|
|
|
 Re: عندما تعاني العاصمة من أساسيات الحياة (Re: الشامي الحبر عبدالوهاب)
|
Quote: الى ذلك، شكا عدد من سكان الخرطوم ان المياه لم تصل الى منازلهم منذ ايام.
وقالت سهام محمد التي تقيم في احد الاحياء الشعبية بالخرطوم بحري "منذ ستة ايام ليس لدينا ماء ومعاناتنا ازدادت مع رمضان".
واضافت "نشتري الماء من التانكر وسعر البرميل 65 جنيه سوداني (4,75 دولارات) والاسرة تحتاج الى اربعة براميل يوميا".
وفي احد شوارع الخرطوم بحري تجمع نسوة واطفال امام خزان مياه في انتظار الحصول على ما يحتاجون اليه من كميات. |
هل يعقل أن تكون هذه الصورة من قلب العاصمة....... كان في ماضي تعكس واقعاً في أصقاع نائية لا تصل اليها الخدمات
| |
 
|
|
|
|
|
|
|
|
Re: عندما تعاني العاصمة من أساسيات الحياة (Re: الشامي الحبر عبدالوهاب)
|
يا الشامي يا اخوي ما يحدث في الخرطوم ده لم نشاهده في اي مكان آخر.
نظام عاجز عن تقديم ابسط مقومات الحياة..أكل وشراب وموية كهربة...
(رأس نظام) يعِد برمضان خالي من قطوعات كهربة تخيل...أول يوم لا كهربة ولا موية...
ياخي موضوع الكهربة والموية ده الناس في عواصم ثانية حسموهو زمان وشافوا الحاجات المهمة...
بالطريقة دي الخرطوم حتشوف العجب العجاب في انعدام الخدمات لأنه مافي تطور ومافي استثمار في البنية التحتية....في فسااااااد...
رمضان كريم..
| |
|
|
|
|
|
|
|
|
|
Re: عندما تعاني العاصمة من أساسيات الحياة (Re: سيف اليزل سعد عمر)
|
سلااماااات استاذ الشامي ورمضان كريم تصوم وتفطر علي خير
والله البلد تعاني في هذه الايام المباركات بشح الوقود وانقطاع حاد في المياه ومصداقا لكلامك اول امس انا واحد اصدقائي لديه عربة كريس ذهبنا لاكثر من عشرين محطة وقود في الخرطوم لنجد جاز للعربة لم نجد في كل هذه المحطات وبعد جهد وبحث مضني استمر اكثر من ساعة وجدنا في احدي الطلمبات وهي تفرغ من التنكر انتظرنا نصف ساعة حتي تم التغريغ ومن ثم تزودنا بالوقود هذا هو الحاصل بالنسبة للوقود اما المياه خليها بالنية ساكت هذه الايام تفتح المواسير تطلع غبار والله صحي ماف نقطة موية انا ساكن امدرمان امبدة السبيل عندنا المياه قاطعة تمااااما حتي بمساعد المتور ماف ولا قطرة موية بتجي مارقة والان في لحظة كتابة هذه السطور الموية قاطعة نهائي والله علي ما اقول شهيد بنشتري جركانة الموية ال36 رطل بعشر جنيها واحيانا حتي بالقروش دي ما بتتلقي والله هذا هو الحاصل في بلد مقرن النيلين نسأل الله السلامة حكومة لا تستطيع توفير ابسط احتياجات الانسان ماذا تفعل وقاعدة تسوي في شنو ومنتظرين شنو ياااااخ القاعدين ليها تاني والله شكيناك لي الله يا البشير
| |
|
|
|
|
|
|
|
|
Re: عندما تعاني العاصمة من أساسيات الحياة (Re: مهند سوركتي)
|
| Quote: والان في لحظة كتابة هذه السطور الموية قاطعة نهائي والله علي ما اقول شهيد بنشتري جركانة الموية ال36 رطل بعشر جنيها واحيانا حتي بالقروش دي ما بتتلقي والله هذا هو الحاصل في بلد مقرن النيلين نسأل الله السلامة حكومة لا تستطيع توفير ابسط احتياجات الانسان ماذا تفعل وقاعدة تسوي في شنو ومنتظرين شنو ياااااخ القاعدين ليها تاني والله شكيناك لي الله يا البشير |
والشكية لى أبيداً قوية
دعوات المظلمين ليس بينها وبين الله حجاب
مثل هذه المسائل ينبغي أن تكون خط أحمر حتى لا تصل السلطه الى هذه الدرجة من اللا مبالاة في التعامل مع قضايا حيوية تمس المواطنين
تحياتي أخ سوركتي
| |
|
|
|
|
|
|
| |
الشامي الحبر عبدالوهاب
سيف اليزل سعد عمر
مهند سوركتي
فيس بوك
تويتر
انستقرام
يوتيوب
بنتيريست