوية تزود البلاد بنحو 55 غيغاواطا من أصل 63 غيغاواطا يتم استهلاكها، أو ما يعادل 87%. وكانت أسعار الكهرباء فعليا سلبية لعدة ساعات، مما يعني أنه كان يتم الدفع للعملاء التجاريين لاستهلاك الكهرباء. وكان مزيج الطاقة المتجددة وصل العام الماضي إلى 33%، وفقا لتقرير "أغورا إينيرجويند" الألمانية المتخصصة بأبحاث الطاقة النظيفة، ومن المتوقع أن يرفع بدء تشغيل مصنع طاقة رياح جديد هذه النسبة إلى درجات أعلى. ويقول المحلل بشركة أغورا كريستوف بودويلز "لدينا حصة عظيمة من الطاقة المتجددة كل عام، وقد تكيف نظام الطاقة مع هذا بشكل تام، ويظهر هذا اليوم مرة أخرى أن نظاما مع كمية ضخمة من الطاقة المتجددة يعمل بصورة جيدة". ويقول المنتقدون إنه بسبب الارتفاع والهبوط اليومي في الطاقة المتجددة -مع شروق ومغيب الشمس وتحرك الرياح وسكونها- فسيكون لها دور محدود في توريد الطاقة للاقتصادات الكبرى. لكن مثل هذا الأمر يبدو غير مرجح في ألمانيا التي تخطط للوصول إلى إنتاج طاقة متجددة بنسبة 100% بحلول عام 2050، كما أن توربينات الرياح الدانماركية تولد في بعض المراحل كهرباء أكثر مما تستهلكه البلد، وتصدر الفائض إلى ألمانيا والنرويج والسويد. ولم يكن فائض الطاقة الأحد الماضي بألمانيا جيدا كله، فالنظام ما يزال جامدا جدا بما يعيق الاستجابة السريعة لمؤشرات الأسعار بين موردي الطاقة والمستهلكين، فرغم أن محطات توليد الكهرباء بالغاز توقفت ذلك اليوم فإن محطات الطاقة النووية والفحم لا يمكن إغلاقها بالسرعة ذاتها، لهذا ظلت تعمل وكان يتحتم عليها أن تدفع لتبيع الطاقة إلى الشبكة لعدة ساعات، في حين أن العملاء الصناعيين كمصافي النفط ومسابك المعادن كسبوا المال باستهلاك الكهرباء.
Quote: تم تأسيس الحركة الألمانية للتحول من الطاقة النووية للطاقة البديلة المسماة إنيرجي فونده Energiewende
وبالبحث تحصلت على رابط موقع هذه الحركة وهو energytransition.de/
وبالبحث عن الخبر .. تحصلت عليه:-
Quote: Germany nearly reached 100 percent renewable power on Sunday
After surpassing 80 percent renewable electricity for a few hours last year, Germany may have briefly reached around 95 percent on May 8. But the news is not only cause for celebration – a boundary has also been crossed. We are now entering the hard territory. Craig Morris explains.
