|
Re: ما هو وجه الشبه بين المكوة و ابوالقنفد و ا� (Re: Salah Ahmed Ali)
|
هل السؤال مهم جداً لفهم الأمر بجدية كبيرة:
هل موقع التواقيع بتاع البيت الابيض خاص بالمواطنين الامريكان ام انه متاح لكل الناس غير الامريكان!! بالاجابة على هذا السؤال كل الزيطة و الظنبريطة في الموضوع دا حتختفي ويكون الموضوع واضح وضوح الشمس...
هل هنالك وجه شبه بين (توقيعات رفع العقوبات) و بين (ابو القنفد الذي يعالج الامراض المستعصية) و ( المكوة ام ديك ب60 مليون جنيه)
Quote: متلأت الأوساط والصحف بإشاعة "أبو القنفد" أو القنفذ الذي يعالج الأمراض المستعصية، ووصل سعره إلى ملايين الجنيهات، والبعض أوصل الرقم إلى المليارات، وتحركت البصات والحافلات واللواري من الولايات، كل واحد شايل عشرين "أبو القنفد".. عشرين في خمسمائة ألف جنيه أو مليار تساوي مليارات، وبدأ الناس يحلمون بالمليارات في غمضة عين، لا تعب ولا مشغولية.. تمشي الخلا تلقى "أبو القنفد" راقد تشيله وتجي بيه إلى سوق الله أكبر تقبض قروشك عداً ونقداً. سرت الشائعة كما النار في الهشيم، ومن عنده "أبو القنفد" لا يبيعه إلا بالسعر الذي يحدده هو.. ويقال في إحدى ولايات السودان عندما بدأ المزاد عن "أبو القنفد" ووصل الرقم إلى مائتين وخمسين ألف جنيه، صاحبنا رفض وقال أسعار الخرطوم أعلى، وقيل إن أحد المواطنين جاء من الولاية وهو يحمل ما يقارب العشرين "أبو القنفد" وكان يتوقع أن يعود إلى ولايته وهو يحمل عشرة مليارات، لكن ما أن وصل الميناء البري حتى قيل له إن هذه شائعة والسلطات ألقت القبض على مروجيها وحكمت عليهم بالسجن بسنوات متفاوتة.. فما كان من الرجل إلا أن أطلق المجموعة التي يحملها بيده وكاد أن يجن من خيبته وحظه العاثر. |
Quote: مكوة فحم أم ديك !...
من الغرايب المتابعها اليومين دى ظهور موضة جديدة فى قروبات التسويق السودانية على الفيس بوك ، يجيك زول ناطى يقول ليك بنشترى مكاوى الفحم القديمة بأسعار مغرية ... قلت سبحان من يحيى العظام و هى رميم ، هسي بالله دى نكتوها من وين ؟ من ناحية إتكيفت من الموضوع قلت الناس بقت تفهم فى الأناتيك و تقيمها .. طيب و مالو ؟ ...
اليوم الأول مشيت الموضوع ، اليوم التانى قلبى أكلنى ، إتذكرت عندنا كم مكوة فحم عفا عليها الدهر و شرب ، الشى دى لو بتجيب قروش أخير نلحق المولد ، فتشت فى النت لقيتها كان بالغت بتعمل ليها مية و شوية دولار !! ... الناس دى مالا ؟ جنت ؟ و لا من تعب شحنها !! ... طبعاً طنشت الموضوع .
أها اليوم التالت جابت ليها عروض كمان ، خمسة مليون للمكوة أم ديك !!! .. أم ديك دى المكوة الحباس بتاعها فى شكل ديك .. قوم تااانى قلبى أكلنى ... الناس دى جادة ؟ .. يعنى أنا لو عندى تلاتة مكاوى زى دى بى خمسطاشر مليون كاش داون ؟؟ .. لااا مؤكد فى شى غلط !!! ...
قبل شوية جا واحد يحلف و يقسم إنو قفل كم نوع من الموبايلات على كذا مخدم شى زين و شى سودانى و فى كل مرة يضرب فيهم يطلع التلفون مغلق ، فهمت فى النهاية إنو دى المكوة المطلوبة ، و الموضوع عندو علاقة بناس الدهب ، و الراجل التفتيحة قال ما دام الموضوع كده ما حيبيع بأقل من 22 مليون !!! ... |
| |
|
|
|
|
|
|
Re: ما هو وجه الشبه بين المكوة و ابوالقنفد و ا� (Re: Salah Ahmed Ali)
|
بعض الاخوة هنا و بالدليل القاطع اثبتوا ان موقع التوقيعات بتاع البيت الابيض يخص فقط المواطنيين الامريكان... وبدليل انو كل ما المواطنيين السودانيين (المساكين) يمشوا يوقعوا هناك.. تاني يوم يحزفوا كل توقيعاتهم..وهكذا دواليك...ماسورة بت كلب.. عليه يبقى وجه الشبه صحيحاً... ودي معناها (ماسورة) جديدة في واقعنا السوداني...
دي ذكرتني ماسورة التبرير لانقلاب 89 بانو الاسعار ارتفعت و الناس وضعها بقى صعب
| |
|
|
|
|
|
|
Re: ما هو وجه الشبه بين المكوة و ابوالقنفد و ا� (Re: عمر دهب)
|
سلامات عمر دهب
Quote: وهو فى ماسورة ومصيبة اكثر من انو الشعب السودانى ياخد نصايحو من حسين |
اختلف معاك يا دهب...الشعب السوداني ما شغال بدبدوب دا..ومرات كتيرة بضحك على كلامو و دهنستو... لو ملاحظ اي واحد سوداني من الاهل..اول ما يشوفو في التلفزيون اول حاجة يقولا: عليك الله شوف الجخص دا ربى جضوم كبيرة كيف.. وما شغال بكلامو.... نصايح شنو البياخدوها منو...
| |
|
|
|
|
|
|
|