|
Re: كم عدد التعليقات والبوستات المسموح بها لك (Re: Omer Abdalla Omer)
|
عزيزي الفاضل عمر عبد الله... يا سلام عليك يا ملك... وبصراحة انا محتاجة لعدد unlimited من المرات عشان عندي كتاب فيه ٨٨٢ فقرة بترجم فيها.. ولكن هذا الشرط مطبق علي ..ومنعوني من مواصلة الكتابة بالامس..احتمال اكون عملت غلطة والادارة طبقت علي عقوبة وانا ما عارفة.. وسؤالي..هل انت محددين ليك عدد معين من المداخلات ..ودمت بالف خير وصحة وعافية
| |
|
|
|
|
|
|
Re: كم عدد التعليقات والبوستات المسموح بها لك (Re: Omer Abdalla Omer)
|
سلام عدد المداخلات تقريبا بتبدأ بي 25 مداخلة في 24 ساعة لو كملتيها و كتبتي المداخلة ال 25 بتجيك الرسالة البايخة دي المشاغبين و ناس المشاكل بيعاقبو بتحديد مداخلاتهم ب 10 او 7 او 5 و قد تصل لي 1 (مداخلة وحيدة) في اليوم ...
انتي تكوني امس لأول مرة كلامك كان كتير يعني بوست او بوستين مشاركاتك فيهم كانت كتيرة عشان كدا صرفتي مداخلات كتيرة ...
تحياتي و احترامي
| |
|
|
|
|
|
|
Re: كم عدد التعليقات والبوستات المسموح بها لك (Re: اسامة الامام)
|
شكرا ابو حسين واسامة للمعلومات الكنت ما بعرفها.. لكن بعد كده ..خير الكلام ما قل ودل...وحاركز على البوست الرئيسي عن السفينة تايتانيك..وحتى حضور الاميرة بت السيد لتمسك الدفة... ..وفي الحقيقة بنكتب كتير عشان ما نفكر كتير في الغربة وتمسكنا نفسيات....والكتابة هنا بنجد فيها مساحة كبيرة من راحة النفس...ووالله لمن نقرا ذكريات ناس اسحق ود بلة وابو سنينة ونشوف اللوحات الانيقة لعبد المنعم بننسى اننا في غربة... ودمتم بالف خير وصحة وعافية
| |
|
|
|
|
|
|
Re: كم عدد التعليقات والبوستات المسموح بها لك (Re: ابوحراز)
|
يا ابو حراز... يعني كلمة ناس دس ما شفتها...بتشمل كل الناس السمحين والزينين زيكم...ووالله حكاويكم وونساتكم البتشدنا ومرات تنزل الدمعات من عيونا هي البتصبرنا على القواسي.. وما تنسى تمر علينا في بوست السفينة تايتانيك عشان تعرف الغلطة الفظيعة الارتكبوها المهندسين والفنيين وطاقم السفينة بعدما شافو الكتلة الجليدية امام السفينة والخلت السفينة تغرق....ولولا هذه الغلطة لنجت السفينة من الغرق ولنجا ركاب السفينة.... (حكيت ليك الفقرة دي عشان نشجعك تزورنا بهناك... ودمت بالف خير وصحة وعافية
| |
|
|
|
|
|
|
|