العقلية السودانية في المنتوج الصيني سلبية جدا جدا ً لانو ما نافع .. الخلاني اسال في الخليج توجد منتوجات صينية درجه اولي وشغاله فُل الفل وبي ضمانها ..؟ هسه الايفون دا مصنوع في الصين ..
السوق الصيني كبير وفيو المنتوج الجيد والردئ حسب فهمي .. بس داير زول يوضح لي وياريت يكون من الصين زاتا شان نفهم ..؟ لي السودانين من تجيب لي كلمة صيني خلاص الموضوع منتهي عندو .؟
03-02-2016, 06:27 AM
أيمن محمود
أيمن محمود
تاريخ التسجيل: 01-14-2013
مجموع المشاركات: 4940
المنتوجات الصينية في السودان "Sudan standard" عشان كده السمعة منتهية عند السودانيين - في اوربا وامريكا الصناعة الصينية مستوياتها عالية جدا - قبل يومين اشتريت جهاز سوني "أصلي من الوكالة" مصنوع في الصين!
03-02-2016, 06:44 AM
Abureesh
Abureesh
تاريخ التسجيل: 09-22-2003
مجموع المشاركات: 30182
Quote: أما البضائع الرديئة في السودان فأسأل التجار.. الواحد فيهم يقول لصاحب المصنع داير ارخص حاجة عندك، لما يحير مدير المصنع زاتو..
التجار لا يهمهم مطابقة المنتج لمواصفات الجودة، كما لا تهم الصيادلة الأدوية المنتهية صلاحيتها.. الســـودان باظ والشعب ما عنده وجيع.
لا ضمير يراقب الفرد ولا قانون يردع.. تنتظر شنو تانى؟
زد على ذلك أن المستورد السوداني أو أغلبهم يستورد أرخص البضائع وأقلها جودة وأقصرها عمرا وبأعذار مختلفة بعضها حقيقى مثل الجمارك والضرائب والرسوم العالية يقوم ببيع السلعة
متدنية القيمة أصلا وقليلة الجودة بأغلى الأسعار!!!!!!
الصينييين واضحين جدا بجيبو ليك المنتج بدرجات جودة تصنيع مختلفة ويقولو ليك دا بدولار ودا هو نفسه لكن مصنّع جيدا وبجودة أعلى و بعشرة دولار,,,
جماعتنا بستوردو أبو دولار ويبيعوه بعشرين دولار!!!!
تحياتى
03-02-2016, 07:10 AM
الطيب عباس
الطيب عباس
تاريخ التسجيل: 09-22-2015
مجموع المشاركات: 2269
Quote: أما البضائع الرديئة في السودان فأسأل التجار.. الواحد فيهم يقول لصاحب المصنع داير ارخص حاجة عندك، لما يحير مدير المصنع زاتو..
الأخ أبو الريش, المشكلة مافي التجار المشكلة في دولتنا البتسمح لي بضاعة رديئة تدخل البلد وبصورة أوضح أكثر الدولة زاتها شغالة تجارة في البضاعة الرخيصة ومتندية الجودة أو بالأصح تنعدم فيها أبسط معايير الجودة.
معي صديق لبناني كان في كندا, ذكر لي بأنه عند مغادرته كندا إلي لبنان حمل معاهو هدايا لأهله, لمن سلمهم الهداية كانوا بقولوا ليهو بالله جاي من كندا وتجيب لينا هدايا مصنوعة في الصين؟ وقال ليهم بأنهم ما عارفين بأنه البضاعة الصينية البتدخل الدول الغربية هي من أجود الصناعات, لأنها إن لم تكن جيدة جدا لما نافست بضائع الدول الغربية.
03-02-2016, 07:05 AM
الطيب عباس
الطيب عباس
تاريخ التسجيل: 09-22-2015
مجموع المشاركات: 2269
Quote: المنتوجات الصينية في السودان "Sudan standard" عشان كده السمعة منتهية عند السودانيين - في اوربا وامريكا الصناعة الصينية مستوياتها عالية جدا - قبل يومين اشتريت جهاز سوني "أصلي من الوكالة" مصنوع في الصين!
