|
|
|
 Re: لو الواحد عايز يقيف من وسائل التواصل (Re: حيدر حسن ميرغني)
|
حيدرنا
الواتسب انتهيت منو إلا في نطاق ضيق سؤال عن اخبار وجواب بس مافي ناس جمعة مباركة وأسعد الله أيامك والحركات دي
تويتر وانستغرام ديل أصلا ما جيت عليهن رغم إني عملت حساب في تويتر (نظام قشرة ساي)
باقي لينا الفيسبوك وأبو كبيرة دا
يخيل لي الواحد يبدأ بالفيسبوك
ويتابع أبو كبيرة دا بالعناوين الهامة بس
محتاجين راحة ياخ
| |
 
|
|
|
|
|
|
|
 Re: لو الواحد عايز يقيف من وسائل التواصل (Re: حمد عبد الغفار عمر)
|
حمدتو صباح الخيرات ..
سؤال صعب شوية !
يعمل شنو؟
قبل كم اسبوع مشيت للدكتور لقيت خاتي اعلان !
اعلان ! يوجد علاج لمدمني المخدرات والكحول
وفي النص هذا الادمان كاتب والانترنت ! ضحكت
مت من الضحك ههههههه ... نساني مرضي الجيت
بيهو هههههه . الانترنت انا افتكر مرض حميد هههه
ربنا يشفاك يا حمدتو وشد حيلك المؤمن مصاب ولو بالانترنت .
| |
|
|
|
|
|
|
|
|
|
Re: لو الواحد عايز يقيف من وسائل التواصل (Re: مني عمسيب)
|
هلا بت عمسيب
الانترنت انا افتكر مرض حميد هههه
حميد شنو ؟ دا اخبث من الخبث وخاصة مسبباتو كلها في متناول اليد
تعرفي أنا أخدت إجازة عشان ارحل من الشقة من أمس العفش جاهز مفروض اليوم الصباح أمشي أسوق ناس عشان يغسلوا الشقة والعصر نرفع العفش
صحيت قعدت قدام الكمبيوتر قلت لحدي ما أشرب الشاي أكون قلبت المواقع (المواجع) وبعدها اتحرك يمين لحدي هسه قاعد والغريبة بشاهد في التلفزيون وقاعد في كرسي الكمبيوتر غالبني أزح من عندو كل 15 دقيقة بعمل رفرش للمواقع والحر مكسلني من المشي والبيت كلو ينق وانا عامل ما سامعهم
مرض ياخي
| |
|
|
|
|
|
|
|
|
|
Re: لو الواحد عايز يقيف من وسائل التواصل (Re: حمد عبد الغفار عمر)
|
يا حمدتو سيب الجرسة ونتمني ليك الشفاء العاجل هههههه .
اركز بس واعمل بالبقوله ليك :
حميد شنو ؟ دا اخبث من الخبث
بالنسبة للفيسبوك قلل الزيارة الا للشديد القوي .
بالنسبة للواتساب ما تضيف اي زول بالذات ناس
الشمارات والقمارات لانهم بضيعوا وقتك .
بالنسبة للمنبر حدد وقت معين واحلف قسم لكن
بيني وبينك القسم بقي ما مجدي لانه بنكسر احلف
طلاق عديييييييييل ههههههههه عشان تنفذ .
عمومآ وعن نفسي ممكن اكون نصف مدمنة ويرجع
ذلك لذهابي للعمل وبحب حاجات آخري شاغلة بيها
نفسي .
مع اصدق تمنياتنا بالشفاء العاجل .
