|
Re: تراجي مصطفي تتحدث عن رحيل ( شيخ ) حسن الترا (Re: نصر الدين عثمان)
|
Quote: تحياتي ود قباني، تراجي وقع ليها الدرب الذي بحثت عنه طويلاً.. وعلى عكس الآخرين أرى بأنها أخيراً قد اتسقت مع نفسها تماماً..
|
نصر الدين يا صديقي ... و الله سمعت و شفت الفيديو ده اكتر من مره امس ... و الله العظيم ما تخيلت انه الانسان ممكن يبيع رقبته جملة و قطاعي بالطريقة دي ... يا رجل القاعدين معاها و هم غارقين في مستنقع الإنقاذ ده لامن اتضايروا و هي تزفر الدمعات بكاء على من لم يتحمل قلبه الحنون قسوتهم ...
| |
|
|
|
|
|
|
Re: تراجي مصطفي تتحدث عن رحيل ( شيخ ) حسن الترا (Re: Abureesh)
|
Quote: سلام يا يحيى الزول الفى الصورة التحت دى، في بداية الفلم كان عنده ضحكة خبيثة جداً، ولما فشل يدسها غطى وجهه بيده.. أغلب الظن انه من مناصرى الحكومة ويسخر من كلام تراجى.
|
و الله العظيم يابو الريش نفس الشعور الجاني ...قلت الزول ده بتضاير مالوا ؟ و صورتك الجبتها دي خير تعبير لي موقفه ...
| |
|
|
|
|
|
|
Re: تراجي مصطفي تتحدث عن رحيل ( شيخ ) حسن الترا (Re: د.محمد بابكر)
|
Quote: استاذنا قبانى مساك الله بالخير وانا استمع لتراجى تذكرت قول الشافعى في فضل السكــوت : وجدت سكوتي متجرا فلزمته ..... إذا لم أجد ربحا فلست بخاسر وما الصمت إلا في الرجال متاجر ..... وتاجره يعلو على كل تاجر فآثرت الصمت..كن وضيوفك بخير
|
سلام يا دكتور ... الصمت حكمة في هذه الحالة العجيبة ... لكن ما فهمت كيف الانسان ممكن يبدل جلده زي الثعبان كده !! الثعبان يملص جلده و يفوت و كانه ما كان جواهو
| |
|
|
|
|
|
|
Re: تراجي مصطفي تتحدث عن رحيل ( شيخ ) حسن الترا (Re: عمر دهب)
|
سلامات قباني بالجد أمر محيــر!! أفهم أن يتخذ السياسي موقف داعم للحوار.. وهذه خيارات ومواقف سياسية ولكن الذي لا أفهمه هو أن تعلن السيدة تراجي عن أن المؤتمر الوطني والشعبي (هما الحزبان الكبيران) وأن السودان في محنة برحيل الترابي !! من حق تراجي أن تتخذ من المواقف ما تشاء ولكن تغبيش الوعي وتسويق الحوار بالقوة " رغم هشاشة هذا الحوار المزعوم" أمر غير مقبول .. المحنة الحقيقة يا سيدة تراجي هو تخبط السياسين والناشطين في التعاطي مع الأزمة السياسية في السودان بدأ من دعم حوار (إسلامي/إسلامي) لجمع الشمل بين الإسلاميين .. واهم من ظن بأن هذا الحوار هو لحل الأزمة الوطنيه عشان كدا هذا الحوار لن يتم تسويقه للشعب السوداني ولقواه الحيه الي يوم الديــن وسينتهي مفعوله بوحدة الإسلاميــن ... وبعد وفاة الترابي المؤتمر الوطني ليس في حاجة لهذا الحوار سيعود أفراد الشعبي فرادا وجماعات الي الوطني وينتهي العزاء بإنتهاء مراسم دفن الترابي ودفن الحوار
| |
|
|
|
|
|
|
Re: تراجي مصطفي تتحدث عن رحيل ( شيخ ) حسن الترا (Re: عبدالعظيم عثمان)
|
Quote: سلامات قباني بالجد أمر محيــر!! أفهم أن يتخذ السياسي موقف داعم للحوار.. وهذه خيارات ومواقف سياسية ولكن الذي لا أفهمه هو أن تعلن السيدة تراجي عن أن المؤتمر الوطني والشعبي (هما الحزبان الكبيران) وأن السودان في محنة برحيل الترابي !!
