|
|
|
 Re: كلمة عاوز أقولها و بس (Re: Deng)
|
Author: Deng
يا كوز يا رعديد، كنت لابد قايل القصة انقلبت ولا ايه؟؟
وهسع جيت طالع تفرفر!
التايه الضال دينق ... قاتل أطفال العراق و مواطن أظلم دولة في التاريخ ..
بحمد الله لم نعرف الجبن و لم يقسم لنا الخوف إلا ممن خلقنا ...
إنقلبت .. إنعدلت .. دا موضوع ما خاصيك إنت في حاجة ...
إنت من فصيلة البوم البعجبو الخراب ... عاوز تلقى بوست فارغ
و تجى تعمل فيهو أسد البرمبة ...
هنا في تف شديد ... إنت ما بتقدر عليهو ...
| |
 
|
|
|
|
|
|
|
|
Re: كلمة عاوز أقولها و بس (Re: صديق مهدى على)
|
Author: صديق مهدى على
دينق سلام دعك من هذه العينة فدعه ينبح
أووووووووو نمرة 4 ... لسع إنت في جلاطتك
و كسير التلج لى دينق ؟؟؟ يعنى أكل العيش هناك
في بلاد الظلم بيخليك تتملحس لى دينق ؟؟؟؟
بعدين البتنبح إنت و دينق الإتنين ... التعيس و خايب الرجا ...
| |
|
|
|
|
|
|
|
|
|
Re: كلمة عاوز أقولها و بس (Re: مامون المعتصم أحمد)
|
السلام عليكم
الأخ مامون وضيوفه الكرام
في مقولتين اسمح لي اوردهم
الاولي
ولادي بَصَقُوا في وجهي ..
كتبوا لي في الغرفةِ سطرا ..
إنْ ماتَ الابُّ فِدا وطنٍ ..
ما أحلى عيشَ الايتامْ ..
والثانية
الحرب يخطط لها الدهاء ويخوضها الشجعان
ويجني ثمارها اللامؤاخذة
نحن لم تلدنا امهاتنا رجالا لكي نلبس الطرح
ولم نحن او ترق ظهورنا من اثار السياط
اوكد ليك دائما ان الشعب هو علي الحق
انا ومن معي نقيف يموت اليموت ويحي اليحيا ولكن
يقوم الوطن السودان
عٌلمنا أو علمتونا ان الساكت عن الحق شيطان اخرس
وعٌلمنا أو علمتونا ان البلد لايحكم بظهير واحد أو راي واحد
علمنا ان الحق له أهله
تعلمنا في الجامعات من اجل حمل الشهادات و الإغتراب
لأعتصر اجمل سنين عمري واهديها إلي احضان دولة خليجية أو عربية أوحتي اجنبية
وبلدي حين اعود لا أجد شئ فيه - صحيح و الله - انا المفروض ابنيهو واديهو فترات عمر
شبابي اديها لي بلد تانية لي وعشان شنو ولي شنو
ما من حقي احلم بي وطني
مامن حقي احلم بي اني اتوظف بعد اشيل شهادتي
مامن حقي احلم بي اني اتعلم كويس
مامن حقي احلم بي اني اتزوج
مامن حقي اتعالج في مستشفي يوفر لي اقل مستوي مقبول من الرعاية
مامن حقي احلم بي ولدي لمن يكبر انو يكون عندو مستقبل في بلدو
ولو كانت اجاباتك الفوق دي كلها لأ في نظرك فهي في نظر ولدك اكيد اي
ولو انت شايف انو الجامعه ما من حقها تعلم ولدك السياسة زي ما مسلوب حقو في دراسة الفلسفة و المنطق
ممكن توديهو جامعات القطاع الخاص المافيها سياسة - ودي في راي مفروض تتقفل لي السبب دا
ولو انت شايف انك انت فشلته في تربية ابنك عشان بضحي بي روحو في سبيل اهداف واراء فاسمح لي
اني اهني ابنك انو عرف يربي روحو
ولو انت شايف انو مفروض ما يضحي بي روحو في سبيل وطنو تأكد تماما انو حيخليك واقف في وسط البيت وقت الحاجه
وممكن يبيعك عادي
ولو انت بتخاف علي ولدك قدر دا ما تتذكر اهلك البيموتو في الغرب و في الجنوب و الشرق وفي الشمال
زي ما انت قولته ديل بيدفعو في فواتيرهم بره لكن انت بتدفع في فواتيرك جوه للأسف حق جوه احر من حق بره -دايما
بدل ما تقول هو بقي بوست انت بتتذكر عمر المختار عمرك سمعت بي الشنقو ؟ وعلي عبداللطيف و القرشي وغيرهم كتير
التاريخ لايذكر إلا أبطالا واللامؤاخذه مصيرهم الكوشه
و في الختام بواصل ليك في فرصة تانيه
وسلام
| |
|
|
|
|
|
|
|
|
|
Re: كلمة عاوز أقولها و بس (Re: Mahamed Eltaze)
|
Author: Mahamed Eltaze
السلام عليكم
الأخ مامون وضيوفه الكرام
في مقولتين اسمح لي اوردهم
الاولي
ولادي بَصَقُوا في وجهي ..
كتبوا لي في الغرفةِ سطرا ..
إنْ ماتَ الابُّ فِدا وطنٍ ..
ما أحلى عيشَ الايتامْ ..
والثانية
الحرب يخطط لها الدهاء ويخوضها الشجعان
ويجني ثمارها اللامؤاخذة
و عليكم السلام و رحمة الله الأخ / محمد التازى
أولاً شكراً على المداخلى الطوييييييييييلة ...
تانياً : حا أرد عليك على المهم منها ... البروباقندا بجليهو ..
يبدو عليك بتردد كلام ما تتدبروا ... لأنو مقولتك الأولى
دى مفروض تقيف عندها ...
