تحياتي الاخ أبوذر،،، بحسب رأيك أنهم ذاهبون لأهلهم في الخرطوم.... وربما للبحث عن عمل..... ... و لانقول لحين اعادة فتح الجامعة، فالجامعة لم تقفل، وهم حسب ما يشاع قد قدموا استقالاتهم وتركوا الجامعة بصورة نهائية.. ...... في مثل هذه الحالات يذهب الاغلبية لبيوتهم، وقليل يذهب للاقارب ومع الاصدقاء....
07-20-2017, 08:40 PM
Abuzar Omer
Abuzar Omer
تاريخ التسجيل: 07-26-2008
مجموع المشاركات: 2109
على حسب علمي، دارفور دي كبيرة لى درجة، ففي ناس حتسافر طيران و ناس قطارات و ناس بصات و ناس لواري. الحاجات دي كلها موجودة في الخرطوم و ربك دي حي الله على قدر حالها. الحاجة التانية الديوم في ثلاثة أخماس المسافة بين الخرطوم ربك تقريبا، فحاجة واحدة توديهم ربك مافي..
أكثر الطلاب سيعودون للمقاعد إن شاء الله... وقليل سيترك الجامعة، ويتجه لدروب اخرى.. ... اتوقع اعفاء مدير الجامعة من باب تهدئة وتلطيف الاجواء، لحين تعيينه في معهد عالي او جامعة أخرى... .....
07-20-2017, 08:51 PM
Abuzar Omer
Abuzar Omer
تاريخ التسجيل: 07-26-2008
مجموع المشاركات: 2109
في ثالث ثانوي ، وقبيل اختبارات الشهادة الثانوية بشهرين تقريبا، عندنا طالب فصل لمدة شهر، وكان من ضمن طلاب اتحاد المدرسة..... بقيادة بقية افراد الاتحاد تم تعبئة الطلاب بعدم دخول حجرات الدراسة لحين إرجاع الطالب المفصول... بعد يومين فقط او ثلاثة تمت الموافقة على عودة الطالب حرصا على المصلحة العامة والطالب،وخوفا من تأثر النسبة العامة للمدرسة.. تم التواصل مع الطالب! الطالب رفض أن يعود إلا إذا أكمل الشهر، وفعل ما أراد! شفت كيف ؟!
يمكن عشان محل الرئيس بنوم! يمكن لانهم لسع ما إنفصلوا و بالتالي الخرطوم عاصمتهم و لا إستغراب في أن يحضروا للخرطوم الغريب لماذا يمنع سوداني من دخول أي مدينة في السودان؟ الهدف واضح أن هؤلاء الشباب لم تنته معركتهم بعد عشان كدا يجايين يطالعوا الرئيس في قدام بيته! لعله برضو الله قيضهم عشان يوري معدن الشيخ الياقوت و يظهر بركاته فقد كان كنزا مخفيا! هذا و لك السلام..
07-21-2017, 00:12 AM
ناصر حسين محمد
ناصر حسين محمد
تاريخ التسجيل: 01-09-2013
مجموع المشاركات: 5233
الاخ قصي يقصد التجمع والعودة للخرطوم بصورة جماعية الكلام العايم ده حقهم وده خيارهم لابودي لابجيب والاجهزة الامنية لن تمامع ابدا ان كان الدخول للخرطوم بصورة طبيعية
وكلنا مارسنا سياسة في الجامعات واصغر زول في الامن حيفهم انو الدخول بهذه الصورة الهدف منه نقل الاحتجاجات للخرطوم بعد الدويم ما جابت حقها
ويظهر اتفاق هؤلاء في اتفاقهم على الاستقالة من الجامعة الداير يلبس قنبور يلبسو براهو وما يحاول يلبسنا ليهو لانو ما مقاسنا
07-21-2017, 00:50 AM
Abuzar Omer
Abuzar Omer
تاريخ التسجيل: 07-26-2008
مجموع المشاركات: 2109
غايتو ما عارف سياستك المارستها في الجامعة، لكن الناس ديل حيخشوا الخرطوم دي كداري مع بعض؟ ولى كل اثنين أو ثلاثة يلقوا ملح ينزلهم في لفة الكلاكلة، و ثانين يصلوا السجانة و ناس السوق الشعبي أمدرمان؟ ديل ح يتفرقوا في مدينة تعدادها ١٢ مليون، و ناس الأمن فيها أكثر من الحصى. مافي أي منطق، علاوة على ذلك معهم شنط و مرهقين و ذهنهم مشتت... ده تصعيد غير مبرر، و لا أقول جبن لانوا زول خايف منهم مافي، بس سوء إدارة للأزمات، و تشهير بي سمعة بلد، بتنتظر رفع عقوبات. لو في أمن، كان جاب ليهم الباصات و السندوتشات، و شاف سكن للماعندو سكن و دعاهم في اليوم التالي للساحة الخضراء ليخاطبهم بعض أعضاء البرلمان، و يكونوا منهم لجنة، تسافر للدويم مع أعضاء البرلمان تحتوي المشكلة. ديل ١٢٠٠ طالب فالقضية كبيرة، و كان يمكن إحتواء الطلاب، بل تغيير مفهوم الوطن في أذهان حتى المتطرفين فيهم إن وجدوا. سوء تعامل مع الأزمات و إخفاق أمني و إداري، يشبه الإنقاذ في كل شيئ.
صديق على مهدي فعلا نموذج للمهرج من حق الاخ قصي يطرح رأيه حول الموضوع حتى ولو اختلفنا معه المشكلة شنو بعدين لما تحشر المسجد في سجالك معه .. هل ده نوع من التقليل من شان المساجد ومرتاديها غايتو من قلبت مع الحكومة دماغك جاط بالجد وتحية لقصي مهما كانت درجة خلافي معه
07-21-2017, 06:48 AM
mohmmed said ahmed
mohmmed said ahmed
تاريخ التسجيل: 10-25-2002
مجموع المشاركات: 8795
ليه الخرطوم ما بلدهم ؟بتفرق شنو لو اتجهوا الي الخرطوم ولا شندي ولا بورتسودان ما كلها مدن سودانية من حقهم يتجهو أين ما يريدون ولا عايزههم يبيدوهم ذي باقي أهلهم حتي لا يصلوا الخرطوم سؤال يبين عنصريتك وحقدك وكراهيتك لناس دارفور
07-21-2017, 10:04 AM
عمر دفع الله
عمر دفع الله
تاريخ التسجيل: 05-20-2005
مجموع المشاركات: 6353
ما هو الهدف من اتجاه طلاب دارفور نحو الخرطوم وليس ربك بعد تركهم لجامعة بخت ؟ --------------------------------------------------------------------------
يردون الذهاب الى الخرطوم للاستجمام والاستمتاع بالهواء الطلق على ضفتي النيل وزيارة المولات والمحلات التجارية الفخمة وزيارة المطاعم على شارع المطار .................... سلام يا قصى دي الجنة ام نعيم الجنة ام قصر يا عبدالرحيم إىلا ورا القبر :
07-21-2017, 10:36 AM
Asim Ali
Asim Ali
تاريخ التسجيل: 01-25-2017
مجموع المشاركات: 13492
ناصر حسين محمد *حريه التنقل والسفر بين اجزاء الوطن حق دستورى . *من حق الطلاب التوجه الى المركز لحل مشكلتهم كحق مواطنه اولا *على الدوله الحرص والجديه فى معالجه قضايا طلاب دارفور بقرارات واضحه ونافذه (خاصه انها مزمنه من ماقبل الانفصال حيث تشاركوا المعاناه مع طلاب الجنوب فى تلك الفتره)
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة