|
كتب الكاتب الفاتح جبرا المتوفرة بمعرض الدوحة
|
|
 Re: قول الحكومة دي سقطت (Re: عبدالحفيظ ابوسن)
|
وللاسف في كل الحالات ... صوت أصحاب الوجعة من المكتوين بالنار في كل مدن وقرى وبوادي السودان لن يكون له أثر.
أحتار كثيراً حين أقرأ لبعض من طال بهم المقام بعيداً عن الوطن ....
وأسأل : ماذا يريد هؤلاء ؟
كأنه علينا أن ندور بين : "من أين أتى هؤلاء" و "أولئك"
* حروفي أعلاه تشمل "بعض" وليس "كل" البعيدين
مودتي
| |
 
|
|
|
|
|
|
|
|
Re: قول الحكومة دي سقطت (Re: Hani Arabi Mohamed)
|
سلامات ود أب سن| Quote: قول الحكومة دي سقطت |
لو كان لنا أن نزغرد لفعلت!
بقاء الحكومة و الطريق الماشة فيه دا نهايتو أسوأ من أسوأ توقع للبديل مهما كان
استمرار النظام نفسه كلفته أقسى على السودان من بديل غير جاهز أو سيبدأ من الصفر
| |
|
|
|
|
|
|
|
|
Re: قول الحكومة دي سقطت (Re: Shaker Hamid)
|
| Quote: استمرار النظام نفسه كلفته أقسى على السودان من بديل غير جاهز أو سيبدأ من الصفر |
حقيقة يامحمد بلاشك ..!!
أي سناريو متوقع للسودان بعد زوال الحكومة أفضل بلاشك من استمرار هذا النظام ..
| |
|
|
|
|
|
|
|
|
|
Re: قول الحكومة دي سقطت (Re: ناصر حسين محمد)
|
تحياتي يا عربي
واحد من اهداف الاحزاب انها بتتكون وفي بالها الوصول للسلطة .. وكذلك المعارضة
اما ان تعارض من اجل الاصلاح
او تعارض من اجل تغيير الحكم
لكن تعارض ساي كدة بضبابية ودون هدف واضح .. لا اقول كما يقول البعض ان بقاء النظام استمرار لدعمهم خارج الوطن .. اي كمن يتغذي علي تشظي الوطن ومن مصلحتهم ان يستمر الحال هكذا .. سلطة لا تسقط ومعارضة يسعون لان تظل دون هدف بل تكسيرها كلما سارت في طريق الخلاص بشكل صحيح
لا اقول ذلك
ولكن
اتساءل
قول سقطت هسة دي .. يا ربي هل سيجدون ذات من يدافعون عنهم في قراهم ومدنهم .. الطلاب في مدارسهم والامهات يصنعن الطعام من اجلهم
ولا كيف
كل ناس متمترسين ورا منطقة جغرافية واحدة وماسكين سلاحهم
ولا الوطن دة واحد وقضيتو واحدة
لا اظنن اننا نخدم سوي بقاء السلطة بذلك الشكل
ولنسأل انفسنا
عن اي وطن نتحدث
وعن اي مواطن نقاتل
كفتنا اوطاننا الجديدة المستقرة شر التشرد والبهدلة والاوضاع اللاانسانية فلنكف اقلامنا من تدمير وطننا القديم الذي لن نعود اليه
| |
|
|
|
|
|
|
|
|
|
Re: قول الحكومة دي سقطت (Re: عبدالحفيظ ابوسن)
|
ود ابسن سلام
بركه بالشوفه قربت افتح ليك بوست رواغه
وتحياتي لضيوفك وسلام وشوق لاخونا شاكر حامد
الحكومه حتما سيسقطها الشعب ولكن قبل ان يسقطها
عليه ان يسقط من حساباته كل الذين لم يرضعو لبا الثوره
وتكون مكونات ما بعد الخلاص من المشهود لهم بالوطنية على مستوي المدن
والاحياء وان يكون التجهيز لذلك اليوم اليوم ان ما كان من زمان
ليس مكافاه لهم ولكن انهم يعرفون قدر الوطن وقيمه المواطن وحريصون عليها
ومازال السودان بخير
وكل ما سمعته او قراته هنا سيذوب
هل تذكر جلبه الجلبي مع بدايه سقوط صدام وعندما تكشفت الامور اصبح في موازين الكتل ولا حاجه
| |
|
|
|
|
|
|
|
|
|
Re: قول الحكومة دي سقطت (Re: موسى العجب)
|
| Quote: ما يدور هنا في هذا البورد مؤلم .. مؤلم جدا |
سلامات يا ود ابو السن
ما تراه يدور في هذا البورد سببها الحكومة دي.
ولو سقطت الحكومة دي ما تري الا الخير
فلتسقط حكومة المؤتمر الوطني سبب الآلام والبلاوي والباقي ساهل
| |
|
|
|
|
|
|
|
|
|
Re: قول الحكومة دي سقطت (Re: عبدالحفيظ ابوسن)
|
Quote:
Mohammed Eltaze
السلام عليكم
أخي عبدالحفيظ الناظر لي السودان يعين مجردة مطلة ينتبه لما تكتب سؤال منطقي بحت جدا جدا لي العملتو الحكومة من تجريف عقلي وديني واخلاقي لي الشعب السوداني طيلة مايقرب من 30 سنة انا أكد ليك السيناريوهات كلها اسود من بعض لابد من وجود حرب اهليه احتمال قائم وكبير وحين اقول حرب اهليه اعني من شمال السودان وحتي حدود السودان الجنوبية مع السودان الجنوبي -حزني - اما السيناريو التاني هو الإنقلاب الداخلي للسلطة الحاكمة بعمني انو واحد منهم يقلبها ليهم ويقعد هو وده سيناريو اسوأ من الحرب الأهليه وكأنك يابوزيد ما غزيت ورجعنا لي مربع الصفر الأحتمال التالت الديكتاتور المستنير - دي كيف ما تسأل - يجي ود حلال يقيم الحقوق لي أهلها من ناس الحكومة ديل ويرجع يطور الإنسان السوداني ويسلمها لي الشعب وده إلا نبي أو رسول - مافي الزمن ده - اما البتتكلم عنو في المنبر فهو مجرد حراك سياسي للأسف الشديد معظم الأجيال القائمة تتعلم السياسة من خلال المنابر ليس علي أرض الواقع فالواقع يا انت كوز ومنتفع أو انك ملهو في حق العيش و الملاح السياسه بقت ترف في واقعنا ده
اما السيناريو الأسوا انو ناس شيخ قصي - شيخ دي تريقة ارجو المسامحه - يمسكو الحكم في اللحظة ديك حتكتشف انو ناس الأنقاذ ديل كانو ملائكة تمشي علي الأرض بي بساطة هم ماعندهم منهج كل منهجم في الدنيا انو يرجمو الزاني ويقطع يد السارق ويقتلو المرتد ولو اتكلمته في راي انت كافر ومرتد وبي اسم الدين تقتل أما الخوف الأكبر فهو انو ضياع الدين في سنة 1998 تقريبا أو في الحدود ديك كان في جريدة الخرطوم كان تصدر في القاهره وكان في نقاش حول الموضوع ده هل لو سقطت الحكومة الدين حيتأثر انا بقول ليك بي كل صراحة انا خوفي انو هل حيكون في مسلم في السودان بعد ما ناس الحكومة يمشو؟! انا عاوز اسمع منك رد ؟! انا اجابتي لأ الحقيقه الناس ماشايفاها تململ كل الناس من اي حاجه فيها ريحة لي الدين - اديك ابسط مثل هل انت ممكن تدين قروش لي شيخ قصي و الله ياقصي ماقصدي اهانه ليك لكن انت بتمثل لي فئة معينه من الناس ذات توجه معين هل انت حتكون مرتاح في التعامل معاهو و الله 80% من ناس البلد حيقولو ليك لأ دي المشكلة و الطامة الكبري |
تعليق من نافذة الفيسبوك يستحق التأمل ....