أولادك لما يبصقوا في وجهك ... شنو فايدة أبوتك ليهم ؟؟؟
المعنى إنك ما عرفت تربيهم ... ثم هم قالوا ليك لو مات الأب
فداء وطنو .. ما أحلى عيش الأبناء ... و هنا إنت بتأيد في العكس
يعنى عاوز أولادك و أولاد الناس يموتوا ؟؟؟ كلامى انا كان عن
إنو العاوز يعمل ثورة .. يقوم هو بنفسو عشان أولادو بعد ما هو
يموت فداء وطنو يكون عيشهم حلو ...
يللا حرِّك سرعة سرعة عشان يفتخروا بيك أولادك ..
أما مداخلتك التانية دى ... لغو كلام .. دا ما محلو ...
كلنا يا أخوى مع الشعب ... و ما في بلد بتعيش من غير شعب ..
كلام الدعاية الكتيييير الفى النص دا ... ما تسويهو منو المنعك منو ؟؟
جامعات البلد مليانة لامن مدفقة ... مستشفيات راقدة على قفى من يشيل ..
العلاج في كل بلاد الدنيا بقى بى قروش تقيلة ما عدا بعض دول الخليج
و نحن لحد الآن العلاج شبه مجانى عندنا إلا للمغندلين الدايرين الخاص ..
و الجامعات من زمان عندها بوكسنق البجيبو بيخش جامعات الحكومة
و الما بجيبو بشوف ليه بعثة أو يقرى خاص في أي بلد ... هسع بقوا
الأجانب يجوا يقروا عندنا لأنو حسب إمكانياتهم بيقدروا على السودان ..
تحلم ما تحلم دا موضوعك .. تتزوج دى للآن في زواج كورة مجاناً ..
الطربيق دا ما قاعد أقيف فيهو ... بس جاملتك لأنى قدرت قومة
نفسك في المداخلة دى ..
عمر المختار ثار على مستعمر ... و على عبداللطيف ثار على
مستعمر .... القرشى إشتهر بالصدفة لأنو لا ثار لا مشى مع
ناس المظاهرة ... و لأنو كتير من السودانيين بيرددوا ما يسمعوه
بقى هو الشهيد الأول و سمو بيهو حديقة الدومة في الخرطوم تلاتة
بينما الإستشهد جنب حديقة الدومة ذاتها ... مش في داخلية كلية الطب
لا يعرفه إلا القليل من السودانيين ... و هو من أولاد الخرطوم تلاتة ذاتها ..
لو سمعت بيهو قول لى إسمو هنا ...
أولادى يا محمد أمانة في عنقى أمام الله ... و ليس أمام الناس ... لذلك
كلام الخم و النتلى دا ما بياكل معانا عيش ...
معليش لو لقيت كلامى دا ما بينبلع ... لاكين بعيد عنك أنا مسيخ ...
تحياتى ليك برضو في النهاية عشان ما تزعل ..
| |
|
|
|
|
|
|
|
|
|
Re: كلمة عاوز أقولها و بس (Re: مامون المعتصم أحمد)
|
Quote: و الحكمة مطلوبة من جانب الحكومة أن تخفض لهولاء
الأبناء و الذين هم عماد المستقبل و بُناته جناح اللين و اليسر |
سبحان الله
بدل ان تدين قتل الابرياء و العزّل تطالب القاتل بالرفق و اللين
يعنى يشوف ليهو طريقة غير وحشية فى القتل كالقتل الرحيم مثلا
اتق الله يا رجل
| |
|
|
|
|
|
|
|
|
|
Re: كلمة عاوز أقولها و بس (Re: جلالدونا)
|
Author: جلالدونا
Quote: و الحكمة مطلوبة من جانب الحكومة أن تخفض لهولاء
الأبناء و الذين هم عماد المستقبل و بُناته جناح اللين و اليسر
سبحان الله
بدل ان تدين قتل الابرياء و العزّل تطالب القاتل بالرفق و اللين
يعنى يشوف ليهو طريقة غير وحشية فى القتل كالقتل الرحيم مثلا
اتق الله يا رجل
سبحان الله مليار مرة
يؤلمنى جداً أن يموت أي شخص سودانى حتى و إن كان يحمل السلاح ...
و لكنى أقف في سبب موته ... أما هؤلاء الطلاب فأنا طلبت من الحكومة
التي تحكم البلد بالتفاهم و التحاور معهم فى ما يخص شئونهم الأكاديمية
و التعليمية و أطلب من الطلاب الإنتباه لدراستهم و مراعاة تعب أهلهم
للإنفاق على تعليمهم ... أنت و أولادك تقيمون في بلا د رطبة و مرطبة
و ليس في بلادك التي ودعتها ... ماذا تفيد الإدانة من فقد فلذة كبده ؟؟؟
و ماذا تنفع الإدانة من فقد عمره من الشباب ؟؟؟
في كل بلاد الدنيا حتى محل ترطيبتك ... كل من يشاغب تواجهه
السلطة لردعه .. و كل من يسالم ليس للسلطة عليه حق ...
عيشوا في نظرياتكم ... و كنكشوا في محل قاعدين ... أحسن ..
