|
Re: في زيارة خاطفة للسودان ..انطباعات بعين رأت (Re: ود الباوقة)
|
Quote: نبدا من المطار حيث لم تستغرق اجراءات الجوازات ووصول العفش سوى 7 دقائق |
الأخ ود الباوقة, فعلا على حسب تجربتي الإجراءات ساهلة في المطار, لكن ما هو السبب؟ هل هو تحسن في الأدء أم لقلة الركاب وصغر المطار؟ أنا كنت في زيارة إلي السودان في شهر مارس الماضي كمشاركين في مؤتمر خاص بالجودة وكان معي زميل يمني ولبناني, حقيقة أشادوا بتعامل الجوازات معهم في مطار الخرطوم وسهولة الإجراءات, بس العيب الكبير الذكروه هو صغر المطار والخدمات السيئة من حمامات وسخانة وخلافه. لكن التعامل ما كان فيهو مشكلة. اليمني كان على علم بأن اليمنيون يدخلون الي السودان بدون فيزا يعني فيزا On Arrival ومع ذلك شك في الموضوع ومشى طلع فيزا, لمن مشى المطار واحد من شرطة الجوازات قال ليهو الفيزة بتاعتك دي أخفيها وامشي للضابط قول ليهو انا يمني وده جوازي وداير أدخل المطار, بي فيزتك دي حيدفعوك قروش كتيرة وما في داعي للكلام ده. وفعلا مشى وأخد الفيزة بسهولة تقريبا مجانا. وأشادوا جدا بتعامل للسودانيين معهم منذ وصولهم إلي خروجهم لكن قالوا الصورة العامة بيديك إنطباع فساد منتشر في البلد.
| |
|
|
|
|
|
|
Re: في زيارة خاطفة للسودان ..انطباعات بعين رأت (Re: ود الباوقة)
|
ود الباوقة ... يعجبني اخلاصك في الدفاع عن رايك رغم مغالطات الواقع للحالة الوردية التي عكستها .... بس نظارتك كانت متفائلة للغاية هذه المرة ... ياخي سير العفش متوقف بمطار الخرطوم وارتال العفش مكدسة وتم شحنها على البركة لدرجة ان الطيران السعودي لم يتمكن من نقل كل عفش الركاب خلال رحلات امس واول امس. شب حريق في مخزن العفش والشكوك تشير الى حالات سرقة واسعة وتغطية الجريمة باشعال النيران . كل هذا حدث خلال الايام الثلاثة الماضية ... ما تشكر راكوبة الخريف ... مع الحكومة او ضدها ... حتى لا يتسع الرتق على الراتق!
| |
|
|
|
|
|
|
Re: في زيارة خاطفة للسودان ..انطباعات بعين رأت (Re: ود الباوقة)
|
باوقا يولوجي
أها ،،،، بدينا ؟!!!!
نحنا زامان شن قلنا ؟ ،،،، ومازال شكنا وسيظل في محلو
عزي يا خوي وأرجع بالسلامة ،،، وخلينا من حركات ( شكارتا دلاكتا ) دي
تقبل تعازينا في في فقدكم الجلل
كل المطلوب منك , شوية إحترام لعقولنا ،،، لأنو نحنا لو ما متنا ،، شقينا التُرب
وسامحنا على الصراحة
| |
|
|
|
|
|
|
Re: في زيارة خاطفة للسودان ..انطباعات بعين رأت (Re: ود الباوقة)
|
البركة فيكم يا ود الباوقة واحسن الله عزاءكم اللهم ارحم العم حسن عبد القادر فقد كان رجل دعوة وتوحيد يا ود الباوقة الامن من الخوف دا هو المصبرنا علي الانقاذ رغم حرصي علي التأكد من اغلاق المنزل بالمفاتيح في كثير من الاوقات ننام والمنزل مشرع الابواب والشبابيك لا نخشي اللصوص علي مغتنياتنا : : : : : : : مع التحيات لله الزاكيات
| |
|
|
|
|
|
|
|