يغادر الي برلين يوم الثلاثا بعد بكرة معاوية الزبير لاجراء عملية تغيير لعظمة الفخذ وعظمة اخري للاسف تعرض لحادث حركة في نفس القدم قبل شهر ونصف مما عجل بالعملية قبل اوانها دعواتنا وتمنياتنا بالشفاء العاجل
05-14-2017, 02:53 PM
أحمد الشايقي أحمد الشايقي
تاريخ التسجيل: 08-08-2004
مجموع المشاركات: 14611
تصل بالسلامة إن شاء الله وربنا يعافيك ويشفيك ويرجعك سالما" معافي لي اهلك ... والنونسك شوية عن ألمانيا ... صيف العام 1997 تقرر سفر اخي الأكبر الي ألمانيا لإزالة ورم حميد من جبهة رأسه الأمامية والذي تسبب في الصداع الدايم ... وداخل مطار أبوظبي كنا لفيف من الأهل والأصدقاء في وداعه والحزن مخيم علي الجميع لمعرفتنا بخطورة العملية إذ نفاجا بي اظرف ظرفاء أبوظبي الذي جاء لوداع صاحبه ولمعرفته بي ووسط الجمع الحزين سألني لماذا نحن هنا وبعد أن شرحت له ما ألم باخي وبي نخوة السوداني الذي يود أن يطمن الجميع قال لنا ... يا صلاح مافي مشكلة الألمان ديل و (الله) واحد ... يمسكوك يفرتكوك عضم عضم ويركبوك تاني فا اطمنكم مافي اي عوجة ... مع استغفارنا وعلمنا بأن الرجل مقصده نبيل ولكن خانه التعبير ... وبدورنا نطمنك يا اخونا معاوية الألمان ديل زيهم مافي طبيا" في العالم كلو ... الحمد لله اخوي عمل العملية ورجع معافي والي الآن يعمل بأبوظبي. تحياتي اب سن يا زول يا سمح.
05-14-2017, 04:01 PM
حمد عبد الغفار عمر حمد عبد الغفار عمر
تاريخ التسجيل: 06-06-2008
مجموع المشاركات: 7662
اللهم لا شفاء الا شفاءك ... اللهم اشفي اخونا معاوية وعافه واعفو عنه واجعله من السالكين انه عبدك الفقير الى رضائك. نسالك يا رب العباد اخونا واحدا منهم. ينتظر فرجك ورحمتك .. انت القادر المقتدر مسير نواميس الكون فانزل بلسم العافية وعجل بشفائه. يا رحمن يا رحيم.. {/B}
أقدار طبعا لكن نحن الـ بنتسبّب في وقوع القدر زهجت من وضعية الراكب جنب السواق بعد 4 شهور من هذه الحالة ومع شعوري بتحسن حالتي إلى حدٍ ما بطال ولأن إزمان الألم يغري بالتناسي، قررت تغيير مقعدي
يوم من الأيام سايق في أمان الله بل واقف في إشارة إذا بمنفِذة القدَر ترجع بعربيتها (أداة القدر) للخلف قاصدة الخروج من الصف انتظرت شوية توقعتها تقدّر المسافة الكافية لكنها استمرت في الرجوع البوري المتقطع ثم البوري المتصل الطويل لم ينفع وكأن صاحبتي بها صمم
الناس قالوا لي كان ترفع فرملة اليد وترفع كراعك المكسورة من الفرملة الأرضية ياخ لو الزول بتحسّب قدُر دا كان بتحصل عوجة في الدنيا دي؟ دل لّللل صدمتني من قدام وكراعي (المنكوبة) على الفرملة فتأثرت العملية الجراحية اللينة النيئة وعادت حكاية الألم وضعف الحركة فلاش باك قررت السفر للخارج (شوف الخارج وأنا أصلو في خارج بلدي!)