|
امال انا محتار من امس في شنو يا عبد العظيم ...؟ اذا العمايل الكانت بتعملها تراجي ومان ما كان ليها علاقة لا بالبلد لا بالناس ... هي كانت مجرد تعقيدات في شخصيتها ليس الا ... اعتقد ان ما تفعله هناك يعطيها إحساس بالانتصار على أشياء كانت تنقصها ... الله يساعدها ...
| |
|
|
|
|
|
|
Re: تراجي مصطفي تتحدث عن رحيل ( شيخ ) حسن الترا (Re: محمد عبد الله الامين)
|
كدي خلينا من الورجغة الكتيره دي ، تراجي متين الترابي كان اكاديمي ؟ قادر على تسويق الحوار باربع لغات ؟ قادر الله ، هو الحوار ده شنو لبن بودرة ؟ اول مرة اعرف انو الشعب السوداني بتكلم الماني وفرنسي ، الزولة دي يمكن بتتكلم عن سويسرا ! اذا الموضوع موضوع لغات نحن محتاجين ناس تتكلم لغات الفور والنيمانج والزغاوة والانقسنا ..
| |
|
|
|
|
|
|
Re: تراجي مصطفي تتحدث عن رحيل ( شيخ ) حسن الترا (Re: Arif Nashed)
|
زمن غريب عجيب الاسلاميين وتجار الدين وب قيادة كبيرهم الترابي قلبو السودان والسودانيين راس علي عقب وفي كل مناحي الحياة وحقو ما نندهش لاي شي ونتوقع اي شي .. حتي علي المستوي الشخصي - لي انا - يا قباني بقت تحصل احداث غريبة وبتجينا اخبار تطير العقل من السودان .. الله يثبت العقل بس
| |
|
|
|
|
|
|
Re: تراجي مصطفي تتحدث عن رحيل ( شيخ ) حسن الترا (Re: Kostawi)
|
Quote: الترابي وعلي الرغم من نيله لشهادات دراسية عُليا ــ إلا أنه أكاديميا لم يشتغل بالتدريس ـ كثيرا ـ ومهنيا لم يشتغل كثيرا بالمحاماة ـــ ! ولكم أن تذكروا عدد السنوات الي قضاها الترابي بالتدريسوممارسة مهنة المحاماة ــ التُرابي تفرغ كشأن كثيرا من الساسة في السودان للسياسة ـ وإتخذها حرفة ومهنة ـــ ! ـ العلم الإكاديمي ـ تصقله المُمارسة ـ والإضافات والدوريات ـ والأستاذيةالأكاديمية ـ تقل قيمتها إن لم تُمارس في قاعات الدراسة والمحاضرات الأكاديمية ! ........... ..............
|
كمال عباس كيفك عندك خلفية الترابي استقال من الجامعه متين بالضبط؟ المعلومة الفي راسي بعد اكتوبر مباشرة يعني لم يكمل عاما في الجامعة ، ولم يتسنم عمادة كلية القانون قط .. بس مش متاكد تحياتي
| |
|
|
|
|
|
|
Re: تراجي مصطفي تتحدث عن رحيل ( شيخ ) حسن الترا (Re: Abdullah Idrees)
|
هم ناس الحوار لسة موجودين في الخرطوم ؟! تموا كم هسة ؟ قريت إنه نثريات الراس 150 دولار في اليوم وقريت إنه قريمان حذف أسئلة الناس السألوهو عن النثريات والفنادق أنا لو بدوني قروش قدر دي ويقعدوني في الفنادق ويشبكوني رحلات نهرية وبوفيه مفتوح علي الحلال موش أدمع .. أجعر واتنخج ذاتو
| |
|
|
|
|
|
|
قباني...... دي مشكلتك براااااااااك!!!!! تحياتي
| |
|
|
|
|
|
|
Re: تراجي مصطفي تتحدث عن رحيل ( شيخ ) حسن الترا (Re: عبدالعزيز الفاضلابى)
|
Quote: Adam Mohajer · University Of Khartoum دنيا دبنقا والزمن درفيس دنيا دبنقا دردقي بشيش حسبي الله ونعم الوكيل , اللهم اْجرنا في مصائبنا واخلف لنا خير منها تراجي منديل كلينيكس استخدم وقذف به في سلة المهملات |
و الله يا آدم قايم من نزلة عنيفة ... و قدرت اتخيل موضوع الكلينكس ده ... لانو مشيت في زي 15 علبه كده ... وصف مزعج ... لكن السوته اكتر ...