أسأل الله أن يجعلنى من أهل التقوى ....
| |
|
|
|
|
|
|
|
|
|
Re: كلمة عاوز أقولها و بس (Re: مامون المعتصم أحمد)
|
السلام عليكم
الأخ مامون وضيوفه الكرام
لما أولادي بصقو في وجهي لأني لبسته طرحه
ورضيت بي الذل الإحنا عايشين فيهو دا
عرفته لأني ربيتهم علي حب وطنهم مش لأنهم ما مأدبين
بعدين دا بيت شعر للأسف الشديد يعني ماعندو علاقة بي أولادي
البيتكلم معاك محمد دا انت متخيلو قاعد في هولندا وله نيويورك مثلا
لا يا أخ مامون انا قاعد في امسودان ما مرقته منو ولا في نيتي امرق
متخيل اني مامرقته في مظاهرات وله ماقاعد أمرق للأسف تكون واهم
حتي لو مت او قتلت أو استشهدته كلمة حق في وجه حاكم ظالم جائر
سلب مني حقي في الحياة ابسط حقوقي اني اوصل ليهو صوتي وبيصل وبيهز
كرسيهو كان ما انا في مليون غيري وزي ماطردوا الناس من صيوان العزا قبل
كدا بينطردو من صيوان عزاي وبرضو مابقعدوا وحقي مابضيع ولا دمي ولا دم أخواني
بس انتو اركزو واصبرو
منو القال انو الإقصاء انا برضه بيهو تأكد تماما اني اول واحد ادافع عن
حقوق الحركة الإسلامية في البقاء كطيف سياسي من أطياف السودان ومن حقها انها يكون
عندها احزاب بتدعم فكرها وتنور الشعب لكن وفق اليات وفق لي ستور وفق لي مؤسسات
عرفته الفرق الأنا بيني وبينك شنو اني انا مقتنع البلد لاتبني بي صوت واحد
اهلنا زمان قالو نصف رايك عند اخيك اها انت اخوي في الوطن احق اني اسمع صوتك واخد رايك
انت عندك الشعب هم المطبلاتيه لي النظام وانا عندي الشعب بي كل اطيافه ودياناته
فالدين لله و الوطن لي الجميع
يا سيد البلدان البتتكلم عليها فيها الحد الأدني لي العلاج مكفول بي حكم القانون و الدستور
يعني اي طوارئ في اي بلد في العالم بتتعالج فيهو مجاني إلا في السودان الطوارئ بي قروش
ولو ماعندك و الله و الله مافي زول يعاين ليك
شكلك ياخوي مامشيت مستشفيات قريب كدي امشي مستشفي بحري وله أم درمان شوف في جهاز رسم قلب
وله اسأل في شاش وله أدويه منقذه للحياة امش أسال وراجي اجابتك
أحلم ما أحلم دا ما موضوعي انا دا موضوع بلد يا سيد للأسف الشديد
انا القولتو ليك في صيغة حلم حقي انا ما بتكلم عن مشكله شخصية
انا بتكلم عن حلم لي كل الناس لكن للأسف
الفروق البتتكلم عنها دي للأسف انت بتعاين لي موضوع بي زاويه
وانا بتكلم في بلد تانيه
لمن قولته ليك عمر المختار طيب مانديلا ثار ضد مستعمر
مارتن لوثر ثار ضد مستعمر
خالد سعيد ايقونة الثورة المصرية ضد مستعمر
مامهم المات منو ومات كيف المهم النتيجة كانت شنو
هل أشرقت شمس وأدت لي الناس أمل وله لأ
للأسف الشديد البنادي بيهو اسي عشان نحافظ علي اولادك
دي المعلومة الإنت غايبة عليك وله مغبينها منك الله اعلم
اسي ولدك أو انت بتقدر تمشي لي جبال النوبة
وله بتقدر تمشي لي الغرب وله لي الشرق
عارف بتتكلمو بي اسم الإسلام وهو براء - الموت دا ملاقيكم ملاقيكم ولو كنتم في بروج
اسي احكي ليك شي لو جو داخلين تاني ناس الحركات المسلحه
وانضرب ولدك ومات اها رايك حيكون شنو
وله ولدك مشي بعد اتخرج من الجامعه ومشي اشتغل خدمة - نسيت دا نوع البجيبوهو حرس لي ابوهو - وجات طيارة رمت فيهو برميل متفجر رايك حيكون زي البتكتب فيهو دا
و الله انا لمن بتكلم عشان احافظ علي ولدي ولدك
عشان يقدر يعيش ولدك ولدي عشان يكون في بلد
انتو ماعارفين بتعملو في شنو خت يدك في خريطة السودان
وطلع الخرطوم وريني امن وين تاني في الخرطوم في امان ؟
ولو قولته اي تفتيش بالليل لي وعشان شنو ؟ في ياتو بلد وخلي بالك ارتكاز ثابت جيش ما شرطة مدنيه
ياسيد انت عارف انو في طلبة بيموتو عشان طلبتك انت يعيشو
عارف كم مجند مات عشان ولدك يعيش
انا بتكلم عن ناسي - كل السودان - انت في قاموسك السودان بيتك أو المؤتمر الوطني
زواج الكورة دا للأسف الشديد لو كان عرستة قبل الإنقاذ اكيد عرسته بيهو
لأني من جيل الإنقاذ فالحاجه دي قريناها في الكتب لكن بنلقاك كنت عريس بيها
و الليله بقيت من ناس 4 نسوان صح وله انا غلطان
اذا انا في بلدي ماقادر اقول راي اقولو وين ومتين
مايهو زاتو فرعون ما اريكم إلا ما أري
صحي و الله
عارف لمن حصلت ضربت خليل لي امدرمان في بيوت كتيييره - اكيد ممكن تقول لينا امثله
باعت البيوت او اتقفلت ومشو لي بحري اها وبقولو اول مره عربات الإسعاف تمرق من الخرطوم
وشايلة ناس وماشه لي مدني - صحي والله - شكلك كنت في واحدة من ديل صح
احنا البنسوي فيهو دا عشان نعيش في حرية سلام وعدالة
واعجبي!!!!!!
| |
|
|
|
|
|
|
|
|
|
Re: كلمة عاوز أقولها و بس (Re: Mahamed Eltaze)
|
و عليكم السلام و رحمة الله الأخ / محمد
من توجيه كلامك لى الواحد بيفتكر إنو أنا الرئيس أو أحد نوابو
أو احد الولاة أو المسئولين .... ياخ أنا زول واحد فقط سودانى
زيى و زييك أعانى أكتر مما تعانى في تربية أولادى و بعض
أرحامى .. و رزقى و رزقهم على الله ... لا عندى حساب في بنك
و لا شغال مع الحكومة و لا شلت منها و لا بشيل منها شى ...