أشكركم جميعا بلا فرز لهذه الدعوات التنضّح صدقاً سأكون مشغولا جدا في يومي الأخير هذا قبل السفر (كما هو معروف دوما ؤ جدا) سأحاول أن أسرق لحظات لأشكركم مرة ثانية .. ونتواصل بإذن الله
05-15-2017, 01:54 AM
Hamid Elsawi Hamid Elsawi
تاريخ التسجيل: 09-22-2005
مجموع المشاركات: 3450
ان شاء الله تسافر وترجع بالسلامة يامعاوية وتجي سالما معافى،،، ووالله فرحت من كل قلبي وانت تستعد للسفر للعلاج وجيت ترحب بي في قبولي عضوة في منبركم الجميل مع وافر الاحترام،، والشفاء العاجل امتثال
05-15-2017, 03:33 AM
Gaafar Ismail Gaafar Ismail
تاريخ التسجيل: 08-27-2005
مجموع المشاركات: 4949
كتر خيركم قلت ليهو لامن تصل هناك ادينا وسيلة اتصال .. مايجي واحد يقراها وسيلة مواصلات ويخم شنطتو ويجي . باقي الناس ديل لا بفرزو وسيلة اتصال ولا وسيلة منع اتصال يقومو يعتبرو شروع في البتاع قال لي ما بعرف ألماني والناس ديل تلفوناتم كلها ألماني لكن بتصرف سألتو برلين الشرقية ولا الغربية فضحك حتي ظهر كتاب رأس المال من تحت ابطه قال لي جاطت اريتها تجوط هنا يهدمو سور ونبني سور يا زول تمشي وتجي بالسلامة وجيب لي معاك مرسيدس هدية مش المانية برضو
05-15-2017, 06:44 AM
ملهم كردفان ملهم كردفان
تاريخ التسجيل: 02-16-2013
مجموع المشاركات: 4742
طيب، قول ناس سودانيز اونلاين معاهم حق بحكم الزمالة وواجب المجاملة فما قولكم في قارئ "ساكت" لا عضو لا حاجة، لكنه يتصل معتذرا لعدم تمكنه من الحضور للمطار لاستقبالي بسبب بعد المسافة وشوية ظروف خاصة لكنه يعد بالحضور إلى برلين في اليوم التالي ليكون "تحت الخدمة"! تقول في دا شنو؟! إنسانية فايضة؟ ولّ سودانوية لا مثيل لها في العالمين؟ ولّ كيف؟
شكرا يا عبد الغفار في مكان ما من ألمانيا ومن مربع 8 حي النصر كوستي الما بعرفك ولا بتعرفني ولا من سنك ولا جيلك لكن شهيتنا في شنو كدا ما عارف وإذا كان ما من بد من التعنصر خلونا نعود كما كنا إلى عنصرية المكان ونتجاوز سريعا أزمة القبيلة العابرة
شكرا يا بكري ابوبكري و ابقى 10 علي إنجاز حياتك دا
05-16-2017, 00:53 AM
معاوية الزبير معاوية الزبير
تاريخ التسجيل: 02-07-2003
مجموع المشاركات: 7893
شكرا للجميع و أخص الذين أتخاشن معهم في المداخلات وأتساخف لكنهم حضروا هنا بدعواتهم لي بالشفاء شكرا لكل المتداخلين، وللمتداخلة امتثال عبد الله ولـ أميرة وبسمات ذاتو سنتواصل عبر هذا المنبر وستكون تفاصيل التطورات عند أخونا دكتور ياسر الشريف "المليح" الهميم
05-16-2017, 03:10 AM
Kabar Kabar
تاريخ التسجيل: 11-26-2002
مجموع المشاركات: 18547