والتحية موصولة لحبيبنا حيدرنا .
| |
|
|
|
|
|
|
|
|
|
Re: لو الواحد عايز يقيف من وسائل التواصل (Re: مني عمسيب)
|
الفيس يا منى مرة وقفت منو سنتين ورجعت
أما قصة طلاق دي ما بقدر عليها اقوم افتح المنبر القى كتاحة فيها ناس جلالدونا وود البشرى وحافظ بشير واحمد محمد عمر وود المدير الخ يقع علي طلاق ساي وابقى في استشارة الشيوخ هل واقع علي طلاق ولا لا
سودانيز دا بأجلوا شوية لحدي ما تنتهي الإجازة دي وبعدها نشوف كاروشتو حارة مع القعدة ساي
| |
|
|
|
|
|
|
|
|
|
Re: لو الواحد عايز يقيف من وسائل التواصل (Re: حمد عبد الغفار عمر)
|
هههههههههههههههههههههههههههههههههههههههههه
أما قصة طلاق دي ما بقدر عليها اقوم افتح المنبر القى كتاحة
خلاص قنعتنا من علاجك وحتي الدعاء حا اوقفو عشان
ما اتعب خشمي وحلقي في الفاضي هههههههههه .
البوست لذيذ بقلل من حزننا نواصل فيه .
بجيك صادا عندي مشوار ...
بجي احكي ليك لما اركب القطر ولا البص والقي
الناس كلها زي المجانيين تضحك وتتكلم ومافي زول
بعاين لي للتاني ههههههههه .
| |
|
|
|
|
|
|
|
|
|
Re: لو الواحد عايز يقيف من وسائل التواصل (Re: حمد عبد الغفار عمر)
|
سلام يا حمد،
من فترة للتانية، بتمسكني قرفة (الكلام عن سودتنيز) بقوم أتوقف عن أي مشاركة.
قبل فترة القرفة كانت قوية، بعدت تماماً عن الموقع وأصلاً هبيشي في الفيسبوك على خفيف.
كنت زيك شايل الهم، وكيف الواحد حيقدر يبعد عن المصيبة دي، لكن أدهشت ليك روحي وامتد الوقوف عدد من الشهور، لا صداع ولا كاروشة.
| |
|
|
|
|
|
|
|
|
|
Re: لو الواحد عايز يقيف من وسائل التواصل (Re: حمد عبد الغفار عمر)
|
سلام حمد وضيوفه
الفيس 🕸مرضه تخلي تبقي بره الشبكه وماتفهم شي والاخبار تفوتك ويكونو بتونسو وانت مسطح وتكون قاعد فيو ادمان 😡
تجربتي في رمضان قفلت الفيس والله ارتحت راحه ..😀
الله لا كسبو مارك بس تاني رجعت😡
شخصيا بستفيد من دلالات الفيس بيع شراء تشطيب المونيوم خبرات 👍🏻
وبرضو ضياع زمن واكتساب خبرات وانجازات للمغترب.
تحياتي
| |
|
|
|
|
|
|
|
|
|
Re: لو الواحد عايز يقيف من وسائل التواصل (Re: muntasir)
|
غايتو الواحد سمعتو اتدهورت شديد خلاص
______
تعرف يا حمد أزمتك دي أنا عايش فيها التلاتة سنين الأخيرة دي
عندي مشكلتين الأولى إني معصور شديد في الحياة الواقعية .. مزرود زرد غرائب الإبل .. الأسافير بالنسبة لي بريك ومهرب مؤقت
المشكلة التانية إنه أساساً شغلي على النت يعني ما محتاج أجر كرسي عشان ادخل النت .. لا لا من الصباح للمطاح أنا قدام كمبيوتر
الفيسبوك كان زمان حياتي .. معذب شلتي عذاب الله أكبر .. حافظ ليهم فضائحهم بالصور والفيديو
اليوم كلو أنقز واضحك ومهنضب ليك الشباب كلهم
رويداً رويداً كدة لقيت معاي المدام وأبوها وأمها وأخوانها وشوية شوية كدة مدراي في الشغل وبقيت ماااا قادر أفرفر .. أي حركة بنضرب في المليان .. انت قايل المهنضبهم ديل ما بعرفوا يهنضبو ! 