ولمتابعة بقية الخبر والمصدر: energytransition.de/2016/05/germany-nearly-reached-100-percent-renewable-power-on-sunday/
05-12-2016, 09:25 AM
Frankly Frankly
تاريخ التسجيل: 02-05-2002
مجموع المشاركات: 35211
السلام عليكم الأخ عماد وضيوفه الكرام تتم حساب الطاقة الشمسية المطلوبة حسب معطيات تختلف من منطقة إلي منطقة ففي الخرطوم علي سبيل المثال متوسط الطاقة الشمسية هي 6 ساعات في اليوم - زمن الدمن غير الزمن بتاع من الشروق لي الغروب - ولمعرفة كيفية حساب الطاقة المطلوبه نأخذ علي سبيل المثال بيت به لمبه قوة 30 واط الساعة مروحة قوة 30 واط ساعة وتلفزيون 30 واط ساعة وشواحن وادوات بمقدار 10 واط ساعة كل الأجهزة تعمل علي مدار 24 ساعة متواصلة مقدار الطاقة =30+30+30+10=100 واط ساعة في الساعة الواحدة محتاجين حوالي 100 واط ساعة مقدار الطاقة في اليوم =100 × 24 ساعة =2400 في اليوم - لضمان استمرار عمل الأجهزة كاملة لحساب الألواح الشمسية المطلوبة =2400 / 6 ساعات ( مقدار الطاقة في اليوم ) = 400 واط لتوليد الطاقة خلال 6 ساعات محتاجين حوالي 400 واط لكل ساعة - في عوامل تانية ممكن تتدخل معاك الغيوم أو الكتاحه أو اي اسباب تانية بتضيف هامش علي حسب مقدار الإنت تراهو - في عامل يخت في الهامش قوة اللوح وده معناته لو اللوح مكتوب فيهو 100 واط ما حيديك 100 واط لأ بديك أقل من 100 واط دايما بنخت في حساب 20% - ده علي حسب جودة المصنع ممكن يصل لي 10% أو أقل تلقي مكتوب في الدباجة خلف اللوح - يبقي نضر 400×20%= 80 واط يبقي انا محتاج لي 480 واط ساعة لو سألتني انا بقول ليك تمها 500 واط يبقي انت محتاج لي لوحين 250 واط - طريقة وضعهم واختيار الزوايا دي مرحلة تانية بنجي ليها قدام - نخلص من الإحتياجات ونشوف محتاجين لي بطاريات عشان نحفظ الطاقة ونستهلكها خلال اليوم وما يكون في انقطاع لي التيار الكهربائي بنحسبها كيف حسب عوامل البتدخل معاك - مثلا لو في فترة الخريف والتوليد حيكون قليل عشان الغيوم مفروض انو البطاريه تكون شايلة لي الفترة دي ولو انو مثلا في ضباب برضو الخ من الأحوال الجويه - احنا في مثالنا ده نفترض فترة الخريف ومافي توليد ما معانا نحسب البطاريات كيف عندنا 24- 6= 18 ساعة دي البطاريه مفروض تكون شايلة الأجهزه و 6 ساعات هي بتشتغل من الألواح مباشرة يبقي انا محتاج لي بطاريه اخزن فيها 18 × 100 =1800 واط البطاريات دي عندها نسبه ماممكن انقص منها عشان احافظ عليها اطول فترة ممكنه يعني 20% دي اقل نسبة ممكن يقبل ليك بيها المصنع 1800+360 =2160 واط اهلنا زمان ناس الفيزيا قالو انو الواط = الأمبير × الفولت 2160 = الأمبير ×12 فولت ، الأمبير = 180 أمبير يبقي بطاريتي مفروض تكون 180 أمبير ساعة ودي الوحدة بتاعت البطاطير يبقي عشان انور البيت والمروحه و التلفزيون و الشواحن انا محتاج لي 2لوح طاقة شمسية مقدار 250 واط ومحتاج لي بطارية مقدارها 180 أمبير في حاجتين مهمات لي شديد الأولي لازمن من الشاحن بتاع البطاريه وهو مسؤل من الشحن و التفريغ ومحتاجين لي الإنفيرتر ودا المحول من DC لي AC وديل الإتنين ما مشكلة يعني حسابهم ساهل شديد انت محتاج لي محول في حدود 120 واط كدا تقريبا احنا نورنا البيت نجي لي موضوع القروش في انواع من الألواح الضوئية أشهرهم اتنين المونو و البولي المونو بتمتاز بي جودة عالية وشكل جميل و المونو هي جودة أقل وشكل الخطوط فيها ما منسق زي المونو وديل الإتنين هم البيشتغلو في البيوت و مزارع التوليد الصغيرة و المتوسطة بتتراوح اسعار الواط الواحد من 50 لي 70 سنت أمريكي أو اكتر البطاريات حسب المصنع وفترة الضمان وجودة