|
|
|
 Re: فى استقبال مولانا السيد محمد عثمان الميرغ (Re: عمار محمد ادم)
|
حبيبنا عمار .. مودتي ..
شكراً الحبيب عمار على هذه القصيدة التي أرجعتنا إلى زمن الشعر التقليدي
المفعم بكل معاني القيم والفضيلة من حيث الشخوص والرموز .. حتى الوزن والقوافي ..
رغم أنك في الصورة تظهر شباب ولكن أراك متعمق أكثر مننا نحن الشيوخ
نظم تقليدي رائع ..
كما أنني توقفت عند هذا الشطر من القصيدة (( جدك يا الشريف وابونا نحنا قرافى ))
عائلة قرافي مأصلة لدينا في منطقة كرمة النزل على بعد 30 كلم من دنقلا ..
وهناك جزيرة صغيرة بالقرب من جزيرتنا (أرتقاشا ) تسمى ( قرافي نارتي ) بالعربية ( جزيرة قرافي ) على بعد حوالي 25 كلم من دنقلا
يعني هناك ( في ضواحي ) الدنيا .. كده يكون أهلنا ( قرافي ) من منطقة الشايقية أعز الناس ولكن طبعاً حالياً أختلط النسب
ومازال يطلق عليهم ( فلان قرافي ) ..
شكراً حبيبناعمار .. لك التحية ..
| |
 
|
|
|
|
|
|
|
|
Re: فى استقبال مولانا السيد محمد عثمان الميرغ (Re: عثمان حسن المتعارض)
|
حبيبنا عثمان .. مع التحية ..
مداخلتك فتحت لي الطريق .. رغم أني عملت
في مدرسة نوري الغويبة الثانوية العامة عام 1976م وعشت
جمال تلك المنطقة وكنت أشوف جنائن السيد علي ولكن حلة قرافي
ما صادفتها ..
لكن بصراحة أهلي الشايقية ديل ناس مبدعين حتى الثمالة خاصة ناس نوري (حميد)
الله .. الله على الزمن الجميل .. شوف نحن من بيئة الشمال .. إلى ( وادي غير ذي زرع ) .. الغربة ..
هكذا الحياة تأخذ دورتها ..
معليش يا عمار .. إحتلال للبوست .. لأنك شعرك أدخلنا في هذا المسار ..
| |
|
|
|
|
|
|
|
|
|
Re: فى استقبال مولانا السيد محمد عثمان الميرغ (Re: عمار محمد ادم)
|
وجهلى السؤال حضرت ليك ردى
شاعر وفى القرير ود التويم جدى
هلا بالشريف ومبسوطة ليك يدى
والليلى الحديث فى السيد المهدى
***
يا سيدنا الشريف اصبحت كيف وأمسيت
مرحب بالشريف الليلة جيدا جيت
من فرط الفرح نزلن دموعى بكيت
ساير فى الطريق وقبال مشيى حبيت
****
ترجع لى البلد ويبقى الرجوع مبروك
ختميةورجال وبى صدق كيف حبوك
والناس الكرام صادقين حفايا يجوك
مجدك والشرف ونبيناناتو أبوك
****
يا السيد سلام بيك البلد مبسوطة
العقد العديل مستحكمة و مربوطة
حلاها الشريف وكل الامور مظبوطة
انصتوا للشريف بس أهدو خلو الجوطة
*****
الغرب الاصيل دارفور برز فرسانها
النار ولعت وين شيخها وين حيرانه
اتقابه وصلاح ضوه البلد قرانها
زغردوا يا البنات فوق السماء الجبخانه
***
يا الختمية هوى انتو البلد راجياكم
حان وكت الشريف ومين البعزو بلاكم
محفوظين يمين وكيف ربنا اتولاكم
جايين ننكرب ماتقولوا انتو براكم
****
محفوظ بالعناية من قم صغير تبيت
يا ود الاصول البى التقى اتربيت
الزول الصبور قدامى زايع الصيت
اجداك كرام ما انتو ال البيت
****
يا الوطن السلام واهل الخيول الحرة
يا اهل الصلاح ناس الوجوه الغرة
انقذتوا البلد لابد تعودوا الكرة
مبروك لى البلد الخيرها جوه وبره
****
يا السيد سلام جاتك وفودهم وافده
انبثق الفجر والضلمه صبحت لابده
ياسيدنا الشريف ناسك مجاهدة وعابده
بى جيتك يمين نار الفتن تب هامده
****
حبنا للشريف وابونا نحنا قرافى
ينبجس الشعر وتتجلى منى قوافى
والشوق مابرد رغم انو يظهر خافى
ويا سينا الشريف والله متلك مافى
****
ابشروا با الرجال دقوا الطبول والنوبه
بشربو الحلاوى الجدو ود حبوبها
احبابك يجوك والدنيا تب مقلوبه
ماالسيد وصل وليه الفلول مرعوبه
****
ود ادم خليفة مانحنا يانا كدى
شايقية وكرام فى العزة ما بندى
السيد وصل ياخيلنا هب شدى
وفى الاخر سلام وابعث عظيم ودى
عمار محمد ادم
| |
|
|
|
|
|
|
|
|
Re: فى استقبال مولانا السيد محمد عثمان الميرغ (Re: عثمان حسن المتعارض)
|
سؤال بريء والله
بالصدفة عثرت علي مداخل ليك أخي عمار .. كلماتك فيها كانت كالآتي:
اعتبر ما حصل اى حاحة اعتقد كدة كويس معاكم يلا تعالوا نخستك انا ما فارقة معاى
عشان بكرى يدى الاشتراك لكل من هب ودب اللكلام الفارغ راقد عندنا
والليلة الصعلقة نوصلها الحد والحشاش يملا شبكتو. .. بتاريخ 28 يونيو 2009
السؤال : هل أنت نفس الشخص الكاتب للمداخلة أعلاه ؟؟؟
| |
|
|
|
|
|
|
|
|
|
Re: فى استقبال مولانا السيد محمد عثمان الميرغ (Re: عثمان حسن المتعارض)
|
الحبيب عثمان .. والتحية لشاعرنا عمار ..
الشمال ده جميل وهادي وآمن .. وعمار من نفس البيئة ..
الحكاية تبدأ من حميد ( نورة ) في نوري ومع النيل حتى صاي خليل فرح ( عزة )
وتاني نبدأ بإسماعيل حسن ( البرصا ) .. وكمان وردي في (جزيرة صاي )
شوفوا يا شباب ما بين ( نوري ) و ( صاي ) كمية الجمال والفن والطرب والمبعدين ..
وعمار من نفس البيئة ... الكلمة السلسة والمعبرة عند مبدعين الشمال
==============================
شكراً عثمان على إشارتك لإسم شكسبير النوبة جلال مراوارتي ( صديقي العزيز )
الزول ده موسوعة وهومن جزيرة مراوارتي وبعدها إلى الشمال مباشرة قرافي نارتي ..
وهي الجزيرة التي ينتمي إليها الفنان الرئع الموصلي منطقة في غاية الجمال
بالمناسبة جلال قبل شهور زارنا في جدة واقام ليلة جميلة
=============================
شاعرنا عمار واصل في إنزال القصائد
شكرا لكم عمار وعثمان ..
عند نصوص ل جلال مراوارتي
| |
|
|
|
|
|
|
| |
عمار محمد ادم
عثمان حسن المتعارض
علي عبدالوهاب عثمان
فيس بوك
تويتر
انستقرام
يوتيوب
بنتيريست