| |
|
|
|
|
|
|
|
|
|
Re: قول الحكومة دي سقطت (Re: حسن ابراهيم كاروري)
|
| Quote: حتكتشف انو ناس الأنقاذ ديل كانو ملائكة تمشي علي الأرض |
تحذير واضح من القادم.
الزول ده قال ليكم ما تفرطو في الإنقاذ(موضوع للنقاش)
----
باقي الكلام ورجغة و نفخة سكر أو ضغط ،سرعان ما ستهبط.
| |
|
|
|
|
|
|
|
|
|
Re: قول الحكومة دي سقطت (Re: قصي محمد عبدالله)
|
| Quote: هل حيكون في مسلم في السودان بعد ما ناس الحكومة يمشو؟! |
انت يازول قايل الإسلام ده جاء عام 89 !!!!!!
البلد منيرة بالقرءان و الذكر،
ما تراه لا يتعدى انعكاس أكثر من 100 شخص،
وربما طغى على عينيك التشاؤم بأغلبهم....
-------
الصف الثاني والثالث والرابع والخامس من الحكم الإسلامي متوفر،
الصف السادس والسابع والثامن شراكة بين الإسلاميين في كل صف وبين الشيوعيين واليبراليين والملحدين ، كل في صف لوحده.
الصفوف من تسعة إلى الآخر فاضية ، لم يتم حجزها بعد.
------
الصف = زمن الحكم للحزب دون تحديد عدد السنين.
| |
|
|
|
|
|
|
|
|
|
Re: قول الحكومة دي سقطت (Re: قصي محمد عبدالله)
|
سجل لنا التاريخ عشر حكام يعتبروا أكثر الحكام الذين حكموا بلادهم فى العالم وهم على الترتيب ..
1. فيدل كاسترو Fidel Castro
حكم دولة كوبا 52 سنه, 62 يوم
2. حسين بن طلال Hussein bin Talal
ثالث ملوك الأردن حيث حكم 47 سنة
3. تشانغ كاي تشيك Chiang Kai-shek
حكم الصين 46 سنه,177 يوم
4. كيم إيل سونغ Kim Il-sung
حكم كوريا الشمالية 45 سنه,302 يوم
5. معمر القذافي Muammar Gaddafi
حكم ليبيا 42 سنه,49 يوم
6. عمر بونغو Omar Bongo
حكم الجابون 41 سنه,155 يوم
7. أنور خوجة Enver Hoxha
حكم البانيا 40 سنه,171 يوم
8. فرانسيسكو فرانكو Francisco Franco
حكم إسبانيا 39 سنه,50 يوم
9. غناسينغبي أياديما Gnassingbé Eyadéma
حكم دولة توجو 37 سنه,297 يوم
10. بول بيا Paul Biya
حكم دولة الكاميرون 36 سنه,321 يوم
10. جوزيف بروز تيتو Josip Broz Tito
حكم دولة يوغسلافيا 36 سنه,157 يوم
...............................................................................................
عليكم الله ادوها صنة
شكرا ابوسن
| |
|
|
|
|
|
|
|
|
|
Re: قول الحكومة دي سقطت (Re: ود الباوقة)
|
مرحبا حبابكم
ود البشري
ناصر
شكوكو
لكم الاحترام يا صحاب
في تقديري مهما بلغ سؤ السلطة فالافضلية للديمقراطية .. ففي الديمقراطية يتم التغبير من خلالها دون عنف و بالديمقراطية نفسها
السلطة كل يوم تعمق ازمة الوطن وتساهم في تدميره وبقاؤها يوم واحد سيكون خصما علي تطور ورفاهية واستقرار وسلام الوطن
أي بديل سيكون افضل .. ف حواء السودان انجبت ولم تعقر .. والسلطة الحالية رغم مرور 26 عجزت عن حل ابسط مشاكل الوطن
مياه نظيفة ومتوفرة للشرب
امداد كهربائي مستقر
دعك من التعليم والصحة
ما مضي من عمرها شبابها وبقيت كهولتها وترهلها والامر واضح
| |
|
|
|
|
|
|
|
|
|
Re: قول الحكومة دي سقطت (Re: عبدالحفيظ ابوسن)
|
ود لبوسن سلامات اخبارك واخبار كوستى
موسى العجب تحياتى ومودتى لك ...