كتر خيرك يا عبد الحفيظ.. معاوية ، من الناس المنتظر تمشي تشيل الفاتحة فيني في الدلنج (معاهو معاوية عبيد الصايم ، المعز ابو نورا ، حامد الصاوي ، علي دفع الله..!!).. فالك الخير يا معاوية ، زكاة جلد يا حبيب..تمشي وتجي بالسلامة باذن الكريم..وماني زول الله الواصل ، لكن صدقني سويتها قبال كده في شان صديق شيوعي..وخان العهد..لكن بسويها عشانك يا حبيب .. يس اربعين مرة لمدة اسبوع ما بتغلبنا ياحبيب..وربك يبليك بالعافية..وح نشوفك..عشان نصفى معاك باقي الرهان..نسكك في حواري كوستي..الثورة والعايدين ، وازهري الكلو ناس طيبين (وانا ما بجيب سيرة اشراقة مصطفى..)..وجلسة في اب شريف في القوز..معتقة بالعديل والزين..حلاة النصري..وهنا وقف شوية يا حبيب..اما المرابيع..عليها اللعنة يا صاحب..!! ح اصلي ليك يا حبيب..ومعاي بت ابا امنة مختار..ترجع معافى..ولازم ترجع طيب يا معاوية..لأنو بينا وبينك رهان سكوكية..شهودها حبيبنا الغايب عن المنبر ، المهندس ابراهيم فضل الله (قاعد يكتب اسمو بالإنجليزي) ..كوستاوي من عيال حي النصري يا معاوية..ودرس بكوستى القوز..وبقايا التفاصيل اسال عنها عضو المنبر الغايب برضك ..حبيبنا المهندس خالد المنسي..!!..وبرضك بقايا طيب الذكر الإتحاد السوفيتي ولا شنو كده ما عارف..!! وانت قايل شنو يا عبد الحفيظ.. اقرب الناس لي دم ولحم..ياهو المهندس ابراهيم فضل الله..والله صحي..كن تشوطن يا عبد الحفيظ وتجيب نقارة اهلك الجمع من تندلتي والغبشا..ولا تجيب نقارة اهلك الجوامعة من ام روابة وانت ماشي..الناس الخلقت ايقاع التم تم ولا شنو كده ما عارف..!! ولكن.. بقول لي صديقنا ول ابا معاوية الزبير..فالك العافية يا حبيب..عشان ترجع ترسم معانا التسامح..!! وهل هناك تسامح يا عبد الحفيظ..اكتر من انو كوز ليهو ضل زي استاذنا محمد حامد ادم..يكتب لينا (يا كوستى)؟..والغريبة هو نفس الزول الكتب (ضابط السجن ، صبرك لحظة واحدة..وبعدها ارجع وانسجن)..!! يتخيل لي امسودان دي ، محتاجين نعيد اكتشافها..!! وده كلو هين..! ح انتظر معاوية الزبير.. يرجع معافى..عشان اسكو في الشوارع البعرفها اياها(ما تقول لي مركب مخروقة بدل فاقد ولا شنو كده ما عارف..مافي عذر تب..!!)..شي لبيع بحجارة الطين..وشي بقايا انتظار عشان يكمل لهيثم غالي بقايا رحلة الصندل من كوستي ولا شنو كده ما عارف.. طريت الثورة والعايدين..وازهري الكلو ناس طيبين..!! واشلضمك قدام حيطة (كوستي الثانوية بنات) عشان نثبت لمعتصم الطاهر انو سنة يا الحيطة ماها خيال ساكت..!! لازم تعود طيبا معافي يا معاوية..عشان تقرا للناس اهدائي الذي اقتبسته من (مثاقيل) حليم بركات..!! دمت طيبا يا صديقي.. عد طيبا..فلازال في الحكي بعض من ثمالة..وثمالة طيبة يا صاحب.. ليت عادل القصاص ، عبد الحميد البرنس ، هشام ادم ، يمروا من هنا..فكتابة الحزن السوداني ، تحتاج ايادي كثيرة..ايادي كثيرة..!! عد طيبا معافى يا معاوية..! ناس البيت في انتظارك يا حبوب..!! سلام.. كبر
