مدير مكتب البشير حامل التابعية السعودية الفريق طه فرقو شنو من حميدتي (صورة)

Quote: زول حامل للتابعية السعودية ولابس لبس الجيش السوداني فريق اركان حرب

Quote: هلا جادات والله بصراحة أنا ماعارف المشكلة وين الراجل زول جادي وثقة ودقيق في عملو وأي رئيس له الحق الكامل في إختيار بطانته كنت أتمني أن يكون النقد بناء وبالدلائل يعني إلصاق التهم جزافا عيب والله يعني التعليقات النابعة عن حقد وكراهية بدون سبب مافي ليها داعي والله صحي ،،،،،،،،،،،،،،،،،،،،،

Quote: ...الحبيب جادات مشكور والله الكيزان ديل والله ماعندي معاهم أي شغلة قاتلهم الله وأذهب ريحهم هم سبب البلاوي وأس الفساد لكن نقدك للرجل والله لا صريح ولا حاجة ، وماعندي أي معرفة بصراحة بقوانين الجيش وكيف يترقي الواحد منهم وهذا ليس هو المهم ، أنا ذكرت ليك أنو الراجل دا يؤدي أعماله ومهامه بكل حرفية ومسئولية وموثوق لدي الرئاسة ، ومن حق الرئاسة أن تخنار من تثق فيهو وترقيه كما تحب وتشتهي وبالقانون طالما كل السلطات التشريعية والتنفيذية في يد دكتاتور واحد الرجل ماعندو أي ذنب ، عينك في الفيل وتطعن في ضلو النظام لو ما إتغير نهائيا وصار نظام ديمقراطي حر مافي فايدة تجرح في ذمم أطراف النظام وتقدح فيها ، وإلا فسوف تتعب وتتعب الناس معاك ، ونشوفك كل يوم جايب ليك سيرة واحد من الوزراء أو المقربين من النظام وواقع فيهو سلخ