و لا راجى منها شى ... و لكن فايتك بالصبر بس ...
أنيسى دائماً كتاب الله و سنة رسوله صلى الله عليه و سلم ...
يرضينى ما يرضي ربى عنى و ما يسر به سيدى رسول الله
صلى الله عليه و سلم ... و يقول ربى جل و علا في سورة
آل عمران : ( وَمَا كَانَ لِنَفْسٍ أَنْ تَمُوتَ إِلاَّ بِإِذْنِ اللَّه كِتَابًا مُّؤَجَّلاً
وَمَن يُرِدْ ثَوَابَ الدُّنْيَا نُؤْتِهِ مِنْهَا وَمَن يُرِدْ ثَوَابَ الآخِرَةِ نُؤْتِهِ
مِنْهَا وَسَنَجْزِي الشَّاكِرِينَ ) {145} .. و يقول جلَّ و علا في
سورة الشورى : ( مَنْ كَانَ يُرِيدُ حَرْثَ الْآَخِرَةِ نَزِدْ لَهُ فِي حَرْثِهِ
وَمَنْ كَانَ يُرِيدُ حَرْثَ الدُّنْيَا نُؤْتِهِ مِنْهَا وَمَا لَهُ فِي الْآَخِرَةِ مِنْ نَصِيبٍ){20}
و يقول رسول الله صلى الله عليه و سلم فيما رواه عنه سيدنا
عبد الله بن مسعود رضى الله عنه :(( إنها ستكون بعدى أَثَرَةٌ
و أمورٌ تُنكِرونَها )) قالوا يارسول الله فما تأمُرُنا ؟ قال (( تؤدون
الحق الذى عليكم و تسألون الله الذى لكم )) (( متفق عليه))
(الحديث رقم 51/27 باب الصبر - كتاب رياض الصالحين)
و الأَثَرَة هي الإنفراد بالشىء عن من له فيه حق ..
و عَنْ أَبِي هُرَيْرَةَ، قَالَ: قَالَ رَسُولُ اللَّهِ صَلَّى اللهُ عَلَيْهِ وَ سَلَّمَ:
" ثَلاَثَةٌ لاَ يُكَلِّمُهُمُ اللَّهُ يَوْمَ القِيَامَةِ وَ لاَ يُزَكِّيهِمْ وَ لَهُمْ عَذَابٌ أَلِيمٌ:
رَجُلٌ عَلَى فَضْلِ مَاءٍ بِالطَّرِيقِ يَمْنَعُ مِنْهُ ابْنَ السَّبِيلِ، وَ رَجُلٌ
بَايَعَ إِمَامًا لاَ يُبَايِعُهُ إِلَّا لِدُنْيَاهُ، إِنْ أَعْطَاهُ مَا يُرِيدُ وَفَى لَهُ وَ إِلَّا
لَمْ يَفِ لَهُ، وَ رَجُلٌ يُبَايِعُ رَجُلًا بِسِلْعَةٍ بَعْدَ العَصْرِ، فَحَلَفَ بِاللَّهِ
لَقَدْ أُعْطِيَ بِهَا كَذَا وَ كَذَا فَصَدَّقَهُ، فَأَخَذَهَا، وَ لَمْ يُعْطَ بِهَا "
(( رواه البخارى)) .... مما ذكرته لك هنا و لدى المزيد منه
فقد إخترت ثواب الآخرة و أرجو أن القى الله على ذلك ...
و لا أريد من الدنيا إلا ما يرزقنى ربى تبارك و تعالى الذى
لا أرجو أحدا غيره و هذا منهجى في حياتى أتبعه ما حييت
و ما استطعت و أسأل الله العون و التوفيق في ذلك ...
و لا أحجر عليك و على غيرك رأيهم ... و كل ميسرٌ لما
خُلق له و لا يكون إلا ما يريد الله ... لذلك كل هذه الشعارات
التي دبجتها أعلاه إن رأيت فيها ما يوافق منهجى فأنا معه
و إن إختلف عنه فإنه لا يعنينى في شيء ...
و لك تحياتى بعد هذا ...
