|
|
|
 Re: معاً .. من أجل كلمتين من القلب مكتوبات .. و ل (Re: محمد أبوالعزائم أبوالريش)
|
Quote: العيد يتبارك عليك ياخ ...
ورجع لي يافطتي الرسلتها Smile
عارف يا يحي، من معايداتنا الحنينة البتعجبني: (أحياك الله وأبقاك) |
ما شفتنبي ما رديت ليك :)
الحنية هي ميزتنا الأساسية انحنا السودانيين ...
نقوم نكتلها بي ايدنا ؟
يا زول عيدك دايما سعيد ان شاء الله ... و حياك الله و ابقاك ...
تعرف يا أبو الريش ...
كان عندنا حبوبة لينا ما تملك من الدنيا غبر سبحتها و مركوب جنينة و مفحضة معلقة في رقبتها ...
بالله لما نمشي نعايدها ... تمد يدها تسحب مفحضتها ...
و تناولك مره فريني و مره شلن حسب ما عندها و السعادة البتشوفها في وشها من شوفتنا و معايدتنا ما بنساها لي يوم الليلة ...
| |
  
|
|
|
|
|
|
|
|
Re: معاً .. من أجل كلمتين من القلب مكتوبات .. و ل (Re: محمد المرتضى حامد)
|
Quote: يا هندسه..
كل سنه وانت سعيد ومعك من مروا من هنا..
.. أنت محظوظ ياخ.. من بين الآلاف الذين تعرفهم في هذه الفانية العبوس الغراره هناك 40 تذكروا أن لديهم من يستحق
التهنئة لو بالصوره أو بالإشاره,,المهم إنو إتذكرك في هذا اليوم وهذا هو الأهم وهذا هو الجزء الممتلئ من الكأس.
هذا لا ينفي أن هناك من تذكرك وأرسل لك عبر الأثير محبة ووصلتك بوسيط إسمه الخاطر..
عساك من عواده وحليل حبوبه ومحفضة حبوبه.. |
ما في شك يا مولانا الأهم الإتذكرونا ... و قالوا ما نسونا ...
لكن اليفط بتديك إحساس انو المرسل قاعد يعمل في سكرول داون و يلصق ليك ...
و الله جاتني يفط من مجموعة بتراسل بعض .. عملوا ري سايكل ليافطة واحدة زي الما حاصل شي ...
بس زي الزول الجاتو هدية و ما عجبتوا اداها لي زول تاني ...
| |
|
|
|
|
|
|
|
|
|
Re: معاً .. من أجل كلمتين من القلب مكتوبات .. و ل (Re: عبدالعزيز الفاضلابى)
|
جمعاً يا حبيب ...
من اجمل المعايدات و الله ...
و ان شاء الله كل حبايبنا هنا متنيين و متلتين و مربعين ...
واحد زهجان من مرتو و قاعد ينق مع صاحبو قال ليهو والله الواحد يا ادبل ... يا القصة دي يدكوها و يوزعوها تاني ...
مرتو جات داخله عليهم ... و سمعت طرف ( ادبل ) دي ...
طوالي قال لي صاحبو لكن في اخر كرت جريت لي جوكر و ابيت الدك ...
| |
|
|
|
|
|
|
|
|
|
Re: معاً .. من أجل كلمتين من القلب مكتوبات .. و ل (Re: عبدالحفيظ ابوسن)
|
يحي..حبابك يا صديقي..
ليك ، وللأصدقاء ، بعض الكلمتين الجميليتن ..معايدة اهلك البقارة ، وتجري هكذا:
عيد الحول ما يغضب زول ،
زايدين ماني ناقصين ،
العندا الله يخلي ليهو ،
والما عندا الله ينطيهو..
معيدين في جبيل عرفات..!
تقولها لي دوما حبيبتي الجميلة ، خالتك حوة بت نصر الدويد (امي)..!
مرة قلت ليها : ياحاجة كلامك محفوظ ومعروف..!!
قالت لي: بس المعاني متجددة ..!
كل مرة بتتمنى انو العيد الجاي الناس تكون فرحانة ..