عبد الحفيظ سؤال هل الانقاذ ستكون خالدة فى حكم السودان وهل السودان سيكون موحد او سيذهب جزء اخر كما ذهب الجنوب
السودانيين صيرو كل هذه السنين فى انتظار البديل .... وحتما سياتى
| |
|
|
|
|
|
|
|
|
|
Re: قول الحكومة دي سقطت (Re: عبدالحفيظ ابوسن)
|
شكرا حسن ابراهيم
شكرا محمد التازي
لا ينكر احد انتشار الالحاد في السودان . واظن قبل فترة محكمة في سنار كما نشر . غير ما نراه في الاسافير من اعلان للالحاد بشكل واضح وجلي .. وبل قروبات للملحدين وكتب تتحدث بشكل منهجي وتحليلي حول نفي الدين
التجربة الانقاذية كانت قاسية علي الناس في عقيدتهم .. وثقوا فيهم وغرهم مظهر التدين .. واذاقوهم من الوان شظف الحياة والظلم الوانا .. ثم كرت عليهم الفضائح حملتها ذات اجهزة اعلامهم .. فساد في كل المؤسسات الدينية حتي تندر الناس ..( باقي ليكم الصلاة )
استغلوا تدين الناس وابتذلوا قيم الدين فصار الشخص يقسم علي المصحف من اجل اوقية سكر .. ثم لا يصدق .. وكان السوداني يتحاشي القسم علي المصحف ويعتبره جوال دقيق .. سيعلق فيك منه اثم
صار الدين مظهرا بعد ان كان جوهرا .. وتندر الناس ( لو داير امور تمشي ربي ليك دقن
واختلط الامر علي الناس فعجزوا عن فصل الدين من سلوك اهل السلطة وظنوه الدين
والامر شائك في دولة كالسودان يتفشي الفقر والجهل فيها
انظرهنا في المنبر كأن التدين صار سبة ..
نحن شعب متدينا علي طريقتنا دون ادعاء او زيف .. ظهر ذلك في اخلاقنا وسلوكنا .. ولكنهم حولوا كل ذلك .. وانتشر التكفير .. الشيخ خلف دكاني يعطي دروسه ويكفر .. وفي طريقي للمنزل اسمع احدهم علي قارعة الطريق يكفر .. وكل ببضاعته فرح يظن ان لا ناجيا غيره .. ضيقوا واسعا
ورغما عن كل ذلك
انا علي قناعة دينية لا منطق لها ان الله سيجنب ارض السودان الفتن سيلطف بهم .. اننا شعب بسيط طيب
| |
|
|
|
|
|
|
|
|
|
Re: قول الحكومة دي سقطت (Re: عبدالحفيظ ابوسن)
|
موسي الراجل
وينك يا رجل
تعرف عافت النفس الكتابة والله .. قاعد وبقرا .. ومتمحن
اخبارك والوليدات وودالبوش
اول امس قاعد في السوق بتفرج في الشعب السوداني . نساؤه و رجاله .. مهدودين منهكين ولكنهم بسطاء .. طيبين .. يسيرون ساهمين تبدو عليهم الحيرة .. الدرب خش ليهم في الموية . ما عارفين يلايمو شتات نفسهم .. تعقد الامر عليهم ..
فكرت يا ربي بتلك اللغة المتعسفة والخشنة هنا .. هل هي موجودة في الواقع !؟ هل سنعيد سيناريو الصومال ولا ليبيا ولا ولا
اطمأنيت والله !! ليش ما عارف ! حسن ظن في الله اظنه وحسن ظن في تقابات القرآن .. وبروش الغبش قدام الدكاكين والاحياء الشعبية للصلاة .. تكافلهم في رمضان وغير رمضان .. الغبش وحدهم اوتاد هذه الارض
| |
|
|
|
|
|
|
|
|
|
Re: قول الحكومة دي سقطت (Re: عبدالحفيظ ابوسن)
|
دحين ما عصرت علينا يا ود الباوقة
واحسب معاك
امريكا التي تطلب الحكومة ودها ..
فرنسا
انجلترا
واحسب كل دول العالم الاول
شوف مدة حكم الرئيس كم
وقارن ذلك بدول العالم الثالث ومدد حكامها
فكأن عدد سنوات الرئيس تتناسب عكسيا مع تطور دولة الرئيس
وكأنني اري
ان جبارة الانقاذ فكت
| |
|
|
|
|
|
|
|
|
|
Re: قول الحكومة دي سقطت (Re: عبدالحفيظ ابوسن)
|
دحين ما عصرت علينا يا ود الباوقة
واحسب معاك
امريكا التي تطلب الحكومة ودها ..
فرنسا
انجلترا
واحسب كل دول العالم الاول
شوف مدة حكم الرئيس كم
وقارن ذلك بدول العالم الثالث ومدد حكامها
فكأن عدد سنوات الرئيس تتناسب عكسيا مع تطور دولة الرئيس
وكأنني اري
ان جبارة الانقاذ فكت
| |
|
|
|
|
|
|
|
|
|
Re: قول الحكومة دي سقطت (Re: عبدالحفيظ ابوسن)
|
| Quote: وكأني أرى أن جبارة الانقاذ فكت |
بالخلفية المتصوفة يا ود اب سن قرأت كلماتك ثم نظرت في صورة البروفايل فرأيت رجلاً يتأمل تأملاً عميقاً قلت لنفسي لا بد أنه ... مفتوح عليه ... وأن ما يقوله .. مكاشفة من أمر ما ...
كان جعفر النميري ليث قاهر ضابط سوداني ودكتاتور بامتياز وكنت في صغر السن أكره الدكتاتورية كرها شديداً .. ولا أزال ...وحينما يخرج الطلاب من المدارس لاستقباله كنت اتخذ اليوم اجازة طوعية
لكني أوافقك الرأي بأن جبارة الانقاذ فكت .. وعندما سمعت فيديو يحاول الرئيس فيه أن يقنع غير المقتنعين بالسدود الجديدة ... زدت قناعة بأن السحر قد بدأ رحلة الإنقلاب على الساحر ..
كذلك أنا من أنصار أن أي بديل سيكون أفضل من الانقاذ لأنها مثل ذلك الذي يجوز الحجر عليه في الشريعة الاسلامية ...
