ما لحقتنا لكن فزعتنا

سودانيز اون لاين
الجنيد حمد-قريب من هنا
مكتبتى
رابط مختصر

ال 31 سنة اهون ياخ

اقلاها حد الحريق

ايام الجنة قريبة قالوا ( الله يكفينا شر القوالات)

سنعيد سيرتها الاولى

ما شين كويس قربنا نمشي امفكو

ولو صدق كلامك يا جالب الهموم

ولما كنا صغار كنا بنجيب القش ما بنلعب لا بتراب لا يحزنون

اها

المرسال بكون طابقين وطوالي بدخلوا ليك حتة التورية بتاعت البلاغة ديك مشقلبة كده

مرسال قريب وهو المراد ومرسال بعيد وهو غير المراد

يعني لو دايرنك تنادي خالك للغداء

بقولوا ليك في مرسالين مرسال لدكان الحجيري (ربنا يطول في عمره)

ولا تمشي تنادي خالك للغداء .

من غير تفكير دكان الحجيري بعيد وكل ناس الطيب ودعثمان بديك كردة اخير بيت الخال اقرب وماف مخاطر في الطريق

وانت بتمشي فرحان بحسن الاختيار وهم فرحانين

غازي سليمان الله يرحمه

مرة كده في برنامح حلف طلاق وقال

على الطلاق لو خشيت الجيش كنت قلبتها

ما عارف ليه فكرت في كم غازي في السودان بنفس الحلم ده

انا واحد منهم على كل حال غايتو سكيتها وابت تب ولومكم علي لو قلبتها كنت اكون حنين عليكم

ناس الاحلام ديل خلونا الناس الخشوا ومدبجين دبابير ديل ما فيهم واحد خشى عشان يطوطحها ساي

لزوم تشجيعهم وكدي نذكرهم بقول الشاعر

لن تحكموا بالاحزاب ابدا بل بالسرية والدبابة اذا اجتمعا

رياسة مضمونة ولا معاش مجهجه ياخ

نصيحة واستجداء

ايوا موضوع البوست

ناس الفيسبوك والواتساب بجيبوا وجع الحلق والله جد

خبر لافي كده (ان شاء الله يطلع مفبرك)

بلة الغائب نطة من كلاموا

وانا حالتي (اتحورت) عليه عديل الزول جارنا وكده وبيناتنا عشرة وصحبة

الزول عشمنا ب 31 سنة وباقي منها تلاتة بس هسي قال جاتو اشارة جديدة

انو ال 31 سنة دي اتلغت وعشان انتوا امة ضلالية (دي من عندي)

حيمددوا اقامة البشير في القصر لا وكمان ببقوه ملك عديل

يعني الا يجي الكريم يشيل امانتو

ما كنت حنين ياعمي بلة وقلت 31 بس هسي في داعي ياخ

يعني حتى دي مستكثرها فينا .

وحسب كلام بتاع كشك السجائر الفي شارع القصر البشير جاب دستة عقالات للوثبة الملكية الجديدة

يا بلة زمان بنقول يحلنا الحل بلة كنت مضرب مثل ياخ

هسي ورطتنا يا بلة ومثلت بينا عديل

غايتو كدي شوف الفيديو ده قبل سنة الزول ده لسة محافظ وبكمل كم وعشرين خريف عادي