05-16-2017, 04:50 AM
عادل ابراهيم احمد عادل ابراهيم احمد
تاريخ التسجيل: 06-30-2014
مجموع المشاركات: 1947
سافر يا معاوية ففي السفر كم فايدة واحدة منهن تغير كراعك دي ومن هسة عندي فتوي ولا سؤال لي فاوي هل يجوز لمعاوية الصلاة ودخول مكة بي كراع كافر سافر محطات الوداع ضجت قدامك بي وراك لا تقوم تقدشك تاني فعلا عبدالغفار زول عجيب من نواحي كوستي . من ارجاءها الرحبة وعبق طيبتها الزمان ديك . قال لي معاوية بصل واحدة ظهرا بتوقيتنا وسيكون في انتزاره ياسر الشريف .. وياسر ملزم بمهام المراسل الصحفي لازم ادينا خبر ياسر يا كبر تعرف انا كوستاوي ما عرفتو لكن عرفت اهلو . ذات صفاء كاتبني خاص وجيهتو اهلو تب . معرفة وثيقة . كنت متعجب من الاسم الذي لا يكتب عنه فعرفت كوستي يا كبر عجيبة عجيبة جد قباني مكتول فيها مكتول في حي السوق مصطلحا .. يقعد مقابل السينما وبنات العالي وهن يتهادين كسرب الغزال والقطر يمر متثاقلا امامه كوستي بلد حنينة كأم فقدت جناها فتحتضن جميع الصغار سافر يا معاوية اقلاها تصلح مشيتك المكعوجة دي
05-16-2017, 05:40 AM
عبدالله ود البوش عبدالله ود البوش
تاريخ التسجيل: 08-12-2009
مجموع المشاركات: 6700
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
عبدالحفيظ ابوسن
أحمد الشايقي
حيدر حسن ميرغني
ابراهيم عبد الوهاب
ناصر حسين محمد
ahmedona
السمانى عمارة
جلالدونا
يحي قباني
خال فاطمة
Ali Abdalla
عبد المنعم سيد احمد
Salah Zubeir
حمد عبد الغفار عمر
Omer Abdalla Omer
MOHAMMED ELSHEIKH
احمد حمودى
امجد الجميعابى
Nasser Amin
عبدالعظيم عثمان
زهير عثمان حمد
جمال ود القوز
Arif Nashed
كمال عباس
علي دفع الله
Haydar Badawi Sadig
عبدالمنعم الطيب حسن
عماد الشبلي
محمد فضل الله المكى
ANWAR SAYED IBRAHIM
elhilayla
فيصل محمد خليل
Nasr
Mirghani Taitawi
الأمين عبد الرحمن عيسى
osama elkhawad
Yasir Elsharif
ايمن الصادق
علي محمد الفكي
محمد على طه الملك
عادل الباهي عبدالرازق
حمد إبراهيم محمد
معاوية المدير
منتصر عبد الباسط
خالد العبيد
محمد الجزولي
elsharief
معاوية الزبير
Hamid Elsawi
Gaafar Ismail
حاتم إبراهيم
Hatim Alhwary
Ahmed Alim
عمر أبوعاقلة
Elawad Ahmed
الحاج حمد الحاج
سليمان القرشي
فرح الطاهر ابو روضة
محمد هاشم ابوزيد
عبد الباقي الجيلي
Hafiz Bashir
ياسر السر
ملهم كردفان
الفاتح ميرغني
ياسر منصور عثمان
محمد مجيدو
Mohammed Alhasan Mohammed
نصر الدين عثمان
Hassan Farah
Munir
Kabar
عادل ابراهيم احمد
عبدالله ود البوش
محمد المسلمي
abas
بله محمد الفاضل
الطيب رحمه قريمان
قسم الفضيل مضوي محمد
فيس بوك
تويتر
انستقرام
يوتيوب
بنتيريست