يا عزيزي لا يمكن أن تدير دولة تعاني من شح مدقع في العملات الصعبة ويتلاعب السوق الأسود بقيمة عملاتها ثم لا تنفك عن إنشاء الولايات الجديدة بحكومات (كاملة الدسم) .. عقلية من هذه في أي بلاد هذه
هذه حال لا تسر العدو ولا الصديق ولو كان للانقاذ أصدقاء خلص لنصحوها بأن توظف الساادة/شـركة ماكنـزي .. تلك التي تستعين بها الشركات الموشكة على الإفلاس .. طلباً لإعادة الهيكلة وترشيد النفقات ولكن الذي نراه
هو المزيد من النفقات والمزيد من الهياكل والمزيد من الأخبار الفاقعة للمرارة في الصحف وفي غير الصحف
هو ذلك يا ود اب سن هو ذلك
الشايقي
| |
|
|
|
|
|
|
|
|
|
Re: قول الحكومة دي سقطت (Re: أحمد الشايقي)
|
من نافذة الفيس
تحياتي اخي الصامت
لم تسهب ولكنك اوجزت الامر ايجازا غير مخل
عندنا مثل سوداني
يا فيها يا اطفيها
يا معاكم في الامر ولا اخربها ليكم
اقبلني لاقبلك
اقبلني بعلاتي لاقبلك بعلاتك
ولكن
اعطني براحا من الاحترام وتوسيع الافق لاناقشك
| |
|
|
|
|
|
|
|
|
|
Re: قول الحكومة دي سقطت (Re: عبدالحفيظ ابوسن)
|
سلام يا أب سن ,,,,,
إنت قتا ,,,,,,,
Quote: آي قول سقطت هسة دي
بأي سيناريو متوقع
ماذا بعد !!؟؟
ما يدور هنا في هذا البورد مؤلم .. مؤلم جدا
مؤلم لكل سوداني يعيش داخل الوطن .. في اي بقعة من بقاعه
والله يتزاحم الغضب وكلمات السباب في الدواخل تنفيسا حتي لا يطق الزول
رحم الله سند
للناس لو يدرون
كيف اطوع الكلمات في حلقي
عذاب الاخرس المخنوق
يلتمس الصياح |
جات معظم الناس شايتا في العنوان
(قول الحكومة دي سقطت)
وخلو عضم المشكلة الطرحا أب سن
| Quote: ما يدور هنا في هذا البورد مؤلم .. مؤلم جدا |
لو عايزين تعرفو بوست بشبه كلام أب سن أمشو أدخلو هنا :-
(عجبني للجلابة اذا احترق السودان)
الله يطراهو بالخير أخونا بتاع الرياض (وفي الليلة الظلماء يفتقد البدر) كان نطا ليكم جوز و قال ليكم قرايت الركبة و لففكم كم لفه ,,,,
تحياتي و إحترامي للجميع
| |
|
|
|
|
|
|
|
|
|
Re: قول الحكومة دي سقطت (Re: عبدالحفيظ ابوسن)
|
سلام
وبعد
افتراض مطلوب جدا للاستعداد وإعداد خيارات احسن من الماضي
اعتقد والله اعلم بناء دولة ومؤسساتها ما ها شغلة هينة تفائل كتير ما ينفع وتشاؤم كتير برضو ما ينفع حاجة واحدة هي ان يتحمل كل مسؤليته
شيطنة فرد او مجموعة ما هو الا خصما علي البناء يعني تاخير التغيير،
اي انسان او مجموعة ثبت انها ارتكبت ما يؤهل ان تقدم للمحاكمة يجب عن يكون مسؤلية سلطة قضائية
لا يملك احد ان ينزع حق الجنسية من الاخر ولا احد له حق ان يختار للتأني كيف يفكر او اي تنظيم ولا حزب ينتمي له ولا اي أفكار يعتقد
ودوورد
| |
|
|
|
|
|
|
|
|
|
Re: قول الحكومة دي سقطت (Re: عبدالحفيظ ابوسن)
|
الأخ/ عبدالحفيظ ابوسن
التحية لك ولأهل كوستي خاصة (عشقي) من المدن السودانية
وللقراء والبورداب الكرام
الله سبحانه وتعالى يمهل ولا يهمل وتأكدوا أي ظلم او او او لن يدوم مهما طالت السنوات فالإنسان يحيا ويموت والنظم الحاكمة أيضا لها أجل
التنظيم الحاكم تنظيم قوي (داخلي وخارجي) ويعرفون كيف يديرون الاحداث وإلهاء الشعب ووو..... حتى المعارضة لم تسلم منهم فقاموا بزرع منسوبيهم وإشاعة الفتن بينهم ثم (استحداث) عدد كبير من الأحزاب الموالية لهم او غير الموالية... وهكذا ؟؟؟؟
وتأكدوا كل يوم يمر على الشعب هنالك احداث يتم صنعها (أقصد بأنها مجدولة) ولعدة سنوات وسيناريوهات جاهزة (من إشاعات وأحداث ووووو بما فيها ما لم يخطر على البال)؟؟؟؟؟؟ ولعلمكم كل بدائل الرؤوساء والوزراء لديهم موجودين لتنفيذ اجندات التنظيم.
السودان به الكثير من هم حريصون على رفع شأنه ومن لهم ضمير.
لذا اذا تريدون زوال هذا الحكم يكون بخيار يفتح أبواب الأمل وهو:
أن يتم إنشاء حزب بأي مسمى وتكوين قيادة له من أفراد مهما (كانت توجهاتهم عدا من ينتمي لحكومة المؤتمر) أو فرد يتشككون في إنتمائه لحكومة وحزب المؤتمر (وذلك للتجهيز لأي سيناريو للإنتخابات القادمة) لأنو بالطريقة دي الانتخابات القادمة اعتبروها جات وفازوا بيها وبدلائل كثيرة منها ما يجري حاليا من احداث
أن يتم وضع دستور وهيكلة كاملة لكل الجهات الحكومية وإستراتيجية للحكومة القادمة والوزرات بحيث كل فرد يتم تعيينه من رئيس الحكومة حتى العمال ولو لفترة قصيرة عليه وعليهم الإلتزام بتلك الإستراتيجية لتحقيق أهداف الجهة التي يتولون مسئوليتها.