| |
|
|
|
|
|
|
|
|
|
Re: كلمة عاوز أقولها و بس (Re: مامون المعتصم أحمد)
|
السلام عليكم
الأخ مامون
من ناحيت دفاعك انك لست منهم ولكن تمثلهم
فكلامك يرمي في مصلحتهم
انا عاوز اشيل من الحكومة زي ماهي بتشيل مني
بتشيل مني ومنك ضرائب بي انواعها جبايات ورسوم لي خدمات
من حقي اخد خدمة نظير البتشيلو مني ومن قوت اولادي
من حقي احاسب اي رئيس في قروشي وداها وين وصرفا في شنو
اذكر في ما اذكر ان احد مواطنين دول الغرب طالب رئاسة الجمهورية
بكشف حساب لتكاليف زيارة رئيس دولته لدولة أخري تتخيل الجواب شنو
رد رئاسة الجمهورية هي كشف بكافة تفاصيل الرحلة ونثرياتها بي كل شفافيه
انت بتقول بتقدح اسي بعد كم سنه ولدك بتخرج انت عاوزو يسافر وله يقعد معاك
في البلد دي انا عاوز ولدي يقعد هنا يشتغل هنا ما يرميني ويمشي يغترب في دولة
لو وقعته إلا ناس الشارع يرفعوني فهمته
زمان كان ماهيت العسكري في حدود كم جنيه كده لكن الخروف كان بي 25 قرش
اسي انت بي ماهيتك ساكت من غير حوافز -يشحدوك قروش ساكت ممكن يتعبروها صدقة - اتحداك تضحي
انا عاوز ولدي يتعلم ويلقي وظيفه مايكون لافي مصروفو مني - انا وهو مرتباتنا الإتنين ممكن ماتكفي علاج بس
انا بشتغل بي - ربنا اتنا في الدنيا حسنه وفي الاخرة حسنه - ما ناس اخره بس
ربنا لو كان عاوز ناس اخره بس كان خلقنا ملائكة يمشون علي الأرض لأ خلقنا عشان نعمر الدنيا ونبنيها
انت قولته بيعت الإمام انا شخصيا ما باعيتو بعدين بيعت شنو دي لي زول جاي بي دبابة دي ماسمعته بيها
انت عاوز الاخره بس مابتلقاها فهمك لي دينك غلط معليش امشي اقري دينك صح
الاخره مربوطة بي عملك في الدنيا مدي تفاعلك مدي تعاونك مع الناس مدي صدقك مع روحك قبل اي زول
مش مالدنيا قد عملنا نحن لي الدين فداء لالا دي معكوسة الصح نحن لي دنيا قد عملنا ولي الدين فداء
شوف ناس عمر بن الخطاب فتح الدنيا وبناها وعمرها وهو لي الدين فداء
مش ياها قالت ليهو لاسمع ولاطاعه لك حتي تبين لنا من اين لك هذا الثوب
حكمت وعدلت فأمنت فنمت ياعمر وحكمنا وظلمنا فسهرنا وهزمتومنا يا مسلمين
انت من حقك تربي ولدك ومن حقك تعلمو ومن حقك
ومن حقي اني اشوف الصاح والغلط وانبه واتكلم
انا غير منتمي لي اي حزب سياسي وماعندي تنظيم
انا وجودي مربوط بي بلدي ومربوط بي هويتي
انت عارف في بوست اسمو مجمع النور الصلاه حكومة / شعب امشي فتشو في الصفاحات 2 أو 3
من المنبر دا بتعرف انو في الصلاه الناس دي بقت مابتشبهنا
في النهايه انت ما جاوبته لي علي سؤالي لو لاقدر الله ولدك اتخرج دكتور ومشي ودوهو الغرب
ومات هناك عشان الحرب الشغاله أو في الشرق أو في اي حته احساسك حيكون شنو
ياريت تجاوب
واجابتك زي ما كانت لي بترضي الحاجه دي لي ناس دارفور ولي ناس كردفان ولي ناس الشرق
لي بترضي ليهم يكونو هم مجرد بوستات وارقام في نظرك ماهم أولاد لي ناس برضو اخوانك في الوطن
زي ما انت قولته هي موته واحدة وين ماكنت جاياك جاياك يا تعيش بي كرامة
أو تموت وانت واقف وشرف التجربة بيكفيك
| |
|
|
|
|
|
|
|
|
|
Re: كلمة عاوز أقولها و بس (Re: Mahamed Eltaze)
|
Quote: عن أن هذه
الموجات الاحتجاجية يؤججها فراغيون من أهل الإسفير و يكتوى بلظاها
المكافحين من أهل البلد من لا علاقة لهم بالسياسة أو الحكومة أو الأحزاب |
تحياتي يا مامون
عايز اعلق على الجزؤ دا من حديثك
انت بافتراضك هذا تدي الاسافير و ناسها شرفا لم يدعوه, وتنزع عن الشباب و الناس الفي الداخل و مرقهم كرامتهم و احساسهم بالظلم و الغبن, تنزع عنهم هذا الشرف
الاحتجاجات الأخيرة بسبب قتل الطلاب وهذا القتل سبق اي بوست او تغريدة او حالة شيرت في السايبر
الأسافير دورها لاحق ومتأخر عن المبادرين في الداخل لا سابق او محرك لها, الطلاب يعيشون المعاناة يوميا وفوق رأسهم الوحدات الجهادية و منسوبيها حايمين بطبنجاتهم في الجامعة ما راجين بوستات تحركهم وتحرضهم
السايبراب جل ما يقومون به نشر الاحداث على الارض التي وقعت فعلا, اي نعم توجد اكاذيب وتنظير و اخرجوا و افعلوا و اتركوا لكن دا كلو في النهاية حدو الإسفير لا اثر له على الارض, الناس المرقت ناس واعية بخياراتها و المتسبب الرئيس في احتجاجاتهم هو من ظلمهم وقتلهم واضطرهم للخروج.
| |
|
|
|
|
|
|
|
|
Re: كلمة عاوز أقولها و بس (Re: محمد البشرى الخضر)
|
Author: Mahamed Eltaze
السلام عليكم
الأخ مامون
من ناحيت دفاعك انك لست منهم ولكن تمثلهم
فكلامك يرمي في مصلحتهم
و عليكم السلام .. الأخ / محمد
كيف لست منهم و لكنى أمثلهم ؟؟
إذا رمى في مصلحتهم ما مشكلة بالنسبة لى لأنو دا
فهمى أنا ... و لم أجبرك على أن تفهم مثل فهمى ..
ليه عاوز تفرض على رايك ؟؟
انا عاوز اشيل من الحكومة زي ماهي بتشيل مني
بتشيل مني ومنك ضرائب بي انواعها جبايات ورسوم لي خدمات
من حقي اخد خدمة نظير البتشيلو مني ومن قوت اولادي
ما في مشكلة ديك الحكومة ... امشى شيل منها زى ما عاوز ..
أنا ما عاوز منها حاجة ... حا تجبرنى إنت عشان أشيل
منها ..
من حقي احاسب اي رئيس في قروشي وداها وين وصرفا في شنو
طيب و مالو يا سيد ؟؟؟ هداك الرئيس الله يديهو العافية ..
