|
Re: كل عام وأنتم بخير، عيد سعيد (Re: Deng)
|
اخونا دينق وفي رواية النيوزويك اخونا البرادعي ... ياخي كل عام وانتا بالف خير يارب وتمنياتي لك بي موفور الصحة والعافية وأن يعم الحوش التسامح والتصالح وأن يتواصل الدواس الفكري المنتج.
| |
|
|
|
|
|
|
Re: كل عام وأنتم بخير، عيد سعيد (Re: Salah Zubeir)
|
دينق شكر على التهنئة وجهز الملعب جاينك بعدين بس ماتكلفت المزة زى بتاعت خم الرماد ولا اقوليك انا بجى اعمل المزة وبرضو تاكد من الغاز مش زى المرة الفاتت انصاص الليالى نمش نكوس الغاز وبعدين غناء خوجات مامعنا وصاحبك الكلامو كتير داك مايجى
| |
|
|
|
|
|
|
Re: كل عام وأنتم بخير، عيد سعيد (Re: وضاحة)
|
وأنت بألف خير أخى العزيز دينق أعاد الله العيد وبلادنا الحبيب إسترد عافيته ووحدته وترابط بنيه تحت مظلة الحرية والديمقراطيه والسلام .. شكراً على معايدتك لنا بالتلفون ,,, أثلجت صدورنا ,,, تقبل تحيات افراد الأسره .
| |
|
|
|
|
|
|
Re: كل عام وأنتم بخير، عيد سعيد (Re: ABDALLAH ABDALLAH)
|
دينق بالامس ماقصرت تب ورديت الدين بتاع احتفالنا بعيد الكرسمس وصحبك الخواجة الكلامو كتير امس كان معقول وكويس انك مشيت لى زجرتى ليك لمن قلت اتصلو بعماد عبدالله التقول نحن ناقصين ضهب فى عز النشوة لكن بدعت فى اختيار اغنية في عز الليل
تنهدات: الكلام للتجانى حاج موسى الغناء للكابلى
في عز الليل ساعة النسمة ترتاح على هدب الدغش و تنوم أنا مساهر هد الحيل غرامك و أجترار الذكرى و طيفك بي خيالي يحوم أنا مساهر انا و الليل و مر جفاك مساهرين نحكي للأفلاك مساهرين لا خلصت حكاوينا لا لقينا البداوينا يا مشهيني طعم النوم و طيفك بي خيالي يحوم يا هاجر
سنين مرت ومروا سنين براك عارف وبي ادري والحال ياهو نفس الحال وفي جواي صدى الذكري وجرحك ياغرام الروح لاغار لابدور يبرى وجرحك مهما طول وغار مطبوع فيني بالفطرة وبين الذكري والنسيان مسافة قريبة ياانسان ....... لو حاولت تتذكر تعيد الماضي من اول تلقي الزمن غير ملامحنا ونحن بقينا مانحنا وانا الصابر علي المحنة لو كان الزمن نساك انا مانسيت اوفي يوم زمن قساك انا ماقسيت
| |
|
|
|
|
|
|
Re: كل عام وأنتم بخير، عيد سعيد (Re: سيف اليزل سعد عمر)
|
الأخ العزيز دينق..
شكرا على المعايدة اللطيفة وأتمنى أن يسود السلام والوئام كل اركان السودان، قديمه وجديده.. وأتمنى وادعو الله ان ينعم بالامن والسلام والمحبة لأهلنا فى جنوب الوطن. كم يؤلمنى ويحز فى النفس صراع الأخوة فى لا شئ.. لماذا هؤلاء الأنفار يتصارعون فى موارد تكفى الجميع وتفيض.. ويعرضون شعبهم شعبنا الجميل فى الجنوب لهذه المشقات؟ أدعو الله ان يهديهم الى طريق الصواب.
| |
|
|
|
|
|
|
|