|
|
|
 Re: ماذا يحدث في سوق العقار في الخرطوم (Re: الحاج حمد الحاج)
|
انهيار العملة السودانية الذى لا يتوقف دفع الناس لشراء الاراضى والعقارات للمحافظة على قيمة العملة .
هذا التدافع خلق هذا الارتفاع الجنونى .
ولا توجد خطط اقتصادية من الدولة لامتصاص السيولة النقدية عند البعض , لا مشاريع تجارية محمية من عبث الجبايات التركية الظالمة .. لا بورصة نشطة .. لا ودائع بنكية بارباح عادلة ( يتبعون نظام اسلامى فى المعاملات البكنية يُعطل النظام الراسمالى المتبع ) .
عمالة اكثر من الطلب .. تتجه نحو السمسمرة والمضاربة على الاراضى كوسيلة ليست للثراء فقط , وانما لاكل العيش .
السودان يتجه نحو السيناريو الصومالى , ونحو السيناريو اليونانى , على صعيد الاقتصاد .
تنتظرنا ايام قاسية .. ايام يأكل فيها الناس لحوم الناس بالمعنى الحرفى للعبارة .
| |
 
|
|
|
|
|
|
|
|
Re: ماذا يحدث في سوق العقار في الخرطوم (Re: shaheen shaheen)
|
.
Quote: قال لي أخوانو مشوا يشتروا بيت جنوب الخرطوم وقابلوا سيد البيت واتفقوا على سعر محدد
السعر كان (200) ألف جنيه .. يعني 200 مليون
والراجل وافق .. واتفقوا على إنهم يجوا بعد يومين تلاتة يجيبوا قروشهم ويمشوا المحامي
لامن جابوا قروشهم وجو .. قابلهم واحد سمسار وقال لهم البيت بي 600 ألف |
يابدر ياحبيب
ياخي كلم اخوانك يرجعوا ليك الـ ٢٠٠ مليون بتاعتك، انت بتشتري بيوت من ورانا؟!!
صاحبك بيسلم عليك.
.
| |
|
|
|
|
|
|
|
|
|
Re: ماذا يحدث في سوق العقار في الخرطوم (Re: جمال ود القوز)
|
يا جماعة والله الزول دا قال لي البيت في الدخينات .. وأظن الدخينات دي قريبة من الكلاكلة ..
والبيت أكيد ما بكون بيت زي البيوت البتقولو عليها .. المدهش في الموضوع والقاصدو أنا إنو السماسرة ممكن يرفعوا السعر لأضعاف مضاعفة عدة مرات
ومعظم الأسعار الفي سوق العقار دي السماسرة زايدنها كوز
يعني مثلاً بيت بي مليار ونص لو قابلت سيدو مباشرة ممكن يديك ليهو بي مليار
| |
|
|
|
|
|
|
|
|
|
Re: ماذا يحدث في سوق العقار في الخرطوم (Re: بدرالدين بابكر مصطفى)
|
أما حكاية إنو مافي بيت بي 200 في الخرطوم
في أحياء الأسعار فيها لسع في الرينج دا .. قد تكون لسع ما فيها شهادة بحث
زي دردوق مثلاً
لأنو يمكن دي الحتة الوحيدة البعرف فيها أسعار العقار .. الحقيقة هي المنطقة البتهمني لأني أملك فيها قطعة ما معروف أسع البقى عليها شنو
| |
|
|
|
|
|
|
|
|
|
Re: ماذا يحدث في سوق العقار في الخرطوم (Re: بدرالدين بابكر مصطفى)
|
*******
يابدر ياحبيب
ياخي كلم اخوانك يرجعوا ليك الـ ٢٠٠ مليون بتاعتك، انت بتشتري بيوت من ورانا؟!!
صاحبك بيسلم عليك.
********
والله ياسيف كان حقتي ما أدخلا في عقار في الخرطوم أصلاً ..
عندي أرض زراعية في البسلي .. بمشي أعمرا وأقعد فيها وأحلب بقراتي وأبيع لبنن وأسوي لي راكوبة أقعد في ضلها ..
مالي ومال الزحمة والضيق والقمامة ... ياخ نفسك دا إلا تلاوي ملاواة حتين تلم فيهو
أصلاً ما عندي رغبة أسكن في الخرطوم
| |
|
|
|
|
|
|
|
|
|
Re: ماذا يحدث في سوق العقار في الخرطوم (Re: بدرالدين بابكر مصطفى)
|
.
| Quote: عندي أرض زراعية في البسلي .. بمشي أعمرا وأقعد فيها وأحلب بقراتي وأبيع لبنن وأسوي لي راكوبة أقعد في ضلها |
مافي عز أحسن من كده، وبيني وبينك عمرنا اتسرق، وماتبقى يحتاج لشيء من الهدوء، يبدو اننا سننتظر كثيرا حتى تنفض الخرطوم هذا العنت عن كاهلها!
نحنا أولادها مجبورين ننتظر، لكن انتو ياعيال الريف "الحبيب" مافي حاجة تجبركم على الأذى والضيم، أزرعو زراعتكم وأحلبو بقراتكم والزارعها الله في الخرطوم تقوم، بس اللبن ما تزيدو موية!
ههههههههه جات على خاطري قصيدة:
أيها العمال أفنوا العمر كدا واكتسابا *** واعمروا الأرض فلو لا سعيكم أمست يبابا
وقت دراستها قلت للأستاذ: دي قسمة غير عادلة يعني العمال المساكين ديل يقضوا عمرهم كلو في الكد والصعاب والباقين ياكلوا ويشربوا؟
قال لي اها انت رايك شنو؟
قلت ليهو: والله يا استاذ أمست يبابا ولا صبحت يماما، هذه ليست مسئوليتهم، يشتغلوا قدر قدرتهم ويتخارجوا!
أنا يا صاحبي أخشى عليك ان تفني العمر كدا مع زباين لايستحقون .
ههههههههههه
.
| |
|
|
|
|
|
|
|
|
|
Re: ماذا يحدث في سوق العقار في الخرطوم (Re: مازن فيصل هلال)
|
الأخوة مجيدو وشاهين ومازن (صديقنا زمان)
والله للأسف ما عندي فكرة عن أسعار العقارات .. بس القصة دي لفتت نظري لأفعال السماسرة وجشعهم .. وقلت يمكن الغلاء الحاصل في العقار دا يكون سببه السماسرة ديل
يعني الزول ممكن ينفرد بي سيد عقار براهو قبال يعرفو السماسرة يشتري منو بيت بي سعر معقول
لأنو لو حسبت النسبة بتلقى ربح السماسرة حوالي 80% وسيد الحق بجيهو 20% فقط
وبما إني متفائل قلت في سري أي بيت في الخرطوم سعرو يساوي 20% من المعلن
عموماً أنا ما عندي نية اشتري ولا اسكن الخرطوم وإن جبرتني الظروف بشوف لي حتة طريف كدي اتلم فيها مع وليداتي
بعدين نحن ناس خلاء ساي وضهاري عندنا مثل بقول البيت الضيق زي المركوب الضيق
والخرطوم دي كلها بيوتا جخانين وضيقات .. الواحد لو داير يتقلب ساكت إلا يطلع برة يتقلب ويرجع تاني
وتحياتي مثنى وثلاث ورباع
| |
|
|
|
|
|
|
| |
بدرالدين بابكر مصطفى
walid taha
الحاج حمد الحاج
shaheen shaheen
عمر دهب
جمال ود القوز
محمد مجيدو
فيس بوك
تويتر
انستقرام
يوتيوب
بنتيريست