ولي عودة
| |
|
|
|
|
|
|
|
|
|
Re: قول الحكومة دي سقطت (Re: فتحي عباس نقد)
|
لماذا يفكر السودانيون في استبدال حكوماتهم ؟
لاعتقاده بأن الاستيلاء على السلطة و المناصب مدعاة للواسطة و ايجاد الفرص في التوظيف والمحسوبية و خلافو و هو محق في ذلك
اذا على الحكومات تصحيح هذا الاعتقاد في اذهان الشعب
يعني مافي محسوبية و لا واسطات و لا خلق فرص للاقرباء و الاصدقاء
ما اعتقد حيكون في زول راغب في منصب بعد داك لانو ما حيكون فيها عضة
حتكون عضم ساااي و محاسبة و خوف و فوق كم الزول يمسك ليهو بلاوي زي دي بدون عضة
حينها سيقول المسئول ياليتني كنت مواطنا عاديا
والله جد
السوداني يمسك منصب يشغل اهلو كووولهم
لا تقول لي حكومة و لا معارضة الكل سواء
استفادة حتى النخاع
و اي زول ما جرب بيستهجن الحتة دي لكن بمجرد ما يمسك ليهو منصب هاك يا واسطات
يجيهو ليك ود عمو و بت خالتو و أهل المره و عووووووك و ناس توصية و شئ اصدقاء دراسة و رفقاء درب و معارف و متسولين
شعب غريب!!! خخخخخخخ
| |
|
|
|
|
|
|
|
|
|
Re: قول الحكومة دي سقطت (Re: خالد المبارك)
|
الأخ محمد سليمان خالد .. سلام و كتر خيرك على المجاملة Quote: Mohammed Suliman Khalid · جامعة الخرطوم
باشمهندس محمد البشرى الخضر أني أحسبك من الراشدين كيف تقول أي بديل أفضل من الحكومة دي هل ترى أن الحرب الأهلية والفوضى أفضل؟ هل ترى أن حركات دارفور المسلحة أفضل؟
يا جماعة ما أي واحد قاعد ضارب المكيفات في الخليج أو ضارب الويليفر في الغرب يقعد ينظر لينا في ماهو الأفضل كبديل لحكم الكيزان. لو ما عندكم أهل في السودان نحنا عندنا وخايفين عليهم يحصل لهم ما حصل للسوريين والليبيين ومن قبلهم العراقيين.
ما في زول عاقل وما منتفع من حكم الكيزان يرفض تغييرهم. لكن أي تغيير مع الفوضى أو حكم الحركات المسلحة وسيطرته على البلد ما بينفع وح تلاقوا المواطن واقف مع الكيزان وشايل السلاح لاجل الدفاع عن النظام اذا كان البديل ما ذكر.
وما في مواطن عاقل وما منتفع من حكم الكيزان ح يرفض سقوط الحكم إذا كان البديل حكم منظم يحفظ للناس دمائهم وأموالهم وأعراضهم.
أنا واحد من الناس ما عندي مانع حتى لو كان الحكم الجديد رئيسه ونائبه ووزرائه كلهم من من الجنوب الجديد أو الغرب أو الشرق أو الشمال النوبي الغير مستعرب إذا استبعدنا الشمال المستعرب بحكم (رفض) الأخوان في الغرب أو الشرق أو الشمال النوبي لحكم الشمال وإدعائهم سيطرة الشمال المستعرب على الثروة والسلطة منذ الإستقلال.
ألف نعم لبديل عاقل ومنظم.
مليون لا لبديل حرب أهلية وفوضى وعنصرية |
عارف يا محمد المشكلة وين في كلامك دا ؟ فكرة خوفك من الحرب الأهلية و الفوضى و حركات دارفور, والأدهى فكرة ان يحدث لأهلنا ما جرى للسوريين و العراقيين و الليبيين
انت هنا تتحدث و تعبّر عن خوف من مجهول و مستقبل لم يحدث في رأيك, طيب النبّشرك يا أبو حميد
الخايف منو دا حصل و حاصل وفي السودان دا , السودان الكبير الممتد من اقصى الشمال إلى ما دون كوستي جنوبا, نعم توجد حرب أهلية و نعم توجد فوضى راسها عديل و ازيدك من شعر المأساة بيت أن ما يجري لأهلنا في الجبال و في قرى دارفور و معسكرات النازحين يفوق ما جرى للسوريين و الليبيين و العراقيين بشاعة و قسوة
السودان يا اوحميد ما الخرطوم وما مدني و ما عطبرة بس عشان لسّة يادوب ح نخاف من الحرب و الفوضى.
الحرب و الموت و الفوضى و النزوح وفقدان الأمن و الأرواح و الممتلكات مدوّر و واقع في البلد على الأقل من 2003 في دارفور ومن 2011 في جبال النوبة و النيل الأزرق وحتى في خرطومك دي يا ابوحميد الأمن قتل 200 شاب قنصا بالرصاص و في مواضع قاتلة لأنهم تظاهروا بحناجرهم وهتفوا ما عايزين البنزين و السكر يزيدوا!! هسّي دي ما ياها زاتها الحصلت على الليبيين و السوريين ولسة خايف انها تبقى علينا
في خرطومك دي يا محمد تتلقي جثة الطالب مرمية جمب المقابر و لا يوم الليلة ما في جهة قانونية تبرد قلب ابوه و امه وتجيب تاره أو حتى تعمل فيها جادة رغم ان الكل عارف القتله منو
وفي مدني يغرق أربعة طلاب في ترعة عمقها متر وشوية !!
القلته ليك دا كله والكثير غيره مما لا اعرف عنه سوى ما قرأت أو سمعت لكن يعيشه الناس في بلدي و بلدك واقعا يوميا وعلى مدار الساعة بل و الدقيقة بفضل الحكومة التي لا ترى معي ان أي بديل لن يكون أسوأ منها!
يا عزيزي ما إلاّ تطعنك الشوكة في رجلك ويسيل دمك حتى تفرز حقل الشوك الماشي فيه, تكفيك صرخة أخوك الطعنته الشوكة قدّامك بل ذبحته و سحلته.
| |
|
|
|
|
|
|
|
|
|
Re: قول الحكومة دي سقطت (Re: محمد أبوالعزائم أبوالريش)
|
مرحب طلحة
صدقت
التركة مثقلة واصلاح الامر ليس مستحيلا
ما حدث افسد كل مفاصل مؤسسات الدولة .. واستشري كالسرطان .. اقتلاعه يحتاج لصبر دؤوب .. وعقل منفتح ..ونية وطنية لا يعلق بها ذرة غرض شخصي او حزبي او قبلي
ان نستعيد الوطن ... مهمة تستحق بذل المهج
| |
|
|
|
|
|
|
|
|
|
Re: قول الحكومة دي سقطت (Re: عبدالحفيظ ابوسن)
|
مرحبا الشايقي
امي فاطنة بت حليمة رحمها الله تقول ليك
دة زي الدبيب القطعو راسو
المشهد ده ما تعرفو الا تشوفو
الدبيب لحظة قطع رأسه بتحرك جسدو حركة سريعة شديدة غير منتظمة .. رغما عن انه ميت ..