| |
|
|
|
|
|
|
Re: تراجي مصطفي تتحدث عن رحيل ( شيخ ) حسن الترا (Re: يحي قباني)
|
Quote: ومن ذا الذى يُخَيِّرِ الله؟ تقول: الله مُختار |
مخير الله هي الترجمة السودانية للحديث قلوب العباد بين اصبعين من اصابع الرحمن يقلبها كيف شاء .. يعني أن الله يختار ما يشاء لعبادهوتقال أيضاً بصيغة أخرى (دة الله ودي ارداته) وعبارة مخير الله ترادفها أيضاً عبارة قادر الله وهذا يدل على إيمان أهلنا العميق المتجذر بالقضاء والقدر ونسب كل أفعالنا وحوادثنا لإرادة المولى عز وجل
| |
|
|
|
|
|
|
Re: تراجي مصطفي تتحدث عن رحيل ( شيخ ) حسن الترا (Re: يحي قباني)
|
تراجي ما خلت لينا حاجة نقولها والله .. جابت من جوه خالص خالص .. هسه الشكر الكتير ده كلووو فوق الترابي .. قادر الله .. رحم الله الترابي .. فما فعله في الوطن محتاج لي كل شعب السودان ان يبحث له عن محاسن .. أو شيء مفيد قدمه لهذا الوطن وعله يجد شيء يعزي به نفسه .. الرجل كان فاشل وعلى جميع الأصعدة .. تراجي ملت خشمها بالفارغة وقالت في الترابي ما ليس فيه .. الترابي سبب مآسي هذا الوطن بفكره المختل وعقيدته الفاسدة .. وشطحاته وفتاويه التي ينقلها عن من هم على شاكلته .. من منبوذي الفكر الاسلامي وشواذه .. وينسبها لنفسه .. لم يمكث الترابي في جامعة الخرطوم سوى بضعة أشهر .. أكاديمي شنو كمان .. !!! .... شكلها دايره تحلل قريشات الكيزان .. وزير الاعلام المتوركـ احتار لامن حك راسه من الحيره .. تلقاه قال دي شنو دي كمان الجاية تقاسمنا في الفتات دي .. نسأل الله له ولتراجي الرحمه المغفرة ..
| |
|
|
|
|
|
|
Re: تراجي مصطفي تتحدث عن رحيل ( شيخ ) حسن الترا (Re: جمال ود القوز)
|
Quote: مكتبه يا بهاء مكتبة كااااملة!!!!!!!!!!
|
كل الهرطي الفاضي داكـ مشى القمامة .. مأخذي على تراجي ليس مشاركتها في الحوار .. لكن هذا التزلف والتملق والانتهازية لايليق بها .. وبكل المواقف التي تبنتها زوراً وبهتاناً .. تراجي لعبت بعقول الناس على احسن الفروض .. هسه عليكم الله بي كلامها الفوق ده .. خلت لي وزير الاعلام المتورك ده شنو .. والله عدمته نفاخ النار ...... ده سقوط مابعده سقوط .. تراجي حرقت نفسها براها وكل زول حر في نفسه .. أو هكذا يخيل للبعض .. شي عجيب والله ...
| |
|
|
|
|
|
|
Re: تراجي مصطفي تتحدث عن رحيل ( شيخ ) حسن الترا (Re: Munir)
|
Quote: تراجي وقع ليها الدرب الذي بحثت عنه طويلاً.. وعلى عكس الآخرين أرى بأنها أخيراً قد اتسقت مع نفسها تماماً.. |
أصدق تحليل . يا قباني إن شاء تجي تعضيك بالنواجذ فوق رويسك دا، ؤُ ترجع الخرتوم، أصلوا حكاية هاملتون الخرتوم دي بقت عندها زي من علآيل ابروف للمزالق . بعدينك ما تنسى نحن كشعب سوداني . ياخي ما تنكُت لينا دُرّة ثمينة من حقيبة الفن بدل الطُراش دا . < ديشااااااااااااااااااااااك، الكترآآآآآآآآآآآآآآآآآآآآآآآآآآآآبة ...