شكرا يا ايمن
انا دا الموجعني انا عندي شاشة led ماركه TCL اسمارت 40 بوصة مكتوب فيا صنع في الصين بس هي المانية من اشتريتا قالي المكنة المانية والبودي صيني .. وعليها ضمان عرضتا للبيع الناس كلها من تلقي الصين تكش وتبخسها ليك هاهاها
كسرة انت ايمن نسيب الجعلي ؟.
03-02-2016, 07:26 AM
أيمن الطيب
أيمن الطيب
تاريخ التسجيل: 09-19-2003
مجموع المشاركات: 5845
Quote: Alnagy Fadyلو قدر لك السفر للصين من مطار الخرطوم حتشوف العجب، الطيارة زى لورى أم دورور كلها زنابيل وربط وبقج، دى كلها نماذج لسلع بسفروها الصين لغرض التقليد وصناعة منتج بمواصفات بائسة.. الكلام دا بشمل الاحذية والاوانى والاسبيرات وما لايخطر على البال
المسؤولية تقع على عاتق الحكومة والتجار الجشعين.. الصين أرسلت رواد فضاء للفضاء الخارجي فهل في تكنولوجيا وجودة مقاييس أعلى من تكنولوجيا الفضاء؟اليوم الولايات المتحدة تتفاوض مع الصين لتبنى لها القطارات السريعـة.. هل تصدقون.. الدولة الوحيدة التي تعمل فيها القطارات السريعة اليوم هي الصين ومن اكثر من عشر سنوات.. جربوه في المانيا بدايات القرن الماضى ثم الغى بعد احتراقه.. أما الصين فتدخل خطا جديدا لمدينة جديدة كل مرة. القطار السريع واسمه ماقليف Maglev يسيرمن مطار شنغهاى الى بودونق بسرعـة 450 كيلومتر في الساعة.. يعنى من الخرطوم لبورتسودان اقل من ساعتين وهو يسير حوالى بوصتين فوق القضيب.. يعنى طاير.. ومن شنغهاى الى بيكين في حوالى 8 ساعات.. (بالطائرة ساعتين).. بل تحدث عن المسؤولين.. خلى التجار.. مع انو ما في فرق كلهم تجار.. واحد قال لى مسؤول سودانى في بعض المشتروات الحكومية طلب منه 10% كاش على ان يضيفها على السعر.. فهل تتوقع من مسؤولين مثل هؤلاء ان يقوموا بمساءلة تجار جشعين وفاسدين زيهم؟
(عدل بواسطة Abureesh on 03-02-2016, 03:41 PM) (عدل بواسطة Abureesh on 03-02-2016, 03:44 PM)
03-02-2016, 05:01 PM
حاتم إبراهيم
حاتم إبراهيم
تاريخ التسجيل: 08-11-2014
مجموع المشاركات: 3382
**فعلى أسوأ الفروض لو كنت الصيني لما تجاوبت مع طلب يسيء لوطني في المقام الأول ثم لشخصي.**
يا حاتم الصينيين ديل ما يصنعوا حسب الطلب، عندهم بضائع بمستويات مختلفة حسب ميزانيتك.. في زول فقير يشترى جلابية من قماش خفيف ممكن
يتشرط، لكنه خمس ثمن القماش الجيد، يشترى الرخيص ولو اتشرط يخيطه بيده.. الغنى لا وقت له للخياطة وفى نفس الوقت مستعد يدفع خمسة اضعاف
عشان يرتاح من الخياطة والرقيع، المشكلة شنو؟.. الصينيين ارسلوا رواد فضاء للفضاء الخارجى، هل تقنية اكبر من تقنية الصواريخ؟ ثم ازيدك من الشعر بيت. الان المفاوضات
جارية مفاوضات بين أمريكا والصين لتقوم الصين بتصميم وبناء القطارات السريعة لأن أمريكا لا تملك الخبرة الكافية في مثل هذه التقنية.. في أوروبا جربوها ولكن المشروع
تم الغاء المشروع بعد احتراق القطار في التجربة.. وفى الصين كل مرة يفتتحوا خط جديد بين مدينتين.. من مطار شنغهاى الى بودونق سرعته حوالى 450 كيلومتر
في الساعـة.. يعنى الخرطوم بورتسودان اقل من ساعتين.. ويسير فوق مخدة هوائة ارتفاعها من القضيب بوصتين.