رغما عن انه ميت !!
| |
|
|
|
|
|
|
|
|
|
Re: قول الحكومة دي سقطت (Re: عبدالحفيظ ابوسن)
|
أبوسن وضيوفه الأكارم
كل ما نراه في المنتديات وفي الواقع من عنف لفظي وتعدي على الاخرين
ممكن يختفي بالتدريج إذا وجدت حكومة قوية نزيهة تعمل بمبدأ المحاسبة والقانون
والمتوقع في أحسن الاحوال بعد زوال الانقاذ أن تأتي حكومة مختلف عليها - غالبا- ولكنها تمهد الطريق لمن يأتي بعدها.
وأتفق تماما مع الاخ محمد سليمان:
Quote: ألف نعم لبديل عاقل ومنظم.
مليون لا لبديل حرب أهلية وفوضى وعنصرية |
ودا المتوقع انو يحصل - للأسف - وشهدنا نموذج مصغر منه يوم "الاثنين الاسود"
والحرب المتوقعة ليس لأننا متعطشون للحروب او قساة القلوب
بالعكس نحن ناس طيبين - ولنا الفخر - لكن بالاضافة لتفشي الجهل فنحن إنفعاليين جدا .
فسهل جدا أن تقوم حروب أهلية لا نهاية لها
| |
|
|
|
|
|
|
|
|
|
Re: قول الحكومة دي سقطت (Re: عبدالحفيظ ابوسن)
|
شكرا ود اب سن
بدأت سيرة النميري وبسبب الزهايمر فقدت أثر القصة
عندما رأيت النميري يضع يده في أيدي الذي بايعوه على الطاعة (في المنشط والمكره) أيقنت أن (الرئيس القائد) قد فقد البوصلة وذلك لأن .... ثورة مايو ... قبلت كل السودانيين بلا تمييز وكان شرطها الوحيد هو الدخول في (تحالف قوى الشعب العاملة) وتنظيمها الجامع (الاتحاد الاشتراكي السوداني)
ولكن البيعة كانت تعني أن النميري قد بدأ الانحياز الحقيقي نحو الجماعة .. وهم حزب صغير .. ولا يزالون ....
وعندما رأيت النميري يصدر الاحكام القضائية بالاعدام للخصوم السياسيين لأحبابه الجدد وهو رأس السلطة التنفيذية .. عرفت أن البلاد بدأت رحلة مفارقة العقل والمنطق .. وبالتالي بدأ الرجل يفقد شعبيته واحترامه وظهرت الأناشيد الساخرة من نحو (الكهرباء جات .. املوا الباغات .... هسع بتقطع ... يا مغفل ...)
هذه كانت قصة نهاية دكتاتور فقد المبرر الوحيد لبقائه في السلطة وهو العدالة وقبول الجميع ... ومشاريع التنمية ومحاربة العطش والحفاظ على الدولة ... والوحدة (الوطنية) وكلنا أخوان ....
لا أقول أن التاريخ قد بدأ رحلة العودة .. لكني أقول أننا .. قــرفــنــا .....
أحمد الشايقي
| |
|
|
|
|
|
|
|
|
|
Re: قول الحكومة دي سقطت (Re: أحمد الشايقي)
|
ود اب سن وضيوفه الكرام
تحية وسلام
لو سقطت ستبدا مرحلة جديدة وتحدي للذين حملوا راية التغير و في كل الاحوال سقوطها افضل بكثير من استمرارها.
التغيير سنة الحياة و سوف ياتي قريبا انشاء الله.
الذين يتشائمون من البديل و بفضلون استمرار المنظومة الانقاذية في الحكم هم اما انتهازيين و مستفيدين من وجود النظام او عنصريين يعتبرون مآل الحكم الى القومية التي يمكن ان تاتي باي شخص من اي جهة ليصبح راس النظام بمثابة ردة.
السودان بخارطته الجغرافية المتنوعة لا يمكن للحكومة الحالية ان تديره بنجاح وكفاءة لانها مليئة بالمفسدين و الطفيليين والعنصريين.
لخير كل السودانيين سقوط النظام اليوم قبل غد ضرورة.
| |
|
|
|
|
|
|
|
|
|
Re: قول الحكومة دي سقطت (Re: اسماعيل عبد الله محمد)
|
Quote:
اول امس قاعد في السوق بتفرج في الشعب السوداني . نساؤه و رجاله .. مهدودين منهكين ولكنهم بسطاء .. طيبين ..
يسيرون ساهمين تبدو عليهم الحيرة .. الدرب خش ليهم في الموية . ما عارفين يلايمو شتات نفسهم .. تعقد الامر عليهم ..
|
ود اب سن سلام عليكم
لكأني بك تصف حال البلاد والعباد قبل العام 89 اذ
كانت هي كذلك تماما بل اردأ
اري بعض المتداخلين قد اضاف صيغة الجمع
وانا اضيفها بدوري قسرا
منو القاليكم اصلا انحنه مفكرين نسقطها او حتي نتمني سقوطها؟؟؟؟؟؟؟؟؟؟؟؟
لو اردنا ذلك لفعلناها ومنذ عامها الاول
لو فاكرين الشعب السوداني اليوم مغيب عما يدور في البلاد وماحوله
فانتم واهمون
| |
|
|
|
|
|
|
|
|
|
Re: قول الحكومة دي سقطت (Re: عمر عثمان عبد الوهاب)
|
الم تشنف اذانكم خالدة ود المجذوب والتي سكنت في دواخلنا؟؟؟؟
برغم صعوبة المشوار /////// ورغم قساوة التيار
سنعبر حاجز الزمني عزيز انت ياوطني
نعم .... الوطن غالي وعزيز
فاليبقي الوضع كما هو عليه لحين الفرج
والفرج ده نشوفو بي عويناتنا وقدامنا ان
كان ابيضا او اسودا
اما علي قولتكم هوب وبردلب ياانقاذ ونقعد نعاين لي
بعض زي بياعين الغريبه وفي الوقت الاغبر ده فيفتح الله
واهلنا قالو
الكيزان ولا مصران الجداد
| |
|
|
|
|
|
|
|