فاتوقفت مرغماً لا بطل وبقيت مسكيييييين بس زول مبروك الطهور ومبروك تخرج الولد من الروضة :)
البورد بقدر انقطع منو يومين تلاتة .. لكن بس دخلتي كدة الهواء براهو بشيلني باتجاه الكتاحة والقى روحي حاتل اسبوع
مرات كتيرة بقول هسة لو بكري شال امانته بكون وفر لي وقت كتير خلاص محتاج ليه في القراية :)
| |
|
|
|
|
|
|
|
|
|
Re: لو الواحد عايز يقيف من وسائل التواصل (Re: muntasir)
|
هلا منتصر صاحب الحلول الذكية
السَّكَّرْ
قلت لي بالشدة؟ الشدة الأولى زي الكأس الأول صعبة والشدة التانية زي كاس الطريق تقفل بيها وتتخارج
ملاحظ زمان ناس الشربة ما عندهم شغلة بالمسلسلات والحاجات البتضيع الزمن دي؟
الحل دا حاليا صعب التطبيق لأنو الهاردوير بتاعنا بقى ما ملائم للسوفتوير بتاعو
| |
|
|
|
|
|
|
|
|
|
Re: لو الواحد عايز يقيف من وسائل التواصل (Re: الطيب عباس)
|
هلا الطيب عباس
طبعا لا يُنكر فضل المواقع في التعريف بأشياء لا يمكن معرفتها بدونها ونقل خبرات وتجارب حياتية وسوقية لآخرين لا يمكن الحصول عليها بدون تواصل وخاصة المعلومات الخدمية في الأراضي والتسويق وغيرها علاوة على أنو جمعتنا بي ناس وأعادت علاقات كا أن يطويها النسيان بفعل التباعد الجغرافي دا غير معرفة ناس جُدد ولكن عدم السيطرة على فترات التواجد في الانترنت احيانا يضيع الكتير
| |
|
|
|
|
|
|
|
|
|
Re: لو الواحد عايز يقيف من وسائل التواصل (Re: حمد عبد الغفار عمر)
|
مرحبا أحمد محمد عمر
لمشكلة التانية إنه أساساً شغلي على النت يعني ما محتاج أجر كرسي عشان ادخل النت .. لا لا من الصباح للمطاح أنا قدام كمبيوتر
برضو أنا دي كانت مشكلتي وهي سبب الإدمان ولا زلت اليوم كلو قدام الكمبيوتر بس اختلفت ظروف الشعل.
الشيء الأخطر إنو مرات قاعدك في النت تحس إنك زي المجبور عليهو ودا بسبب زهج وإكتئاب غبر آلام الرقبة والضهر وخاصة عندما يكون على حساب حاجات تانية.
اما الكتاحة فإنت من أهلها وزود
| |
|
|
|
|
|
|
|
|
|
Re: لو الواحد عايز يقيف من وسائل التواصل (Re: حمد عبد الغفار عمر)
|
سلام حمد وضيوفه
ابدأ اول حاجة بانك تقيف من سماع ومشاهدة الاخبار
نمرة اتنين ممكن تعطل حساباتك او ممكن تسيبها لكن تتخلص من اي سمارت فون .
بقا عندك لابتوب او كمبيوتر دة بسيط جدا انك بس تحتاجو لمن تكون فاضي بالجد وما عندك حاجة تعملها
مجرب وناجح
لي سنة حاليا ما عندي اسمارت فون عندي الكان بسموهو ف السودان ربيكا ولا سيلفا ما عارف.
مرتااااااااااااااااااااااااح
اخبار نهي
اكتئاب نهي .
لك الود
| |
|
|
|
|
|
|
|
|
|
Re: لو الواحد عايز يقيف من وسائل التواصل (Re: Osama Mohammed)
|
نقول ليك الحقيقة يا حمد...
مل بنقدر نخلي ادمان المنبر العام...بيخفف علينا حاجات كتيرة وخاصة
متاعب ومصاعب الغربة ومصائبها والحنين الدفاق للوطن،،،
وبعدين ما تغش نفسك ساي وما تحلف لا بقسم ولا بطلاق لانك ما حتقدر
تتخلى عن ادوات التواصل العصرية،،،واذا فتحت التلفون ساكت عشان ترد
على مكالمة بتلقى عنوان من عناوين المنبر العام ناطي في الشاشة وتخلي
المكالمة وتنشغل بقراءة البوست...
وبعدين اظن ان الحياة العصرية بقت ما بتستقيم بدون وسائل التواصل...
مع وافر الاحترام
| |
|
|
|
|
|
|
|
|
|
Re: لو الواحد عايز يقيف من وسائل التواصل (Re: امتثال عبدالله)
|
كيفك يا اسامة
تعرف أنا الجوال دا أبدا ما قاعد اعتمد عليهو خاصة في المنبر وعندما تحتاج تكتب اكثر
ممكن الفيسبوك - بس تعرف حكاية تعطيل الحسابات دي ما حل لأنو عند الحاجة ممكن ترجعها بكل بساطة
تبقى العزيمة فقط والابتعاد التدريجي ومحاول شغل النفس بحاجات تانية مثلا التوجه لقراءة الكتب اعتقد انها ممتعة أكتر صحيح انها مصدر محدود خلاف الانترنت الواسع المعلومة
| |
|
|
|
|
|
|
|
|
|
Re: لو الواحد عايز يقيف من وسائل التواصل (Re: حمد عبد الغفار عمر)
|
مرحبتين إمتثال
مل بنقدر نخلي ادمان المنبر العام...بيخفف علينا حاجات كتيرة وخاصة متاعب ومصاعب الغربة ومصائبها والحنين الدفاق للوطن،،،
المنبر ما بتخلى نهائيا وهو كما أسلفتي خفف الكثير وعمل ربط جيد بالوطن خاصة في سنواته الأولى لما الناس كانوا ما بقدروا يمشوا السودان خوفا من بطش الإنقاذ
حاجة تانية الناس الفي المنبر ديل أصحاب وعي بدرجة عالية مقارنة بما عداهم حتى في أوساط المتعلمين وما تسمعي الشتائم والنبز دا دي إفرازات زهج واحيانا سياسة واحباط لما يدور في الوطن - وحتى لو افتراضا في ناس اصحاب نفوس سيئة دخلوا المنبر دا أكيد بكونوا تعلموا ضرورة أن يكون الشخص إنسان كويس وكيف يكون ولو ظاهريا .
لا أذيع لك سر أنا لو قابلت أي شخص في الشارع وعرفت إنو بوردابي بنتابني فرح وطمأنينة مهما كان شكلو في المنبر وما بكون متوجس منو أبدا.
| |
|
|
|
|
|
|
|
|
|
Re: لو الواحد عايز يقيف من وسائل التواصل (Re: أحمد محمد عمر)
|
جلالدونا اخبارك
هي لكن المثل بقولوا كدا ، حي أنا
هسه الخائف من التسمم منو؟
ما بقدر اقطع النت محتاج للايميل ثم ثانيا لو فجأة حصل أمر جلل مثلا انقلاب عسكري في السودان
اقعد أكابس في الصرافات وشركات النت ول افتح كمبيوتري وطوالي ألقى ليك الشمار من جوة القيادة العامة ؟
| |
|
|
|
|
|
|
| |
حمد عبد الغفار عمر
حيدر حسن ميرغني
مني عمسيب
محمد على طه الملك
محمد أبوالعزائم أبوالريش
الطيب عباس
aosman
Osama Mohammed
جلالدونا
قسم الفضيل مضوي محمد
فيس بوك
تويتر
انستقرام
يوتيوب
بنتيريست