أمش ليهو و حاسبو ... أنا مبسوط منو ... مش رأيى
و عندى حق إختيارو ؟؟؟
اذكر في ما اذكر ان احد مواطنين دول الغرب طالب رئاسة الجمهورية
بكشف حساب لتكاليف زيارة رئيس دولته لدولة أخري تتخيل الجواب شنو
رد رئاسة الجمهورية هي كشف بكافة تفاصيل الرحلة ونثرياتها بي كل شفافيه
كل دول الغرب و ما حوته لا تعنينى في شىء .. و لا يسرنى
التشبه بأهلها ... برضو دا فهمى و أنا حر فيهو ... فهى في نظرى
و ممالك الحيوان سواء ... نعم سواء.... و لا تعجبنى المقارنة بها ..
و ليك إنت حرية الإعجاب بيها زى ما عاوز ...
انت بتقول بتقدح اسي بعد كم سنه ولدك بتخرج انت عاوزو يسافر وله يقعد معاك
في البلد دي انا عاوز ولدي يقعد هنا يشتغل هنا ما يرميني ويمشي يغترب في دولة
لو وقعته إلا ناس الشارع يرفعوني فهمته
نعم أكدح و ليس أقدح و لله الحمد و أولادى جميعهم في السودان ...
وإتخرجوا من الجامعات السودانية ... منهم واحدين إشتغلوا
و واحد مهندس سايق أمجاد زيو و زى كتير من أولاد الناس
و الباقين منتظرين نصيبهم .. ربنا يفرجها عليهم ..
زمان كان ماهيت العسكري في حدود كم جنيه كده لكن الخروف كان بي 25 قرش
دا سنة كم ؟؟ في الستينيات ؟؟؟ طيب في الخمسينيات و الأربعينيات
كان الخروف بى قرشين و ماهية العسكرى 125 قرش...
و دا حال في العالم كلو مش عندنا بس..
اسي انت بي ماهيتك ساكت من غير حوافز -يشحدوك قروش ساكت ممكن يتعبروها صدقة - اتحداك تضحي
انا عاوز ولدي يتعلم ويلقي وظيفه مايكون لافي مصروفو مني - انا وهو مرتباتنا الإتنين ممكن ماتكفي علاج بس
انا بشتغل بي - ربنا اتنا في الدنيا حسنه وفي الاخرة حسنه - ما ناس اخره بس
ياخوى أنا قبل الإنقاذ دى كنت بمحلاتى و عندى قروش كتيرة
و في أيام الإنقاذ دى .. شغال موظف قطاع خاص ... و مقشط
حق السفر ما عندى و برضو بقول الحمد لله .. و ربنا يفرجها
قابض في جمر الصبر .. و اجرى على الله ...
و إنت ليك الحق تسكها دنيا و أخرى .. بى رايك .. و ما طلبت
منك تبقى زيى ..
ربنا لو كان عاوز ناس اخره بس كان خلقنا ملائكة يمشون علي الأرض لأ خلقنا عشان نعمر الدنيا ونبنيها
انت قولته بيعت الإمام انا شخصيا ما باعيتو بعدين بيعت شنو دي لي زول جاي بي دبابة دي ماسمعته بيها
ياخ ربنا ما عاوز رايك إنت عشان توريهو يخلق كيف؟؟ هو أعلم بما يفعل
و ترك للناس الخيار .. الدير الدنيا يديهو منها و الداير الآخرة و سعى لها
سعيها يديهو ليها إن شاء و يزيد ...
إذا إنت إخترت دنيا و أخرى ربنا يسهل عليك و أنا دا خيارى برضو
ربنا يسهل على ...
انت عاوز الاخره بس مابتلقاها فهمك لي دينك غلط معليش امشي اقري دينك صح
الاخره مربوطة بي عملك في الدنيا مدي تفاعلك مدي تعاونك مع الناس مدي صدقك مع روحك قبل اي زول
هل أنت من يحدد إنى ألقى أو ما ألقى الآخرة ؟؟ هذا تألى على الله عز و جل
هو الذى يعلم ذلك و هو وحده من يعرف نيتى أكثر منى .. و هو يعلم
كيف أعيش و ماذا أفعل الآن ... فدعنى مع فعلى و مع حكم ربى تعالى ..
و لا أجبرك ان تكون مثلى أيضاً ... و أسأل الله أن يجعلنى من المكرمين
في الآخرة ... و لايهمنى إذا رضى عنى أن تغضب منى أنت و كل
ناس المنبر و كل الناس في الدنيا ...
مش مالدنيا قد عملنا نحن لي الدين فداء لالا دي معكوسة الصح نحن لي دنيا قد عملنا ولي الدين فداء
شوف ناس عمر بن الخطاب فتح الدنيا وبناها وعمرها وهو لي الدين فداء
مش ياها قالت ليهو لاسمع ولاطاعه لك حتي تبين لنا من اين لك هذا الثوب
حكمت وعدلت فأمنت فنمت ياعمر وحكمنا وظلمنا فسهرنا وهزمتومنا يا مسلمين
يا محمد أنا مسئول عما كلفنى الله بعمله و الآخرون مسئولون عن أعمالهم
فمن ينافق يعلمه الله و من يصدق يعلمه الله .. انا أفعل ما أمرت به
ما استطعت إلى ذلك سبيلاً و إن اخطأ الآخرون فلكلٍ منا جزاء عمله .
انت من حقك تربي ولدك ومن حقك تعلمو ومن حقك
نعم من حقى ذلك و من حقه على و الذى يعيننا هو الله فقط
ومن حقي اني اشوف الصاح والغلط وانبه واتكلم
انا غير منتمي لي اي حزب سياسي وماعندي تنظيم
انا وجودي مربوط بي بلدي ومربوط بي هويتي
نعم ذلك حقك و خيارك و لا أغيّر رأيك في ذلك ..
