|
|
|
 Re: معذره يا ... الطيب الجاك ... !!! (Re: ملهم كردفان)
|
حبيبنا و حبيب الكل ملهم كردفان
سلام و تحية ، ، ،
نحمد الله ، بخير و عافيه ، ، ،
يا ملهم أنت إنسان لا يتنفس إلا هواء نقي ، ، ،
تأكدت تماماً إنو فكرة البوست حتعجبك قبل ما تتداخل فيهو ، ، ،
وكت لقيتك أول المتداخلين بالجد سعدت بمداخلتك ، ، ،
عند مسحك للمداخلة افتكرت انو البوست مشي في اتجاه غير الاتجاه الاتوقعتوا انت و بناءاً عليه كتبت مداخلتك ، ، ،
صدقني متفهم جداً لما حدث ، ، ،
فإنسان مثلك لا يمكن ان يكتب بخبث أو تفسر (بضم التاء و فتح الفاء و السين) كتابته بسوء ظن ، ، ،
فإطمئن أخي أنا متفهم تماماً لكل شئ ، ، ،
الحقيقة لم تكن بحوجة للإعتذار بهكذا بوست ، ، ،
و أعتذر لك إن تأخرت في الرد عليك في ذاك البوست و هذا ، ، ،
و لي عظيم الشرف أن تعرفت بك ، ، ،
و إن شاء الله سوف نلتقي في هذه الحياة إن كان لنا في العمر بقية ، ، ،
أحترامي ، ، ،
| |
 
|
|
|
|
|
|
|
|
Re: معذره يا ... الطيب الجاك ... !!! (Re: ملهم كردفان)
|
شكرا ليكم الاتنين علي المصارحه وعلي الرد الشارح وخاصه في سبب
مسح المداخلات وربما الردود عليها
كتير بيحصل الواحد بيخطيء في تنظيم الردود
وانا بالتحديد عندي المشكله دي وطبعا بالنسبه لصاحب المداخله
ممكن يعتبرها مقصوده في حين انها غير ذلك..
احيانا زمان لما يكون عندي اصحابي قريبين لي في البوست
والبوست ماشي في اتجاه نقاش زي الونسه..يعني مداخلة الصديق او الصديقة
بتكون عديده .. كنت بتعامل زي كأنهم اصحاب البوست وبأخر الرد شويه..
بعضهم كان بيتفهم الكلام ده وبعضهم كان بيزعل.. لذلك اصبحت احرص علي الرد علي الجميع
عقب كل مداخله.. حتي وعلي الرغم من انه نظامي ممكن يلخبط شكل البوست..
علي كل حال علي الرغم من الاحساس السخيف المصاحب لعدم الرد.. الا اننا نحتاج ان نصبر ونشوف نهاية الموضوع شنو😂
تحياتي لكما
| |
|
|
|
|
|
|
|
|
Re: معذره يا ... الطيب الجاك ... !!! (Re: Muna Khugali)
|
حباب منى خوجلى وشكرا على المداخله الثره
والتحيه عبرك للأخ الطيب الجاك
.......................................................
بالنسبه للمشكله دى
| Quote: وانا بالتحديد عندي المشكله دي وطبعا بالنسبه لصاحب المداخله |
حلها ساهل ..قولى لى كيف
طيب انتى كتبتى موضوع واتداخل معاك 20 صاحب فى البوست ده
مسكتى اول واحد رديتى عليهو وجيتى تردى على التانى
.......
ماتدوسى على زر رد طوالى وتردى
لا
...
انسخى كلامو من بره
وانزلى آخر البوست
وتدوسى على زر ردك على الأول ... وتدوسى على زر إقتباس وتدوسى على زر reset
وتلصقى النسختيهو ثم اوكى
وتكتبى ردك عليهو
وتمشى للتالت تقرى مداخلتو
ومن بره برضو تنسخى مداخلته
وتنزلى تحت
وتدوسى على زر ردك على التانى وتدوسى على زر إقتباس وتدوسى على زر reset
وتلصقى النسختيهو ثم اوكى
وتكتبى ردك عليهو
وهلم جرا لحدى آخر واحد
...
الطريقه التانيه تفتحى صفحتين لى موضوعك
واحده بطريقة
اقرا المشاركات فى صورة مستقيمة
والتانيه بطريقة
أقرأ المشاركات فى شكل سلسلة ودى عشان تتاكدى انك مافطيتى زول اثناء الرد
...
يلا فى الصفحه بتاعتك
تبدى تردى زى ماهو مشروح فوق
وكل ماتردى على واحد تمشى للصفحه بتاعت
أقرأ المشاركات فى شكل سلسلة تظللى إسمو
....
فى ناس بيجو يتداخلوا فى البوست وتكون مشاركاتهم الجديده فى النص ومافى مكانها السليم
ديل بتعملى ليهم مراجعه برضو بفتح الصفحتين ومراقبة الأسماء الجديده ثم الرد عليها
احترامى
| |
|
|
|
|
|
|
|
|
|
Re: معذره يا ... الطيب الجاك ... !!! (Re: ملهم كردفان)
|
فى حال انك تكونى مواظبه على البوست وبتردى اول باول
ماببقى عندك مشكله الا مع الذين يحشرون مشاركاتهم فى نص البوست
والمشكله دى أصلا فى نسخة المنتدى ده بس
المنتديات التانيه بتخت كل مداخله وكل رد فى مكانهم الصحيح
| |
|
|
|
|
|
|
| |
ملهم كردفان
Muna Khugali
فيس بوك
تويتر
انستقرام
يوتيوب
بنتيريست