كل مرة بتتمنى انو العيد الجاي الناس زايدة ، وليست ناقصة (فعل الموت مثلا..!)..
في كل مرة بتتمنى انو ما نملك ان يكون كما هو..لا ينقص البتة..
كل مرة تتمنى ان كنا لا نملك شيئا بان نملك شيئا..
وكل مرة بتتمنى ان نعيد في جبل عرفات..!!
اليافطات زي ثقافة الفاست فود نيشن (ليتك قرأت الكتاب يا صاحب)..اشارات شوارع ثقافة الإستهلاك..ان شئت او ابيت ، هي قاعدة في وشك..!!
ويظل العيد مقالدة ، وما عداها ، كذب وبهتان ساكت..!
كبر
| |
|
|
|
|
|
|
|
|
|
Re: معاً .. من أجل كلمتين من القلب مكتوبات .. و ل (Re: عمر دهب)
|
أنا والله يا يحي كلامك ده كلو واقع لي وفاهمو باعتبارنا أولاد جيل.
لكن أرجع بينا شوية لي تاريخ الحاصل ده ....
كانت المعايدة وجهاً لوجه .... والأشياء الرسمية بتلقى كروت مطبوعة، ترسلها قبل العيد بي كم يوم، على أمل أن تصل يوم لعيد أو بعده بيوم أو اتنين. يخيل لي دي الحاجة الإتطوّرت. يعني بعد ثورة التكنولوجيا، ظهرت الكروت الإلكترونية، تلقى بطاقات جاهزة، تعمل التعديل العايزو وتضيف إسمك وإسم المرسل إليه وتحدد متى يتم تسليم الرسالة وتبعثها بالبريد الإلكتروني. الحكاية دي كانت مريحة شديد وأتاحت للواحد يرسل تهاني العيد وأعياد الميلاد.
ثم تطوّر الأمر للفيسبوك والواتساب وأصبحت المسألة ممجوجة، ففقدت بريقها وفضل الأثر الذي أتى منه إحساسك الذي كتبت به هذا البوست.
رغم ذلك، شخصياً لم أرفض هذه اليافطات بشكل كامل .... يعني أتقبل وأبعث تهاني العيد ورمضان وأتجاهل ما دون ذلك من (جمعة مباركة وصباح الخير وكمية الأذكار التي لا يقرأها مرسلها أو متلقيها)
| |
|
|
|
|
|
|
|
|
|
Re: معاً .. من أجل كلمتين من القلب مكتوبات .. و ل (Re: Kabar)
|
عيدك اسعد و اجمل يا كبر يا حبيب ...
و فعلا ... يظل العيد مقالدة ...
و تظل الحنية كامنة في كف الليد او في كلمة حلوة تسمعها ...
ثقافة الفاست فود لا حقتنا لا بتشبهنا ...
سنة ٧٦ اخوك شغال في مطعم ومبي في توتينهام كورت روود في لندن بريطانيا
شغلتي زي ما بقولوا flipping burgers
كان لما يجي وقت الغدا الناس الشغاليين بيشيلوا ليهم سندوتش بيرقر و بطاطس محمرة من الجاهز
اها اول مرة اعمل الغدا للشباب قمت شلت البيرقر و عجنتها مع بصل و خدار بعد داك حمرتها
قالوا لي ده شنو؟ قلت ليهم أبدا بس درت اتذكر كفتة الحاجة و تبيخها ...
ياخي مالنا بقينا نتفرنج و نبقى شعب مقلد ... و ميزتنا الاساسية الحنية و طيبة القلب ...
| |
|
|
|
|
|
|
| |
يحي قباني
سيف اليزل سعد عمر
talha alsayed
محمد أبوالعزائم أبوالريش
محمد المرتضى حامد
صديق مهدى على
Anas Babekr
بكرى ابوبكر
Hani Arabi Mohamed
مني عمسيب
عبدالعزيز الفاضلابى
Fatima Alhaj
محمد حيدر المشرف
عبدالحفيظ ابوسن
Kabar
عمر دهب
حمد عبد الغفار عمر
Yasir Elsharif
عزالدين عباس الفحل
فيس بوك
تويتر
انستقرام
يوتيوب
بنتيريست