|
|
Re: قول الحكومة دي سقطت (Re: أحمد محمد عمر)
|
صدقت يا عودو
تتحمل الحكومة الجزء الاكبر والاساسي في سيادة روح العنصرية والعنصرية المضادة
رفض الآخر واستحقاره واهانته
الافلات من العقاب الذي قاد لسؤ الادب
الغطرسة والازدراء والاستهانة بالمنطق والعقل والاخلاق
سيادة روح الهزيمة
وممكن احسب كدة ساعتين
بسقوطها لن يكون الاصلاح هينا ولكنه ليس مستحيلا
| |
|
|
|
|
|
|
|
|
|
Re: قول الحكومة دي سقطت (Re: عبدالحفيظ ابوسن)
|
يا صلاح يا اخوي يقولون الحديث ذو شجون .. يجر بعضه بعضا
ف شنو
اصبت الهدف ولكن ايضا برضو لا نحجر علي الناس قولها واهو كتر خيرهم الجوني في مكاني وشاركوني الهم
اشكر ليك تشجيعك لي دوما
تعرف تحديد من المخطئ ستقود لتعظيم الخلاف . لا خطأ مطلق . فالخطأ مربوط بظروفه التي قد تجعله صحيحا بتنظير و رؤية مختلفة . بنحتاج ان نثق في بعضنا ..ان نحترم اختلافنا .. ان نحسن خطاب الاخر .. وان نؤكد كلنا في ذات المركب لن تميز بينا ان حتلت للقاع فكلنا سنكون نهبا لديدان الماء
| |
|
|
|
|
|
|
|
|
|
Re: قول الحكومة دي سقطت (Re: عبدالحفيظ ابوسن)
|
خيرت ما قلت يا حامد عبدالله
لامزايدة علي وطنية احد او سحنته . الوطن لنا جميعا بجميع سحناتنا وادياننا
الوطن اتسع لنا سابقا وسيتسع لنا مرة اخري . ما يحدث مرضا سيشفي منه بدن الوطن
هذا الشعب .. الشعب الحقيقي الذي يسعي لكسب رزقه بعرق جبينه لا سراق لا حرامي ولاهو عاق . هذا الشعب هو رواب هذا الوطن
| |
|
|
|
|
|
|
|
|
|
Re: قول الحكومة دي سقطت (Re: عبدالحفيظ ابوسن)
|
مرحبا نقد
وتشكر
فعلا صدقت وانظر لعدد الذين قرأوا الاعلام في امريكا .. الاعلام الامريكي وقدرته في التأثير علي الرأي العام .. والكورسات المدفوعة من جيب المواطن لجحافل المبعوثين في ايران وغيرها ليتم الخداع
حول الاقتراح
انا علي قناعة راسخة لا بديل الا من خلال الاحزاب .. فالاحزاب منظمة ولها برامجها وقدراتها .. وهيكلها مما يجعلها اكثر قدرة علي الحكم . سيناريو مصر و ليبيا وغيرهم من قاد التغيير لم يكن لديهم تصور . ثم ماذا بعد
سقطت السلطة .. فقط سقطت وتحير الثوار
هي كدة
شئنا ام ابينا
| |
|
|
|
|
|
|
|
|
|
Re: قول الحكومة دي سقطت (Re: عبدالحفيظ ابوسن)
|
مولانا قصي محمدوعبد الله
على حسب ما نعرف ان حكومة عبد الله خليل
كان فيها وزراء وولاة وجيش وشرطة
وحكومة عبود كان فيها رئيس ووزراء وجيش وشرطة
وحكومة الصادق المهدي كان فيها وزراء وولاة وجيش وشرطة
وحكومة نميري كان فيها رئيس ووزراء وولاة وشرطة وجيش وامن قوي
وحكومة الصادق المهدي الثانية كان فيها وزراء وجيش وشرطة بس بدون امن قومي
وحكومة عمر البشير فيها الان رئيس وولاة وشرطة وجيش وللاسف
عد كبير من سارقي قوت الشعب والمال العام وليس هناك من يحاسبهم
..والله يديك الصحة والعافية...
..يا ود ابو سن:
الحكومة دي حتسقط لكن ما هسع....حتطول شوية ...لكن
في النهاية حتسقط...بتين؟؟ لمن المعارضة توعى شوية
وتخلي لعب الشفع البتعمل فيه ده.....لمن الشعب يعرف ان
سرقة المال العام ما شئ عادي وان سرقة المال العام جريمة
يعاقب عليها القانون...لمن المثقفين والنخبة يقدروا يخاطبوا
ضمائر شعب السودان بالصدق والتجرد والابتعاد عن الاساليب
التي تجذب الدعم والتاييد لنظام حاكم يحكم بقوة السلاح...
والله يديك الصحة والعافية
| |
|
|
|
|
|
|
|
|
 Re: قول الحكومة دي سقطت (Re: اميرة السيد)
|
الحركة الشعبية لتحرير السودان (شمال مدعومة بجنوب) وحركة تحرير السودان والحركات المسلحة (التي سالمت الحكومة الآن) وبقية المسلحين من الأحزاب الأخرى . جميعهم هم البديل بعد أن تسقط هذه الحكومة والتي هي حتماً حتماً ستسقط ولو بعد خمس سنوات من الآن ..
السؤال هو هل ستقبل الأحزاب (غير المسلحة) بهذا البديل؟ علماً بأن جميع الحركات المذكورة أعلاه هي حركات قومية - تضم أغلبية السودانيين - ومسلحة تسليح جيد ومسنودة عالمياً؟
أم ستطفو (عنصرية الأعراب) رغم ضعفهم وقلة حيلتهم؟
| |
|
|
|
|
|
|
|
|
|
Re: قول الحكومة دي سقطت (Re: سيف الدين بابكر)
|
الحركة الشعبية لتحرير السودان (شمال مدعومة بجنوب) وحركة تحرير السودان والحركات المسلحة (التي سالمت الحكومة الآن) وبقية المسلحين من الأحزاب الأخرى . جميعهم هم البديل بعد أن تسقط هذه الحكومة والتي هي حتماً حتماً ستسقط ولو بعد خمس سنوات من الآن ..