بعدين شنو سمعة الصين.. هل التي شوهها تجار السودان؟ العالم كله يستورد كل شيء من الصين.. والأدوات المكتبية فقط التي تستوردها أمريكا منها تعادل ربما كل
ما يستورده السودان من الصين، وما عندها اى مشكلة سمعة هنا.. وبالمناسبة هنا أيضا توجد البضائع الرخيصة وتباع في محلات الـ 99 cents اى اقل من
دولار، والناس تشتريها وعارفة نوعيتها ومبسوطين.. ولكن عكس السودان التجار هنا يبيعونها بتسعة وتسعين سنت فقط. يعنى لو مسافر لمدينة تانية ونسيت
مكنة حلاقتك (الجيدة) في البيت، تمشى اقرب دكان وتشترى مكنة استعمال واحد بخمسين سنت فقط، ثم ترميها.. المشكلة شنـو؟
تعليق القصور على شماعة الغير عادة متأصلة عند كتير من السودانيين. وشكرة متيل او ماتيل التي تملك Toys-R-Us وزعت العاب أطفال مستوردة من الصين
فيها عيوب سلامة وتأمين، وفعلا الشركة لامت الصين انها باعتها بضاعة مغشوشة، ولكن الصينيين أثبتوا بالدليل ان الشركة هي التي قامت بالتصميم، ثم ضغطوا
على الشركة لكى تعترف علناً للجمهور لتبرئ ساحتهم.. وكانت النتيجة هذا الفيديو المحرج للكبرياء الأمريكي:
رئيس الشركة اعترف فى جلسة سمع الكونقرس بمسؤوليته عن المشكلة، ونائب الرئيس ذهب شخصياً الى الصين واتعذر لشعبها هناك
Quote: وما تنسى علاقة المواصفات وحماية المستهلك بالموضوع دا,,
فهم تعودوا أن يتجاوزوا عن أى غش تجارى ويسمحوا بإستيراد بضائع مضروبة وخربانة
زى ذممهم وأخلاقهم والمستهلك السوداني ليس محميا وليس لديه غطاء رسمى من أى نوع,,
إلا بس رب العالمين..
الأخوة الكرام.
كلام الأخ أيمن الطيب ده هو الحقيقة بعينها. الحكومة هي المسئولة الرئيسية في مسألة حماية المستهلك. إذا كانت الحكومة فتحت التجارة لكل من هب ودب يستورد بضاعة من الخارج، فيجب أن يكون لها قوانين رادعة في ذلك. الذين يلومون الصينين، فهم مخطئين تماما. لأنوا التجار السودانيين، ناس ما عندهم أخلاق وجشعين جدا، وهمهم الأول هو الاغتناء بأسرع وأرخص طريقة. التاجر مثلا بكون عارف من تجار الصين بأن هذه البضاعة رخيصة، ولن تعيش فترة طويلة مثل بقية البضاعة الغالية. ولكن التاجر السوداني لا يستمع الى نصيحة تاجر الجملة الصيني ويقوم بشراء البضاعة الرخيصة الرديئة، ويبيعها بأرباح تفوت ال 300 في المية. والمواطن المستهلك المسكين هو الذي يشتري البضاعة الرديئة وهو الذي سوف يتحمل الخسارة، والأن المشكلة ليس في الخسارة فقط، ولكن في تعريض حياة المواطنين الى الخطر بسبب رداءة بعض الأدوات الكهربائية، أو لعب الأطفال الملوثة ببعض المواد السامة. وبعد كل ذلك مازال الناس مستغربين من انتشار السرطان بين المواطنين.
03-06-2016, 11:38 AM
الطيب عباس
الطيب عباس
تاريخ التسجيل: 09-22-2015
مجموع المشاركات: 2269
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة