|
كتب الكاتب الفاتح جبرا المتوفرة بمعرض الدوحة
|
|
 Re: للبيع او المبادلة ... او الدفع لي وجه الله .. (Re: يحي قباني)
|
حكيت نكتة ... قديمة طبعاً ...
و كان من ضمن الحضور شاب سوداني في النصف الثاني من الثلاثينات ...
نشأ في الخليج ... و كان يزور السودان مع اهله في صغره ...
النكتة كان بها جزء يحكي عن رجل سكران ينتظر توصيله ... فلم يتوقف لتوصيله سوى عربية ( البلدية ) التي تنقل ( الجرادل ) ...
توقفت عن النكتة و بت اشرح كيف ان بعض البيوت كان نظامها تلك الجرادل التي تسحب من الشارع ...
و الشاب اصر انه لم يسمع بها في حياته ... و كأني احكي عن الغاز !!!
تُرى ... ماذا سيذهب معنا من تاريخ البلد حينما نغادر...
لا تسخروا من استغرابي ... فالمسألة ليست ببساطة تلك الحادثة ... على ( ثقلها ) ... و لكن الكثير سينساه الناس و يذهب مع الريح ...
لذا ...
اتوسم الخير في بعض الشباب ليسمعوا مني و من غيري ... و يتحملونا ... و يحافظوا على ما نعرفه من تاريخ بسيط ...
| |
  
|
|
|
|
|
|
|
|
Re: للبيع او المبادلة ... او الدفع لي وجه الله .. (Re: حمد عبد الغفار عمر)
|
Quote: قبيل يا يحيى سمعت البلابل في رجعنالك
تصدق بدل أفرح دبرست دبرسة مبالغة أول مرة اسمع غناء أدبرس
لأنو جاني احساس إنو عجلة التاريخ دي ماشة في خط مستقيم
قبل شوية كتبت في الفيسبوك إنو مواليد الثمانينات بقوا يقولوا للتسعينات الزمن الجميل |
تعرف يا حمد ...
بقى يجيني شعور انو حيجينا يوم ما حنعرف نتونس ذاته ...
الواحد يتكلم يبقى زي المجنون البطقع ... كلامو كله خارم بارم ...
| |
|
|
|
|
|
|
|
|
|
Re: للبيع او المبادلة ... او الدفع لي وجه الله .. (Re: تبارك شيخ الدين جبريل)
|
Quote: انا اتلبسني ظار أنوبس ... ازرق بندة ...
ما بتمرقو إلا ايزيس اللولية ... بس عندي مشكلة رطانة لازم احلها أول قبال ما اعمل الكرسي بتاعي ...
لو دقيت ظاري انت مدعو ولا حاجة لك بالتلصص ...
|
دستور ...
لكن يا تبارك ازرق بندة ده دايرله مؤهلات ...
و انت الشايفه انا ده ... قصب السكر يضاريك ...
عموما و الله حضور ... و الديوك من عندنا كمان ...
| |
|
|
|
|
|
|
|
|
|
Re: للبيع او المبادلة ... او الدفع لي وجه الله .. (Re: عبد المنعم سيد احمد)
|
استاذ يحى قباني
الان انت ما زلت بتحكي عن الغاز ..لانك ما شرحت لينا قصة
الجرادل دي معناها شوية وبس قات بيسحبوها من الشارع...
وبالمناسبة انا زرت موقعك الالكتروني ووجدت حاجات روعة من
اغاني الحقيبة الرائعة فشكرا ليك...بس كمان كان تتحف المنبر العام
ببعض تلك الروائع...
استاذ جلالدونا.
نشكرك بحرارة لاننا حتى الان مستغرقين في الضحك من حكاية الاسرة
البقت زي الامم المتحدة كل فرد من بلد....لكن بتخيل لي ياهو ده الحاصل
في سودان اليوم...والله يجازي الكان السبب...الناس اتشردت في جميع بقاع
الارض،،،وسمعت ان السودانيين وصلوا الاسكا ..ووصلوا غابات الامازون...
مع وافر الاحترام
امتثال
| |
|
|
|
|
|
|
|
|
|
Re: للبيع او المبادلة ... او الدفع لي وجه الله .. (Re: Basamat Alsheikh)
|
Quote: وبالمناسبة انا زرت موقعك الالكتروني ووجدت حاجات روعة من
اغاني الحقيبة الرائعة فشكرا ليك...بس كمان كان تتحف المنبر العام
ببعض تلك الروائع |
زارتنا البركة يا ستي ...
و الله كم و كم ( اتحفت ) المنبر العام بالأغاني ... لما سموني ( يا بتاع الأغاني ) ههههه
لكن الظاهر عليكم ما جيتونا بس ... :)
| |
|
|
|
|
|
|
|
|
|
Re: للبيع او المبادلة ... او الدفع لي وجه الله .. (Re: جلالدونا)
|
Quote: تعرف يا قبا
فى مشيتى القريبة دى للسودان مشيت لى اسرة من اهلنا
إلتأم شملها بى مناسبة زواج
بتين واحده هولندية و واحدة بريطانية
الاولاد اربعة
استرالى فرنسى امريكى و دينماركى
البيت امم متحدة بس
غايتو الله يستر |
ماهي اصلها ماشة بالسترة بس يا جلّي ...
ياخي الواحد من كتر الغربة و البعد ... ما شاف ناس من اهله لي عقود من الزمان ...
| |
|
|
|
|
|
|
|
|
|
Re: للبيع او المبادلة ... او الدفع لي وجه الله .. (Re: sadig mirghani)
|
شكرا أخ قباني
فرطنا في الوطن واتبعنا الهتافيات والشعارات والتي يعترف الآن من اطلقوها بأنهم (كذابون)
المسميات البراقة واللعب بالبلاد (بدون خطوط حمراء) والتفريط في المقدرات
والامل الآن على بيع المواقف إقليميا ما يناقض كل المواقف التي استمرت عقوداً من الزمان بقناعات وهتافيات لا تزال على الجدران وعلى الذاكرة
ولا يزال نفس اللاعبين يتعمدون استطالة البقاء على صهوة الهتافيات الكذابـة
ولا يزال شبابنا يخضعون ويقدسون ويتبعون كل كذاب أشــر
حتى تأكلت البلاد من أطرافهـا أمام أعيننا بصورة تهين شهداء التاريخ وتخزي هامات الحاضر
أحمد الشايقي
| |
|
|
|
|
|
|
|
|
|
Re: للبيع او المبادلة ... او الدفع لي وجه الله .. (Re: أحمد الشايقي)
|
يحيى قبانى
تحياتى
(الجردل) المعرف بالألف واللام أذكر آخر مرة شاهدته فى الثمانيات فى مدينة القضارف بمنزل حكومى
الزمن داك كان إختفى من العاصمة .. ولا أعلم إن كان صامدا بالقضارف ام أصبح ذكريات
وتصدق أن (الجردل) موجود وصامد ويقدم خدماته بأمريكا على الأقل بولاية نيومكسيكو. وعشان أكون دقيق أخر مرة سمعت
به عن طريق شاهد عيان أخونا سودانى (رحمة الله علية) فى عام 2003 سافر بالبر من أوهايو لكالفورنيا . الإنترنت إختار له
سكة سفر تمر بولاية نيو مكسيكو .. فى صحراء قاحلة عندما توقف فى إستراحة بالطريق وجد (الجردل) صامداً عاملاً ..
وكان بياناً بالعمل! إسترجع خلالها (الذكريات)
أها بسمات وإمتثال بحكم تواجدهن بأمريكا عليهن برحلة سياحية إستكشافية لولاية نيو مكسيو
إقتراح آخر زيارة لأقرب تجمع ل Amish لأنهم متمسكين بالقديم وما معترفين بالتكنولوجيا
بفهم دينى. يعنى لسان حالهم (كل بدعة ضلالة .. ) .. وداخلين فى قضايا تصاريح بناء لمنازل جديدة
لأنهم حسب عقيدتهم يرفضون تطبيق شروط البلدية بتنفيذ نظام حديث وصحى،
متمسكين بنظام شبيه ب (الجردل) .. فبعقيدتهم الجردل (حلال) .. وبديله بدعة وضلالة
الفارق أن الجردل خدمات بلدية .. بينما هم يقومون بالخدمة بأنفسهم .. نقل ودفن!
| |
|
|
|
|
|
|
|
|
|
Re: للبيع او المبادلة ... او الدفع لي وجه الله .. (Re: Basamat Alsheikh)
|
تَعْرِف يا قباني -،، لماّ بتاع البنشر في شارع عبد الله الطيب،، ،( شرق الخرطوم )،،، قال عاوز 200الف عشان غيرّ عدد(٢) كفر ،، قلت لولدي - ده حقو يسلموا( بعشر)،،! وظللتّ أشرح في ( بعشر)- دي ،، من محلّ البنشر لغاية ما وِصلناّ سوق الشجرة ،، ( شرق أمدرمان )،، وبرضو حاسي أني( ظلمتو)- يا ظالمني وهاجرني ،، وقلبي من رضاك محروم ،،
| |
|
|
|
|
|
|
|
|
 Re: للبيع او المبادلة ... او الدفع لي وجه الله .. (Re: عبد المنعم سيد احمد)
|
مسار الترماج من اين يبدا واين ينتهي ياقباني
امدرمان لوحدها تاريخ مدهش ويحتاج توثيق
دور السينما باسماءها القديمة مثلا برمبل
زقاق المنفلة ، الملجة ، سوق الموية شارع العمايا مركز البوليس جوار المجلس لوطني
المناطق التي حلت محلها مساكن فاخرة ، في امدرمان والخرطوم
وكانت اندايات كبيرة ، حلة كاملة وربما مناطق اكبر ....حي الروضة والحارة التالته كان مكان اندايات ضخمة
الخدير ومثل حي النزهة جوار السوق الشعبي او القماير سابقا والمنطقة خلف كلية التربية جامعة الخرطوم(امدرمان)
هناك تواريخ اكثر قدما داخل امدرمان العتيقة وحتي اسماء دكاكين لم تعد موجود ة ، واسماء بيوت دعارة وخانات بنقو
دا كلو كوم ، هناك انتشار ظواهر اللواط والتي سببها الخلاوي الكبيرة والاستعمار والبارات في امدرمان والخرطوم
انواع البصات العاملة منذ اوقات طويلة قبل الفيات وابورجيلة وانواع التاكسي القديمة ، حديقة الجندول وحديقة المقرن
وسوق الخرطوم القديم ، دا كلوا كان موجود لغاية قريبات دي ، عايزين تواريخ اقدم برضو
بوست قيم ومفيد لتواصل الاجيال
| |
|
|
|
|
|
|
| |
يحي قباني
تبارك شيخ الدين جبريل
حمد عبد الغفار عمر
باسط المكي
عبد المنعم سيد احمد
جلالدونا
الطيب رحمه قريمان
أبوبكر عباس
Nasser Amin
aosman
بلال زكريا
عبداللطيف حسن علي
فيس بوك
تويتر
انستقرام
يوتيوب
بنتيريست