| |
|
|
|
|
|
|
Re: تراجي مصطفي تتحدث عن رحيل ( شيخ ) حسن الترا (Re: سيف الدين بابكر)
|
يا سيف يا اخوي الله يرضى علينا وعليكـ .. ماتخم من طرف وتجي تكب لينا هنا .. نحن شبعانين من هذا الكلام الغث .. وهذا الغثاء الذي حاصرنا من كل حدب وصوب .. هل الترابي مات كافر ؟ .. هل الترابي مات مرتد ؟ .. هل كان الرجل على غير ملة الإسلام !! .. إنت ومن يردد هذا الكلام الفاضي .. ناس ماعندكم ضمير ولا ذمة ... الترابي مات مسلم على ملة الاسلام .. وكل اخطاءه ومساوية ومخازية .. دي حاجة تانية خالص خالص .. ماليها أي دعوة بالكلام الفارغ .. القاعد يردد فيهو الزول الدحش ده .. بل يجب الترحم عليه .. وسنترحم عليه .. لأنه ببساطة زول مسلم ومات على ملة الإسلام .. دي الحقيقة المجردة والجلية .. باقي الكلام الفاضي البيقول فيهو الزول الزلنطحي ده .. أخير عدمو .. اللذيذة بيضرب المثل بي فرعون وأبو طالب .. بالله شوف جنس الكلام الفاضي ده .. ياسيف يكفيكـ سوءاً العملتو في المنبر ده .. فماتخم من طرف ساي .. إنتو البلد دي طلقيبة ساي زول بيقول في كلام فاضي زي ده .. ومركب مكرفوناته ولامي الناس .. زول أو سلطة بتعترضه مافي .. ولا ده رأي حكومة السجم كمان .. دايره تمسك مفاتيح الجنة والنار والآخره .. وتتألى على الله .. وتقسم الناس على مزاجها ده جنة وداك لجهنم .. سبحان الله من حال دي بلد ..
| |
|
|
|
|
|
|
Re: تراجي مصطفي تتحدث عن رحيل ( شيخ ) حسن الترا (Re: سيف الدين بابكر)
|
تحياتي أخ عبد الله إدريس ــ Abdullah Idrees ..... Quote: كمال عباس كيفك عندك خلفية الترابي استقال من الجامعه متين بالضبط؟ المعلومة الفي راسي بعد اكتوبر مباشرة يعني لم يكمل عاما في الجامعة ، ولم يتسنم عمادة كلية القانون قط .. بس مش متاكد |
لا أملك بالضبط ـ تاريخ تركه للتدريس بجامعة الخرطوم ـ ولكن المؤشرات تقول إنه عمل بالتدريس لفترة وجيزة ـ .
| |
|
|
|
|
|
|
Re: تراجي مصطفي تتحدث عن رحيل ( شيخ ) حسن الترا (Re: سيف الدين بابكر)
|
يحي هباني سلام لا لا لا لا لا ياحبيب مالك جبته لينا الحوامض دي والله دي ام النفاق والدجل والكذب والفبركه والتسلق والانحطاط تـــــــــراجـــــــــــــــــي اسبته لنا في هذا الحوش كثير من الانبطاحيون والانبطاحيات هسع ترجوج بت مصطفي قالت الشيخ حسن شهيد الخوار وهو اصلو في خوار ومخرجاتو في ايدي المتأسلمين وغربان المنافي؟؟؟ المهلوسة دي ورجرجتها وناس نافخ البوق شايفو فرحان وبستات الزيارات؟؟ طبعا الهديه مصحف وسبحه الفيه هههههههههه للشيخه ترجرح نافخة الكير؟؟؟ نشوف ترجرج وبني كوز والارزقيه والمتسلقين بيقول شنو وهذا ردي علي ال.....ظ تخريمه ياهباني الترابي في ذمة ربه و ليس في الموت شماته , و ان كانت قيمنا السودانية تقول اذكروا محاسن موتاكم ، الا انه سبب كل البلاوي و المصائب التي حلت بالبلاد و العباد في السودان فهو حقا متحالفا مع السفاح البشير أغتال وطنه و شعبه تسبب في كل روح أزهقت ... في كل قطرة دم سالت ... في كل مفصول للصالح العام ...له في فتن دارفور ...في بيوت الأشباح و الوطن المستباح ... له في المعتقلين و المسجونين و المشردين في المنافي و الغربة القسرية ... له في دموع اليتامى و أحزان الأرامل ... له في فساد الانقاذ و بسط سلطانها بالباطل ... له في كل محن الوطن ... و ما أكثرها !!! ها هو يمضي بدون محاسبة ... يمضى إلى العدل الذي لا يظلم عنده أحد ... إن شاء عذبه و إن شاء غفر له ... لكننا لن ننسى و لن نغفر !!! موت الترابي.. ان كنا نعلم.. هو درس لاتباعة . و تلك رسالة لتلميذه السفاح للبشير ورهطه و لن ينفعك ما نهبته من مال و لن تذهب به الي القبر ولا بنون ورغم عجزك عن الانجاب يومها كل نفس بما كسبت رهينة.. ..فهلا وعيتم واذكر نفسي وعينا الدرس؟ واهلنا زمان قالوا..السعيد من يشوف في اخيه.. نسأل الله لنا و لكم ا حسن الخاتمة..