كما أن خيارى أن يكون لى حزب و لليس لك الحق
في تغييره.
انت عارف في بوست اسمو مجمع النور الصلاه حكومة / شعب امشي فتشو في الصفاحات 2 أو 3
من المنبر دا بتعرف انو في الصلاه الناس دي بقت مابتشبهنا
دى وجهة نظرك إنت في بوستك ... و ليست بالضرورة
ملزمة لى و لغيرك ... في ناس مبسوطة من صلاة مسجد النور..
في النهايه انت ما جاوبته لي علي سؤالي لو لاقدر الله ولدك اتخرج دكتور ومشي ودوهو الغرب
ومات هناك عشان الحرب الشغاله أو في الشرق أو في اي حته احساسك حيكون شنو
لو حدث ذلك فسوف أقول إنا لله و إنا إليه راجعون .. اللهم أجرنى
في مصيبتى و أبدلنى خيراً منها .. و لست من أنصار الحرب
بين المسلمين في أي مكان في الدنيا ناهيك عن بلدى ..
و كل أولاد السودانيين هم عندى كأبنائى تماماً و لا أريد لهم إلا الخير.
ياريت تجاوب
واجابتك زي ما كانت لي بترضي الحاجه دي لي ناس دارفور ولي ناس كردفان ولي ناس الشرق
لي بترضي ليهم يكونو هم مجرد بوستات وارقام في نظرك ماهم أولاد لي ناس برضو اخوانك في الوطن
زى ما قلت ليك قبل كدا إنت يا إنك ما فهمت كلامى أو عاوز تلويهو ساكت ..
البوست دا أنا محتج على تحريض الأبناء و قلت اللى عاوز يعمل ثورة
و يغير النظام يقوم هو بنفسو و ما يضحى بالأبناء و هو ممدد مرتاح ..
زي ما انت قولته هي موته واحدة وين ماكنت جاياك جاياك يا تعيش بي كرامة
أو تموت وانت واقف وشرف التجربة بيكفيك
ياخ الحمد لله أنا عايش زى ما ربنا مقدر لى ان أعيش و صابر شديد
و لله الحمد و راجى الفرج من عندو و مسلم أمرى ليهو و ما أظن
في كرامة و شرف أحسن من كدا.. و دى قناعتى أنا و ليس من
الضرورى أو المهم إنك تقتنع بيها..
و لك تحياتى
| |
|
|
|
|
|
|
|
|
|
Re: كلمة عاوز أقولها و بس (Re: Deng)
|
Author: محمد البشرى الخضر
تحياتي يا مامون
عايز اعلق على الجزؤ دا من حديثك
و لك تحياتى الطيبة يا ود البشرى
و اهلاً بيك و بى تعليقك ..
انت بافتراضك هذا تدي الاسافير و ناسها شرفا لم يدعوه, وتنزع عن الشباب و الناس الفي الداخل و مرقهم كرامتهم و احساسهم بالظلم و الغبن, تنزع عنهم هذا الشرف
لا يا محمد ناس الأسافير الأنا قاصدهم هم الشباب ذاتهم لأنهم
عندهم قروبات كتيرة و ممكن إختراقها بسهولة و التأثير عليهم
و حدث الكلام دا في حاجات و إشاعات كتيرة منها ما يتعلق بأحداث
وهمية أو شخصيات عامة ... و إشاعة أخبار غير صحيحة
و حتى المظاهرات اللى راح ضحيتها هذين الشابين الأخيرين كانت نتيجة
إشاعات أو تدخلات من خارج الجامعات ..
أما زى الوهم الموجودين هنا .. فمعلوم إنهم ما عندهم أي تقل على الملاعب
حتى أذكرهم ذكرا و لو بسيط ... قصدى ناس حِمبِرّة و غَنَّامة ...
الاحتجاجات الأخيرة بسبب قتل الطلاب وهذا القتل سبق اي بوست او تغريدة او حالة شيرت في السايبر
الأسافير دورها لاحق ومتأخر عن المبادرين في الداخل لا سابق او محرك لها, الطلاب يعيشون المعاناة يوميا وفوق رأسهم الوحدات الجهادية و منسوبيها حايمين بطبنجاتهم في الجامعة ما راجين بوستات تحركهم وتحرضهم
السايبراب جل ما يقومون به نشر الاحداث على الارض التي وقعت فعلا, اي نعم توجد اكاذيب وتنظير و اخرجوا و افعلوا و اتركوا لكن دا كلو في النهاية حدو الإسفير لا اثر له على الارض, الناس المرقت ناس واعية بخياراتها و المتسبب الرئيس في احتجاجاتهم هو من ظلمهم وقتلهم واضطرهم للخروج.
الإحتجاجات في جامعة كردفان كانت بسبب انتخابات الإتحاد و نتج عنها
إستشهاد شاب في ريعان شبابو و حزن دائم لوالديه و أسرته و ما يزال
من قتله مثار خلاف حتى تنقضى التحقيقات و أحداث الأهلية هي كذلك
نتيجة التنافس في الانتخابات و ما تزال معرفة الفاعل أيضاً معلقة
حتى إنتهاء التحقيق و لكن الواقع المؤلم هو فقدان شاب على مشارف
التخرج و تخييم الحزن الشديد على والديه و أسرته أيضاً ...
ما يشيعه البعض من الطلاب عن الأحداث و من قام بها ... ترد الحكومة
بعكسه إلى الطلاب و المندسين وسطهم من المعارضين للدولة ... إذن
لا توجد نقطة إلتقاء بين الطرفين .. و هو ما نجهله نحن من باب التثبت..
