|
Re: في نظري الأغنيتين ديل بيشبهن بعض شديد! (Re: أيمن محمود)
|
الثيمة واحدة، الشجن | التشابه في القافية إذا ظهر ليك اللحن متشابه فدا للاستايل بتاع طلاب كلية الموسيقى.
ما بيدوا انطباع بالاحترافية أبداً بسبب الاهتزاز المتزامن مع إيقاع الغناء.
أغنية موصلي صعبة على البت، على الرغم من تعديل الحروف لتيسير الأداء فمثلاً بدل "قالوهو" صارت "قالو" لتجنب الهاء ونفس الإجراء في كل الأبيات بإبدال نهايات المفردات بالواو بدل الهاء، حروف الهاء والحا تفرغ الجوف من الهواء وتصعب بذلك المد في مواضع المد، ربما لهذا السبب أدت الأغنية بإيقاع أسرع قليلاً من أداء صاحبها، لكن بنفس المفتاح. |
| |
|
|
|
|
|
|
Re: في نظري الأغنيتين ديل بيشبهن بعض شديد! (Re: حاتم إبراهيم)
|
حاتم عليك دينك ما تخمنا بالكلام الكبار كبار ده - انحنا ما متخصصين ولا بنعرف جنس كلامك ده!!
معليش انا زول ما بعرف الفرق بين (الثيمة - أظنك قاصد بيها "القلب" اللي جاية من theme) واللحن - اها يا اخونا الفرق شنو بين الثيمة واللحن؟؟!
Quote: التشابه في القافية |
يعني ما ملاحظ المفردات؟
Quote: إذا ظهر ليك اللحن متشابه فدا للاستايل بتاع طلاب كلية الموسيقى. |
دي قوية منك يا حاتم شباب الكورال حرفو اللحن الاصلي يعني؟! انا شايفو ياهو ذاتو بس النكهة شوية كده كورالية!
Quote: أغنية موصلي صعبة على البت |
صعبة شديد - البت امكانياتا الصوتية عادية جدا؟!
| |
|
|
|
|
|
|
Re: في نظري الأغنيتين ديل بيشبهن بعض شديد! (Re: أيمن محمود)
|
مافي كلام كبار هنا ما تبقى متواضع | الثيمة هي ببساطة موضوع كلمات الإغنية (lyrics)، والمواضيع ممكن تتعرف عليها مباشرة من المعنى العام، مثلاً أغنية الطير المهاجر الثيمة بتاعة كلماتها الحنين للوطن أو النوستالغيا.
دا يختلف عن الثيمة الخاصة بالموسيقى أو التعبير الموسيقي، داك من ناحية التأليف، داك موضوع مختلف، الاتنين اسمهم (theme) لكن بتاعة الموسيقى بسموها (subject) أحياناً.
الفرق بين الثيمة واللحن حسب قصدك، إذا قصدت من الثيمة الكلمات فالفرق واضح دا شعر وديك موسيقى، أما إذا قصدت بمصطلح ثيمة التعبير الموسيقى فالفرق بينهم هنا في إنو الثيمة قد تكون متعددة في اللحن الواحد، اعتبرها اللحن الأساسي في قطعة موسيقية كبيرة الممكن يتنوع أو يتكرر.
لاحظت المفردات، عشان كدة قلت ليك الثيمة واحدة، الشجن.
اللحن مختلف، بس في عاملين هنا: 1- المدرسة واحدة ولذلك طريقة العزف والأداء متشابه لجميع الأعمال، زي لما تسمع فرقة أجنبية تؤدي عمل سوداني باستايلها المتعودة عليهو. 2- كل الأعمال السودانية فيها لزمات مشتركة إضافة للجنرة (اللونية) بتاعة الغناء السوداني، طابع البلوز، والطريقة الواحدة في التسجيل بدون فنيات أو إضافات، لذلك أي تسجيل خارجي بيكون متميز.
والله صوتها عادي، في الواقع كلهن وكلهم أصوات عادية جداً، نتمنى ليهم التوفيق. ____ الواجعني أصلو ما حاولوا الأعمال العالمية. |
| |
|
|
|
|
|
|
|