| |
|
|
|
|
|
|
Re: تراجي مصطفي تتحدث عن رحيل ( شيخ ) حسن الترا (Re: يحي قباني)
|
15 سنة دوماً كنت افكر انو انا نفسي اقابل الترابي ...يا تراجي ... زي ما قال كبر ... خليتيها واسعة شديد ... و كان شيخ حسن يتحدث عن الحريات ... _______________________________ و الله ما كنت ناوي ارجع للبوست ده تاني ... لكن ما قدرت اقاوم ما اشرككم معاي في اللقاء ده ...
| |
|
|
|
|
|
|
Re: تراجي مصطفي تتحدث عن رحيل ( شيخ ) حسن الترا (Re: يحي قباني)
|
قباني يا عزيز من أكتر الحاجات ال عاجبانا فيك ذوقك الرفيع و حسك المرهف و أضانك التي تنتقي أجمل ما يقال لترهف السمع اليه. الحصل عليك شنو شكلك محتاج لي فلتر لي الاضنين بعبارة أخري نحن بننتظر الحاجات البديعة ال بترسلها تقوم تعمل كده أقدر اندهاشك .... أرجو ان تستعيد توازنك قريب لك كل الود ..............
| |
|
|
|
|
|
|
Re: تراجي مصطفي تتحدث عن رحيل ( شيخ ) حسن الترا (Re: Hamid Elsawi)
|
Quote: قباني يا عزيز من أكتر الحاجات ال عاجبانا فيك ذوقك الرفيع و حسك المرهف و أضانك التي تنتقي أجمل ما يقال لترهف السمع اليه. الحصل عليك شنو شكلك محتاج لي فلتر لي الاضنين بعبارة أخري نحن بننتظر الحاجات البديعة ال بترسلها تقوم تعمل كده أقدر اندهاشك .... أرجو ان تستعيد توازنك قريب لك كل الود
|
حامد الصاوي يا صديقي العزيز ... كما قال صديقي الجميل الأستاذ هاشم صديق حينما انتقده الناس في قصيدة ما ... اجيب ليكم الجمال من وين اذا كان البتشوفوا عيوننا و تسمعه اضانا يومياً ياهو جنس ده ... يا صاوي ... الدهشة حقيقة في تراجي كانت من عشم ليس الا ... لكن يبدوا انو الدنيا كما تصورها يوماً الكاتب المصري الساخر احمد رجب عبارة عن صور مقلوبة ...
| |
|
|
|
|
|
|
Re: تراجي مصطفي تتحدث عن رحيل ( شيخ ) حسن الترا (Re: يحي قباني)
|
صديقى قبانى سلامات Quote: " تراجي وقع ليها الدرب الذي بحثت عنه طويلاً.. وعلى عكس الآخرين أرى بأنها أخيراً قد اتسقت مع نفسها تماماً.." اتفق تماما مع ماقاله الصديق نصرالدين. وياصديق خلى الخيط ده يغطس. واتحفنا بالجديد فى جبهةالثقافة والفكر مع ودى وتقديرى
| |
|
|
|
|
|
|