السؤال هو هل ستقبل الأحزاب (غير المسلحة) بهذا البديل؟ علماً بأن جميع الحركات المذكورة أعلاه هي حركات قومية - تضم أغلبية السودانيين - ومسلحة تسليح جيد ومسنودة عالمياً؟
أم ستطفو (عنصرية الأعراب) رغم ضعفهم وقلة حيلتهم؟
اعلاه ما كتبه سيف الدين بابكر
عذرا للرد الراتب
فلنأخذ مأخذين علي سلطة الانقاذ . وهي من المثالب التي يأخذها الناس عليها . هذا في ملاحظتي للكتابات التي تنتقدها بشكل موضوعي او هتافي .. فهي تتفق عليها عموما
1/ بث القبلية والتلاعب علي التوازن القبلي
2/ عسكرة المجتمع .. واعلاء شأن المعارضة المسلحة ومفاوضتها وترضيتها دون غيره من المعارضة السلمية .. الصرف البذخي علي الامن
حديث الاخ سيف اعلاه تبشيرا باستمرار الوضع وبصورة غير مواربة عجز النظام الحالي عن التصريح بها
ما تطرحه اخي سيف تنفيرا من التغير اكثر من انه تبشيرا بوضع افضل بزواله
الدولة اي دولة لا تديرها المليشيات المسلحة . فبناء الدولة يحتاج للتخطيط المركزي وعقول مخططة ومهنية لا رجال يعرف فقط كيف يحاربون . حتي الحروب لم تعد تلك القيم الكلاسيكية عن القوة والشجاعة مقياسا فيها .. تطورت ولم تعد مواجة رجل لرجل في الميدان . ويمكن ادارتها بشكل لا يتطلب جسارة او مواجهة .. رمي قنبلة ذرية واحدة لا يحتاج لاكثر من طائرة او صاروح يبعد عنك مئات او الاف الكيلومترات ..
اضف لذلك ذات القوات التي تتحدث عنها جربت الحكم ! جلست علي آلاف الكيلومترات من المواطن الذي تدعي الدفاع عنه . في الفنادق الفخيمة واخذوا لقطات التصوير بالملابس الاوربية الفخيمة وهم يصافحون من يقاتلهم جنودهم الغبش في الميدان . اتفقوا ومضوا العقود ثم نكصوا ثم عادوا ثم نكصوا .. والامر واضح اتفاق واختلاف لكل متابع وانقسام وظفر ببعض كيكة الحكم والتهامها ثم كيكة جديدة او حرب جديدة
عن العنصرية فخطابك واضح كيف لنا ان نرضي بمن يوعدنا ان نكون مواطنين درجة ويحمل لنا كل هذا البغض والكراهية
خطابك هذا يدعم خط الانقاذ بالتخويف من ازالتها بالبديل الذي تطرحه
هذه الحرب لا يكتوي بها رجالات السلطة ولا امراء الحركات المسلحة ولا الداعمين لها خارج الوطن
نكتوي بها نحن داخل الوطن في جميع اجزائه
مواطني اب كرشولا حين هاجمهم من يدعون الدفاع عنهم هربوا لام روابة وتندلتي و كوستي .. لم يهربوا نحو الابيض .. لم يذهبوا غربا !!
الوطن في السودان يعني كل الوطن للسودانين
والتقسيم الجغرافي له لا يوجد الا في مخيلة من هم خارجه
| |
|
|
|
|
|
|
|
|
|
Re: قول الحكومة دي سقطت (Re: عبدالحفيظ ابوسن)
|
مرحب خالد المبارك
صدقت وقول دي واحدة من مساوئ الحكم .. والمحسوبية بتعمل عملين مزدوجين والاثنين سيئات .. بتملك السلطة لمن لا يستحقها وتمنع منها الاكفاء والنتيجة غير الظلم دمار وتخريب للوطن
والسبب دة ما رئيسي شديد في تقديري .. يعني المواطن بقا يقول
هو حرامي بياكل لكن بشتغل !!
اعتقد ان السوداني يسعي لتغير السلطة لاسباب غير تلك
حين يعجز عن توفير متطلبات حياته بشكل يكفل له الكرامة وعزة النفس
حين تكون السلطة ماسكة في جيبو طول الوقت تنزع منه قوت عياله
حين لا يحس بالامان في وجودها
حين تصبح السلطة اكثر ما يخافه
يستقيظ علي امل ان تكون كابوس فيصحو ولا يجدها
| |
|
|
|
|
|
|
|
|
|
Re: قول الحكومة دي سقطت (Re: عبدالحفيظ ابوسن)
|
في الوضع الحالي ده سقوطها كارثة
لا بديل .. الا .. سلام شامل
سقوط حكومه في بلد سلاحه مدور في القبل الأربعة وعدد مجموعاته المسلحه قارب عدد سكانه !!!
ما دايرة اى سؤال دى
.............
وللأسف لايبدو انه في سلام شامل على المدي القريب
| |
|
|
|
|
|
|
|
|
|
Re: قول الحكومة دي سقطت (Re: عبدالحفيظ ابوسن)
|
والله يا عمر عثمان
الحاصل دة ولا في اسوا كوابيسنا ما متوقعنو
غايتو ما بعرف الباقين امكن يكونو لاقوهو .. لكن انا برغم قراءتي للتاريخ العالمي القديم .. والروايات الخيالية حتي رواية جورج اوريل الموسومة بأسم عام
1984
واجتياح التتر
لم اقرا عن فظاعة ما يحدث الان
لو داير تتأكد خذ كل مساوئ الانظمة التاريخية بتلقي ليها نموذج اسوأ هنا فكأنها تتويج لفساد الانظمة عبر التاريخ
| |
|
|
|
|
|
|
|
|
|
Re: قول الحكومة دي سقطت (Re: عبدالحفيظ ابوسن)
|
نعم يا السنجك حركة التاريخ دي صاعدة بشكل لولبي صارم .. ستسقط كل الانظمة التي لا تشبه واقع العصر .. العصر الذي يزداد كل يوم تقدم علي جميع الاصعدة .. فقط نحاول تسريع التغير ولكن بوعي
ان نع ذلك . نعي ان التغير قادم ونستعد له .. ان نعرف المحاذير ان نتجنب الوصاية والمطبات
ولا يتم ذلك الا من خلال ما قالته اميرة السيد عاليه
اميرة السيد
تحدثت حديثا مسؤولا. كيف للمثقفين ان يناقشوا قضايا الناس واهتماماتهم
صديقي العزيز ود كوستي والمهاجر في امريكا
قال لي
بغتاظ لامن زول يقول كيف ننزل لاهتمامات المواطن العادي .. السؤال مركب غلط .. كيف لنا ان نرتفع لهم ان نترك التعالي
| |
|
|
|
|
|
|
| |
عبدالحفيظ ابوسن
Hani Arabi Mohamed
محمد البشرى الخضر
Shaker Hamid
ناصر حسين محمد
موسى العجب
محمد نور عودو
حسن ابراهيم كاروري
talha alsayed
Salah Zubeir
حامد عبدالله
فتحي عباس نقد
خالد المبارك
محمد أبوالعزائم أبوالريش
اسماعيل عبد الله محمد
السنجك عثمان
سيف الدين بابكر
وضاح عبدالرحمن جابر
فيس بوك
تويتر
انستقرام
يوتيوب
بنتيريست