معلوم أنه لا توجد حكومة في العالم توزع الحلوى و الفواكه لمن يقود
مواكب المظاهرات أو يثير الشغب ... و يعتقد الطلاب أن من حقهم
الخروج ... ما قلته أنا كوالد أخشى على اولادى من أن أفقدهم في
وقت حوجتى لهم لدراستهم لأنى شخصياً لم أرسلهم للجامعة ليقودوا
المظاهرات أو ينجرفوا مع السياسة و إنما أرسلتهم ليكملوا تعليمهم
لتكون فرصهم في المستقبل أوسع مما يكون إذا لم يدرسوا الجامعة
مع علمى التام لأنهم بذلك سيكونوا في مواجهة الدولة و المحصلة
هنا مؤلمة في كل الأحوال إما فصل أو تأخير دراسة أو إصابات
في المواجهات لا تحمد عواقبها ... بينما يريد المطبلون من المعارضين
إستغلالهم في الدعاية لأحزابهم على أمل تكبير حصتهم إذا حدث
التغيير المفترض فينعموا هم عندها بالمناصب و ينال الأهل الحزن
و الألم ...
| |
|
|
|
|
|
|
|
|
|
Re: كلمة عاوز أقولها و بس (Re: مامون المعتصم أحمد)
|
Author: Mahamed Eltaze
السلام عليكم ا
لأخ مامون المعتصم
الله يغطي ليك اولادك واولاد الناس لا انا ولا اي زول عاقل بيتمني الحرب
ولا انا ولا اي زول عاقل بتمني زوال دولتو او وطنو ولا انا
ولا اي زول عاقل بيتمني الخراب بالعكس كلنا بنتمني الصلاح
و عليكم السلام و رحمة الله أخى محمد
و ربنا يغطى عليك و على أولادك و أولاد جميع السودانيين و عموم
المسلمين .. كلامك صحيح ياخ و مافى زول بيتمنى الحرب أو الدمار لى وطنو ..
بل نتمنى الصلاح لوطننا ..
زي ما انت قولته هي خيارات الناس تشوف الصح وتمشي عليهو حسب وجهت نظرها
وكل شاه معلقة من عرقوبه زي ما انت قولته - يعني ناس الغرب ياكلو نارهم وناس الشرق
ياكلو نارهم وناس الشمال ياكلو نارهم -
ياخ نعم أنا قلت الناس تشوف الصاح و تعملو .. و صاحى أنا
هو طاعة الله و رسوله صلى الله عليه و سلم .. و قد ذكرت ذلك
في مداخلة سابقة .. و معلوم أن من ترك شيئاً لله أبدله الله خيراً
منه ... و لكن ما قلت إن كل زول في البلد ياكل نارو .. إنما قلت
الناس يجب ألا تحرض الشباب على المواجهات مع الدولة و لكن
يخرجوا بأنفسهم إن أرادوا ذلك و أهل الإسفير إذا رغبوا
فليحضروا إلى البلد بأنفسهم و ليس بكيبورداتهم.
وديل كلهم في لحظة ضعف او انهيار الدولة لمن يجوك داخلين تبقي تاكل نارك
وزي ما انت قولته هم قاعدين ممددين وما لافين في البلد وبينظرو لكن نحنا الجوه الماكلين ناره برانا
وزي ما انت قولته - إنا لله وإنا إليه راجعون - هي الحتتقال في نهاية اليوم سواء ان كان حرب او من النظام او من الله ساكت او حادث
وزي ما انا حاقول ليك كل زول بينوم علي الجهه البتريحو
يا أخى الكريم قلت سابقاً أن أمر الحكم هو بيد الله يؤتيه من يشاء
و ينزعه ممن يشاء متى شاء و كيف شاء .. و وقتها لا يحدث إلا
ما قدره الله ... و لك ذكرى في حسنى و القذافى حينما كانا
ينصحان رئيسنا المشير البشير بتسليم نفسه لما يسمى الجنائية
و أن يتفاذى غضب الشعب و غضب العالم ... و الآن احدهما
قد مضى للقاء ربنا تبارك و تعالى و الآخر محدد الإقامة
منزوع السلطان ... و ما يزال من تهكموا عليه بنصحهم
المتعالى في مكانه .. ليس بأمره و لكن بأمر الله تعالى ..
| |
|
|
|
|
|
|
|
|
|
Re: كلمة عاوز أقولها و بس (Re: مامون المعتصم أحمد)
|
Author: Deng
أمركم عجيب يا الذين تعتقدون بأن الحوار قد يفيد مع مثل هذا الكوز المتشدد.
الرجل ليس بساكت على قتل الأبرياء في السودان فحسب، بل يؤيد قتلهم جميعا.
التايه الضال دينق
قاتل أطفال العراق أفغانستان و السادى المتكسب بجواز أظلم دولة في التاريخ ...
لا أدرى كيف يتجرأ قاتل مأجور مثلك - كل يوم هو في مهمة قتل أبرياء ليس
بينه و بينهم أي سبب لينعم بالقرين كارد ثم الجواز الملطخ بالدماء - كيف يتجرأ
شخص مثلك قلبه مملؤ حقد على السودانيين أن يصف غيره بمثل هذا الوصف
الذى هو علامة مميزة من علامات حياته البائسة المبنية على الإرتزاق ؟؟؟
ما حا أقول إختشى يا دينق ... لإن الإختشاء يتأفف منك ...
لست أنا من يؤيد قتل ذبابة واحدة تعيش في بلدى السودان .. اما أنت فقد
تسببت بقتل عشرات الألوف من الأبرياء و سكتَّ على مقتل الملايين ...
| |
|
|
|
|
|
|
| |
مامون المعتصم أحمد
Deng
صديق مهدى على
Mahamed Eltaze
جلالدونا
محمد البشرى الخضر
فيس بوك
تويتر
انستقرام
يوتيوب
بنتيريست