التصنيع و الوكيل حقها هي بتفرق معاك النظام المتكامل لي توليد 5 كيلو واط ساعة في حدود تقريبا 9000 دولار ودا بيتحتاج لي 20 لوح 250 و 16 بطارية 200 أمبير ساعة ومحول وشاحن وبجي بي نظام حوامل لي الألواح و حاجاتو كاملة مع ضمان استمرار الكهرباء لمدة 4 ايام دون توليد - الألواح ما شغاله عديل كدا في نوعين من التوليد في توليد متصل و توليد منفصل كيف يعني حسب شبكة الكهرباء ممكن اني اخلي نظام الكهرباء قائم وشيل معاهو توليد الطاقة الشمسية أو أفصل الشبكة من الكهرباء الخارجيه الأحنا قولناهو كلو هو نظام منفصل تماما عن الكهرباء الحكومية عادة بندخل توليد الطاقة الرياح لي تقليل المنصرف يعني الهواء دا شغال بالليل و النهار بنركب مراوح أو طواحين تكون مساندة لي نظام الطاقة الشمسية ودا بقلل من استخدام الألواح الشمسية و البطاريات وبالتالي القروش بتنقص - حسب كمية وطبيعة المنطقة عشان تقدر تركب لازم تحسب حساب الطاقة الإنت محتاج ليها بالظبط كم و طريقة استهلاكك لي الكهرباء لأنو بتفرق
العيب الأساسي في الطاقة الشمسية هي انو قروش بتندفع كاش مقدما ما زي المولد و الحكومة مع انها ارخص من الإتنين كان توليد بواسطة مولدات بحساب قيمة الجاز و الخ أو الحكومة في الفترة المطلوبة
وفي الختام انا بواصل الشرح مع امثلة أكتر ولو في اي سؤال انا جاهز ماعندكم مشكلة بس قولو عوووووك و السلام عليكم
و الله يا محمد ... لقيتك ما ساهل ... يا اخي ما خليت صغيرة او كبيرة الا حليتها ... بس في سؤال ... هل يمكن العمل بطاقة الهواء فقط و الاستغناء عن الطاقة الشمسية ؟؟؟
05-26-2016, 11:50 PM
Mahamed Eltaze Mahamed Eltaze
تاريخ التسجيل: 04-05-2016
مجموع المشاركات: 377
السلام عليكم الأخ عماد الدين المشكلة في توليد الهواء هو المتحكم الطقس في عملية التوليد ودي ما بنقدر نتحكم فيها
هو ارخص من التوليد بالطاقة الشمسية بس الطاقة الشمسية بتمتاز بإستقرار التوليد نسبيا اكتر من التوليد بالهواء دايما بيقولو انو توليد الهواء يكون عامل مساعد لتصغير حجم البطاريات وتقليل التكاليف لكن ما بيستخدم كتوليد الوحيد لي الطاقة في مشكلة تانية في توليد الهواء هو المباني المحيطه بيك لازم يكون في ارتفاع اعلي منها بمسافه عالية عشان مايكون في مصد للهواء
05-27-2016, 07:03 AM
أحمد الشايقي أحمد الشايقي
تاريخ التسجيل: 08-08-2004
مجموع المشاركات: 14611
كنت أقرأ في صحف الخرطوم في الثمانينات أو بداية التسعينات إعلان من مؤسسة صاحبها يسمى د مهندس عبد المنعم ... على ما اذكر .. تقوم بتركيب طاقة شمسية في المنازل فيها حساب دقيق للاجهزة التي يمكن تقوم بتشغيلها
مثلاً 6 لمبات 1 تلفزيون 1 ثلاجة 1 خلاط وهي تقريباً عدد الاجهزة الضرورية للانارة (بالحد الأدنى) في أي بيت في ذلك الوقت
اعتقد مثل هذا الحساب هو الافضل لأنه يمكن المستخدم من حساب احتياجاته الضرورية بدون أن يمر بالحسابات الفولتية والامبيرية وغيرها مما لا يفهم وكما تعرف فتشغيل لمبة واحدة لا يكفي في معظم البيوت السوداانية تحتاج 5 أو 6 لمبات للانارة......
في اعتقادي أن طاقة الرياح هي الانسب في المناطق التي تتوفر فيها انسيابات الرياح على مدى واسع خلال العام وهي الناطق الساحلية والصحراوية والجبلية وتناسب المزارع والمحطات الخلوية أكثر من المناطق السكنية
لك التحية وشكرا لاعتماد حسابات تعتمد على عدد الاجهزة الضرورية للتشغيل مع الميزانية
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
أيمن محمود
مني عمسيب
Mahamed Eltaze
الأمين عبد الرحمن عيسى
جمال خضر
محمد البشرى الخضر
Frankly
فيس بوك
تويتر
انستقرام
يوتيوب
بنتيريست